• ಸೋಶಿಯಲ್ ಮೀಡಿಯಾ ಪರಿಶೀಲನೆ ಕಾರಣವಾಗಿ (H-1B visa renewal difficulties) ವೀಸಾ ಸಂದರ್ಶನ ಮುಂದೂಡಿಕೆ
• ವೀಸಾ ನವೀಕರಣ ಪ್ರಕ್ರಿಯೆಯಲ್ಲಿನ ಅಚಾನಕ್ ಬದಲಾವಣೆಗಳಿಂದ ಅನಿಶ್ಚಿತತೆಯಲ್ಲಿ ಭಾರತೀಯ ನೌಕರರು
• ರಾಯಭಾರ ಕಚೇರಿಗಳ ನಿರ್ಧಾರದಿಂದ ಅಮೆರಿಕಕ್ಕೆ ಮರಳಲು ಸಾಧ್ಯವಾಗದೇ ಪರದಾಟ

ಅಮೆರಿಕದಲ್ಲಿ ಕೆಲಸ ಮಾಡುತ್ತಿರುವ ಸಾವಿರಾರು (H-1B visa renewal difficulties) ಭಾರತೀಯ H-1B ವೀಸಾದಾರರು ಈ ವೇಳೆ ಭಾರೀ ಅನಿಶ್ಚಿತತೆಗೆ ಒಳಗಾಗಿದ್ದಾರೆ.

ತಮ್ಮ ಕೆಲಸದ ಪರವಾನಗಿಯನ್ನು ನವೀಕರಿಸಿಕೊಳ್ಳುವ ಉದ್ದೇಶದಿಂದ ಭಾರತಕ್ಕೆ ಆಗಮಿಸಿದ್ದ ಅನೇಕ ವೃತ್ತಿಪರರು, ಈಗ ವೀಸಾ (Visa) ಸಂದರ್ಶನಗಳ ಅಕಸ್ಮಾತ್ ಮುಂದೂಡಿಕೆಯಿಂದ ದೇಶದಲ್ಲೇ ಸಿಲುಕಿದ್ದಾರೆ.

ಯುಎಸ್ ಸ್ಟೇಟ್ ಡಿಪಾರ್ಟ್‌ಮೆಂಟ್ (Department) ಜಾರಿಗೊಳಿಸಿರುವ ಹೊಸ ಸಾಮಾಜಿಕ ಮಾಧ್ಯಮ ಪರಿಶೀಲನಾ ನಿಯಮಗಳು ಈ ಸಮಸ್ಯೆಗೆ ಪ್ರಮುಖ ಕಾರಣವಾಗಿವೆ. ಡಿಸೆಂಬರ್ ತಿಂಗಳಲ್ಲಿ ನಿಗದಿಯಾಗಿದ್ದ ಅನೇಕ (H-1B visa renewal difficulties) ಸಂದರ್ಶನಗಳನ್ನು ಯಾವುದೇ ಸ್ಪಷ್ಟ ಮುನ್ಸೂಚನೆ ಇಲ್ಲದೆ ಮುಂದಿನ ವರ್ಷಕ್ಕೆ ಮುಂದೂಡಲಾಗಿದೆ.

ಇದರ ಪರಿಣಾಮವಾಗಿ, ಅಮೆರಿಕಕ್ಕೆ ಮರುಪ್ರವೇಶಿಸಲು ಸಾಧ್ಯವಾಗದೇ, ಭಾರತೀಯ ಉದ್ಯೋಗಿಗಳು ತೀವ್ರ ಸಂಕಷ್ಟಕ್ಕೆ ಒಳಗಾಗಿದ್ದಾರೆ.

ಈ ಸಮಸ್ಯೆ ಕೇವಲ ವೀಸಾ ಪ್ರಕ್ರಿಯೆಯ ವಿಳಂಬಕ್ಕೆ ಮಾತ್ರ ಸೀಮಿತವಾಗಿಲ್ಲ. ಭಾರತದಲ್ಲೇ ಸಿಲುಕಿರುವ ಕಾರ್ಮಿಕರ ಮೇಲೆ ಅವರು ಕೆಲಸ ಮಾಡುತ್ತಿರುವ ಅಮೆರಿಕನ್ ಕಂಪನಿಗಳು ಬೇಗ ಕೆಲಸಕ್ಕೆ ಹಾಜರಾಗುವಂತೆ ಒತ್ತಡ ಹೇರುತ್ತಿರುವುದು ಪರಿಸ್ಥಿತಿಯನ್ನು ಇನ್ನಷ್ಟು ಗಂಭೀರವಾಗಿಸಿದೆ.

ನವೀಕೃತ ವೀಸಾ ಇಲ್ಲದೆ ಅಮೆರಿಕ ಪ್ರವೇಶ ಸಾಧ್ಯವಿಲ್ಲ ಎಂಬ ಕಾನೂನು ಅಡೆತಡೆಯ ನಡುವೆಯೇ, ಉದ್ಯೋಗ ಭದ್ರತೆ ಕಳೆದುಕೊಳ್ಳುವ ಭಯವೂ ಅವರನ್ನು ಕಾಡುತ್ತಿದೆ.

ವೀಸಾ ಅವಧಿ ಮುಗಿದಿರುವ ಅನೇಕರು, ಹೊಸ ಸಂದರ್ಶನ ದಿನಾಂಕಕ್ಕಾಗಿ ತಿಂಗಳುಗಳ ಕಾಲ ಕಾಯಬೇಕಾದ ಅನಿವಾರ್ಯತೆಗೆ ಸಿಲುಕಿದ್ದಾರೆ.

ಇದು ಅವರ ವೃತ್ತಿಜೀವನದ ಜೊತೆಗೆ ಆರ್ಥಿಕ ಮತ್ತು ಮಾನಸಿಕ ಸ್ಥಿತಿಗೂ ದೊಡ್ಡ ಹೊಡೆತ ನೀಡುತ್ತಿದೆ.

ವಲಸೆ ತಜ್ಞರ ಪ್ರಕಾರ, ಈ ಪರಿಸ್ಥಿತಿ ಇತ್ತೀಚಿನ ವರ್ಷಗಳಲ್ಲಿ ಕಂಡುಬಂದ ಅತಿದೊಡ್ಡ ಗೊಂದಲಗಳಲ್ಲಿ ಒಂದಾಗಿದೆ.

ಯಾವುದೇ ಪೂರ್ವಸಿದ್ಧತೆ ಇಲ್ಲದೆ ವೀಸಾ ಸಂದರ್ಶನಗಳನ್ನು ಮುಂದೂಡಿರುವುದು, ಅಮೆರಿಕದ ರಾಯಭಾರ ಕಚೇರಿಗಳ ನಿರ್ಲಕ್ಷ್ಯವನ್ನು ತೋರಿಸುತ್ತದೆ ಎಂಬ ಆರೋಪಗಳು ಕೇಳಿಬರುತ್ತಿವೆ.

ಮದುವೆ, ಕುಟುಂಬದ ತುರ್ತು ಕಾರಣಗಳು ಅಥವಾ ರಜಾ ಕಾಲವನ್ನು ಉಪಯೋಗಿಸಿಕೊಂಡು ಭಾರತಕ್ಕೆ ಬಂದಿದ್ದ ಅನೇಕರು, ಈಗ ತಮ್ಮ ನಿರ್ಧಾರವೇ ತಪ್ಪಾಗಿತ್ತೇ ಎಂಬ ಪ್ರಶ್ನೆಗೆ ಸಿಲುಕಿದ್ದಾರೆ.

ಕೆಲವರು 2026ರವರೆಗೂ ವೀಸಾ ನವೀಕರಣ ಸಾಧ್ಯವಿಲ್ಲ ಎಂಬ ಮಾಹಿತಿಯಿಂದ ಮತ್ತಷ್ಟು ಆತಂಕಕ್ಕೆ ಒಳಗಾಗಿದ್ದಾರೆ.

ಇದರಿಂದ ಭಾರತೀಯ ವೃತ್ತಿಪರರ ಭವಿಷ್ಯವೇ ಡೋಲಾಯಮಾನವಾಗಿದೆ.

ಈ ನಡುವೆ ಗೂಗಲ್ (Google) , ಆಪಲ್‌ನಂತಹ ಪ್ರಮುಖ ಅಮೆರಿಕನ್ ತಂತ್ರಜ್ಞಾನ ಕಂಪನಿಗಳು ತಮ್ಮ ವಿದೇಶಿ ಉದ್ಯೋಗಿಗಳಿಗೆ ಎಚ್ಚರಿಕೆ ನೀಡಿರುವುದು ಗಮನಾರ್ಹ.

H-1B ವೀಸಾದಲ್ಲಿರುವ ಉದ್ಯೋಗಿಗಳು ಯಾವುದೇ ಕಾರಣಕ್ಕೂ ಅಮೆರಿಕ ಬಿಟ್ಟು ತೆರಳಬಾರದು ಎಂದು ಆಂತರಿಕ ಮೆಮೊಗಳ ಮೂಲಕ ಸೂಚಿಸಲಾಗಿದೆ.

ವೀಸಾ ನವೀಕರಣ ಪ್ರಕ್ರಿಯೆಯಲ್ಲಿ ಅಸಾಧಾರಣ ವಿಳಂಬ ಉಂಟಾಗುತ್ತಿರುವ ಹಿನ್ನೆಲೆಯಲ್ಲಿ, ವಿದೇಶ ಪ್ರಯಾಣವು ಉದ್ಯೋಗಿಗಳಿಗೆ ದೊಡ್ಡ ಅಪಾಯವಾಗಬಹುದು ಎಂಬ ಎಚ್ಚರಿಕೆಯನ್ನು ಈ ಕಂಪನಿಗಳು ನೀಡಿದ್ದಾರೆ.

ಇದು ಅಮೆರಿಕದಲ್ಲಿರುವ ಭಾರತೀಯ ಸಮುದಾಯದಲ್ಲಿ ಭಯ ಮತ್ತು ಅನಿಶ್ಚಿತತೆಯನ್ನು ಮತ್ತಷ್ಟು ಹೆಚ್ಚಿಸಿದೆ.

ಒಟ್ಟಿನಲ್ಲಿ, ಸಾಮಾಜಿಕ ಮಾಧ್ಯಮ ಪರಿಶೀಲನೆ ನಿಯಮವನ್ನು ನೆಪವಾಗಿಸಿಕೊಂಡು H-1B ವೀಸಾ ಪ್ರಕ್ರಿಯೆಯನ್ನು ಕಠಿಣಗೊಳಿಸಿರುವುದು, ಭಾರತೀಯ ವೃತ್ತಿಪರರ ಮೇಲೆ ಗಂಭೀರ ಪರಿಣಾಮ ಬೀರುತ್ತಿದೆ.

ಡೊನಾಲ್ಡ್ ಟ್ರಂಪ್ (Donald Trump) ಆಡಳಿತವು ಉದ್ದೇಶಪೂರ್ವಕವಾಗಿ ವಲಸಿಗರ ಮೇಲೆ ಒತ್ತಡ ಹೆಚ್ಚಿಸುವ ತಂತ್ರ ಅನುಸರಿಸುತ್ತಿದೆಯೇ ಎಂಬ ಅನುಮಾನಗಳು ಬಲವಾಗುತ್ತಿವೆ.

ಅಮೆರಿಕದ ಆರ್ಥಿಕ ಬೆಳವಣಿಗೆಗೆ ಮಹತ್ವದ ಕೊಡುಗೆ ನೀಡುತ್ತಿರುವ ಭಾರತೀಯ ಪ್ರತಿಭೆಗಳ ಭವಿಷ್ಯವನ್ನು ಈ ನೀತಿಗಳು ಯಾವ ದಿಕ್ಕಿಗೆ ಕೊಂಡೊಯ್ಯಲಿವೆ ಎಂಬುದು ಇನ್ನೂ ಸ್ಪಷ್ಟವಾಗಿಲ್ಲ.

ಮುಂದಿನ ದಿನಗಳಲ್ಲಿ ಈ ಸಮಸ್ಯೆಗೆ ರಾಜತಾಂತ್ರಿಕ ಅಥವಾ ನೀತಿಗತ ಪರಿಹಾರ ಸಿಗುತ್ತದೆಯೇ ಎಂಬುದನ್ನು ಕಾದುನೋಡಬೇಕಾಗಿದೆ.

ಇದನ್ನು ಓದಿ : https://vijayatimes.com/secret-leak-from-shipyard-to-pak/