- ಬೆಳಗಾವಿಯ 31 ಕೃಷ್ಣಮೃಗಗಳ ಸಾವು ಪ್ರಕರಣ (hemorrhagic septicemia in blackbucks) ಹೆಮರೈಜಿಕ್ ಸೆಪ್ಟೀಸಿಮಿಯಾ ಸೋಂಕೇ ಪ್ರಮುಖ ಕಾರಣ
- ಸೋಂಕು ನಿಯಂತ್ರಣಕ್ಕೆ ಕಠಿಣ ಜೈವಿಕ ಸುರಕ್ಷತಾ ಕ್ರಮಗಳನ್ನು ಜಾರಿಗೆ ತರಲು ಅಧಿಕಾರಿಗಳಿಗೆ ನಿರ್ದೇಶನ
- ಮೃಗಾಲಯಕ್ಕೆ ಭೇಟಿನೀಡಿದ ಸಚಿವ ಸತೀಶ್ ಜಾರಕಿಹೋಳಿ ತ್ವರಿತ ಕ್ರಮಕ್ಕೆ ಅಧಿಕಾರಿಗಳಿಗೆ ಸೂಚನೆ
Belgavi: ಬೆಳಗಾವಿಯ ಭೂತರಾಮನಹಟ್ಟಿಯ ರಾಣಿ ಚನ್ನಮ್ಮ ಕಿರು ಮೃಗಾಲಯದಲ್ಲಿ (hemorrhagic septicemia in blackbucks) ಇತ್ತೀಚಿನ ದಿನಗಳಲ್ಲಿ ಸಂಭವಿಸಿದ ಕೃಷ್ಣಮೃಗಗಳ ಸಾವು ಪ್ರಕರಣಕ್ಕೆ ಸಂಬಂಧಿಸಿದಂತೆ ಮಹತ್ವದ ಮಾಹಿತಿ ಹೊರಬಿದ್ದಿದೆ.
ಒಟ್ಟು 31 ಕೃಷ್ಣಮೃಗಗಳು ಸಾವಿಗೀಡಾಗಿರುವ ಈ ಘಟನೆ ರಾಜ್ಯದಲ್ಲಿ ಆತಂಕದ ವಾತಾವರಣವನ್ನು ಸೃಷ್ಟಿಸಿತ್ತು. ಈಗ, ಪ್ರಯೋಗಾಲಯ ವರದಿ ಈ ಸಾವಿಗೆ ಹೆಮರೈಜಿಕ್ ಸೆಪ್ಟೀಸಿಮಿಯಾ (HS) ಅಥವಾ ಗಳಲೆ ರೋಗವೇ ಕಾರಣ ಎಂದು ಖಚಿತಪಡಿಸಿದೆ.
ಈ ಹಿನ್ನೆಲೆಯಲ್ಲಿ, ಕರ್ನಾಟಕ ಮೃಗಾಲಯ ಪ್ರಾಧಿಕಾರದಿಂದ ರಚಿಸಲಾದ ಉನ್ನತ (hemorrhagic septicemia in blackbucks) ಮಟ್ಟದ ತಜ್ಞರ ಸಮಿತಿ ಮಂಗಳವಾರ ಮೃಗಾಲಯಕ್ಕೆ ಭೇಟಿ ನೀಡಿ ಪರಿಸ್ಥಿತಿಯನ್ನು ಸಂಶೋಧಿಸಿತು.
ಸದಸ್ಯ ಕಾರ್ಯದರ್ಶಿ ಸುನೀಲ ಪನ್ವಾರ್ ಹಾಗೂ ಹಿರಿಯ ವನ್ಯಜೀವಿ ಪಶುವೈದ್ಯರಾದ ಡಾ. ಪ್ರಯಾಗ್ ನೇತೃತ್ವದ ತಂಡವು ಸಾವಿನ ಮಾದರಿಗಳು, ಆವರಣದ ಸ್ವಚ್ಛತೆ ಮತ್ತು ಸೋಂಕಿನ ಹರಡುವಿಕೆಯನ್ನು ವಿಶ್ಲೇಷಿಸಿ ಅಂತಿಮ ವರದಿ ನೀಡಿದೆ.
ಈಗಾಗಲೇ ಎಚ್ಚರಿಕೆಯ ಕ್ರಮವಾಗಿ ಮೃಗಾಲಯದೊಳಗೆ ಕಡ್ಡಾಯ ಜೈವಿಕ ಸುರಕ್ಷತಾ ನಿಯಂತ್ರಣೆಗಳನ್ನು ಜಾರಿಗೆ ತರಲು ನಿರ್ದೇಶಿಸಲಾಗಿದೆ.
ವಾಸಸ್ಥಲದ ನೈರ್ಮಲ್ಯ ಸುಧಾರಣೆ, ಸೋಂಕು ಹರಡುವ ಸಾಧ್ಯತೆಯ ಪ್ರದೇಶಗಳಲ್ಲಿ ನಿರಂತರ ಸ್ಯಾನಿಟೈಸೇಶನ್ ಕಾರ್ಯ, ಹಾಗೂ ಉಳಿದಿರುವ ಪ್ರಾಣಿಗಳ ಆರೋಗ್ಯ ಮೇಲ್ವಿಚಾರಣೆಗಾಗಿ ವಿಶೇಷ ಪಶುವೈದ್ಯರ ತಂಡವನ್ನು ನಿಯೋಜಿಸಲಾಗಿದೆ.
ಮೃಗಾಲಯದಲ್ಲಿ ಉಳಿದಿರುವ ಸಿಂಹ, ಹುಲಿ, ಚಿರತೆ, ಜಿಂಕೆ ಪ್ರಭೇದಗಳು ಮತ್ತು ಅಪರೂಪದ ಪಕ್ಷಿಗಳ ಆರೋಗ್ಯ ಸ್ಥಿತಿಗೆ ವಿಶೇಷ ಗಮನ ನೀಡಲು ಸೂಚಿಸಲಾಗಿದೆ.
ಹೆಚ್ಚಿನ ಒತ್ತಡಕ್ಕೆ ಒಳಗಾಗುವ ಹಾಗೂ ಅಳಿವಿನಂಚಿನಲ್ಲಿರುವ ಜೀವಿಗಳ ಮೇಲೆ 24/7 ಪಶುವೈದ್ಯಕೀಯ ನಿಗಾ ಅವಶ್ಯಕವೆಂದು ತಜ್ಞರು ಸ್ಪಷ್ಟಪಡಿಸಿದ್ದಾರೆ.
ಈ ನಡುವೆ, ಜಿಲ್ಲಾ ಉಸ್ತುವಾರಿ ಹಾಗೂ ಲೋಕೋಪಯೋಗಿ ಸಚಿವರಾದ ಸತೀಶ್ ಜಾರಕಿಹೋಳಿ ಅವರು ಕೃಷ್ಣಮೃಗದ ಸಾವುಗಳ ಕುರಿತು ಮಂಗಳವಾರ ಮೃಗಾಲಯಕ್ಕೆ ಭೇಟಿ ನೀಡಿ ಸ್ಥಳ ಪರಿಶೀಲನೆ ನಡೆಸಿದರು.
ಸಚಿವರು ಅಧಿಕಾರಿಗಳೊಂದಿಗೆ ಮಾತನಾಡಿ, ಈ ರೀತಿಯ ಸಮೂಹಸಾವು ಪುನರಾವರ್ತನೆಗೊಳ್ಳದಂತೆ ತ್ವರಿತ ಮತ್ತು ಪರಿಣಾಮಕಾರಿ ಕ್ರಮಗಳನ್ನು ಜಾರಿಗೆ ತರಬೇಕು ಎಂದು ಸೂಚಿಸಿದರು.
ಸೋಂಕು ಪ್ರಸ್ತುತ ಕೃಷ್ಣಮೃಗಗಳಲ್ಲಷ್ಟೇ ಕಂಡುಬಂದಿದ್ದು, ಇತರ ಪ್ರಭೇದಗಳು ಸುರಕ್ಷಿತವಾಗಿವೆ ಎಂದು ಮೃಗಾಲಯದ ಅಧಿಕಾರಿಗಳು ಸಚಿವರಿಗೆ ಮಾಹಿತಿ ನೀಡಿದರು.
ಇದಕ್ಕೆ ಪ್ರತಿಕ್ರಿಯೆಯಾಗಿ ಜಾರಕಿಹೋಳಿ, ಮೃಗಾಲಯದಲ್ಲಿ ಮೂಲಸೌಕರ್ಯ ಸುಧಾರಣೆ, ವಿಜ್ಞಾನಾಧಾರಿತ ನಿಗಾವ್ಯವಸ್ಥೆ ಹಾಗೂ ತಜ್ಞರ ಶಿಫಾರಸಿನ ಅನುಷ್ಠಾನಕ್ಕಾಗಿ ಸರ್ಕಾರ ಸಂಪೂರ್ಣ ಸಹಕಾರ ನೀಡುತ್ತದೆ ಎಂದು ಭರವಸೆ ನೀಡಿದರು.
ಹಾಗಾಗಿ ಮುಂಬರುವ ದಿನಗಳಲ್ಲಿ ಈ ರೀತಿಯ ಸಾವುಗಳನ್ನು ತಡೆಯಲು ಸರ್ಕಾರ ಮತ್ತು ಮೃಗಾಲಯ ಪ್ರಾಧಿಕಾರಗಳು ಸಮಗ್ರ ಮೃಗಸಂರಕ್ಷಣಾ ನೀತಿಯನ್ನು ಜಾರಿಗೆ ತರಲಿರುವ ನಿರೀಕ್ಷೆಯಿದೆ.
ಇದನ್ನು ಓದಿ : ಹೊಸ ಫ್ಲೈಓವರ್ ವೀಕ್ಷಿಸಿದ ಡಿಸಿಎಂ: ಡಿಕೆಶಿ ಸವಾರಿಗೆ ಬಳಸಿದ್ದ ಸ್ಕೂಟರ್‌ ಮೇಲಿದೆ 34 ಕೇಸ್; 18,500 ರೂ ದಂಡ!
