ಬೆಂಗಳೂರಿಗರ ಜೇಬಿಗೆ ಮತ್ತೊಂದು (Increase in breakfast prices at hotels) ಕತ್ತರಿ; ಹೋಟೆಲ್ ತಿಂಡಿ, ಊಟದ ಬೆಲೆ ಗಗನಕ್ಕೆ
ಹಾಲು, ಅಕ್ಕಿ, ಬೇಳೆಕಾಳು ಬೆಲೆ ಏರಿಕೆ ಪರಿಣಾಮ; ನಗರದ ಹಲವು ಹೋಟೆಲ್ಗಳಲ್ಲಿ ಆಹಾರ ದರ ಶೇ.15ರಷ್ಟು ಹೆಚ್ಚಳ
ಟೀ, ಕಾಫಿಯಿಂದ ಹಿಡಿದು ದೋಸೆವರೆಗೆ ದರ ಹೆಚ್ಚಳ; ಉತ್ಪಾದನಾ ವೆಚ್ಚ ಸರಿದೂಗಿಸಲು ಹೋಟೆಲ್ ಉದ್ಯಮಿಗಳಿಂದ ಮೆನು ಪರಿಷ್ಕರಣೆ
Bengaluru : ಈಗಾಗಲೇ ಹಾಲು, ಅಕ್ಕಿ ಸೇರಿದಂತೆ ದಿನಬಳಕೆಯ ಅಗತ್ಯ ವಸ್ತುಗಳ ಬೆಲೆ (Increase in breakfast prices at hotels) ಏರಿಕೆಯಿಂದ ಕಂಗಾಲಾಗಿರುವ ಬೆಂಗಳೂರಿನ ಜನರಿಗೆ ಮತ್ತೊಂದು ಬೆಲೆ ಏರಿಕೆಯ ಬಿಸಿ ತಟ್ಟಿದೆ.
ನಗರದ ಹೋಟೆಲ್ಗಳಲ್ಲಿ ತಿಂಡಿ ಮತ್ತು ಊಟದ ದರವನ್ನು ಶೇ.10ರಿಂದ 15ರಷ್ಟು ಹೆಚ್ಚಿಸಲಾಗಿದೆ. ಹಾಲು, ಅಕ್ಕಿ, ಬೇಳೆಕಾಳು, ಮೊಸರು ಸೇರಿದಂತೆ ಅಡುಗೆಗೆ
ಅಗತ್ಯವಾದ ಕಚ್ಚಾ ವಸ್ತುಗಳ ಬೆಲೆ ನಿರಂತರವಾಗಿ ಏರಿಕೆಯಾಗುತ್ತಿರುವುದರಿಂದ ಹೋಟೆಲ್ ಉದ್ಯಮದ ಮೇಲೂ ಹೊರೆ ಹೆಚ್ಚಾಗಿದೆ.

ಇದರ ಪರಿಣಾಮವಾಗಿ ಹಲವು ಹೋಟೆಲ್ ಮಾಲೀಕರು ಮೆನು ದರ ಪರಿಷ್ಕರಣೆಗೆ (Increase in breakfast prices at hotels) ಮುಂದಾಗಿದ್ದಾರೆ.
ಇಡ್ಲಿ, ದೋಸೆ ಸೇರಿದಂತೆ ಜನಪ್ರಿಯ ತಿಂಡಿಗಳ ಬೆಲೆಯಲ್ಲೂ ಏರಿಕೆಯಾಗಿದ್ದು, ಟೀ ಮತ್ತು ಕಾಫಿ ಪ್ರಿಯರಿಗೂ ಬೆಲೆ ಏರಿಕೆಯ ಬಿಸಿ ತಟ್ಟಿದೆ.
ಕಳೆದ ಒಂದು ತಿಂಗಳ ಅವಧಿಯಲ್ಲಿ ಅಕ್ಕಿ ಬೆಲೆಯಲ್ಲಿ ಗಣನೀಯ ಏರಿಕೆಯಾಗಿದೆ. ಈ ಹಿಂದೆ ಕೆ.ಜಿ.ಗೆ ಸುಮಾರು 65 ರೂಪಾಯಿಯಷ್ಟಿದ್ದ ಅಕ್ಕಿಯ ಬೆಲೆ ಕೆಲವು ಕಡೆ
95ರಿಂದ 100 ರೂಪಾಯಿವರೆಗೆ ತಲುಪಿದೆ ಎಂದು ಬೃಹತ್ ಬೆಂಗಳೂರು ಹೋಟೆಲಿಯರ್ಸ್ ಅಸೋಸಿಯೇಷನ್ ಪ್ರತಿನಿಧಿ ಪಿ.ಸಿ. ರಾವ್ (P. C. Rao) ತಿಳಿಸಿದ್ದಾರೆ.
ಅಕ್ಕಿ ಮಾತ್ರವಲ್ಲದೆ ಬೇಳೆಕಾಳುಗಳ ಬೆಲೆಯೂ ಹೆಚ್ಚಾಗಿದೆ. ಹಾಲು ಮತ್ತು ಮೊಸರಿನ ದರ ಏರಿಕೆಯೂ ಹೋಟೆಲ್ ಉದ್ಯಮಕ್ಕೆ ಹೆಚ್ಚುವರಿ ಹೊರೆಯಾಗಿದೆ.
ಹೋಟೆಲ್ಗಳಲ್ಲಿ ಪ್ರತಿದಿನ ದೊಡ್ಡ ಪ್ರಮಾಣದಲ್ಲಿ ಈ ವಸ್ತುಗಳನ್ನು ಬಳಸುವುದರಿಂದ ಉತ್ಪಾದನಾ ವೆಚ್ಚ ಗಣನೀಯವಾಗಿ ಹೆಚ್ಚುತ್ತಿದೆ.
ಹೀಗಾಗಿ ವೆಚ್ಚವನ್ನು ಸರಿದೂಗಿಸಲು ಆಹಾರ ಪದಾರ್ಥಗಳ ದರವನ್ನು ಶೇ.10ರಿಂದ 15ರಷ್ಟು ಹೆಚ್ಚಿಸುವುದು ಅನಿವಾರ್ಯವಾಗಿದೆ ಎಂದು ಉದ್ಯಮಿಗಳು ಅಭಿಪ್ರಾಯಪಟ್ಟಿದ್ದಾರೆ.
ಹೋಟೆಲ್ ಮಾಲೀಕರ ಪ್ರಕಾರ, ಆಹಾರ ತಯಾರಿಕೆಗೆ ಬೇಕಾದ ಬಹುತೇಕ ಕಚ್ಚಾ ವಸ್ತುಗಳ ಬೆಲೆ ಏರಿಕೆಯಾಗುತ್ತಿರುವುದರಿಂದ ವ್ಯಾಪಾರ ನಿರ್ವಹಿಸುವುದು ಸವಾಲಿನ ಕೆಲಸವಾಗಿದೆ.
ಉತ್ತರ ಬೆಂಗಳೂರಿನ ಹೋಟೆಲ್ ಉದ್ಯಮಿ ಮಹೇಶ್ ಕೆ (Mahesh K) . ಅವರು ಕಚ್ಚಾ ವಸ್ತುಗಳ ಬೆಲೆ ಹೆಚ್ಚಾದಾಗ ಆಹಾರ ಪದಾರ್ಥಗಳ ದರ ಪರಿಷ್ಕರಿಸುವುದು ಅನಿವಾರ್ಯ ಎಂದು ತಿಳಿಸಿದ್ದಾರೆ.
ಮಧ್ಯಪ್ರಾಚ್ಯದಲ್ಲಿ ಆರಂಭವಾದ ಅಶಾಂತಿಯ ನಂತರ ಒಂದರ ಹಿಂದೆ ಒಂದರಂತೆ ಬೆಲೆ ಏರಿಕೆಯಾಗುತ್ತಿದೆ ಎಂಬ ಅಭಿಪ್ರಾಯವನ್ನೂ ವ್ಯಕ್ತಪಡಿಸಿದ್ದಾರೆ. ಈ ಎಲ್ಲ ವೆಚ್ಚಗಳನ್ನು ಹೋಟೆಲ್ ಮಾಲೀಕರೇ ಭರಿಸುವುದು ಕಷ್ಟವಾಗಿರುವುದರಿಂದ ಗ್ರಾಹಕರ ಮೇಲೂ ಅದರ ಪರಿಣಾಮ ಬೀಳುತ್ತಿದೆ.
ಆದರೆ ನಗರದ ಎಲ್ಲ ಹೋಟೆಲ್ಗಳೂ ಏಕಕಾಲದಲ್ಲಿ ಎಲ್ಲ ಆಹಾರ ಪದಾರ್ಥಗಳ ದರವನ್ನು ಹೆಚ್ಚಿಸಿಲ್ಲ. ಕೆಲವು ಹೋಟೆಲ್ಗಳು ಸದ್ಯಕ್ಕೆ ಟೀ ಮತ್ತು ಕಾಫಿ ದರವನ್ನು ಮಾತ್ರ ಹೆಚ್ಚಿಸಿವೆ.
ಮಧ್ಯ ಬೆಂಗಳೂರಿನ ಹೋಟೆಲ್ ಉದ್ಯಮಿ ಕೃಷ್ಣ ರಾಜ್ (Krishna Raj) ಅವರ ಪ್ರಕಾರ, ಗ್ರಾಹಕರ ಮೇಲಿನ ಹೊರೆ ಕಡಿಮೆ ಮಾಡುವ ಉದ್ದೇಶದಿಂದ ಸದ್ಯಕ್ಕೆ ಕೆಲವು ಪದಾರ್ಥಗಳ ದರ ಏರಿಕೆಯನ್ನು ಮುಂದೂಡಲಾಗಿದೆ.
ಮುಂದಿನ ದಿನಗಳಲ್ಲಿ ಕಚ್ಚಾ ವಸ್ತುಗಳ ಬೆಲೆ ಯಾವ ರೀತಿ ಬದಲಾಗುತ್ತದೆ ಎಂಬುದನ್ನು ಗಮನಿಸಿ ಇತರ ಆಹಾರ ಪದಾರ್ಥಗಳ ದರದ ಬಗ್ಗೆ ನಿರ್ಧಾರ ಕೈಗೊಳ್ಳಲಾಗುತ್ತದೆ.
ಅಲ್ಲದೆ, ಕೆಎಂಎಫ್ನಿಂದ ಮೊಸರಿನ ಅಂತಿಮ ದರದ ಬಗ್ಗೆ ಸ್ಪಷ್ಟನೆ ಸಿಗುವವರೆಗೂ ಕೆಲವು ಹೋಟೆಲ್ ಮಾಲೀಕರು ಕಾಯುತ್ತಿದ್ದಾರೆ. ಅಕ್ಕಿ ಬೆಲೆ ನಿಯಂತ್ರಣಕ್ಕೆ ಸರ್ಕಾರ ಮಧ್ಯಪ್ರವೇಶಿಸುವ ನಿರೀಕ್ಷೆಯನ್ನೂ ಉದ್ಯಮಿಗಳು ಹೊಂದಿದ್ದಾರೆ.
ಇನ್ನು ನಗರದ ಹಲವು ಹೋಟೆಲ್ಗಳಲ್ಲಿ ಟೀ ಮತ್ತು ಕಾಫಿ ದರವನ್ನು 3ರಿಂದ 5 ರೂಪಾಯಿವರೆಗೆ ಹೆಚ್ಚಿಸಲಾಗಿದೆ. ಈ ಹಿಂದೆ ಸುಮಾರು 100 ರೂಪಾಯಿಗೆ ದೊರೆಯುತ್ತಿದ್ದ ದೋಸೆಯ ಬೆಲೆ ಕೆಲವು ಹೋಟೆಲ್ಗಳಲ್ಲಿ ಈಗ 110ರಿಂದ 115 ರೂಪಾಯಿಗೆ ಏರಿಕೆಯಾಗಿದೆ.
ಈ ಬೆಲೆ ಏರಿಕೆಗೆ ಗ್ರಾಹಕರಿಂದ ಅಸಮಾಧಾನವೂ ವ್ಯಕ್ತವಾಗುತ್ತಿದೆ. ಒಂದು ಲೀಟರ್ ಹಾಲಿನ ಬೆಲೆ 8 ರೂಪಾಯಿ ಹೆಚ್ಚಾದರೆ ಟೀ ಅಥವಾ ಕಾಫಿಗೆ 5 ರೂಪಾಯಿ ಹೆಚ್ಚಿಸುವುದು
ಎಷ್ಟು ಸಮಂಜಸ ಎಂದು ಗ್ರಾಹಕರು ಪ್ರಶ್ನಿಸುತ್ತಿದ್ದಾರೆ. ಹಾಲಿನ ಬೆಲೆ ಏರಿಕೆಯ ನೆಪದಲ್ಲಿ ಎಲ್ಲ ಆಹಾರ ಪದಾರ್ಥಗಳ ದರ ಹೆಚ್ಚಿಸಬಾರದು ಎಂಬುದು ಅವರ ಆಗ್ರಹವಾಗಿದೆ.
ಒಟ್ಟಿನಲ್ಲಿ, ದಿನನಿತ್ಯ ಹೋಟೆಲ್ ಆಹಾರವನ್ನೇ ಅವಲಂಬಿಸಿರುವ ಉದ್ಯೋಗಿಗಳು, ವಿದ್ಯಾರ್ಥಿಗಳು ಮತ್ತು ಸಾಮಾನ್ಯ ಜನರ ತಿಂಗಳ ಖರ್ಚಿನ ಮೇಲೂ ಈ ಬೆಲೆ ಏರಿಕೆ ಪರಿಣಾಮ ಬೀರುವ ಸಾಧ್ಯತೆಯಿದೆ.
ಇದನ್ನು ಓದಿ : https://vijayatimes.com/bus-ticket-price-increases/