ಬೆಂಗಳೂರು ಡಿ 30 : ಕೇಂದ್ರ ಸರ್ಕಾರವು ಜನವರಿಂದ 1ರಿಂದ ಕೆಲವು ಉತ್ಪನ್ನಗಳ ಮೇಲೆ ಜಿಎಸ್‌ಟಿ ದರವನ್ನು ಹೆಚ್ಚಿಸಲು ತೀರ್ಮಾನಿಸಿದೆ. ಈ ನಿರ್ಧಾರವನ್ನು ಜಿಎಸ್‌ಟಿ ಮಂಡಳಿ ತೆಗೆದುಕೊಂಡಿರುವುದರಿಂದ ಕೇಂದ್ರ ಸರ್ಕಾರ ಮರು ಚಿಂತನೆ ನಡೆಸುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ. ಕೆಲವು ಜವಳಿ ಉತ್ಪನ್ನಗಳ ಜಿಎಸ್‌ಟಿ ದರವನ್ನು ಶೇ 12ಕ್ಕೆ ಹೆಚ್ಚಿಸಲು ಜಿಎಸ್‌ಟಿ ಮಂಡಳಿ ನಿರ್ಧರಿಸಿದೆ.

ಸೆಪ್ಟೆಂಬರ್ 17ರಂದು ಲಖನೌದಲ್ಲಿ ನಡೆದ ಹಿಂದಿನ ಸಭೆಯಲ್ಲಿ ಜಿಎಸ್‌ಟಿ ಕೌನ್ಸಿಲ್,ಪಾದರಕ್ಷೆ  ಮತ್ತು ಜವಳಿಗಳಲ್ಲಿ ಸುಂಕ ರಚನೆಯನ್ನು ಬದಲಿಸಲು ನಿರ್ಧಾರ ತೆಗೆದುಕೊಂಡಿತ್ತು. ಇದರ ಪರಿಣಾಮವಾಗಿ ಜನವರಿ 1ರಿಂದ ಚಪ್ಪಲಿ ಮತ್ತು ಜವಳಿಗಳ ಮೇಲಿನ ಜಿಎಸ್‌ಟಿ ಶೇ 12ಕ್ಕೆ ಏರಿಕೆಯಾಗಲಿದೆ. ಜಿಎಸ್‌ಟಿಯನ್ನು ಅದಕ್ಕೆ ಸಂಬಂಧಿಸಿದ ಮಂಡಳಿ ಹೆಚ್ಚಳ ಮಾಡಿರುವುದರಿಂದ, ದರ ಅಥವಾ ಅನುಷ್ಠಾನದ ಯಾವುದೇ ನಿರ್ಧಾರಗಳು ಕೂಡ ಮಂಡಳಿಯನ್ನೇ ಅವಲಂಬಿಸಿರುತ್ತದೆ ಎಂದು ಅವರು ಹೇಳಿದ್ದಾರೆ.

ಜಿಎಸ್‌ಟಿ ದರ ಬದಲಾದ ಬಳಿಕ ಈಗ ಇರುವ ಉಡುಪುಗಳ ಮೇಲಿನ ಜಿಎಸ್‌ಟಿ ಶೇ 5ರಿಂದ ಶೇ 12ಕ್ಕೆ ಏರಿಕೆಯಾಗಲಿದೆ. ಅಂದರೆ ಮಾರಾಟ ಮೌಲ್ಯ 1,000 ರೂವರೆಗೂ ಹೆಚ್ಚಲಿದೆ. ಇದೇ ರೀತಿ, ಪಾದರಕ್ಷೆಗಳ ಶೇ 5ರ ಮಾರಾಟ ಮೌಲ್ಯದ ಮೇಲಿನ ತೆರಿಗೆಯು ಶೇ 12ಕ್ಕೆ ಹೆಚ್ಚುವುದರಿಂದ ಪ್ರತಿ ಜೋಡಿಗೆ 1,000 ರೂ. ವರೆಗೂ ಬೆಲೆ ಹೆಚ್ಚಾಗಲಿದೆ

ಸಿಂಥೆಟಿಕ್ ಮೋನೋಫಿಲಮೆಂಟ್ ಮತ್ತು ಕೃತಕ ಮೋನೋಫಿಲಮೆಂಟ್, ನೇಯ್ದ ವಸ್ತ್ರ, ಕರಕುಶಲ ಹೊಲಿಗೆ ದಾರಗಳು, ಸಿಂಥೆಟಿಕ್ ದಾರದ ನೂಲು,  ಹಾಗೂ ಇತರೆ ವಸ್ತುಗಳು ಸೇರಿದಂತೆ ಕೃತಕ ತಂತು ನೂಲುಗಳ ದಾರವನ್ನು ಈ ಮುಂಚೆ ಶೇ 5ರಿಂದ ಶೇ 12ಕ್ಕೆ ಏರಿಕೆ ಮಾಡಲಾಗುತ್ತದೆ. ‘ಕಂಪೆನಿಗಳು ವಸ್ತುಗಳ ಮೇಲಿನ ಅಧಿಕ ತೆರಿಗೆ ಪಾವತಿಗಾಗಿ ವಿನಾಯಿತಿಗಳನ್ನು ಪಡೆದುಕೊಳ್ಳಲು ಸಾಧ್ಯವಿಲ್ಲ. ಹೀಗಾಗಿ ಏರಿಳಿತದ ಸುಂಕ ರಚನೆಯು ವಲಯಕ್ಕೆ ವ್ಯಾಪಕ ಹಾನಿ ಉಂಟುಮಾಡಲಿದೆ’ ತಜ್ಞರು ತಿಳಿಸಿದ್ದಾರೆ