- ಇನ್ಮುಂದೆ 200 ರೂಪಾಯಿ ಇದ್ದರೆ ಸಾಕು ಥಿಯೇಟರ್ ಅಲ್ಲಿ ಸಿನಿಮಾ ನೋಡ್ಬೋದು
- ಈಗಾಗಲೇ ರಾಜ್ಯ ಸರ್ಕಾರದಿಂದ ಆದೇಶ ಪ್ರಕಟ, ಗೆಜೆಟ್ ನೋಟೀಫಿಕೇಷನ್ ಬಾಕಿ
- ಎಲ್ಲ ಮಲ್ಟಿಪ್ಲೆಕ್ಸ್, ಸಿಂಗಲ್ ಸ್ಕ್ರೀನ್, ಥಿಯೇಟರ್ ನಲ್ಲಿ ಕೇವಲ 200 ರೂ. ಟಿಕೆಟ್ ದರ ನಿಗದಿ
Bengaluru: ಕರ್ನಾಟಕದ ಸಿನಿಪ್ರಿಯರಿಗೆ ಶುಕ್ರವಾರದಂದು ರಾಜ್ಯ ಸರ್ಕಾರ(State Govt) ದೊಡ್ಡ ಗಿಫ್ಟ್ ನೀಡಿದೆ. ಇನ್ನು ಮುಂದೆ ಮಲ್ಟಿಪ್ಲೆಕ್ಸ್,
ಸಿಂಗಲ್ ಸ್ಕ್ರೀನ್ ಸೇರಿದಂತೆ ರಾಜ್ಯದ ಎಲ್ಲಾ ಚಿತ್ರಮಂದಿರಗಳಲ್ಲಿ(cinemas) ಸಿನಿಮಾ ಟಿಕೆಟ್ ದರವನ್ನು(Movie ticket price) ಗರಿಷ್ಠ ₹200ಕ್ಕೆ ಮಿತಿ ಇಡಲಾಗಿದೆ.
ಇದಕ್ಕಾಗಿ ಸರ್ಕಾರ ಈಗಾಗಲೇ ಆದೇಶ ಹೊರಡಿಸಿದ್ದು, ಅಂತಿಮ ಗ್ಯಾಜೆಟ್ ಅಧಿಸೂಚನೆ(Gadget notification) ಹೊರಬಿದ್ದ ಕೂಡಲೇ ಹೊಸ ನಿಯಮ ಜಾರಿಗೆ ಬರಲಿದೆ.
ಈ ನಿರ್ಧಾರದಿಂದ ಚಿತ್ರಮಂದಿರಗಳಿಗೆ ಹೋಗಿ ಸಿನಿಮಾವನ್ನು ನೋಡುವುದು ಸಾಮಾನ್ಯ ಜನತೆಗೆ ಇನ್ನಷ್ಟು ಸುಲಭವಾಗಲಿದೆ. ಈ ವರ್ಷದ ರಾಜ್ಯ ಬಜೆಟ್ ಮಂಡನೆಯ ವೇಳೆ
ಮುಖ್ಯಮಂತ್ರಿ ಸಿದ್ದರಾಮಯ್ಯ(CM Siddaramaiah) ಅವರು, “ಸಿನಿಮಾ ಟಿಕೆಟ್ ದರವನ್ನು ಗರಿಷ್ಠ ₹200ಕ್ಕೆ ನಿಗದಿಪಡಿಸಲಾಗುವುದು” ಎಂದು ಭರವಸೆ ನೀಡಿದ್ದರು.
ಆಗಿನಿಂದಲೇ ಸಿನಿಪ್ರಿಯರು ಈ ನಿರ್ಧಾರದ ಜಾರಿಯನ್ನು ಕಾತರದಿಂದ ಕಾಯುತ್ತಿದ್ದರು. ಈಗ ಆ ಘೋಷಣೆ ಅಧಿಕೃತವಾಗಿ ಜಾರಿಯಾಗಲಿದೆ.
ರಾಜಧಾನಿ ಬೆಂಗಳೂರು ಸೇರಿದಂತೆ ರಾಜ್ಯದ ವಿವಿಧ ನಗರಗಳಲ್ಲಿ ಹೊಸ ಸಿನಿಮಾಗಳು ಬಿಡುಗಡೆಯಾದಾಗ ಟಿಕೆಟ್ ದರವು 500 ರೂ.ರಿಂದ 1,000 ರೂ., ಕೆಲವೊಮ್ಮೆ 2,000 ರೂ.ವರೆಗೂ ಏರಿಕೆಯಾಗುತ್ತಿತ್ತು.
ದೊಡ್ಡ ಬಜೆಟ್ ಸಿನಿಮಾಗಳ ಅಭಿಮಾನಿ ಹುಚ್ಚು, ಫಸ್ಟ್-ಡೇ-ಫಸ್ಟ್-ಶೋ ಕ್ರೇಜ್ ಇತ್ಯಾದಿ ಕಾರಣಗಳಿಂದ ಚಿತ್ರಮಂದಿರಗಳು ಬೇಕಾಬಿಟ್ಟಿಯಾಗಿ ದರ ಏರಿಸುತ್ತಿದ್ದವು.
ಈ ಪರಿಸ್ಥಿತಿಯಿಂದ ಸಾಮಾನ್ಯ ಪ್ರೇಕ್ಷಕರು ಸಿನಿಮಾವನ್ನು ನೋಡುವುದು ಕಷ್ಟವಾಗುತ್ತಿತ್ತು.ಈ ದುರುಪಯೋಗವನ್ನು ತಡೆಯಲು ಸರ್ಕಾರವೇ ಹಸ್ತಕ್ಷೇಪಿಸಿ ₹200 ಗರಿಷ್ಠ ಮಿತಿಯನ್ನು ನಿಗದಿಪಡಿಸಿದೆ.
ಇದರ ಮೂಲಕ “ಸಿನಿಮಾ ಎಲ್ಲರಿಗೂ ಲಭ್ಯವಾಗಬೇಕು” ಎಂಬ ಧೋರಣೆಯನ್ನು ಸರ್ಕಾರ ಅನುಸರಿಸಿದೆ ಎಂದು ಹೇಳಬಹುದು.
ಇನ್ನು ಈ ನಿರ್ಧಾರ ಹಠಾತ್ ಆಗಿ ಬಂದದ್ದಲ್ಲ. ಸರ್ಕಾರ ಜುಲೈ ತಿಂಗಳಲ್ಲೇ ಪ್ರಾಥಮಿಕ ಅಧಿಸೂಚನೆ ಹೊರಡಿಸಿ, 15 ದಿನಗಳೊಳಗೆ ಸಾರ್ವಜನಿಕರಿಂದ ಮತ್ತು ಚಿತ್ರಮಂದಿರ ಮಾಲೀಕರಿಂದ ಆಕ್ಷೇಪಣೆಗಳನ್ನು ಆಹ್ವಾನಿಸಿತ್ತು.
ಆ ಅವಧಿಯಲ್ಲಿ ಹಲವು ಅಭಿಪ್ರಾಯಗಳು ಬಂದಿದ್ದು, ಅವುಗಳನ್ನು ಪರಿಶೀಲಿಸಿದ ನಂತರವೇ ಈಗ ಅಂತಿಮ ಆದೇಶ ಹೊರಡಿಸಲಾಗಿದೆ. ಇನ್ನು ಗ್ಯಾಜೆಟ್ ಪ್ರಕಟಣೆಯ ನಂತರ ನಿಯಮ ಕಡ್ಡಾಯವಾಗಲಿದೆ.
ಹೊಸ ನಿಯಮ ರಾಜ್ಯದ ಎಲ್ಲಾ ಚಿತ್ರಮಂದಿರಗಳಿಗೆ ಅನ್ವಯಿಸದಿರಬಹುದು. 75 ಸೀಟುಗಳು ಅಥವಾ ಅದಕ್ಕಿಂತ ಕಡಿಮೆ ಆಸನ ಸಾಮರ್ಥ್ಯ ಹೊಂದಿರುವ ಮಿನಿ ಥಿಯೇಟರ್ಗಳನ್ನು ಮಾತ್ರ ಈ ನಿಯಮದಿಂದ ಹೊರಗಿಡಲಾಗಿದೆ.
ಅಂದರೆ ಇಂತಹ ಸಣ್ಣ ಚಿತ್ರಮಂದಿರಗಳು ತಮ್ಮದೇ ಆದ ದರವನ್ನು ನಿಗದಿಪಡಿಸಬಹುದು. ದೊಡ್ಡ ನಗರಗಳ ಮಲ್ಟಿಪ್ಲೆಕ್ಸ್ಗಳು(Multiplexes) ಹಾಗೂ ಸಾವಿರಾರು ಆಸನಗಳನ್ನು ಹೊಂದಿರುವ ಚಿತ್ರಮಂದಿರಗಳಿಗೆ ಮಾತ್ರ ಈ ನಿಯಮಕ್ಕೆ ಒಳಪಡುತ್ತದೆ.
ಇನ್ನು ಚಿತ್ರಮಂದಿರ ಮಾಲೀಕರು ಮತ್ತು ಮಲ್ಟಿಪ್ಲೆಕ್ಸ್ ನಿರ್ವಹಕರಲ್ಲಿ ಈ ನಿರ್ಧಾರ ಮಿಶ್ರ ಪ್ರತಿಕ್ರಿಯೆ ಮೂಡಿಸಿದೆ. ಕೆಲವರು ಇದರಿಂದ ವ್ಯವಹಾರಕ್ಕೆ ನಷ್ಟವಾಗಬಹುದೆಂದು ಭಾವಿಸುತ್ತಿದ್ದಾರೆ.
ವಿಶೇಷವಾಗಿ ದೊಡ್ಡ ಬಜೆಟ್ ಸಿನಿಮಾಗಳಿಗೆ ಹೂಡಿಕೆಯಾದ ಹಣವನ್ನು ಮರುಪಡೆಯಲು ಈ ಮಿತಿ ಅಡ್ಡಿಯಾಗಬಹುದೆಂಬ ಆತಂಕ ಅವರಲ್ಲಿ ವ್ಯಕ್ತವಾಗಿದೆ. ಆದರೆ ಮತ್ತೊಂದೆಡೆ,
ಸಾಮಾನ್ಯ ಜನರಿಗೆ ಅನುಕೂಲವಾಗುವುದರಿಂದ ಸಿನಿಮಾ ಹಾಲ್ಗಳಲ್ಲಿ ಪ್ರೇಕ್ಷಕರ ಸಂಖ್ಯೆ ಹೆಚ್ಚುವ ಸಾಧ್ಯತೆ ಇದೆ ಎಂಬ ಅಭಿಪ್ರಾಯವೂ ಕೇಳಿ ಬರುತ್ತಿದೆ.ಅಭಿಮಾನಿಗಳ ದೃಷ್ಟಿಯಿಂದ ಇದು ಒಳ್ಳೆಯ ಹೆಜ್ಜೆ.
ಇದನ್ನು ಓದಿ : ಮೊಬೈಲ್ ಬಳಕೆದಾರರೇ ಎಚ್ಚರ, ಹೆಚ್ಚಾಗುತ್ತಿದೆ e-SIM ವಂಚನೆ ಪ್ರಕರಣಗಳು
ಹೆಚ್ಚು ಜನರು ಸಿನಿಮಾಗೆ ಬರಲು ಪ್ರೇರಣೆಯಾಗುತ್ತದೆ. ಟಿಕೆಟ್ ದರ ನಿಯಂತ್ರಣದಿಂದಾಗಿ ಪ್ರೇಕ್ಷಕರ ಹಿತ ಕಾಪಾಡಿದಂತಾಗುತ್ತದೆ ಎಂಬ ಮಾತುಗಳು ಕೇಳಿ ಬರುತ್ತಿವೆ.
