ಖ್ಯಾತ ಹಿರಿಯ ಸಂಗೀತ ಸಾಮ್ರಾಟ, ಸಂಯೋಜಕ(Musician) ಇಳಯರಾಜ(Illayaraja) ಅವರಿಗೆ ಚೆನ್ನೈ ತೆರಿಗೆ ಅಧಿಕಾರಿಗಳು(Chennai Tax Officers) ತೆರಿಗೆ ಪಾವತಿಸಿಲ್ಲ ಎಂದು ಸಮನ್ಸ್(Summons) ಜಾರಿ ಮಾಡಿದ್ದಾರೆ.

ಕಳೆದ ಎರಡು ತಿಂಗಳಿನಿಂದ ಎರಡು ಬಾರಿ ಸಮನ್ಸ್ ನೀಡಲಾಗಿದೆ, ಅದು ಈಗಾಗಲೇ ಅವರ ಕೈಸೇರಿದ್ರು ಕೂಡ ಇದಕ್ಕೆ ಪ್ರತಿಕ್ರಿಯಿಸಲ್ಲ ಎಂದು ಅಧಿಕಾರಿಗಳು ಆರೋಪಿಸಿದ್ದಾರೆ. ಪ್ರಧಾನಿ ನರೇಂದ್ರ ಮೋದಿ ಅವರನ್ನು ಸಂವಿಧಾನ ಶಿಲ್ಪಿ ಡಾ.ಬಿ.ಆರ್. ಅಂಬೇಡ್ಕರ್ ಅವರಿಗೆ ಹೋಲಿಸಿ ಮಾತನಾಡಿದ್ದಕ್ಕೆ ಸಾಕಷ್ಟು ವಿರೋಧಗಳು ಕೂಡ ವ್ಯಕ್ತವಾಗಿದ್ದವು, ಸದ್ಯ ಈಗ ಆ ವಿವಾದಗಳ ನಡುವೆ ಚೆನ್ನೈ ತೆರಿಗೆ ಅಧಿಕಾರಿಗಳು ಸಮನ್ಸ್ ನೀಡಿರುವುದು ಮುನ್ನೆಲೆಗೆ ಬಂದಿದೆ.

ಪದ್ಮವಿಭೂಷಣ(Padmavibhushan) ಪ್ರಶಸ್ತಿ ಪುರಸ್ಕೃತರಿಗೆ ಸರಕು ಮತ್ತು ಸೇವಾ ತೆರಿಗೆ ಗುಪ್ತಚರ ನಿರ್ದೇಶನಾಲಯದ ಚೆನ್ನೈ ವಲಯ ಘಟಕವು ತೆರಿಗೆ ಪಾವತಿಸದ ಕಾರಣವನ್ನು ಗುರಿಯಾಗಿಸಿಕೊಂಡು ನೋಟಿಸ್ ಜಾರಿ ಮಾಡಿದೆ. ವರದಿಗಳ ಪ್ರಕಾರ, ಇಳಯರಾಜ ಅವರಿಗೆ ಸರಕು ಮತ್ತು ಸೇವಾ ತೆರಿಗೆ ಗುಪ್ತಚರ ನಿರ್ದೇಶನಾಲಯವು ಫೆಬ್ರವರಿ 28 ರಂದು ಚೆನ್ನೈ ವಲಯ ಘಟಕವು ಮಾರ್ಚ್ 19 ರಂದು ಬೆಳಿಗ್ಗೆ 11 ಗಂಟೆಗೆ ಘಟಕದ ಮುಂದೆ ಹಾಜರಾಗುವಂತೆ ಎರಡು ಬಾರಿ ಸಮನ್ಸ್ ಜಾರಿ ಮಾಡಿದೆ.

ಇದ್ಯಾವುದಕ್ಕೂ ಇಳಯರಾಜ ಅವರು ಪ್ರತಿಕ್ರಿಯೆ ನೀಡದ ಹಿನ್ನೆಲೆ ಸಮನ್ಸ್ ಅನ್ನು ಜಾರಿ ಮಾಡಲಾಗಿದೆ ಎಂದು ಅಧಿಕಾರಿಗಳು ವರದಿ ಮಾಡಿದ್ದಾರೆ. ಮಾರ್ಚ್ 21 ರಂದು ಅವರಿಗೆ ನೀಡಲಾದ ಎರಡನೇ ನೋಟಿಸ್ ಕೂಡ ಹೊರಬಿದ್ದಿದೆ. ಹಿರಿಯ ಗುಪ್ತಚರ ಅಧಿಕಾರಿ ಸಹಿ ಮಾಡಿದ ಪತ್ರದಲ್ಲಿ, ಇಳಯರಾಜ ಅವರು ಮಾರ್ಚ್ 28 ರಂದು ರಾತ್ರಿ 11 ಗಂಟೆಗೆ ಅಧಿಕಾರಿಗಳ ಮುಂದೆ ಹಾಜರಾಗಿ ‘ದಾಖಲೆಗಳನ್ನು ಸಲ್ಲಿಸಲು’ ನೋಟಿಸ್‌ನಲ್ಲಿ ತಿಳಿಸಲಾಗಿದೆ.

ನೋಟೀಸ್ ಪ್ರಕಾರ, ಸರಕು ಮತ್ತು ಸೇವಾ ತೆರಿಗೆ ಗುಪ್ತಚರ ನಿರ್ದೇಶನಾಲಯವು ನಡೆಸುತ್ತಿರುವ ವಿಚಾರಣೆಗೆ ಸಂಬಂಧಿಸಿದಂತೆ ‘ಸ್ವಾಧೀನ, ಪಾಲನೆ ಅಥವಾ ನಿಯಂತ್ರಣದಲ್ಲಿ ಸಾಕ್ಷ್ಯವನ್ನು ನೀಡಲು ಮತ್ತು/ಅಥವಾ ವಿವರಗಳು/ದಾಖಲೆಗಳನ್ನು’ ಸಲ್ಲಿಸುವಂತೆ ಅವರ ವಿರುದ್ಧ ಸಮನ್ಸ್ ನೀಡಲಾಗಿದೆ. ಕೇಂದ್ರೀಯ ಅಬಕಾರಿ ಕಾಯಿದೆ, 1944 ರ ಸೆಕ್ಷನ್ 14, ಹಣಕಾಸು ಕಾಯಿದೆ, 1994 ರ ಸೆಕ್ಷನ್ 83 ಮತ್ತು 2017 ರ ಸರಕು ಮತ್ತು ಸೇವಾ ತೆರಿಗೆಯ ಸೆಕ್ಷನ್ 174 (2) ನೊಂದಿಗೆ ಸೆಕ್ಷನ್ 70 ರ ಪ್ರಕಾರ ನೋಟಿಸ್ ನೀಡಲಾಗಿದೆ.

ಮೇಲಿನ ಸಮನ್ಸ್ ಅಡಿಯಲ್ಲಿ ವಿಚಾರಣೆ ಪ್ರಕ್ರಿಯೆಗಳು ಭಾರತೀಯ ದಂಡ ಸಂಹಿತೆ, 1860 ರ ಸೆಕ್ಷನ್ 193 ಮತ್ತು ಸೆಕ್ಷನ್ 228 ರ ಅರ್ಥದಲ್ಲಿ ‘ನ್ಯಾಯಾಂಗ ಪ್ರಕ್ರಿಯೆ’ ಆಗಿರಬೇಕು. ಈ ಸಮನ್ಸ್ ಅನ್ನು ಅನುಸರಿಸದಿರುವುದು ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 174 ಮತ್ತು ಸೆಕ್ಷನ್ 175 ರ ಅಡಿಯಲ್ಲಿ ಅಪರಾಧವಾಗಿದೆ ಎಂದು ಸಮನ್ಸ್‌ನಲ್ಲಿ ಸ್ಪಷ್ಟವಾಗಿ ಉಲ್ಲೇಖಿಸಲಾಗಿದೆ