Health Tips : ಬಾಳೆಹಣ್ಣನ್ನು (Banana) ತಿನ್ನುವುದು ಆರೋಗ್ಯಕರ ಎನ್ನುವುದು ಹೆಚ್ಚಿನವರಿಗೆ ತಿಳಿದೇ ಇದೆ.

ಆದರೆ ಗ್ರಾಮೀಣ ಭಾಗದಲ್ಲಿ ಹಿಂದಿನಿಂದಲೂ ಬಳಸಿಕೊಂಡು ಬರುತ್ತಿರುವಂತಹ ಬಾಳೆ ಹೂಗಳೂ ಸಹ ಹಲವಾರು ಆರೋಗ್ಯಕರ ಗುಣಗಳಿಂದ ಸಮೃದ್ಧವಾಗಿವೆ. ಬಾಳೆ ಹೂವಿನ (Banana Flower) ಆರೋಗ್ಯಕರ ಗುಣಗಳ ಪಟ್ಟಿ ಇಲ್ಲಿದೆ ನೋಡಿ.

ಕಬ್ಬಿಣದ ಅಂಶವನ್ನು ಹೆಚ್ಚಿಸುತ್ತದೆ : ಬಾಳೆಹಣ್ಣಿನ ಹೂವುಗಳಲ್ಲಿ ಕಬ್ಬಿಣ ಅಂಶ ಹೆಚ್ಚಾಗಿದೆ.

ಇದು ಆಯಾಸ, ದಣಿವು, ಅನಿಯಮಿತ ಹೃದಯ ಬಡಿತ, ಮಸುಕಾದ ಚರ್ಮ, ತಣ್ಣನೆಯ ಪಾದಗಳು ಮತ್ತು ರಕ್ತಹೀನತೆಗೆ ಸಂಬಂಧಿಸಿದ ರೋಗ ಲಕ್ಷಣಗಳನ್ನು ಸುಧಾರಿಸುತ್ತದೆ.

ಊಟದಲ್ಲಿ ಬಾಳೆ ಹೂವನ್ನು ನಿಯಮಿತವಾಗಿ ಬಳಕೆ ಮಾಡುವುದರಿಂದ ಕೆಂಪು ರಕ್ತ ಕಣಗಳ (Red Blood Cells) ಮಟ್ಟವನ್ನು ಹೆಚ್ಚಿಸುತ್ತದೆ ಮತ್ತು ಕಬ್ಬಿಣದ ಕೊರತೆಯಿಂದ ಉಂಟಾಗುವ ರಕ್ತಹೀನತೆಯನ್ನು ನಿವಾರಣೆ ಮಾಡುತ್ತದೆ.

https://youtu.be/MRjQfgXgN60

ಸೋಂಕುಗಳನ್ನು ದೂರವಿರಿಸುತ್ತದೆ : ಬಾಳೆ ಹೂವು ಸೋಂಕುಗಳಿಗೆ ನೈಸರ್ಗಿಕ ರೀತಿಯಲ್ಲಿ ಚಿಕಿತ್ಸೆ ನೀಡಲು ಬಹಳ ಪರಿಣಾಮಕಾರಿ. ಬಾಳೆ ಹೂವಿನ ಸಾರದಲ್ಲಿ ಎಥೆನಾಲ್ ಇದೆ, ಇದು ರೋಗಕಾರಕ ಬ್ಯಾಕ್ಟೀರಿಯಾದ ಬೆಳವಣಿಗೆಯನ್ನು ತಡೆಯುತ್ತದೆ.

ಮೂತ್ರಪಿಂಡದ ಕಾರ್ಯವನ್ನು ಉತ್ತೇಜಿಸುತ್ತದೆ : ಬಾಳೆ ಹೂವಿನಲ್ಲಿರುವ ಅಸಂಖ್ಯಾತ ಪೋಷಕಾಂಶಗಳು ಮೂತ್ರಪಿಂಡಗಳ ಆರೋಗ್ಯಕರ ಕಾರ್ಯನಿರ್ವಹಣೆಯನ್ನು ಉತ್ತೇಜಿಸುತ್ತವೆ.

ಆಹಾರದಲ್ಲಿ ಎಳೆ ಬಾಳೆ ಹೂವನ್ನು ಸೇರಿಸುವುದರಿಂದ ಮೂತ್ರಪಿಂಡದ ಕಲ್ಲುಗಳನ್ನು ಕರಗಿಸಲು ನೈಸರ್ಗಿಕ ಪರಿಹಾರವಾಗಿ ಕಾರ್ಯನಿರ್ವಹಿಸುತ್ತದೆ ಮತ್ತು ಉರಿಯೂತ ಮತ್ತು ಮೂತ್ರದ ಸಮಸ್ಯೆಗಳ ಅಪಾಯವನ್ನು ತಪ್ಪಿಸುತ್ತದೆ.

ಜೀರ್ಣಕ್ರಿಯೆಯ ಸಮಸ್ಯೆಗೆ ಪರಿಹಾರ : ಬಾಳೆ ಹೂವು ಕ್ಷಾರ ಆಹಾರವಾಗಿದ್ದು, ಇದು ಹೊಟ್ಟೆಯ ಆಮ್ಲ ಸ್ರವಿಸುವಿಕೆಯನ್ನು ಪರಿಣಾಮಕಾರಿಯಾಗಿ ತಟಸ್ಥಗೊಳಿಸುತ್ತದೆ.

ಮತ್ತು ಅಜೀರ್ಣ, ಹುಣ್ಣುಗಳು ಹಾಗೂ ನೋವಿನಿಂದ ವಿರಾಮವನ್ನು ನೀಡುತ್ತದೆ. ಇದಲ್ಲದೆ, ಕರುಳಿನ ಚಟುವಟಿಕೆಯನ್ನು ನಿಯಮಿತಗೊಳಿಸುವ ಮೂಲಕ ಮಲಬದ್ಧತೆಗೆ ಚಿಕಿತ್ಸೆ ನೀಡುತ್ತದೆ.

https://fb.watch/g96IKpCFxP/ ಕಂಠೀರವ ಕ್ರೀಡಾಂಗಣ ಖಾಸಿಗಿಯವರಿಗೆ ಮಾರಾಟ? ಇಲ್ಲಿ ಅಥ್ಲೀಟ್ಸ್ ಗೆ ಪ್ರವೇಶವಿಲ್ಲ!

ಆತಂಕ ಕಡಿಮೆ ಮಾಡುತ್ತದೆ : ಬಾಳೆ ಹೂವಿನಲ್ಲಿರುವ ಮೆಗ್ನೀಷಿಯಂ ಆತಂಕವನ್ನು ಕಡಿಮೆ ಮಾಡುತ್ತದೆ ಮತ್ತು ಮನಸ್ಥಿತಿಯನ್ನು ಸುಧಾರಿಸುತ್ತದೆ. ಇವು ನೈಸರ್ಗಿಕ ಖಿನ್ನತೆ-ಶಮನಕಾರಿಗಳಾಗಿ ಕಾರ್ಯನಿರ್ವಹಿಸುತ್ತವೆ.

ಮಧುಮೇಹ ನಿಯಂತ್ರಿಸುತ್ತದೆ : ಜರ್ನಲ್ ಆಫ್ ಫುಡ್ ಅಂಡ್ ಅಗ್ರಿಕಲ್ಚರ್ ನಲ್ಲಿ ಪ್ರಕಟವಾದ ಅಧ್ಯಯನದ ಪ್ರಕಾರ, ಬಾಳೆಹಣ್ಣಿನ ಹೂವಿನ ಸಾರಗಳು ಗ್ಲುಕೋಸ್ ಸೇವನೆಯನ್ನು ಉತ್ತೇಜಿಸುವ ಕಾರಣ, ಇದು ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ಕಡಿಮೆ ಮಾಡುತ್ತದೆ.

ಇದನ್ನೂ ಓದಿ : https://vijayatimes.com/fish-seller-wins-70-lakh-lottery/

ತಾಯಿಯ ಎದೆಹಾಲು ಹೆಚ್ಚಿಸುತ್ತದೆ : ಬಾಳೆ ಹೂವು ಹಾಲುಣಿಸುವ ತಾಯಂದಿರಿಗೆ ಎದೆಹಾಲು ಸ್ರವಿಸುವ ಪ್ರಮಾಣವನ್ನು ಹೆಚ್ಚಿಸುತ್ತದೆ.

ಇದು ಗರ್ಭಾಶಯದ ಅರೋಗ್ಯ ಹೆಚ್ಚಿಸಲು ಸಹಾಯ ಮಾಡುತ್ತದೆ ಮತ್ತು ಹೆರಿಗೆಯ ನಂತರ ರಕ್ತಸ್ರಾವವನ್ನು ಕಡಿಮೆ ಮಾಡುತ್ತದೆ.

ಬಾಳೆ ಹೂ ಗಾಯವು ಗುಣಮುಖವಾಗಲು ನೆರವಾಗುವುದು : ಬಾಳೆ ಹೂವಿನ ಸಾರವು ಮಲೇರಿಯಾದ ಪರಾವಲಂಬಿ ಜೀವಿ ಪ್ಲಾಸ್ಮೋಡಿಯಂ ಫಾಲ್ಸಿಪಾರಮ್ ಬೆಳವಣಿಗೆಯನ್ನು ಕೂಡ ತಡೆಯುವುದು, ಇದು ಅಧ್ಯಯನಗಳಿಂದಲೂ ಸಾಬೀತಾಗಿದೆ.

• ಪವಿತ್ರ