• ಫೆಬ್ರುವರಿಯಲ್ಲಿ ಹೊಸ ಕಂಪನಿ ರಿಜಿಸ್ಟ್ರೇಶನ್‌ಗಳಲ್ಲಿ(increase of new companies registration) ಗಮನಾರ್ಹ ಏರಿಕೆ
• ಸರ್ಕಾರದ ಉತ್ತೇಜನದಿಂದ ಫೆಬ್ರುವರಿಯಲ್ಲಿ ಕಂಪನಿ ನೋಂದಣಿ ಶೇ.37 ಹೆಚ್ಚಳ
• ಪ್ರೈವೇಟ್ ಲಿಮಿಟೆಡ್ ಕಂಪನಿಗಳ ಸ್ಥಾಪನೆ ಹೆಚ್ಚಳದಿಂದ ಆರ್ಥಿಕತೆ ಚುರುಕು

New delhi: ದೇಶದ ಆರ್ಥಿಕ ಚಟುವಟಿಕೆಗಳು ಚುರುಕುಗೊಳ್ಳುತ್ತಿರುವುದಕ್ಕೆ ಸ್ಪಷ್ಟ ಉದಾಹರಣೆಯಾಗಿ (increase of new companies registration) 2026ರ ಫೆಬ್ರುವರಿ ತಿಂಗಳಲ್ಲಿ ಹೊಸ ಕಂಪನಿಗಳ ನೋಂದಣಿಯಲ್ಲಿ ಗಣನೀಯ ಏರಿಕೆ ಕಂಡುಬಂದಿದೆ.

ಕೇಂದ್ರದ ಮಾಹಿತಿಯ ಪ್ರಕಾರ, ಫೆಬ್ರುವರಿಯಲ್ಲಿ ಒಟ್ಟು 24,136 ಹೊಸ ಕಂಪನಿಗಳು ಅಧಿಕೃತವಾಗಿ ನೋಂದಾಯಿಸಲ್ಪಟ್ಟಿವೆ.

ಇದು ಕಳೆದ ವರ್ಷದ ಫೆಬ್ರುವರಿ ತಿಂಗಳಿಗೆ ಹೋಲಿಸಿದರೆ ಶೇ.37ರಷ್ಟು ಹೆಚ್ಚಳ ಎಂದು ತಿಳಿದುಬಂದಿದೆ. ಈ ಹಣಕಾಸು ವರ್ಷದ 11 ತಿಂಗಳ ಅವಧಿಯಲ್ಲಿ ಹೊಸ ಕಂಪನಿಗಳ ನೋಂದಣಿಯಲ್ಲಿ ಕಂಡುಬಂದಿರುವ ಎರಡನೇ ಅತಿ ದೊಡ್ಡ ಏರಿಕೆ ಇದಾಗಿದೆ.

ಆರ್ಥಿಕ ತಜ್ಞರ ಪ್ರಕಾರ, ಇದು ದೇಶದ ವ್ಯಾಪಾರ ವಾತಾವರಣ ಉತ್ತಮಗೊಳ್ಳುತ್ತಿರುವುದರ (increase of new companies registration) ಜೊತೆಗೆ ಉದ್ಯಮಶೀಲತೆ ಹೆಚ್ಚುತ್ತಿರುವುದನ್ನೂ ಸೂಚಿಸುತ್ತದೆ.

ಹಿಂದಿನ ತಿಂಗಳುಗಳ ಸಂಖ್ಯೆಯನ್ನು ಗಮನಿಸಿದರೆ, ಅಕ್ಟೋಬರ್ ಮತ್ತು ನವೆಂಬರ್ ತಿಂಗಳಲ್ಲಿ ಹೊಸ ಕಂಪನಿಗಳ ನೋಂದಣಿ ಪ್ರಮಾಣ ಸ್ವಲ್ಪ ಕಡಿಮೆಯಾಗಿತ್ತು.

ಅಕ್ಟೋಬರ್‌ನಲ್ಲಿ ಸುಮಾರು 15,000 ಹಾಗೂ ನವೆಂಬರ್‌ನಲ್ಲಿ 14,000ಕ್ಕೂ ಸಮೀಪ ನೋಂದಣಿಗಳು ನಡೆದಿದ್ದವು.

ಆದರೆ ನಂತರ ಡಿಸೆಂಬರ್ ಹಾಗೂ ಜನವರಿಯಲ್ಲಿ ಮತ್ತೆ ಏರಿಕೆ ಕಂಡುಬಂದಿದ್ದು, ಜನವರಿಯಲ್ಲಿ ಹೊಸ ಕಂಪನಿಗಳ ಸಂಖ್ಯೆ 23,280ಕ್ಕೆ ಏರಿಕೆಯಾಯಿತು.

ಅದೇ ಪ್ರವೃತ್ತಿ ಮುಂದುವರಿದು ಫೆಬ್ರುವರಿಯಲ್ಲಿ ಇನ್ನಷ್ಟು ಹೆಚ್ಚಳ ಕಂಡುಬಂದಿದೆ.

ತಜ್ಞರು ಹೇಳುವಂತೆ, ಈ ಏರಿಕೆ ದೇಶದಲ್ಲಿ ಉದ್ಯಮ ಆರಂಭಿಸಲು ಜನರಲ್ಲಿ ಮೂಡುತ್ತಿರುವ ವಿಶ್ವಾಸವನ್ನು ಪ್ರತಿಬಿಂಬಿಸುತ್ತದೆ.

ಎಕೆಎಂ ಗ್ಲೋಬಲ್ ಎಂಬ ಟ್ಯಾಕ್ಸ್ ಮತ್ತು ಕನ್ಸಲ್ಟಿಂಗ್ ಸಂಸ್ಥೆಯ ಮ್ಯಾನೇಜಿಂಗ್ ಪಾರ್ಟ್ನರ್ (Managing Partner) ಅಮಿತ್ ಮಹೇಶ್ವರಿ ಅವರ ಪ್ರಕಾರ, ಹೊಸ ಕಂಪನಿಗಳ ನೋಂದಣಿಯಲ್ಲಿ ಕಂಡುಬಂದಿರುವ ಈ ಏರಿಕೆ ದೇಶದ ಆರ್ಥಿಕತೆಯ ಔಪಚಾರಿಕೀಕರಣ ಮುಂದುವರಿಯುತ್ತಿರುವುದನ್ನು ಸೂಚಿಸುತ್ತದೆ.

ಅಂದರೆ, ಹೆಚ್ಚು ಉದ್ಯಮಗಳು ಸರಕಾರಿ ನಿಯಮಗಳಡಿ ಅಧಿಕೃತವಾಗಿ ನೋಂದಾಯಿಸಿಕೊಂಡು ಕಾರ್ಯನಿರ್ವಹಿಸಲು ಮುಂದಾಗುತ್ತಿವೆ. ವಿಶೇಷವಾಗಿ ಹೊಸದಾಗಿ ನೋಂದಾಯವಾಗುತ್ತಿರುವ ಕಂಪನಿಗಳಲ್ಲಿ ಹೆಚ್ಚಿನವು ಪ್ರೈವೇಟ್ ಲಿಮಿಟೆಡ್ ಕಂಪನಿಗಳೇ (Private Limited Compny) ಆಗಿವೆ.

ಜನವರಿ ತಿಂಗಳಲ್ಲಿ ಸ್ಥಾಪನೆಯಾದ ಕಂಪನಿಗಳ ಸರಾಸರಿ ಪೇಯ್ಡ್ ಅಪ್ ಕ್ಯಾಪಿಟಲ್ (Paid up Capital) ಸುಮಾರು ಆರು ಲಕ್ಷ ರೂಪಾಯಿ ಎಂದು ಅಂದಾಜಿಸಲಾಗಿದೆ.

ಇದು ಸಣ್ಣ ಮತ್ತು ಮಧ್ಯಮ ಮಟ್ಟದ ಉದ್ಯಮಗಳು ಹೆಚ್ಚಾಗಿ ಆರಂಭವಾಗುತ್ತಿರುವುದನ್ನು ತೋರಿಸುತ್ತದೆ.

ಇನ್ನೊಂದೆಡೆ, ಹೊಸ ಕಂಪನಿಗಳಲ್ಲಿ ಹೆಚ್ಚಿನವು ಸರ್ವಿಸ್ ಸೆಕ್ಟರ್ಗೆ ಸೇರಿರುವುದೂ ಗಮನಾರ್ಹ ಸಂಗತಿ. ಐಟಿ ಸರ್ವಿಸ್, ಕನ್ಸಲ್ಟೆನ್ಸಿ ಹಾಗೂ ವಿವಿಧ ಪ್ರೊಫೆಷನಲ್ ಸೇವೆಗಳ ಕ್ಷೇತ್ರದಲ್ಲಿ ಹೆಚ್ಚು ಕಂಪನಿಗಳು ಆರಂಭವಾಗುತ್ತಿವೆ. ತಂತ್ರಜ್ಞಾನ ಕ್ಷೇತ್ರದ ವೇಗದ ಬೆಳವಣಿಗೆಯಿಂದಾಗಿ ಕೃತಕ ಬುದ್ಧಿಮತ್ತೆ (AI) ಸಂಬಂಧಿತ ವ್ಯವಹಾರಗಳಲ್ಲೂ ಹೆಚ್ಚಿನ ಆಸಕ್ತಿ ಕಂಡುಬರುತ್ತಿದೆ.

ಅಂದಾಜು ಪ್ರಕಾರ, ಪ್ರತಿ ತಿಂಗಳು ಸರಾಸರಿ 300ಕ್ಕೂ ಹೆಚ್ಚು AI ಆಧಾರಿತ ಕಂಪನಿಗಳು ಹೊಸದಾಗಿ ಆರಂಭವಾಗುತ್ತಿವೆ.

ಸರ್ಕಾರದ ಸ್ಟಾರ್ಟಪ್ ಇಂಡಿಯಾ ಯೋಜನೆ ಹಾಗೂ ಡಿಪಿಐಐಟಿ ಮಾನ್ಯತೆ ಹೊಂದಿದ ಸ್ಟಾರ್ಟಪ್‌ಗಳಿಗೆ ನೀಡಲಾಗುತ್ತಿರುವ ತೆರಿಗೆ ಸೌಲಭ್ಯಗಳು ಉದ್ಯಮಿಗಳಿಗೆ ಪ್ರೋತ್ಸಾಹ ನೀಡುತ್ತಿರುವುದಾಗಿ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

ಇವುಗಳೆಲ್ಲ ಒಟ್ಟಾಗಿ ದೇಶದ ಆರ್ಥಿಕತೆ ಸ್ಥಿರವಾಗಿ ಬೆಳೆಯುತ್ತಿರುವುದಕ್ಕೆ ಮತ್ತೊಂದು ಸ್ಪಷ್ಟ ಸಂಕೇತವಾಗಿವೆ.

ಇದನ್ನು ಓದಿ : https://vijayatimes.com/dubai-bengaluru-special-flight-service/