• 2027ರ ಜನಗಣತಿಗೆ 11,718 ಕೋಟಿ (green signal for digital census) ಬಿಡುಗಡೆಗೆ ಕೇಂದ್ರ ಅಸ್ತು
• CMMS ಪೋರ್ಟಲ್ ಮೂಲಕ ನೈಜ ಸಮಯ ಮೇಲ್ವಿಚಾರಣೆ, ಸ್ವಯಂ-ಗಣತಿ ವ್ಯವಸ್ಥೆ
• ದೇಶದ ಮೊದಲ ಸಂಪೂರ್ಣ ಡಿಜಿಟಲ್ ಜನಗಣತಿಗೆ 30 ಲಕ್ಷ ಸಿಬ್ಬಂದಿ ಬಳಕೆ

New delhi: ಭಾರತದ ಮುಂದಿನ ರಾಷ್ಟ್ರೀಯ ಜನಗಣತಿ 2027ರಲ್ಲಿ ನಡೆಯಲಿದ್ದು, (green signal for digital census) ಇದಕ್ಕಾಗಿ ಕೇಂದ್ರ ಸರ್ಕಾರ 11,718 ಕೋಟಿ ರೂಪಾಯಿಗಳ ಬಜೆಟ್‌ಗೆ (Budget) ಅನುಮೋದನೆ ನೀಡಿದೆ.

ಪ್ರಧಾನಿ ನರೇಂದ್ರ ಮೋದಿ (Narendra Modi) ಅವರ ಅಧ್ಯಕ್ಷತೆಯಲ್ಲಿ ನಡೆದ ಕೇಂದ್ರ ಸಚಿವ ಸಂಪುಟ ಸಭೆಯಲ್ಲಿ ಈ ಮಹತ್ವದ ತೀರ್ಮಾನ ಕೈಗೊಳ್ಳಲಾಗಿದೆ.

ಸಭೆಯ ಬಳಿಕ ಮಾಹಿತಿ ನೀಡಿದ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವ ಅಶ್ವಿನಿ ವೈಷ್ಣವ್, ಜನಗಣತಿ ಭಾರತಕ್ಕೆ ಅತ್ಯಂತ ಪ್ರಮುಖ ರಾಷ್ಟ್ರೀಯ ಕಾರ್ಯವಾಗಿದ್ದು, ಇದು ದೇಶದ ಸಾಮಾಜಿಕ, ಆರ್ಥಿಕ ಮತ್ತು ಆಡಳಿತಾತ್ಮಕ ಯೋಜನೆಗಳಿಗೆ ಭದ್ರ ಅಡಿಪಾಯ ಒದಗಿಸುತ್ತದೆ ಎಂದು ಹೇಳಿದರು.

ಕೋವಿಡ್-19 (Covid-19) ಕಾರಣದಿಂದಾಗಿ 2021ರಲ್ಲಿ ನಡೆಯಬೇಕಿದ್ದ (green signal for digital census) ಜನಗಣತಿ ಮುಂದೂಡಲ್ಪಟ್ಟಿದ್ದರಿಂದ, ಈಗ 2027ರಲ್ಲಿ ಅದನ್ನು ನಡೆಸಲು ಸರ್ಕಾರ ದೃಢ ನಿರ್ಧಾರ ಕೈಗೊಂಡಿದೆ.

2027ರ ಜನಗಣತಿ ಎರಡು ಹಂತಗಳಲ್ಲಿ ನಡೆಯಲಿದೆ. ಮೊದಲ ಹಂತದಲ್ಲಿ ಮನೆಪಟ್ಟಿ ಮತ್ತು ವಸತಿ ಗಣತಿ ನಡೆಯಲಿದ್ದು, ಇದು 2026ರ ಏಪ್ರಿಲ್‌ನಿಂದ ಸೆಪ್ಟೆಂಬರ್ ವರೆಗೆ ರಾಜ್ಯ ಹಾಗೂ ಕೇಂದ್ರಾಡಳಿತ ಪ್ರದೇಶಗಳ ಅನುಕೂಲಕ್ಕೆ ಅನುಗುಣವಾಗಿ 30 ದಿನಗಳ ಅವಧಿಯಲ್ಲಿ ಪೂರ್ಣಗೊಳ್ಳಲಿದೆ.

ಈ ಹಂತದಲ್ಲಿ ಪ್ರತಿ ಮನೆಗೆ ಸಂಬಂಧಿಸಿದ ಮಾಹಿತಿ, ವಸತಿ ಸೌಕರ್ಯಗಳು, ನೀರು, ವಿದ್ಯುತ್, ಶೌಚಾಲಯ ಸೇರಿದಂತೆ ಮೂಲಸೌಕರ್ಯಗಳ ವಿವರಗಳನ್ನು ಸಂಗ್ರಹಿಸಲಾಗುತ್ತದೆ.

ಎರಡನೇ ಹಂತವಾದ ಜನಸಂಖ್ಯಾ ಗಣತಿ (Population Enumeration – PE) 2027ರ ಫೆಬ್ರವರಿಯಲ್ಲಿ ನಡೆಯಲಿದೆ.

ಆದರೆ ಲಡಾಖ್, ಜಮ್ಮು-ಕಾಶ್ಮೀರ (Jammu-Kashmir) , ಹಿಮಾಚಲ ಪ್ರದೇಶ ಮತ್ತು ಉತ್ತರಾಖಂಡದ ಹಿಮಾವೃತ ಪ್ರದೇಶಗಳಲ್ಲಿ ಹವಾಮಾನ ಅಡಚಣೆಗಳ ಕಾರಣ ಸೆಪ್ಟೆಂಬರ್ 2026ರಲ್ಲೇ ಈ ಪ್ರಕ್ರಿಯೆ ನಡೆಸಲಾಗುತ್ತದೆ.

ಈ ಜನಗಣತಿ ಹಲವು ಅಂಶಗಳಲ್ಲಿ ಐತಿಹಾಸಿಕವಾಗಿದ್ದು, ಇದು ಭಾರತದ ಮೊದಲ ಸಂಪೂರ್ಣ ಡಿಜಿಟಲ್ (Digital) ಜನಗಣತಿಯಾಗಲಿದೆ.

ಮೊಬೈಲ್ ಅಪ್ಲಿಕೇಶನ್‌ಗಳ (Apllication) ಮೂಲಕ (ಆಂಡ್ರಾಯ್ಡ್ ಮತ್ತು ಐಒಎಸ್) ಡೇಟಾ ಸಂಗ್ರಹಿಸಲಾಗುತ್ತದೆ.

ಹೊಸದಾಗಿ ಅಭಿವೃದ್ಧಿಪಡಿಸಲಾದ ಜನಗಣತಿ ನಿರ್ವಹಣೆ ಮತ್ತು ಮೇಲ್ವಿಚಾರಣಾ ವ್ಯವಸ್ಥೆ (CMMS) ಪೋರ್ಟಲ್ (Portal) ಮೂಲಕ ನೈಜ ಸಮಯದಲ್ಲಿ ಡೇಟಾ ಮೇಲ್ವಿಚಾರಣೆ ನಡೆಯಲಿದೆ.

ಇದರಿಂದ ಮಾಹಿತಿ ಸಂಗ್ರಹದ ಪಾರದರ್ಶಕತೆ, ನಿಖರತೆ ಮತ್ತು ವೇಗ ಹೆಚ್ಚಲಿದೆ. ಜೊತೆಗೆ ಡೇಟಾ ಸಂರಕ್ಷಣೆಗೆ ಹೆಚ್ಚಿನ ಒತ್ತು ನೀಡಲಾಗಿದ್ದು, ಜನರ ವೈಯಕ್ತಿಕ ಮಾಹಿತಿಯ ಸುರಕ್ಷತೆ ಖಚಿತಪಡಿಸಲಾಗುತ್ತದೆ.

ಮನೆಪಟ್ಟಿ ಬ್ಲಾಕ್ ಕ್ರಿಯೇಟರ್ ವೆಬ್ ಮ್ಯಾಪ್ ಟೂಲ್ (Web Map Tool) ಹಾಗೂ ಸ್ವಯಂ-ಗಣತಿ (Self Enumeration) ಆಯ್ಕೆಯಂತಹ ಹೊಸ ತಂತ್ರಜ್ಞಾನಗಳನ್ನು ಕೂಡ ಪರಿಚಯಿಸಲಾಗುತ್ತಿದೆ.

ಇನ್ನು ಈ ಬಾರಿ ಜನಗಣತಿಯಲ್ಲಿ ಜಾತಿ ಗಣತಿಯನ್ನು ಸೇರಿಸುವುದಕ್ಕೂ ಕೇಂದ್ರ ಸರ್ಕಾರ ಅನುಮೋದನೆ ನೀಡಿದೆ.

ಸ್ವತಂತ್ರ ಭಾರತದ ದಶಕದ ಜನಗಣತಿಗಳಲ್ಲಿ ಇದೇ ಮೊದಲ ಬಾರಿಗೆ ಜಾತಿ ಮಾಹಿತಿಯನ್ನು ಸಂಪೂರ್ಣ ಎಲೆಕ್ಟ್ರಾನಿಕ್ ರೂಪದಲ್ಲಿ ಸಂಗ್ರಹಿಸಲಾಗುತ್ತದೆ.

ಈ ಡೇಟಾ ಸಮಾಜದ ವಿವಿಧ ವರ್ಗಗಳ ಸಾಮಾಜಿಕ-ಆರ್ಥಿಕ ಸ್ಥಿತಿಗತಿಯ ಬಗ್ಗೆ ಸ್ಪಷ್ಟ ಚಿತ್ರಣ ನೀಡಲಿದ್ದು, ಭವಿಷ್ಯದ ನೀತಿ ರೂಪಣೆ, ಕಲ್ಯಾಣ ಯೋಜನೆಗಳು ಹಾಗೂ ಸಂಪನ್ಮೂಲ ಹಂಚಿಕೆಗೆ ಸಹಕಾರಿಯಾಗಲಿದೆ.

ಜನಗಣತಿ-ಸೇವೆಯಾಗಿ (Census as a Service – CaaS) ಸಚಿವಾಲಯಗಳಿಗೆ ಯಂತ್ರ-ಓದಬಹುದಾದ, ಸ್ವಚ್ಛ ಮತ್ತು ಕಾರ್ಯಸಾಧ್ಯ ಡೇಟಾವನ್ನು ಒದಗಿಸುವ ವ್ಯವಸ್ಥೆಯನ್ನೂ ರೂಪಿಸಲಾಗುತ್ತಿದೆ.

ಜನಗಣತಿ ಕಾರ್ಯದಲ್ಲಿ ದೇಶಾದ್ಯಂತ ಸುಮಾರು 30 ಲಕ್ಷ ಕ್ಷೇತ್ರ ಕಾರ್ಯಕರ್ತರು ಭಾಗವಹಿಸಲಿದ್ದಾರೆ.

ಇದರಲ್ಲಿ ಗಣತಿದಾರರು, ಮೇಲ್ವಿಚಾರಕರು, ಮಾಸ್ಟರ್ ತರಬೇತುದಾರರು ಮತ್ತು ಅಧಿಕಾರಿಗಳು ಸೇರಿದ್ದಾರೆ.

ಹೆಚ್ಚಿನ ಗಣತಿದಾರರು ಸರ್ಕಾರಿ ಶಾಲಾ ಶಿಕ್ಷಕರಾಗಿದ್ದು, ತಮ್ಮ ನಿಯಮಿತ ಕರ್ತವ್ಯಗಳ ಜೊತೆಗೆ ಜನಗಣತಿ ಕೆಲಸ ನಿರ್ವಹಿಸಲಿದ್ದಾರೆ.

ಈ ಭಾರೀ ಕಾರ್ಯಾಚರಣೆಯಿಂದ ಸುಮಾರು 1.02 ಕೋಟಿ ಮಾನವ ದಿನಗಳ ಉದ್ಯೋಗ ಸೃಷ್ಟಿಯಾಗಲಿದೆ.

ಜೊತೆಗೆ 18,600ಕ್ಕೂ ಹೆಚ್ಚು ತಾಂತ್ರಿಕ ಸಿಬ್ಬಂದಿಯನ್ನು ಡಿಜಿಟಲ್ ಕಾರ್ಯಾಚರಣೆ, ಡೇಟಾ ನಿರ್ವಹಣೆ ಮತ್ತು ಮೇಲ್ವಿಚಾರಣೆಗೆ ನಿಯೋಜಿಸಲಾಗುತ್ತದೆ.

ಸರ್ಕಾರದ ಪ್ರಕಾರ, ಇದು ತಾತ್ಕಾಲಿಕ ಉದ್ಯೋಗ ಸೃಷ್ಟಿಯ ಜೊತೆಗೆ ಭಾಗವಹಿಸುವವರಿಗೆ ಭವಿಷ್ಯದ ಉದ್ಯೋಗಾವಕಾಶಗಳನ್ನು ಹೆಚ್ಚಿಸುವಲ್ಲಿ ಸಹಕಾರಿ ಆಗಲಿದೆ.

2027ರ ಜನಗಣತಿ ರಾಷ್ಟ್ರವ್ಯಾಪಿ ಜಾಗೃತಿ, ಎಲ್ಲರನ್ನೂ ಒಳಗೊಂಡ ಭಾಗವಹಿಸುವಿಕೆ ಮತ್ತು ನಿಖರ ಮಾಹಿತಿಯ ಮೂಲಕ ದೇಶದ ಅಭಿವೃದ್ಧಿಗೆ ದಿಕ್ಕು ತೋರಿಸುವ ಮೊದಲ ಹೆಜ್ಜೆಯಾಗಿದೆ.

ಇದನ್ನು ಓದಿ : ಸಿಲಿಕಾನ್ ಸಿಟಿಯಲ್ಲಿ ಗಾಳಿಯ ಗುಣಮಟ್ಟ ತೀವ್ರ ಕುಸಿತ:ಮುಂದಿನ ದಿನಗಳಲ್ಲಿ ಬೆಂಗಳೂರಿನಲ್ಲೂ ದೆಹಲಿಯಂತೆಯೇ ಉಸಿರಾಟವೇ ದೊಡ್ಡ ಸವಾಲಾಗುವ ಸಾಧ್ಯತೆ