• FTA ಒಪ್ಪಂದಗಳ ಎಫೆಕ್ಟ್: ಚಿನ್ನ–ಬೆಳ್ಳಿ ದರಕ್ಕೆ (Impact of FTA agreements) ಸಿಗಬಹುದು ಕೊಂಚ ರಿಲೀಫ್
• ಯುರೋಪ್, ಯುಎಇ ಹಾಗೂ ಸ್ವಿಟ್ಜರ್ಲೆಂಡ್ ಜೊತೆಗಿನ ಒಪ್ಪಂದಗಳ ಮೇಲೆ ಹೂಡಿಕೆದಾರರ ಕಣ್ಣು
• ಮುಕ್ತ ವ್ಯಾಪಾರ ಒಪ್ಪಂದಗಳು ಜಾರಿಯಾದರೆ ಚಿನ್ನ–ಬೆಳ್ಳಿ ಮಾರುಕಟ್ಟೆಯಲ್ಲಿ ದೊಡ್ಡ ಬದಲಾವಣೆ ನಿರೀಕ್ಷೆ

New Delhi: ಭಾರತದಲ್ಲಿ ಚಿನ್ನ ಮತ್ತು ಬೆಳ್ಳಿ ಬೆಲೆಗಳು ದಿನದಿಂದ ದಿನಕ್ಕೆ ಹೊಸ ದಾಖಲೆಗಳನ್ನು (Impact of FTA agreements) ಸೃಷ್ಟಿಸುತ್ತಿರುವ ನಡುವೆಯೇ, 2026ರ ಆರಂಭದಲ್ಲಿ ಜಾರಿಗೆ ಬರಲಿರುವ ಹಲವು ಮುಕ್ತ ವ್ಯಾಪಾರ ಒಪ್ಪಂದಗಳು (FTA) ಮಾರುಕಟ್ಟೆಯ ಗಮನ ಸೆಳೆದಿವೆ.

ಭಾರತ ತನ್ನ ಚಿನ್ನದ ಅಗತ್ಯದ ದೊಡ್ಡ ಭಾಗವನ್ನು ವಿದೇಶಗಳಿಂದ ಆಮದು ಮಾಡಿಕೊಳ್ಳುವುದರಿಂದ, ಆಮದು ಸುಂಕದಲ್ಲಿ ಆಗುವ ಯಾವುದೇ ಸಣ್ಣ ಬದಲಾವಣೆ ಕೂಡ ದೇಶೀಯ ಬೆಲೆಗಳ ಮೇಲೆ ನೇರ ಪರಿಣಾಮ ಬೀರುತ್ತದೆ.

ಈ ಹಿನ್ನೆಲೆಗಳಲ್ಲಿ, ಕೇಂದ್ರ ಸರ್ಕಾರ ವಿವಿಧ ದೇಶಗಳೊಂದಿಗೆ ಮಾಡಿಕೊಂಡಿರುವ ಮತ್ತು ಮಾತುಕತೆ (Impact of FTA agreements) ಹಂತದಲ್ಲಿರುವ ವ್ಯಾಪಾರ ಒಪ್ಪಂದಗಳು ಚಿನ್ನ–ಬೆಳ್ಳಿ ದರಕ್ಕೆ ರಿಲೀಫ್ (Relief) ನೀಡುವ ಸಾಧ್ಯತೆ ಇದೆ ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಇದರಿಂದಾಗಿ ಹೂಡಿಕೆದಾರರು ಮಾತ್ರವಲ್ಲದೆ, ಸಾಮಾನ್ಯ ಗ್ರಾಹಕರೂ ಕೂಡ ಮುಂದಿನ ದಿನಗಳ ಬೆಲೆ ಚಲನೆಯನ್ನು ಕುತೂಹಲದಿಂದ ಗಮನಿಸುತ್ತಿದ್ದಾರೆ.

ಮುಕ್ತ ವ್ಯಾಪಾರ ಒಪ್ಪಂದಗಳ ಮುಖ್ಯ ಉದ್ದೇಶ ಆಮದು–ರಫ್ತು ಪ್ರಕ್ರಿಯೆಯನ್ನು ಸುಗಮಗೊಳಿಸುವುದಾಗಿದೆ.

ಭಾರತ–ಯುರೋಪಿಯನ್ ಒಕ್ಕೂಟದ ನಡುವೆ ನಡೆಯುತ್ತಿರುವ FTA ಮಾತುಕತೆಗಳು ಈಗ ಅಂತಿಮ ಹಂತ ತಲುಪಿವೆ ಎನ್ನಲಾಗುತ್ತಿದೆ.

ಈ ಒಪ್ಪಂದ ಜಾರಿಗೆ ಬಂದರೆ, ಅಮೂಲ್ಯ ಲೋಹಗಳು ಹಾಗೂ ಆಭರಣಗಳ ಮೇಲಿನ ಆಮದು ಸುಂಕ ಕಡಿಮೆಯಾಗುವ ಸಾಧ್ಯತೆ ಇದೆ.

ಪರಿಣಾಮವಾಗಿ, ಯುರೋಪ್ ಮೂಲದ ಚಿನ್ನ ಮತ್ತು ಆಭರಣಗಳು ಭಾರತೀಯ ಮಾರುಕಟ್ಟೆಗೆ ಕಡಿಮೆ ದರದಲ್ಲಿ ಪ್ರವೇಶಿಸಬಹುದು.

ಇದರಿಂದ ದೇಶೀಯ ಚಿನ್ನದ ಬೆಲೆಯ ಮೇಲೂ ಇಳಿಕೆಯ ಒತ್ತಡ ನಿರ್ಮಾಣವಾಗುವ ನಿರೀಕ್ಷೆ ಇದೆ. ಆಭರಣ ಉದ್ಯಮಕ್ಕೂ ಇದು ಸಹಕಾರಿ ಆಗಲಿದೆ ಎಂದು ಮಾರುಕಟ್ಟೆ ವಿಶ್ಲೇಷಕರು ಹೇಳುತ್ತಾರೆ.

ಇದೇ ವೇಳೆ, ಭಾರತ–ಯುಎಇ ನಡುವಿನ CEPA ಒಪ್ಪಂದ ಈಗಾಗಲೇ ಜಾರಿಯಲ್ಲಿದ್ದು, ನಿಗದಿತ ಪ್ರಮಾಣದ ಚಿನ್ನದ ಆಮದು ಮೇಲೆ ಕೇವಲ 1% ರಿಯಾಯಿತಿ ಸುಂಕ ವಿಧಿಸಲಾಗುತ್ತಿದೆ. ಈ ಕೋಟಾವನ್ನು ಮುಂದಿನ ದಿನಗಳಲ್ಲಿ ಹೆಚ್ಚಿಸಿದರೆ, ಗ್ರಾಹಕರಿಗೆ ಇನ್ನಷ್ಟು ಕಡಿಮೆ ದರದಲ್ಲಿ ಚಿನ್ನ ಲಭ್ಯವಾಗುವ ಸಾಧ್ಯತೆ ಇದೆ.

ಜೊತೆಗೆ, ಸ್ವಿಟ್ಜರ್ಲೆಂಡ್ ಸೇರಿದಂತೆ ಕೆಲವು ಯುರೋಪಿಯನ್ ರಾಷ್ಟ್ರಗಳೊಂದಿಗೆ ಮಾಡಿಕೊಂಡಿರುವ EFTA ಒಪ್ಪಂದವು 2025ರ ಅಕ್ಟೋಬರ್‌ನಿಂದಲೇ ಜಾರಿಯಲ್ಲಿದೆ.

ಸ್ವಿಟ್ಜರ್ಲೆಂಡ್ ಭಾರತಕ್ಕೆ ಪ್ರಮುಖ ಚಿನ್ನ ರಫ್ತುದಾರ ದೇಶವಾಗಿರುವುದರಿಂದ, ಈ ಒಪ್ಪಂದದ ಲಾಭ ಹಂತ ಹಂತವಾಗಿ ದೇಶೀಯ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದೆ ಎನ್ನುವುದು ತಜ್ಞರ ಅಭಿಪ್ರಾಯ.

ಬಜೆಟ್ ನಿರೀಕ್ಷೆಗಳೂ ಕೂಡ ಚಿನ್ನದ ಬೆಲೆ ಚಲನೆಯಲ್ಲಿ ಪ್ರಮುಖ ಪಾತ್ರ ವಹಿಸುತ್ತವೆ. 2024ರ ಕೇಂದ್ರ ಬಜೆಟ್‌ನಲ್ಲಿ ಚಿನ್ನದ ಆಮದು ಸುಂಕವನ್ನು 15%ರಿಂದ 6%ಕ್ಕೆ ಇಳಿಸಿದಾಗ, ಮಾರುಕಟ್ಟೆಯಲ್ಲಿ ತಾತ್ಕಾಲಿಕ ಬೆಲೆ ಇಳಿಕೆ ಕಂಡುಬಂದಿತ್ತು.

ಇದೇ ಮಾದರಿಯ ಸುಧಾರಣೆಗಳು 2026ರ ಬಜೆಟ್‌ನಲ್ಲೂ ನಡೆದರೆ, ಚಿನ್ನ ಮತ್ತು ಬೆಳ್ಳಿ ಬೆಲೆಯಲ್ಲಿ ಮತ್ತೊಮ್ಮೆ ಸ್ಪಷ್ಟ ಬದಲಾವಣೆ ಸಾಧ್ಯತೆ ಇದೆ.

ಸರ್ಕಾರ ಆಮದು ಸುಂಕವನ್ನು ಇನ್ನಷ್ಟು ಕಡಿತಗೊಳಿಸಿದರೆ, ಅದರ ಪರಿಣಾಮ ತಕ್ಷಣವೇ ಮಾರುಕಟ್ಟೆಯಲ್ಲಿ ಕಾಣಿಸಿಕೊಳ್ಳಲಿದೆ ಎಂದು ಆರ್ಥಿಕ ತಜ್ಞರು ಅಂದಾಜು ಮಾಡುತ್ತಿದ್ದಾರೆ.

ಜಾಗತಿಕ ರಾಜಕೀಯ ಸ್ಥಿತಿಗತಿಗಳೂ ಕೂಡ ಚಿನ್ನದ ಬೆಲೆಗೆ ಪ್ರಭಾವ ಬೀರುತ್ತವೆ. ರಷ್ಯಾ–ಉಕ್ರೇನ್ ಯುದ್ಧ ಅಥವಾ ಮಧ್ಯಪ್ರಾಚ್ಯದ ಸಂಘರ್ಷಗಳು ಶಾಂತಿ ಒಪ್ಪಂದಗಳ ಮೂಲಕ ಅಂತ್ಯಗೊಂಡರೆ, ಹೂಡಿಕೆದಾರರು “ಸುರಕ್ಷಿತ ಹೂಡಿಕೆ” ಎಂದು ಪರಿಗಣಿಸುವ ಚಿನ್ನದಿಂದ ದೂರ ಸರಿಯುವ ಸಾಧ್ಯತೆ ಇದೆ.

ಆಗ ಷೇರು ಮಾರುಕಟ್ಟೆ ಕಡೆಗೆ ಹಣ ಹರಿದು, ಚಿನ್ನದ ಬೇಡಿಕೆ ಕಡಿಮೆಯಾಗಬಹುದು. 2026ರ ಮೊದಲಾರ್ಧದಲ್ಲಿ ಭಾರತ–ಯುಕೆ ಹಾಗೂ ಓಮನ್ ಜೊತೆಗಿನ ಮುಕ್ತ ವ್ಯಾಪಾರ ಒಪ್ಪಂದಗಳು ಜಾರಿಯಾಗುವ ನಿರೀಕ್ಷೆಯೂ ಇದೆ.

ಇವುಗಳ ಜೊತೆಗೆ ಅಮೆರಿಕಾ, ಇಸ್ರೇಲ್, ನ್ಯೂಜಿಲೆಂಡ್, ಪೆರು ಮತ್ತು ಚಿಲಿ ದೇಶಗಳೊಂದಿಗೆ ನಡೆಯುತ್ತಿರುವ ಮಾತುಕತೆಗಳು ಯಶಸ್ವಿಯಾದರೆ, ಚಿನ್ನ–ಬೆಳ್ಳಿ ಮಾರುಕಟ್ಟೆಯಲ್ಲಿ ದೊಡ್ಡ ಬದಲಾವಣೆ ಕಾಣಿಸಿಕೊಳ್ಳಬಹುದು.

ಹೀಗಾಗಿ ಹೂಡಿಕೆದಾರರು ಮತ್ತು ಖರೀದಿದಾರರು ಮುಂದಿನ ದಿನಗಳಲ್ಲಿ ಎಚ್ಚರಿಕೆಯಿಂದ ನಿರ್ಧಾರ ತೆಗೆದುಕೊಳ್ಳುವುದು ಉತ್ತಮ ಎಂದು ತಜ್ಞರು ಸಲಹೆ ನೀಡಿದ್ದಾರೆ.

ಇದನ್ನು ಓದಿ : https://vijayatimes.com/appointment-of-new-school-teachers/