• ಬೈಕ್ ಟ್ಯಾಕ್ಸಿಗೆ ಮತ್ತೆ (hc shock to bike taxis) ತಡೆ
• ಸುರಕ್ಷತೆ,ಕಾನೂನು ಉಲ್ಲಂಘನೆ,ಟ್ರಾಫಿಕ್ ದಟ್ಟಣೆಗೆ ಬೈಕ್ ಟ್ಯಾಕ್ಸಿ ಕಾರಣವಾಗಬಹುದು ಎಂದು ಹೈಪವರ್ ಸಮಿತಿಯ ವರದಿ
• ಬೈಕ್ ಟ್ಯಾಕ್ಸಿ ಭವಿಷ್ಯ ತೀರ್ಮಾನಕ್ಕೆ ಕೌಂಟ್‌ಡೌನ್ ಆರಂಭ

Bengaluru: ಬೆಂಗಳೂರು ನಗರದಲ್ಲಿ ಬೈಕ್ ಟ್ಯಾಕ್ಸಿ ಸೇವೆಯ (hc shock to bike taxis) ಭವಿಷ್ಯ ಮತ್ತೆ ಗೊಂದಲದಲ್ಲಿದೆ.

ಹಲವು ತಿಂಗಳುಗಳಿಂದ ನಡೆಯುತ್ತಿದ್ದ ವಿವಾದ, ಪ್ರತಿಭಟನೆ ಹಾಗೂ ಕಾನೂನು ಚರ್ಚೆಗಳ ನಡುವೆ, ಈಗ ರಾಜ್ಯ ಸರ್ಕಾರ ರಚಿಸಿದ್ದ ಹೈ ಪವರ್ ಸಮಿತಿಯ ವರದಿ ಹೊಸ ತಿರುವು ನೀಡಿದೆ.

ಹೈಕೋರ್ಟ್‌ಗೆ ಸಲ್ಲಿಸಿದ ಈ ವರದಿಯಲ್ಲಿ, ಸಮಿತಿ ಬೈಕ್ ಟ್ಯಾಕ್ಸಿ ಸೇವೆಗಳನ್ನು ಕಾನೂನುಬಾಹಿರ ಮತ್ತು ಸಾರ್ವಜನಿಕರಿಗೆ ಅಸುರಕ್ಷಿತ ಎಂದು ಸ್ಪಷ್ಟವಾಗಿ ಹೇಳಿದೆ.

ಇದರೊಂದಿಗೆ, ನಗರದಲ್ಲಿ ಈ ಸೇವೆ ಮುಂದುವರಿಯುವುದೇ ಅಥವಾ ನಿಲ್ಲುವುದೇ ಎಂಬ ಪ್ರಶ್ನೆ ಮತ್ತೊಮ್ಮೆ ಚರ್ಚೆಗೆ ಬಂದಿದೆ.

ಸಾರಿಗೆ ಸಂಘಟನೆಗಳು ಈ ವರದಿಯನ್ನು ಸಂಪೂರ್ಣವಾಗಿ (hc shock to bike taxis) ಬೆಂಬಲಿಸಿದರೆ, ನಾಗರಿಕರಲ್ಲಿ ಮಾತ್ರ ಮಿಶ್ರ ಪ್ರತಿಕ್ರಿಯೆ ಕಂಡುಬಂದಿದೆ.

ಹೈಪವರ್ ಸಮಿತಿಯ ವರದಿಯಲ್ಲಿ ಪ್ರಮುಖವಾಗಿ ಎರಡು ಅಂಶಗಳನ್ನು ಉಲ್ಲೇಖಿಸಲಾಗಿದೆ.

ಮೊದಲನೆಯದಾಗಿ, ಬೈಕ್ ಟ್ಯಾಕ್ಸಿ ಸೇವೆಗಳಿಗೆ ಅನುಮತಿ ನೀಡುವುದು ಕೇಂದ್ರ ಮೋಟಾರ್ ವಾಹನ ಕಾಯ್ದೆಯ ವಿರುದ್ಧವಾಗುತ್ತದೆ ಎಂದು ಸಮಿತಿ ಹೇಳಿದೆ.

ಮೋಟಾರ್ ವಾಹನ ಕಾಯ್ದೆಯ ಪ್ರಕಾರ, ಖಾಸಗಿ ನೋಂದಣಿಯ ಬೈಕ್‌ಗಳನ್ನು ವಾಣಿಜ್ಯ ಉದ್ದೇಶಕ್ಕಾಗಿ ಬಳಸುವುದು ಕಾನೂನು ಬಾಹಿರ.

ಎರಡನೆಯದಾಗಿ, ನಗರದಲ್ಲಿ ಈಗಾಗಲೇ ಸಂಚಾರದ ದಟ್ಟಣೆ ಹೆಚ್ಚುತ್ತಿರುವ ಸಂದರ್ಭದಲ್ಲಿ, ಬೈಕ್ ಟ್ಯಾಕ್ಸಿಗಳು ಕ್ರಮೇಣ ಟ್ರಾಫಿಕ್ ಸಮಸ್ಯೆಯನ್ನು ಇನ್ನಷ್ಟು ಗಂಭೀರಗೊಳಿಸುವ ಸಾಧ್ಯತೆ ಇದೆ ಎಂದು ವರದಿ ಎಚ್ಚರಿಸಿದೆ.

ಹೆಲ್ಮೆಟ್ ಬಳಸದೇ ಪ್ರಯಾಣಿಸುವ ಪ್ರಕರಣಗಳು, ವೇಗ ಮೀರಿಸುವುದು, ಚಾಲಕರಿಂದ ಕಿರುಕುಳ ಮುಂತಾದ ಘಟನೆಗಳಿಗೆ ನಾಂದಿ ಹಾಡಿದೆ ಎನ್ನಲಾಗಿದೆ.

ಇನ್ನೊಂದೆಡೆ, ಸಾಮಾನ್ಯ ಜನರು ಮತ್ತು ಅನೇಕ ಯುವಕರ ಅಭಿಪ್ರಾಯ ಇದಕ್ಕಿಂತ ಭಿನ್ನವಾಗಿದೆ. ಜನರ ಮಾತಿನಲ್ಲಿ, ಬೈಕ್ ಟ್ಯಾಕ್ಸಿ ಸೇವೆ ಕಡಿಮೆ ದರದಲ್ಲಿ ಮತ್ತು ಸಮಯಕ್ಕೆ ಸರಿಯಾಗಿ ಪ್ರಯಾಣ ಮಾಡಲು ದೊಡ್ಡ ನೆರವು ನೀಡುತ್ತದೆ.

ವಿಶೇಷವಾಗಿ ಮೆಟ್ರೋ ರೈಲು ಸಂಪರ್ಕವಿಲ್ಲದ ಪ್ರದೇಶಗಳಲ್ಲಿ, ಕೆಲಸಕ್ಕೆ ಹೋಗುವ ಉದ್ಯೋಗಿಗಳು, ವಿದ್ಯಾರ್ಥಿಗಳು ಹಾಗೂ ಮಹಿಳೆಯರು ಕೂಡ ಬೈಕ್ ಟ್ಯಾಕ್ಸಿಯನ್ನು ಹೆಚ್ಚು ಬಳಸುತ್ತಿದ್ದಾರೆ.

ಟ್ರಾಫಿಕ್‌ನಲ್ಲಿ ಕಾರು ಅಥವಾ ಆಟೋ ಸಿಗದ ಸಂದರ್ಭದಲ್ಲಿ, ಈ ಸೇವೆಯಿಂದ ದೈನಂದಿನ ಪ್ರಯಾಣ ಸುಲಭವಾಗುತ್ತದೆ ಎಂದು ಅವರು ಹೇಳುತ್ತಾರೆ.

ಇನ್ನು ಯುವ ಚಾಲಕರ ದೃಷ್ಟಿಯಿಂದ, ಈ ಸೇವೆ ಜೀವನೋಪಾಯಕ್ಕೆ ಮುಖ್ಯ ಆಧಾರ. ಅನೇಕರು ಆಹಾರ ವಿತರಣೆಯಲ್ಲಿ ಅಥವಾ ಪಾರ್ಸೆಲ್ ಸೇವೆಯಲ್ಲಿ ಕೆಲಸ ಮಾಡುತ್ತಿದ್ದರೂ, ಬೈಕ್ ಟ್ಯಾಕ್ಸಿ ವಾಣಿಜ್ಯ ಸೇವೆಯಿಂದ ಅವರಿಗೆ ಹೆಚ್ಚುವರಿ ಆದಾಯ ದೊರೆಯುತ್ತಿತ್ತು.

ಆದರೆ ಸಮಿತಿ, ಆಹಾರ ವಿತರಣೆ ಅಥವಾ ಅಗತ್ಯ ಸೇವೆಗಳಲ್ಲಿ ಬೈಕ್ ಉಪಯೋಗಿಸುವುದಕ್ಕೆ ವಿರೋಧವಿಲ್ಲ; ಆದರೆ ಪ್ರಯಾಣಿಕರನ್ನು ಕರೆದೊಯ್ಯುವ ಬೈಕ್ ಟ್ಯಾಕ್ಸಿ ವಾಣಿಜ್ಯ ಸೇವೆಗೆ ಅವಕಾಶವಿಲ್ಲ ಎಂದು ಸ್ಪಷ್ಟಪಡಿಸಿದೆ.

ಸಾರಿಗೆ ಸಂಘಟನೆಗಳು ಮತ್ತು ಕಾರು/ಆಟೋ ಚಾಲಕರ ಸಂಘಗಳು ಸಮಿತಿಯ ವರದಿಯನ್ನು ಸ್ವಾಗತಿಸಿವೆ.

ಅವರ ವಾದ ಏನೆಂದರೆ, ಬೈಕ್ ಟ್ಯಾಕ್ಸಿಗಳು ಬಂದ ನಂತರ ಯೂನಿಯನ್ ಸದಸ್ಯರ ಆದಾಯದಲ್ಲಿ ಕುಸಿತ ಕಂಡಿತ್ತು.

ಇನ್ನು ಸರ್ಕಾರದ ನಿಯಮಗಳಿಗೆ ಒಳಪಡುವಂತಹ ವಾಹನಗಳಿಗೆ ವಿಮೆ, ಪರವಾನಿಗೆ, ಮಿಟರ್ ಮತ್ತು ಸುರಕ್ಷತಾ ಮಾನದಂಡಗಳು ಇದ್ದರೂ, ಬೈಕ್ ಟ್ಯಾಕ್ಸಿಗಳು ಯಾವುದೇ ನಿಯಂತ್ರಣಕ್ಕೆ ಒಳಪಡುವುದಿಲ್ಲ.

ಇದು ಮಾರುಕಟ್ಟೆಯಲ್ಲಿನ ಸಮಾನತೆಯನ್ನೂ ಹಾಳು ಮಾಡುತ್ತದೆ, ಚಾಲಕರಿಗೂ ಪ್ರಯಾಣಿಕರಿಗೂ ಅಪಾಯವಾಗುತ್ತದೆ ಎಂದು ಒತ್ತಿ ಹೇಳಿದ್ದಾರೆ.

ಆದರೆ ನಾಗರಿಕರ ಪ್ರತಿಕ್ರಿಯೆ ನೋಡಿದರೆ, ಸರ್ಕಾರ ಬೈಕ್ ಟ್ಯಾಕ್ಸಿಯನ್ನು ಸಂಪೂರ್ಣ ನಿಷೇಧಿಸುವ ಬದಲು ನಿಯಮಿತ ಚೌಕಟ್ಟು ರೂಪಿಸಬಹುದಿತ್ತು ಎಂಬ ಅಭಿಪ್ರಾಯ ಹೆಚ್ಚು ಕೇಳಿಬರುತ್ತಿದೆ.

ಇದನ್ನು ಓದಿ : ವಿದೇಶಿ ಗ್ರಾಹಕರ ಮನ ಗೆದ್ದ ಕನ್ನಡದ ನಂದಿನಿ: ಅಮೆರಿಕಾ ಸೇರಿದಂತೆ ಮೂರು ರಾಷ್ಟ್ರಗಳಲ್ಲಿ ವಿಶೇಷ ಬೇಡಿಕೆ