- ಪಿಎಂಎವೈ (PMAY) ಯೋಜನೆಯಡಿ ಮನೆಗಳು
- 2026ರೊಳಗೆ 1.80 ಲಕ್ಷಕ್ಕೂ ಹೆಚ್ಚು ಮನೆಗಳನ್ನು ಹಂಚಿಕೆ ಮಾಡುವ ಗುರಿ
- ಬಡವರ ಕನಸು ಸಾಕಾರಗೊಳಿಸುವತ್ತ ಸರ್ಕಾರದ ಹೆಜ್ಜೆ (Houses under PMAY scheme)
ಕರ್ನಾಟಕದಲ್ಲಿ ಬಡ ಮತ್ತು ಮನೆ ಇಲ್ಲದ ಕುಟುಂಬಗಳಿಗೆ ಸರ್ಕಾರದಿಂದ ಸುವರ್ಣಾವಕಾಶ ಸಿಗಲಿದೆ. ಕಳೆದ ಹಲವು ವರ್ಷಗಳಿಂದ ಘೋಷಣೆಗೊಂಡಿದ್ದ ಮನೆ ಯೋಜನೆಗಳು ನಿಧಾನಗತಿಯಲ್ಲಿ ಸಾಗುತ್ತಿದ್ದರೂ,
ಈಗ ರಾಜ್ಯ ಸರ್ಕಾರವೇ ನೇರವಾಗಿ ಮುಂದಾಗಿ ಯೋಜನೆಗಳಿಗೆ ಹೊಸ ಚೈತನ್ಯ ತುಂಬಿದೆ. ವಸತಿ ಸಚಿವ ಜಮೀರ್ ಅಹಮದ್ ಖಾನ್(Zameer Ahmed Khan) ವಿಧಾನಸಭೆಯಲ್ಲಿ ನೀಡಿದ ಮಾಹಿತಿಯ ಪ್ರಕಾರ,
2026ರ ಡಿಸೆಂಬರ್ ಒಳಗೆ ಒಟ್ಟು 1,80,253 ಮನೆಗಳನ್ನು ಪೂರ್ಣಗೊಳಿಸಿ ಫಲಾನುಭವಿಗಳಿಗೆ ಹಂಚಿಕೆ ಮಾಡುವ ಗ್ಯಾರಂಟಿ ನೀಡಲಾಗಿದೆ. ಇದು ಬಡ ಕುಟುಂಬಗಳ ದೀರ್ಘಕಾಲದ ಕನಸಾದ “ಸ್ವಂತ ಮನೆ” ಸಾಧಿಸಲು ನೆರವಾಗಲಿದೆ.
ಕೊಳಗೇರಿ ಅಭಿವೃದ್ಧಿ ಮಂಡಳಿ (Slum Development Board) ಮೂಲಕ ಪ್ರಧಾನಮಂತ್ರಿ ಆವಾಸ್ ಯೋಜನೆ (PMAY) ಅಡಿಯಲ್ಲಿ ಮನೆಗಳ ನಿರ್ಮಾಣ ನಡೆಯುತ್ತಿದೆ.
ಆದಾಗ್ಯೂ, ಫಲಾನುಭವಿಗಳಿಂದ ವಂತಿಗೆ (beneficiary share) ಪಾವತಿಯಾಗದೇ ಅನೇಕ ಯೋಜನೆಗಳು ಅಡಕವಾಗಿದ್ದವು. ಬಡವರ ಆರ್ಥಿಕ ಪರಿಸ್ಥಿತಿಯನ್ನು ಪರಿಗಣಿಸಿದ ಸರ್ಕಾರ, ವಂತಿಗೆಯನ್ನು ಸರ್ಕಾರವೇ ಪಾವತಿಸುವ ನಿರ್ಧಾರ ಕೈಗೊಂಡಿದೆ.
ಮೊದಲ ಹಂತ: 500 ಕೋಟಿ ರೂ. ಬಿಡುಗಡೆ ಮಾಡಿ 36,789 ಮನೆಗಳನ್ನು ಹಂಚಿಕೆ ಮಾಡಲಾಗಿದೆ.
ಎರಡನೇ ಹಂತ: 40,345 ಮನೆಗಳನ್ನು ಫಲಾನುಭವಿಗಳಿಗೆ ನೀಡಲು ಸಿದ್ಧತೆ ನಡೆದಿದೆ.
ಒಟ್ಟಾರೆ ಗುರಿ: 2026ರೊಳಗೆ 1.80 ಲಕ್ಷಕ್ಕೂ ಹೆಚ್ಚು ಮನೆಗಳನ್ನು ಹಂಚಿಕೆ ಮಾಡುವ ಕಾರ್ಯಯೋಜನೆ ರೂಪಿಸಲಾಗಿದೆ.
ಪ್ರಧಾನಮಂತ್ರಿ ಆವಾಸ್ ಯೋಜನೆ ಮಾತ್ರವಲ್ಲ, ರಾಜೀವ್ ಗಾಂಧಿ ವಸತಿ ನಿಗಮದ (Rajiv Gandhi Housing Corporation) ಯೋಜನೆಗಳೂ ಇದೇ ಸಮಸ್ಯೆಯಿಂದ ನಿಧಾನಗೊಂಡಿದ್ದವು.
ಸುಮಾರು 47,870 ಮನೆಗಳು ಫಲಾನುಭವಿಗಳ ವಂತಿಗೆ ಪಾವತಿಯಾಗದೇ ಬಾಕಿ ಉಳಿದಿದ್ದವು. ಇದೀಗ ಈ ಮನೆಗಳಿಗೂ ಸರ್ಕಾರವೇ ವಂತಿಗೆ ಪಾವತಿಸುವಂತೆ ತಾತ್ವಿಕ ಒಪ್ಪಿಗೆ ದೊರೆತಿದೆ.
ಸಂಪುಟದ ಅಂತಿಮ ಅನುಮೋದನೆ ಸಿಕ್ಕ ಬಳಿಕ, ಈ ಮನೆಗಳನ್ನು ಕೂಡ ಬೇಗನೆ ಪೂರ್ಣಗೊಳಿಸಿ ಬಡ ಕುಟುಂಬಗಳಿಗೆ ಹಂಚಿಕೆ ಮಾಡಲಾಗುವುದು.ಅನೇಕ ವರ್ಷಗಳಿಂದ ರಾಜ್ಯದಲ್ಲಿ ಮನೆ ಯೋಜನೆಗಳು ಘೋಷಿತವಾಗಿದ್ದರೂ,
ವಂತಿಗೆ ಪಾವತಿಸಲು ಅಸಮರ್ಥರಾಗಿದ್ದ ಬಡ ಕುಟುಂಬಗಳು ಮನೆಗೆ ವಂಚಿತರಾಗುತ್ತಿದ್ದರು. ಈಗ ಸರ್ಕಾರ ನೇರವಾಗಿ ವಂತಿಗೆಯನ್ನು ಭರಿಸುವುದರಿಂದ, ಬಡಜನರ ಮನೆ ಕನಸು ಸಾಕಾರಗೊಳ್ಳುವ ದಾರಿ ತೆರೆದಿದೆ.
ಇದನ್ನು ಓದಿ : ಕಲಬುರಗಿ ವಸತಿ ಯೋಜನೆಯಲ್ಲಿ ಕಳ್ಳಾಟ : ಹಣ ಪಡೆದು ಮನೆ ಇದ್ದವರಿಗೇ ಮನೆ ಹಂಚಿಕೆ ಮಾಡಿದ ಅಧಿಕಾರಿಗಳು
ಈ ನಿರ್ಧಾರವು ಕೇವಲ ಮನೆ ನೀಡುವುದಲ್ಲ, ಬಡ ಕುಟುಂಬಗಳ ಜೀವನಮಟ್ಟವನ್ನು ಸುಧಾರಿಸುವ ಒಂದು ಸಮಗ್ರ ಕಲ್ಯಾಣ ಯೋಜನೆ ಆಗಿದೆ. ಭದ್ರವಾದ ಮನೆ ದೊರೆತರೆ ಮಕ್ಕಳ ಶಿಕ್ಷಣದಿಂದ ಹಿಡಿದು ಆರೋಗ್ಯ, ಸಾಮಾಜಿಕ ಭದ್ರತೆ ಸೇರಿದಂತೆ ಅನೇಕ ಕ್ಷೇತ್ರಗಳಲ್ಲಿ ಉತ್ತಮ ಬದಲಾವಣೆ ಸಾಧ್ಯವಾಗುತ್ತದೆ. (Houses under PMAY scheme)
