• ಆಧಾರ್ PVC ಕಾರ್ಡ್ ದರ ಏರಿಕೆ: ಇನ್ಮುಂದೆ ಕಾರ್ಡ್ (hike in Aadhaar PVC card ) ಪಡೆಯಲು ಹೆಚ್ಚು ಹಣ ಪಾವತಿ
• UIDAI ನಿರ್ಧಾರದಿಂದ ಪಿವಿಸಿ ಆಧಾರ್ ಶುಲ್ಕ ರೂ.50ರಿಂದ ರೂ.75ಕ್ಕೆ ಏರಿಕೆ: ಜನವರಿ 1ರಿಂದ ಹೊಸ ದರ ಜಾರಿ
• ಮೈಆಧಾರ್ ಪೋರ್ಟಲ್ ಮತ್ತು ಎಂ-ಆಧಾರ್ ಆ್ಯಪ್ ಮೂಲಕ ಆರ್ಡರ್ ಮಾಡಿದವರಿಗೆ ಹೊಸ ದರ ಅನ್ವಯ

ಭಾರತದಲ್ಲಿ ಪ್ರತಿಯೊಬ್ಬ ನಾಗರಿಕನಿಗೂ ಆಧಾರ್ ಅತ್ಯಂತ ಪ್ರಮುಖ ಗುರುತಿನ (hike in Aadhaar PVC card) ದಾಖಲೆಯಾಗಿದೆ.

ಸರ್ಕಾರಿ ಸೇವೆಗಳಿಂದ ಹಿಡಿದು ಬ್ಯಾಂಕಿಂಗ್, ಹಣಕಾಸು ವ್ಯವಹಾರಗಳು ಹಾಗೂ ವಿವಿಧ ಕಲ್ಯಾಣ ಯೋಜನೆಗಳವರೆಗೆ ಆಧಾರ್ ಅನಿವಾರ್ಯವಾಗಿದೆ.

ಈ ಹಿನ್ನೆಲೆಯಲ್ಲಿ ಆಧಾರ್‌ಗೆ ಸಂಬಂಧಿಸಿದ ಯಾವುದೇ ಬದಲಾವಣೆಗಳು ಸಾಮಾನ್ಯ ಜನರ ಮೇಲೆ ನೇರ ಪರಿಣಾಮ ಬೀರುತ್ತವೆ.

ಇಂತಹ ಸಂದರ್ಭದಲ್ಲೇ ಭಾರತೀಯ ವಿಶಿಷ್ಟ ಗುರುತು ಪ್ರಾಧಿಕಾರ (UIDAI) ಆಧಾರ್ ಪಿವಿಸಿ (PVC) ಕಾರ್ಡ್‌ಗಳಿಗೆ ಸಂಬಂಧಿಸಿದಂತೆ ಮಹತ್ವದ ನಿರ್ಧಾರ ಕೈಗೊಂಡಿದೆ.

2026ರ ಜನವರಿ 1ರಿಂದ ಆಧಾರ್ ಪಿವಿಸಿ ಕಾರ್ಡ್ ಪಡೆಯುವ ಶುಲ್ಕವನ್ನು ಶೇ.50ರಷ್ಟು ಹೆಚ್ಚಿಸಲಾಗಿದ್ದು, ಹೊಸ ದರಗಳು ಈಗಾಗಲೇ ಜಾರಿಗೆ ಬಂದಿವೆ.

ಇದರಿಂದಾಗಿ ಇನ್ನು ಮುಂದೆ ಪಿವಿಸಿ ಕಾರ್ಡ್ ಆರ್ಡರ್ (hike in Aadhaar PVC card) ಮಾಡುವವರು ಹೆಚ್ಚಿನ ಹಣ ಪಾವತಿಸಬೇಕಾಗುತ್ತದೆ.

ಈಗಾಗಲೇ ಹಲವರು ತಮ್ಮ ಆಧಾರ್ ವಿವರಗಳನ್ನು ಪೇಪರ್ ಆಧಾರ್ (Paper Aadhar) ಅಥವಾ ಇ-ಆಧಾರ್ (E-Aadhar) ರೂಪದಲ್ಲಿ ಬಳಸುತ್ತಿದ್ದಾರೆ.

ಆದರೆ ಇತ್ತೀಚಿನ ವರ್ಷಗಳಲ್ಲಿ ಪಿವಿಸಿ ಕಾರ್ಡ್‌ಗೆ ಹೆಚ್ಚಿನ ಬೇಡಿಕೆ ಕಂಡುಬಂದಿದೆ. ಇದಕ್ಕೆ ಪ್ರಮುಖ ಕಾರಣ ಅದರ ಬಾಳಿಕೆ ಮತ್ತು ಸುಲಭ ಬಳಕೆ.

ಈವರೆಗೆ ಆಧಾರ್ ಪಿವಿಸಿ ಕಾರ್ಡ್‌ಗೆ ರೂ.50 ಶುಲ್ಕ ವಿಧಿಸಲಾಗುತ್ತಿತ್ತು. ಆದರೆ UIDAI ತೆಗೆದುಕೊಂಡ ಹೊಸ ನಿರ್ಧಾರದಿಂದಾಗಿ ಈ ಶುಲ್ಕವನ್ನು ರೂ.75ಕ್ಕೆ ಹೆಚ್ಚಿಸಲಾಗಿದೆ.

ಅಂದರೆ, ಪ್ರತಿ ಕಾರ್ಡ್‌ಗೆ ರೂ.25 ಹೆಚ್ಚುವರಿ ಪಾವತಿ ಮಾಡಬೇಕಾಗಿದೆ. ‘ಮೈಆಧಾರ್’ ವೆಬ್ ಪೋರ್ಟಲ್ (Web Portal) ಅಥವಾ ‘ಎಂ-ಆಧಾರ್’ ಮೊಬೈಲ್ ಆ್ಯಪ್ ಮೂಲಕ ಪಿವಿಸಿ ಕಾರ್ಡ್‌ಗೆ ಅರ್ಜಿ ಸಲ್ಲಿಸುವ ಎಲ್ಲರಿಗೂ ಈ ಹೊಸ ದರ ಅನ್ವಯವಾಗಲಿದೆ.

UIDAI ನೀಡಿರುವ ಮಾಹಿತಿಯ ಪ್ರಕಾರ, ಶುಲ್ಕ ಹೆಚ್ಚಳಕ್ಕೆ ಹಲವು ಕಾರಣಗಳಿವೆ.

ಆಧಾರ್ ಪಿವಿಸಿ ಕಾರ್ಡ್ ತಯಾರಿಕೆಗೆ ಬಳಸುವ ಕಚ್ಚಾ ವಸ್ತುಗಳ ಬೆಲೆ ಇತ್ತೀಚಿನ ದಿನಗಳಲ್ಲಿ ಗಣನೀಯವಾಗಿ ಏರಿಕೆಯಾಗಿದೆ.

ಇದಲ್ಲದೆ, ಕಾರ್ಡ್ ಮುದ್ರಣ ವೆಚ್ಚ, ಭದ್ರತಾ ವೈಶಿಷ್ಟ್ಯಗಳ ಸೇರ್ಪಡೆ ಹಾಗೂ ಸ್ಪೀಡ್ ಪೋಸ್ಟ್ ಮೂಲಕ ವಿತರಣೆ ಮಾಡುವ ಡೆಲಿವರಿ ಶುಲ್ಕವೂ ಹೆಚ್ಚಾಗಿದೆ.

ಲಾಜಿಸ್ಟಿಕ್ ಹಾಗೂ ನಿರ್ವಹಣಾ ವೆಚ್ಚಗಳೂ ಏರಿರುವುದರಿಂದ, ಸೇವೆಯ ಗುಣಮಟ್ಟವನ್ನು ಕಾಪಾಡಿಕೊಳ್ಳಲು ಈ ದರ ಹೆಚ್ಚಳ ಅನಿವಾರ್ಯವಾಗಿದೆ ಎಂದು UIDAI ಸ್ಪಷ್ಟಪಡಿಸಿದೆ.

ಉತ್ತಮ ಗುಣಮಟ್ಟದ ಪಿವಿಸಿ ಕಾರ್ಡ್‌ಗಳನ್ನು ನಾಗರಿಕರಿಗೆ ತಲುಪಿಸುವ ಉದ್ದೇಶದಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ ಎನ್ನಲಾಗಿದೆ.

ಆಧಾರ್ ಪಿವಿಸಿ ಕಾರ್ಡ್‌ಗಳು ಎಟಿಎಂ ಕಾರ್ಡ್ ಅಥವಾ ಡ್ರೈವಿಂಗ್ ಲೈಸೆನ್ಸ್ ಮಾದರಿಯಲ್ಲಿದ್ದು, ದೀರ್ಘಕಾಲ ಬಳಕೆಗೆ ಸೂಕ್ತವಾಗಿವೆ.

ಸಾಮಾನ್ಯ ಪೇಪರ್ ಆಧಾರ್‌ಗೆ ಹೋಲಿಸಿದರೆ ಇದು ನೀರು, ಮಡಚುವಿಕೆ ಹಾಗೂ ಹಾನಿಗೆ ಕಡಿಮೆ ಒಳಪಡುವುದರಿಂದ ಹೆಚ್ಚು ಸುರಕ್ಷಿತವಾಗಿದೆ.

ಜೊತೆಗೆ, ಹೋಲೋಗ್ರಾಮ್ (Hologram) , ಗಿಲ್ಲೋಶ್ ಪ್ಯಾಟರ್ನ್ (Guilloche Pattern), ಮೈಕ್ರೋ ಟೆಕ್ಸ್ಟ್ ಸೇರಿದಂತೆ ಹಲವು ಸುಧಾರಿತ ಭದ್ರತಾ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.

ಗಾತ್ರದಲ್ಲಿ ಚಿಕ್ಕದಾಗಿರುವುದರಿಂದ ಜೇಬಿನಲ್ಲಿ ಇಟ್ಟುಕೊಳ್ಳಲು ಸುಲಭವಾಗಿದ್ದು, ಪೇಪರ್ ಆಧಾರ್ ಅಥವಾ ಇ-ಆಧಾರ್‌ಗೆ ಇರುವಷ್ಟುಲೇ ಮಾನ್ಯತೆ ಈ ಪಿವಿಸಿ ಕಾರ್ಡ್‌ಗೂ ಇರುತ್ತದೆ.

ಹೀಗಾಗಿ ಗುರುತಿನ ದಾಖಲೆಗಾಗಿ ಇದು ಸಂಪೂರ್ಣವಾಗಿ ಮಾನ್ಯವಾಗಿದೆ.

ಆಧಾರ್ ಪಿವಿಸಿ ಕಾರ್ಡ್ ಪಡೆಯುವ ಪ್ರಕ್ರಿಯೆಯೂ ಸರಳವಾಗಿದೆ. ಮೊದಲು UIDAIಯ ಅಧಿಕೃತ ವೆಬ್‌ಸೈಟ್ myaadhaar.uidai.gov.in ಗೆ ಭೇಟಿ ನೀಡಬೇಕು.

ಅಲ್ಲಿ 12 ಅಂಕಿಯ ಆಧಾರ್ ಸಂಖ್ಯೆಯನ್ನು ನಮೂದಿಸಿ, ಕ್ಯಾಪ್ಚಾ ಕೋಡ್ ಹಾಕಿ OTP ಮೂಲಕ ಲಾಗಿನ್ ಆಗಬಹುದು.

ಮೊಬೈಲ್ ಸಂಖ್ಯೆ ಲಿಂಕ್ ಆಗಿರದಿದ್ದರೂ ‘Order Aadhaar PVC Card’ ಆಯ್ಕೆಯನ್ನು ನೇರವಾಗಿ ಬಳಸಬಹುದು. ಲಾಗಿನ್ ಆದ ಬಳಿಕ ನಿಮ್ಮ ಫೋಟೋ ಹಾಗೂ ವಿಳಾಸದ ವಿವರಗಳನ್ನು ಪರಿಶೀಲಿಸಿ, ರೂ.75 ಶುಲ್ಕವನ್ನು UPI, ಡೆಬಿಟ್/ಕ್ರೆಡಿಟ್ ಕಾರ್ಡ್ ಅಥವಾ ನೆಟ್ ಬ್ಯಾಂಕಿಂಗ್ ಮೂಲಕ ಪಾವತಿಸಬಹುದು.

ಪಾವತಿ ಯಶಸ್ವಿಯಾದ ನಂತರ SRN ಸಂಖ್ಯೆಯನ್ನು ಪಡೆಯಲಾಗುತ್ತದೆ. ಆರ್ಡರ್ ಮಾಡಿದ ಸುಮಾರು ಐದು ಕೆಲಸದ ದಿನಗಳೊಳಗೆ UIDAI ಕಾರ್ಡ್ ಮುದ್ರಿಸಿ, ಸ್ಪೀಡ್ ಪೋಸ್ಟ್ ಮೂಲಕ ನಿಮ್ಮ ಆಧಾರ್‌ನಲ್ಲಿರುವ ವಿಳಾಸಕ್ಕೆ ತಲುಪಿಸಲಾಗುತ್ತದೆ.