ಹೆಚ್ಚು ಉಪ್ಪನ್ನು(Salt) ತಿನ್ನುವುದು ಮಾತ್ರವಲ್ಲ, ಕಡಿಮೆ ಉಪ್ಪನ್ನು ತಿನ್ನುವುದು ಕೂಡ ನಮ್ಮ ಆರೋಗ್ಯಕ್ಕೆ ದೊಡ್ಡ ಹಾನಿ ಉಂಟುಮಾಡುತ್ತದೆ.
ಹಲವು ಬಾರಿ ನಾವು ಹೆಚ್ಚು ಉಪ್ಪನ್ನು ಸೇವಿಸುವುದನ್ನು ತಪ್ಪಿಸಲು ಅಗತ್ಯಕ್ಕಿಂತ ಕಡಿಮೆ ಉಪ್ಪನ್ನು ತಿನ್ನಲು ಪ್ರಾರಂಭಿಸುತ್ತೀವಿ. ಉಪ್ಪು ಅಯೋಡಿನ್ನ(Iodine) ಮುಖ್ಯ ಮೂಲವಾಗಿದೆ ಮತ್ತು ನಮ್ಮ ದೇಹಕ್ಕೆ ಸಾಕಷ್ಟು ಅಯೋಡಿನ್ ಸಿಗದಿದ್ದಾಗ, ಅದು ನಮ್ಮ ಆರೋಗ್ಯಕ್ಕೆ ಹಾನಿ ಉಂಟು ಮಾಡುತ್ತದೆ. ಉಪ್ಪು ಸೋಡಿಯಂ ಕ್ಲೋರೈಡ್ನ(Sodium Chloride) ಮೂಲವಾಗಿದೆ ಮತ್ತು ಇದು ಎಲೆಕ್ಟ್ರೋಲೈಟ್ ಅನ್ನು ಸಮತೋಲನಗೊಳಿಸುತ್ತದೆ.
ಅಮೇರಿಕನ್ ಜನರಲ್ ಆಫ್ ಹೈಪರ್ ಟೆನ್ಶನ್ ನಲ್ಲಿ ಪ್ರಕಟವಾದ ಸಂಶೋಧನಾ ಪ್ರಬಂಧದ ಪ್ರಕಾರ, ರೆನಿನ್, ಕೊಲೆಸ್ಟ್ರಾಲ್ ಮತ್ತು ಟ್ರೈಗ್ಲಿಸರೈಡ್ ಮಟ್ಟಗಳು ಕಡಿಮೆ ಉಪ್ಪನ್ನು ಸೇವಿಸುವ ಜನರಲ್ಲಿ ಹೆಚ್ಚಾಗಿ ಕಂಡುಬರುತ್ತವೆ. ಕಡಿಮೆ ಸೋಡಿಯಂ ಇರುವ ಆಹಾರದಿಂದಾಗಿ, ಕೆಟ್ಟ ಕೊಲೆಸ್ಟ್ರಾಲ್ ಮಟ್ಟವು 4.6% ಮತ್ತು ಟ್ರೈಗ್ಲಿಸರೈಡ್ಗಳ ಮಟ್ಟವು 5.9% ಹೆಚ್ಚಾಗುತ್ತದೆ.
ನೀವು ಬಹಳ ಕಡಿಮೆ ಪ್ರಮಾಣದಲ್ಲಿ ಉಪ್ಪನ್ನು ತಿಂದರೆ ನಿಮ್ಮ ದೇಹಕ್ಕೆ ಬೇಕಾದ ಪ್ರಮಾಣದಲ್ಲಿ ಸೋಡಿಯಂ ಸಿಗುವದಿಲ್ಲ. ಇದರಿಂದಾಗಿ ನೀವು ಟೈಪ್ 2 ಮಧುಮೇಹಕ್ಕೆ ಒಳಗಾಗಬಹುದು. ಪೌಷ್ಟಿಕ ತಜ್ಞರ ಪ್ರಕಾರ, ನೀವು ತುಂಬಾ ಕಡಿಮೆ ಉಪ್ಪನ್ನು ಸೇವಿಸಿದರೆ, ಅದು ದೇಹದಲ್ಲಿ ಇನ್ಸುಲಿನ್ ಪ್ರತಿರೋಧದ ಸಾಮರ್ಥ್ಯವನ್ನು ಹೆಚ್ಚಿಸುತ್ತದೆ. ಹಾರ್ಮೋನ್ ಇನ್ಸುಲಿನ್ ನಿಂದ ಸಿಗ್ನಲ್ ಗಳಿಗೆ ಕೋಶಗಳು ಸರಿಯಾಗಿ ಪ್ರತಿಕ್ರಿಯಿಸುವುದಿಲ್ಲ. ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಹೆಚ್ಚಿಸುತ್ತದೆ.
ಅಯೋಡಿನ್ ಕೊರತೆಯು ಥೈರಾಯ್ಡ್ ಗ್ರಂಥಿಯು ಸರಿಯಾಗಿ ಕಾರ್ಯನಿರ್ವಹಿಸದಿರಲು ಕಾರಣವಾಗುತ್ತದೆ. ನೀವು ತುಂಬಾ ಕಡಿಮೆ ಉಪ್ಪನ್ನು ಸೇವಿಸಿದರೆ, ನಿಮಗೆ ಹೈಪೋಥೈರಾಯ್ಡಿಸಂ ಸಮಸ್ಯೆ ಕೂಡ ಉಂಟಾಗಬಹುದು. ಅಯೋಡಿಕರಿಸಿದ ಉಪ್ಪು ದೇಹದಲ್ಲಿ ಉತ್ತಮ ಕೊಲೆಸ್ಟ್ರಾಲ್ ಅನ್ನು ಹೆಚ್ಚಿಸುತ್ತದೆ. ಕಡಿಮೆ ಉಪ್ಪನ್ನು ಸೇವಿಸುವುದರಿಂದ ನೀವು ಕಡಿಮೆ ರಕ್ತದೊತ್ತಡದ ಸಮಸ್ಯೆಯನ್ನು ಎದುರಿಸಬೇಕಾಗುತ್ತದೆ. ರಕ್ತದಲ್ಲಿ ಕಡಿಮೆ ಮಟ್ಟದ ಸೋಡಿಯಂ ಇರುವುದರಿಂದ ಹೈಪೋನಾಟ್ರೀಮಿಯಾದ ಸ್ಥಿತಿ ಉದ್ಭವಿಸುತ್ತದೆ.
ಇದರ ಲಕ್ಷಣಗಳು ನಿರ್ಜಲೀಕರಣದಂತೆ ಇರಬಹುದು. ಈ ಸಮಸ್ಯೆ ಹೆಚ್ಚು ತೀವ್ರವಾಗಿದ್ದರೆ, ಮೆದುಳಿನಲ್ಲಿ ಊತ, ತಲೆನೋವು ಮತ್ತು ರೋಗಗ್ರಸ್ತವಾಗುವಿಕೆಯ ಅಪಾಯವೂ ಇರುತ್ತದೆ. ಹಾಗಾದರೆ ನಾವು ಪ್ರತಿದಿನ ಎಷ್ಟು ಉಪ್ಪು ತಿನ್ನಬೇಕು? ಉಪ್ಪನ್ನು ನಿಗದಿತ ಪ್ರಮಾಣದಲ್ಲಿ ಸೇವಿಸುವುದು ಆರೋಗ್ಯಕ್ಕೆ ಒಳ್ಳೆಯದು. ಇದನ್ನು ತುಂಬಾ ಕಡಿಮೆ ಅಥವಾ ಹೆಚ್ಚು ಸೇವಿಸಬೇಡಿ. ಅಧಿಕ ಉಪ್ಪನ್ನು ಅಂದರೆ ಅಧಿಕ ಪ್ರಮಾಣದ ಸೋಡಿಯಂ ಅನ್ನು ಸೇವಿಸುವುದರಿಂದ ಅಧಿಕ ರಕ್ತದೊತ್ತಡ ಉಂಟಾಗಬಹುದು.
ನ್ಯಾಷನಲ್ ಅಕಾಡೆಮಿ ಆಫ್ ಮೆಡಿಸಿನ್ ಮಾಹಿತಿ ಪ್ರಕಾರ, ಪ್ರತಿದಿನ 2,300 ಮಿಲಿಗ್ರಾಂಗಳಿಗಿಂತ ಕಡಿಮೆ ಉಪ್ಪನ್ನು ಸೇವಿಸಿದರೆ ಆರೋಗ್ಯಕ್ಕೆ ಒಳ್ಳೆಯದು.
