• ಕರ್ನಾಟಕ–ತಮಿಳುನಾಡಿನಲ್ಲಿ ವಾಣಿಜ್ಯ ತೆರಿಗೆ (GST fake bill scam ) ಇಲಾಖೆಯ ಭಾರೀ ಕಾರ್ಯಾಚರಣೆ
• ಹಲವು ಶೆಲ್ ಕಂಪನಿಗಳ ಮೂಲಕ ₹1,464 ಕೋಟಿ ಮೌಲ್ಯದ ನಕಲಿ ವ್ಯವಹಾರ
• 24 ಮೊಬೈಲ್, 51 ಸಿಮ್ ಕಾರ್ಡ್‌ಗಳು ಮತ್ತು ಮಹತ್ವದ ದಾಖಲೆಗಳ ವಶ

Bengaluru: ಕರ್ನಾಟಕ ವಾಣಿಜ್ಯ ತೆರಿಗೆ ಇಲಾಖೆ ದೇಶದ ಮಟ್ಟದಲ್ಲಿ (GST fake bill scam) ಗಮನ ಸೆಳೆದಿರುವ ಭಾರೀ ಜಿಎಸ್‌ಟಿ ವಂಚನಾ ಪ್ರಕರಣವನ್ನು ಪತ್ತೆಹಚ್ಚಿದೆ.

ಸುಮಾರು ₹1,464 ಕೋಟಿ ಮೌಲ್ಯದ ಅಂತರ್‌ರಾಜ್ಯ ನಕಲಿ ಇನ್ವಾಯ್ಸ್ ದಂಧೆಯನ್ನು ಬಹಿರಂಗಪಡಿಸಿರುವ ಇಲಾಖೆ, ಈ ಪ್ರಕರಣದಲ್ಲಿ ಕರ್ನಾಟಕ ಮತ್ತು ತಮಿಳುನಾಡಿನಲ್ಲಿ (Tamilnadu) ತಲಾ ಇಬ್ಬರಂತೆ ಒಟ್ಟು ನಾಲ್ವರು ಆರೋಪಿಗಳನ್ನು ಬಂಧಿಸಿದೆ.

ಜಿಎಸ್‌ಟಿ (GST) ವ್ಯವಸ್ಥೆಯಲ್ಲಿನ ದುರ್ಬಳಕೆ, ನಕಲಿ ಕಂಪನಿಗಳು ಮತ್ತು ಕಾಗದದ ವ್ಯವಹಾರಗಳ ಮೂಲಕ ಸರ್ಕಾರಕ್ಕೆ ಭಾರೀ ನಷ್ಟ ಉಂಟುಮಾಡುತ್ತಿದ್ದ ಈ ಜಾಲವನ್ನು ಅಧಿಕಾರಿಗಳು ಸೂಕ್ಷ್ಮ ತನಿಖೆ ಮೂಲಕ ಭೇದಿಸಿದ್ದಾರೆ.

ಈ ಪ್ರಕರಣವು ಜಿಎಸ್‌ಟಿ ನಿಯಂತ್ರಣ ವ್ಯವಸ್ಥೆಯ ಮೇಲಿನ ನಿಗಾವನ್ನು (GST fake bill scam) ಇನ್ನಷ್ಟು ಬಿಗಿಗೊಳಿಸುವ ಅಗತ್ಯವನ್ನು ಒತ್ತಿ ಹೇಳುವಂತಾಗಿದೆ.

ಇನ್ನು ಬೆಂಗಳೂರು ಸೇರಿದಂತೆ ತಮಿಳುನಾಡಿನ ಚೆನ್ನೈ (Chennai) , ವೆಲ್ಲೂರು ಮತ್ತು ಪೆರಣಂಬಟ್ಟು ನಗರಗಳಲ್ಲಿ ಏಕಕಾಲದಲ್ಲಿ ದಾಳಿ ನಡೆಸಲಾಯಿತು.

ಜಿಎಸ್‌ಟಿ ಸಂಬಂಧಿತ ಅನುಮಾನಾಸ್ಪದ ಹಣಕಾಸು ವಹಿವಾಟುಗಳು, ಅಸಹಜ ಪ್ರಮಾಣದ ಇನ್‌ಪುಟ್ ಟ್ಯಾಕ್ಸ್ ಕ್ರೆಡಿಟ್ ಕ್ಲೇಮ್‌ಗಳು (Input Tax Credit Claim) ಮತ್ತು ದಾಖಲೆಗಳಲ್ಲಿ ಮಾತ್ರ ಕಂಡುಬರುವ ವ್ಯಾಪಾರ ಚಟುವಟಿಕೆಗಳು ಅಧಿಕಾರಿಗಳ ಅನುಮಾನಕ್ಕೆ ಕಾರಣವಾಗಿದ್ದವು.

ದಾಳಿಯ ವೇಳೆ ಅಧಿಕಾರಿಗಳು ಹಲವು ಗಂಟೆಗಳ ಕಾಲ ದಾಖಲೆಗಳ ಪರಿಶೀಲನೆ ನಡೆಸಿ, ಡಿಜಿಟಲ್ (Digital) ಮತ್ತು ಭೌತಿಕ ಸಾಕ್ಷ್ಯಗಳನ್ನು ಸಂಗ್ರಹಿಸಿದರು.

ಈ ಕಾರ್ಯಾಚರಣೆಯು ಪೂರ್ವಸಿದ್ಧತೆಯೊಂದಿಗೆ, ಸಂಯೋಜಿತವಾಗಿ ನಡೆದಿದ್ದು, ಇಲಾಖೆಯ ತನಿಖಾ ಸಾಮರ್ಥ್ಯವನ್ನು ತೋರಿಸುತ್ತದೆ.

ವಾಣಿಜ್ಯ ತೆರಿಗೆ ಇಲಾಖೆಯ ಪ್ರಕಾರ, ಆರೋಪಿಗಳು ಸಿಮೆಂಟ್, ಕಬ್ಬಿಣ–ಉಕ್ಕು ಹಾಗೂ ಇತರೆ ಕಟ್ಟಡ ಸಾಮಗ್ರಿಗಳ ವ್ಯಾಪಾರ ಹೆಸರಿನಲ್ಲಿ ನಕಲಿ ಒಳಹರಿವು ಮತ್ತು ಹೊರಹರಿವು ವ್ಯವಹಾರಗಳನ್ನು ತೋರಿಸಿದ್ದರು. ವಾಸ್ತವದಲ್ಲಿ ಯಾವುದೇ ಸರಕು ಸಾಗಣೆ ನಡೆದಿರಲಿಲ್ಲ.

ಆದರೆ ನಕಲಿ ಬಿಲ್‌ಗಳು ಮತ್ತು forged ದಾಖಲೆಗಳ ಮೂಲಕ ₹1,464 ಕೋಟಿ ಮೌಲ್ಯದ ವಹಿವಾಟು ನಡೆದಂತೆ ದಾಖಲೆ ಸೃಷ್ಟಿಸಲಾಗಿತ್ತು.

ಇದರ ಮೂಲಕ ಇನ್‌ಪುಟ್ ಟ್ಯಾಕ್ಸ್ ಕ್ರೆಡಿಟ್ ಅನ್ನು ಅಕ್ರಮವಾಗಿ ಪಡೆದು, ಅದನ್ನು ಇತರ ಸಂಸ್ಥೆಗಳಿಗೆ ವರ್ಗಾಯಿಸಲಾಗಿತ್ತು.

ಈ ರೀತಿಯ ವಂಚನೆಯಿಂದ ಸರ್ಕಾರಕ್ಕೆ ಕೋಟ್ಯಂತರ ರೂಪಾಯಿ ತೆರಿಗೆ ನಷ್ಟವಾಗಿದ್ದು, ಪ್ರಾಮಾಣಿಕ ವ್ಯಾಪಾರಿಗಳಿಗೆ ಅನ್ಯಾಯ ಉಂಟಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ದಾಳಿಯ ಸಂದರ್ಭದಲ್ಲಿ 24 ಮೊಬೈಲ್ ಫೋನ್‌ಗಳು, 51 ಸಿಮ್ ಕಾರ್ಡ್‌ಗಳು (Sim Card) , ಎರಡು ಪೆನ್ ಡ್ರೈವ್‌ಗಳು (Pen Drive) , ಅನೇಕ ಬ್ಯಾಂಕ್ ಖಾತೆಗಳ ವಿವರಗಳು ಮತ್ತು ವಿವಿಧ ವ್ಯವಹಾರ ಸಂಸ್ಥೆಗಳ ಹೆಸರಿನ ರಬ್ಬರ್ ಸ್ಟಾಂಪ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ತಮಿಳುನಾಡಿನ ಪೆರಣಂಬಟ್ಟುವಿನಲ್ಲಿ ಇರ್ಬಾಜ್ ಅಹ್ಮದ್ ಮತ್ತು ನಫೀಸ್ ಅಹ್ಮದ್ ಎಂಬ ಇಬ್ಬರು ಸಹೋದರರನ್ನು ಬಂಧಿಸಲಾಗಿದ್ದು,

ಇವರು ಟ್ರಿಯಾನ್ ಟ್ರೇಡರ್ಸ್ (Trion Traders) , ವಂಡರ್ ಟ್ರೇಡರ್ಸ್ (Wonder Traders) , ರಾಯಲ್ ಟ್ರೇಡರ್ಸ್ ಮತ್ತು ಗ್ಯಾಲಕ್ಸಿ

ಎಂಟರ್‌ಪ್ರೈಸಸ್ ಸೇರಿದಂತೆ ಹಲವು ನಕಲಿ ಸಂಸ್ಥೆಗಳನ್ನು ಸ್ಥಾಪಿಸಿದ್ದರೆಂದು ಆರೋಪಿಸಲಾಗಿದೆ.

ಇತ್ತ, ಬೆಂಗಳೂರಿನಲ್ಲಿ ಎದ್ದಲ ಪ್ರತಾಪ್ ಮತ್ತು ರೇವತಿ ಎಂಬವರನ್ನು ಬಂಧಿಸಲಾಗಿದ್ದು, ಇವರು ಪವರ್ ಸ್ಟೀಲ್ ಅಂಡ್ ಸಿಮೆಂಟ್ (Power Steel and Cement) , ಪಿ.ಆರ್. ಕನ್‌ಸ್ಟ್ರಕ್ಷನ್, ಎಸ್.ವಿ. ಟ್ರೇಡರ್ಸ್ ಮತ್ತು ಎಸ್.ಆರ್.ಎಸ್. ಸಿಮೆಂಟ್ ಸ್ಟೀಲ್ ಟ್ರೇಡರ್ಸ್ ಎಂಬ ಶೆಲ್ ಕಂಪನಿಗಳನ್ನು ನಡೆಸುತ್ತಿದ್ದರೆಂದು ತನಿಖೆಯಿಂದ ಬೆಳಕಿಗೆ ಬಂದಿದೆ.

ಬಂಧಿತ ಎಲ್ಲಾ ಆರೋಪಿಗಳನ್ನು ಬೆಂಗಳೂರಿನ ಆರ್ಥಿಕ ಅಪರಾಧಗಳ ವಿಶೇಷ ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗಿದ್ದು, ನ್ಯಾಯಾಲಯವು ಅವರನ್ನು 14 ದಿನಗಳ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದೆ.

ಪ್ರಕರಣದ ತನಿಖೆ ಇನ್ನೂ ಮುಂದುವರಿದಿದ್ದು, ಈ ಜಾಲಕ್ಕೆ ಸಂಬಂಧಿಸಿದ ಇನ್ನಷ್ಟು ವ್ಯಕ್ತಿಗಳು ಹಾಗೂ ಸಂಸ್ಥೆಗಳ ಪಾತ್ರವನ್ನು

ಪತ್ತೆಹಚ್ಚುವ ಕಾರ್ಯ ನಡೆಯುತ್ತಿದೆ ಎಂದು ವಾಣಿಜ್ಯ ತೆರಿಗೆ ಇಲಾಖೆ ಸ್ಪಷ್ಟಪಡಿಸಿದೆ.

ಭವಿಷ್ಯದಲ್ಲಿ ಇಂತಹ ಜಿಎಸ್‌ಟಿ ವಂಚನೆಗಳನ್ನು ತಡೆಯಲು ತಂತ್ರಜ್ಞಾನ ಆಧಾರಿತ ನಿಗಾವನ್ನು ಬಲಪಡಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನು ಓದಿ : https://vijayatimes.com/karnataka-second-puc-exam/