• ಪಶುಪಾಲನಾ ಇಲಾಖೆಯಿಂದ ಲೈಸೆನ್ಸ್ ಪಡೆದು (gba new strict rules ) ಮಾತ್ರ ಸಾಕಾಣಿಕೆ ಅನುಮತಿ
• ಸಾಕು ನಾಯಿಗಳ ನೋಂದಣಿ, ಲಸಿಕೆ ಪ್ರಮಾಣಪತ್ರ ಇಲ್ಲದಿದ್ದರೆ ಪ್ರಕರಣ ದಾಖಲು
• ಶ್ವಾನ ಪ್ರಿಯರ ಅಸಮಾಧಾನ ನಡುವೆ ಪಾಲಿಕೆಯ ಹೊಸ ಆದೇಶ

Bengaluru: ಬೆಂಗಳೂರು ನಗರದಲ್ಲಿ ದಿನದಿಂದ ದಿನಕ್ಕೆ ಬೀದಿ ನಾಯಿಗಳ ಹಾವಳಿ ಹೆಚ್ಚುತ್ತಿರುವ (gba new strict rules) ಹಿನ್ನೆಲೆ, ಸಾರ್ವಜನಿಕರ ಸುರಕ್ಷತೆ ಹಾಗೂ ಶಿಸ್ತಿನ ಪಾಲನೆಗಾಗಿ ಮಹಾನಗರ ಪಾಲಿಕೆ (ಜಿಬಿಎ) ಸಾಕು ನಾಯಿಗಳ ಮಾಲೀಕರಿಗೆ ಹೊಸ ನಿಯಮಗಳನ್ನು ಜಾರಿಗೊಳಿಸಿದೆ.

ಸುಪ್ರೀಂ ಕೋರ್ಟ್ ಸೂಚನೆಗಳು ಹಾಗೂ ಪ್ರಾಣಿ ಹಿಂಸೆ ತಡೆ ಕಾಯ್ದೆ–1960ರ ನಿಯಮಾವಳಿಗಳನ್ನು ಆಧಾರವನ್ನಾಗಿ ಮಾಡಿಕೊಂಡು ಈ ಕ್ರಮ ಕೈಗೊಳ್ಳಲಾಗಿದೆ.

ಇನ್ನುಮುಂದೆ ಮನೆಯಲ್ಲಿ ನಾಯಿ ಸಾಕುವವರು ಕಡ್ಡಾಯವಾಗಿ ಲೈಸೆನ್ಸ್ (License) ಪಡೆಯಬೇಕು ಹಾಗೂ ಪ್ರತಿವರ್ಷ ಅದನ್ನು ನವೀಕರಿಸಬೇಕು ಎಂದು ಅಧಿಕಾರಿಗಳು ಸ್ಪಷ್ಟಪಡಿಸಿದ್ದಾರೆ.

ನಿಯಮಗಳನ್ನು ಮೀರಿ ನಾಯಿ ಸಾಕಿದರೆ ದಂಡ ಅಥವಾ ಕಾನೂನು ಕ್ರಮ (gba new strict rules) ಎದುರಿಸಬೇಕಾಗುತ್ತದೆ ಎಂಬ ಎಚ್ಚರಿಕೆಯೂ ನೀಡಲಾಗಿದೆ.

ಪಾಲಿಕೆಯ ಸೂಚನೆಯ ಪ್ರಕಾರ, ಸಾಕು ನಾಯಿಗಳ ಮಾಲೀಕರು ಪಶುಪಾಲನಾ ಇಲಾಖೆಯಿಂದ ಮಾನ್ಯತೆ ಪಡೆದ ಲೈಸೆನ್ಸ್ ಪಡೆಯುವುದು ಅನಿವಾರ್ಯ.

ವಾರ್ಷಿಕ ಶುಲ್ಕ ಪಾವತಿಸಿ ಲೈಸೆನ್ಸ್ ನವೀಕರಿಸಿಕೊಳ್ಳಬೇಕು. ಇದಲ್ಲದೆ, ಪ್ರತಿಯೊಂದು ಸಾಕು ನಾಯಿಗೂ ಮೈಕ್ರೋಚಿಪ್ (Microchip) ಅಳವಡಿಕೆ ಮಾಡಿಸಬೇಕು.

ಈ ಮೈಕ್ರೋಚಿಪ್ ಮೂಲಕ ನಾಯಿ ಮತ್ತು ಅದರ ಮಾಲೀಕರ ವಿವರಗಳನ್ನು ದಾಖಲಿಸಲಾಗುತ್ತದೆ. ನಾಯಿ ಕಳೆದುಹೋದರೆ ಅಥವಾ ಯಾವುದೇ ಘಟನೆ ಸಂಭವಿಸಿದರೆ, ಅದರ ಗುರುತಿನ ವಿವರಗಳನ್ನು ಸುಲಭವಾಗಿ ಪತ್ತೆಹಚ್ಚಲು ಈ ವ್ಯವಸ್ಥೆ ಸಹಕಾರಿಯಾಗಲಿದೆ.

ನಗರದಲ್ಲಿ ಶ್ವಾನಗಳ ನಿಯಂತ್ರಣ ಮತ್ತು ಹೊಣೆಗಾರಿಕೆಯ ಮಾಲೀಕತ್ವವನ್ನು ಖಚಿತಪಡಿಸಿಕೊಳ್ಳುವುದು ಇದರ ಉದ್ದೇಶವಾಗಿದೆ.

ಹೊಸ ನಿಯಮಗಳಲ್ಲಿ ರೆಬೀಸ್ ಲಸಿಕೆ ಕಡ್ಡಾಯಗೊಳಿಸಲಾಗಿದೆ. ನೋಂದಾಯಿತ ಪಶುವೈದ್ಯರಿಂದ ಲಸಿಕೆ ನೀಡಿಸಿಕೊಂಡಿರುವುದರ ಪ್ರಮಾಣಪತ್ರವನ್ನು ಹೊಂದಿರಬೇಕು.

ಪ್ರತಿ ವರ್ಷ ಲಸಿಕೆ ನವೀಕರಣ ಮಾಡಿಸಬೇಕು. ಜೊತೆಗೆ, ಕ್ರೂರ ಸ್ವಭಾವದ ಅಥವಾ ಅಪಾಯಕಾರಿ ಜಾತಿಯ ನಾಯಿಗಳನ್ನು ಸಾಕುವುದಕ್ಕೆ ನಿರ್ಬಂಧ ಹೇರಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ. ಸಾರ್ವಜನಿಕ ಸ್ಥಳಗಳಲ್ಲಿ ನಾಯಿಗಳನ್ನು ತಿರುಗಾಡಿಸಲು ತೆಗೆದುಕೊಂಡು ಹೋಗುವಾಗ ಕಡ್ಡಾಯವಾಗಿ ಲೀಶ್ ಮತ್ತು ಮುಜಲ್ ಬಳಸಬೇಕು.

ಸಾರ್ವಜನಿಕರಿಗೆ ಅಸೌಕರ್ಯ ಉಂಟುಮಾಡುವ ರೀತಿಯಲ್ಲಿ ನಾಯಿ ನಡೆಸಿದರೆ ಮಾಲೀಕರೇ ಹೊಣೆಗಾರರಾಗುತ್ತಾರೆ

ಇನ್ನೊಂದೆಡೆ, ಈ ಕ್ರಮಗಳ ವಿರುದ್ಧ ಕೆಲ ಶ್ವಾನ ಪ್ರಿಯರು ಅಸಮಾಧಾನ ವ್ಯಕ್ತಪಡಿಸಿದ್ದಾರೆ. ಮನೆಯಲ್ಲಿ ಮಕ್ಕಳಂತೆ ನಾಯಿಗಳನ್ನು ಸಾಕುತ್ತಿರುವೆವು, ಅವು ಕುಟುಂಬದ ಸದಸ್ಯರಂತಿವೆ ಎಂದು ಹೇಳುತ್ತಿರುವ ಅವರು, ಒಂದು ಮನೆಗೆ 6-8 ನಾಯಿಗಳಿರುವ ಸಂದರ್ಭದಲ್ಲೂ ಹೊಸ ನಿಯಮಗಳು ಕಠಿಣವಾಗಿವೆ ಎಂದು ಆಕ್ಷೇಪಿಸಿದ್ದಾರೆ.

ಲೈಸೆನ್ಸ್ ಶುಲ್ಕ, ಮೈಕ್ರೋಚಿಪ್ ವೆಚ್ಚ ಹಾಗೂ ನಿಯಮಾವಳಿಗಳ ಅನುಷ್ಠಾನದಿಂದ ಸಾಮಾನ್ಯ ಕುಟುಂಬಗಳಿಗೆ ಭಾರವಾಗಬಹುದು ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಈ ಆದೇಶ ಹಿಂಪಡೆಯದಿದ್ದರೆ ನ್ಯಾಯಾಲಯದ ಮೊರೆ ಹೋಗುವುದಾಗಿ ಕೆಲವು ಸಂಘಟನೆಗಳು ಎಚ್ಚರಿಕೆ ನೀಡಿವೆ.

ಒಟ್ಟಿನಲ್ಲಿ, ಸಾರ್ವಜನಿಕ ಸುರಕ್ಷತೆ ಮತ್ತು ಪ್ರಾಣಿಗಳ ಕಲ್ಯಾಣ ಎರಡನ್ನೂ ಸಮತೋಲನದಲ್ಲಿರಿಸುವ ಉದ್ದೇಶದಿಂದ ಪಾಲಿಕೆ ಹೊಸ ಮಾರ್ಗಸೂಚಿಗಳನ್ನು ಜಾರಿಗೊಳಿಸಿದೆ.

ನಗರದಲ್ಲಿ ಶಿಸ್ತಿನ ಶ್ವಾನ ಸಾಕಾಣಿಕೆಗೆ ಉತ್ತೇಜನ ನೀಡುವ ಜೊತೆಗೆ, ಬೀದಿ ನಾಯಿಗಳ ಸಮಸ್ಯೆಯನ್ನು ನಿಯಂತ್ರಿಸುವತ್ತ ಇದು ಒಂದು ಮಹತ್ವದ ಹೆಜ್ಜೆ ಎಂದು ಅಧಿಕಾರಿಗಳು ಅಭಿಪ್ರಾಯಪಟ್ಟಿದ್ದಾರೆ. ಆದರೆ, ಈ ನಿಯಮಗಳ ಅನುಷ್ಠಾನ ಹೇಗೆ ನಡೆಯಲಿದೆ ಹಾಗೂ ಜನರ ಸಹಕಾರ ಎಷ್ಟಿರಲಿದೆ ಎಂಬುದು ಮುಂದಿನ ದಿನಗಳಲ್ಲಿ ಸ್ಪಷ್ಟವಾಗಲಿದೆ.