Sports : ಪೀಲೆ..(Football superstar Pele) ಇದು ಜಾಗತಿಕ ಪುಟ್ಬಾಲ್ ಜಗತ್ತಿನ ಶ್ರೇಷ್ಠ ಹೆಸರು. ದಕ್ಷಿಣ ಅಮೇರಿಕಾದ ಬ್ರೆಜಿಲ್ ದೇಶದಲ್ಲಿ ಹುಟ್ಟಿದ ಈ ಆಟಗಾರ ಪುಟ್ಬಾಲ್ ಜಗತ್ತಿನ ಸಾರ್ವಕಾಲಿಕ ಶ್ರೇಷ್ಠ ಆಟಗಾರ ಎಂಬ ಹೆಗ್ಗಳಿಕೆಯನ್ನು ಇಂದಿಗೂ ಉಳಿಸಿಕೊಂಡ ಛಲಗಾರ.
1958ರ ವಿಶ್ವಕಪ್ ಫೈನಲ್ನಲ್ಲಿ (World Cup Final) ಹ್ಯಾಟ್ರಿಕ್ನೊಂದಿಗೆ 17ನೇ ವಯಸ್ಸಿನಲ್ಲಿ ಮೊದಲ ಅಂತರರಾಷ್ಟ್ರೀಯ ಪಂದ್ಯಕ್ಕೆ ಪ್ರವೇಶ ಮಾಡಿದ ಪೀಲೆ,
1970ರಲ್ಲಿ ಬ್ರೆಜಿಲ್ನ ವಿಶ್ವ ಆಧಿಪತ್ಯದ ಶ್ರೇಷ್ಠ ತಂಡವನ್ನು ಅವರು ಮುನ್ನಡೆಸಿದರು. ಪೀಲೆ ಬ್ರೆಜಿಲ್ನ ಸುವರ್ಣ (Football superstar Pele) ಪೀಳಿಗೆಯ ಸದಸ್ಯರಾಗಿದ್ದರು.
ಅವರ ತಂಡದ ಆಟಗಾರರಲ್ಲಿ ನಿಲ್ಟನ್ ಸ್ಯಾಂಟೋಸ್, ದೀದಿ, ಗ್ಯಾರಿಂಚಾ ಮತ್ತು ಜೈರ್ಜಿನ್ಹೋ ಸೇರಿದ್ದರು, ಅವರೆಲ್ಲರೂ ಆ ಕಾಲದ ಜಗತ್ತಿನ ಅತ್ಯುತ್ತಮ ಆಟಗಾರರಾಗಿದ್ದರು.
ಇತ್ತೀಚೆಗೆ ಅರ್ಜೆಂಟೀನಾದ ತಂಡದ ವಿಶ್ವಕಪ್ ವಿಜಯದ ನಂತರ, ಪೀಲೆ ತಮ್ಮ ತಂಡವು ಈ ಹಿಂದೆ ಟ್ರೋಫಿಯನ್ನು ಎತ್ತುವ ಫೋಟೋವನ್ನು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡು,
ಇದನ್ನೂ ಓದಿ : https://vijayatimes.com/rip-pele-football-player/
“ಇಂದು, ಫುಟ್ಬಾಲ್ ತನ್ನ ಕಥೆಯನ್ನು ಯಾವಾಗಲೂ, ರೋಮಾಂಚನಕಾರಿ ರೀತಿಯಲ್ಲಿ ಹೇಳುವುದನ್ನು ಮುಂದುವರೆಸಿದೆ. ನಮ್ಮ ಕ್ರೀಡೆಯ ಭವಿಷ್ಯದ ಈ ಚಮತ್ಕಾರವನ್ನು ವೀಕ್ಷಿಸಲು ಇದು ಎಂತಹ ಉಡುಗೊರೆಯಾಗಿದೆ.” ಎಂದು ಅವರು ಬರೆದುಕೊಂಡಿದ್ದರು. ಬ್ರೆಜಿಲಿಯನ್ ಆಟಗಾರರು ಕತಾರ್ನಲ್ಲಿ ನಡೆದ ಕ್ವಾರ್ಟರ್-ಫೈನಲ್(Quarter-final) ಪಂದ್ಯದ ವೇಳೆ,
1970ರ ವಿಶ್ವಕಪ್ ಗೆಲುವಿನ ಸಮಯದಲ್ಲಿ ಪೀಲೆ ಚಿತ್ರವಿರುವ ಬೃಹತ್ ಬ್ಯಾನರ್ ಅನ್ನು ಪಿಚ್ನಲ್ಲಿ ಬಿಚ್ಚಿಟ್ಟು, ನಮನ ಸಲ್ಲಿಸಿದ್ದರು. ಪೀಲೆ ಅವರು ತಮ್ಮ ವೃತ್ತಿಜೀವನದ ಬಹುಪಾಲು ಸಮಯವನ್ನು ರಾಷ್ಟ್ರೀಯ ಲೀಗ್ಗಿಂತ ಹೆಚ್ಚಾಗಿ ರಾಜ್ಯ ಚಾಂಪಿಯನ್ಶಿಪ್ನಲ್ಲಿ (State Championship) ಕಳೆದರು.
ಆದಾಗ್ಯೂ ಅವರು ಎರಡು ವಿಶ್ವಕಪ್ ವಿಜಯಗಳಲ್ಲಿ ಪ್ರಮುಖ ಪಾತ್ರವನ್ನು ವಹಿಸಿದರು. ಪೀಲೆ 1958, 1962, ಮತ್ತು 1970 ರಲ್ಲಿ ಮೂರು ವಿಶ್ವಕಪ್ಗಳನ್ನು ಗೆದ್ದರು,
ಆದರೂ 1962 ರಲ್ಲಿ ಅವರ ಭಾಗವಹಿಸುವಿಕೆಯ ಮೊದಲ ಪಂದ್ಯದಲ್ಲಿ ಗಾಯಗೊಂಡ ಕಾರಣ ಪಂದ್ಯಾವಳಿಯ ಉಳಿದ ಪಂದ್ಯಗಳನ್ನು ಕಳೆದುಕೊಳ್ಳಬೇಕಾಯಿತು.
ಇನ್ನು ಪೀಲೆ 77 ಗೋಲುಗಳೊಂದಿಗೆ ತಂಡದ ಸಾರ್ವಕಾಲಿಕ ಪ್ರಮುಖ ಸ್ಕೋರರ್ಗಳಲ್ಲಿ ಒಬ್ಬರಾಗಿ ಉಳಿದಿದ್ದಾರೆ. ಇತ್ತೀಚಿನ ವಿಶ್ವಕಪ್ನಲ್ಲಿ ಪೀಲೆ ಅವರ ದಾಖಲೆಯನ್ನು ನೇಮಾರ್ ಸರಿಗಟ್ಟಿದರು.
ಬ್ರೆಜಿಲ್ ಫುಟ್ಬಾಲ್ (Football) ದಂತಕಥೆ ಮತ್ತು ಮೂರು ಬಾರಿ ವಿಶ್ವಕಪ್ ವಿಜೇತ ತಂಡದ ನಾಯಕ ಪೀಲೆ ಅವರು 82 ನೇ ವಯಸ್ಸಿನಲ್ಲಿ ನಿಧನರಾಗಿದ್ದಾರೆ.
ಇದನ್ನೂ ಓದಿ : https://vijayatimes.com/auto-drivers-unstoppable-outrage/
ಅವರು ಫುಟ್ಬಾಲ್ನ ಮೊದಲ ಜಾಗತಿಕ ಸೂಪರ್ಸ್ಟಾರ್ ಎಂದು ಪರಿಗಣಿಸಲ್ಪಟ್ಟ ವಿಶ್ವದ ಶ್ರೇಷ್ಠ ಪುಟ್ಬಾಲ್ ಆಟಗಾರನಾಗಿದ್ದರು.
ಇನ್ನು ಸೆಪ್ಟೆಂಬರ್ 2021ರಲ್ಲಿ ಟ್ಯೂಮರ್ ಅನ್ನು ತೆಗೆದುಹಾಕಲು ಶಸ್ತ್ರಚಿಕಿತ್ಸೆಯ ನಂತರ ಪೀಲೆ ಅವರು ಕರುಳಿನ ಕ್ಯಾನ್ಸರ್ಗೆ (Cancer) ಚಿಕಿತ್ಸೆಗೆ ತುತ್ತಾದರು. ಅವರು ಕಳೆದ ನವೆಂಬರ್ನಿಂದ ಬಹು ಅಂಗಾಂಗ ವೈಪಲ್ಯದಿಂದ ಬಳಲುತ್ತಿದ್ದರು.
- ಮಹೇಶ್.ಪಿ.ಎಚ್