ಇಂಗ್ಲೆಂಡ್, ಆ. 07: ಇಂಗ್ಲೆಂಡ್ ವಿರುದ್ದ ಟ್ರೆಂಟ್ ಬ್ರಿಡ್ಜ್ ನಲ್ಲಿ ನಡಯುತ್ತಿರುವ ಪ್ರಥಮ ಟೆಸ್ಟ್ ಪಂದ್ಯದ ಪ್ರಥಮ ಇನ್ನಿಂಗ್ಸ್ ನಲ್ಲಿ ಪ್ರವಾಸಿ ಭಾರತ 270 ರನ್ ಗಳಿಗೆ ಸರ್ವಪತನವಾಗಿದೆ.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ದುಕೊಂಡ ಅತಿಥೇಯರು ಬುಮ್ರಾ ಮತ್ತು ಶಮಿ ದಾಳಿಗೆ ನಲುಗಿ 183 ರನ್ ಗಳ ಆಲ್ಪ ಮೊತ್ತಕ್ಕೆ ಆಲೌಟ್ಆದರು. ಭಾರತ ಪರ ಬುಮ್ರಾ 4, ಶಮಿ 3, ಶಾರ್ದೂಲ್ ಟಾಕೂರ್ 2 ಹಾಗೂ ಸಿರಾಜ್ 1 ವಿಕೆಟ್ ಕಬಳಿಸಿಕೊಂಡರು.
ನಂತರ ಪ್ರಥಮ ಇನ್ನಿಂಗ್ಸ್ ಆರಂಭಿಸಿದ ಭಾರತ ತಂಡ 278 ರನ್ ಗಳಿಗೆ ಸರ್ವಪತನ ಕಂಡುಕೊಂಡರೂ ಕೂಡ 95 ರನ್ಗಳ ಅಲ್ಪ ಮುನ್ನಡೆ ಕಾಯ್ದು ಕೊಂಡಿತು. ಭಾರತ ಪರ ಕೆ.ಎಲ್. ರಾಹಲ್ ಹಾಗೂ ರವೀಂದ್ರ ಜಡೆಜಾ ತಲಾ ಅರ್ಧ ಶತಕ ಗಳಿಸಿ ತಂಡಕ್ಕೆ ಆಸರೆಯಾದರು.ಇಂಗ್ಲೆಂಡ್ ಪರ ರಾಬಿನ್ ಸನ್ 5 ಹಾಗೂ ಜೇಮ್ಸ್ ಅಂಡರ್ಸನ್ 4 ವಿಕೆಟ್ ಪಡೆದುಕೊಂಡರು.
95 ರನ್ ಗಳ ಹಿನ್ನಡೆಯೊಂದಿಗೆ ದ್ವಿತೀಯ ಇನ್ನಿಂಗ್ಸ್ ಆರಂಭಸಿದ ಅತಿಥೇಯರು 3ನೇ ದಿನದಾಟದ ಅಂತ್ಯಕ್ಕೆ ಯಾವುದೇ ವಿಕೆಟ್ ನಷ್ಟವಿಲ್ಲದೆ 25 ರನ್ ಗಳಿಸಿಕೊಂಡಿದೆ
ಅನಿಲ್ ಕುಂಬ್ಳೆ ದಾಖಲೆ ಸರಿಗಟ್ಟಿದ ಅಂಡರ್ಸನ್
ಟ್ರೆಂಟ್ ಬ್ರಿಡ್ಜ್ ನಲ್ಲಿ ನಡೆಯುತ್ತಿರುವ ಪ್ರಥಮ ಟೆಸ್ಟ್ ಪಂದ್ಯದಲ್ಲಿ ವಿರಾಟ್ ಕೊಹ್ಲಿ ಅವರನ್ನುಔಟ್ ಮಾಡುವ ಮೂಲಕ ಅನಿಲ್ ಕುಂಬ್ಳೆಯವರ 619 ವಿಕೆಟ್ ಗಳ ದಾಖಲೆಯನ್ನು ಸರಿಗಟ್ಟಿದರು . ಈ ದಾಖಲೆಯಿಂದಾಗಿ ಟೆಸ್ಷ್ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದ 3ನೇ ಸ್ಥಾನದಲ್ಲಿ ಅಂಡರ್ಸನ್ ಇದ್ದಾರೆ.
ಟೆಸ್ಟ್ ಕ್ರಿಕೆಟ್ ನಲ್ಲಿ ಅತೀ ಹೆಚ್ಚು ವಿಕೆಟ್ ಪಡೆದ ಪಟ್ಟಿಯಲ್ಲಿ ಶ್ರೀಲಾಂಕದ ಮುತ್ತಯ್ಯ ಮುರುಳೀಧರನ್ 801 ಹಾಗೂ ಆಸ್ಟ್ರೇಲಿಯಾದ ಶೇನ್ ವಾರ್ನ್ 708 ವಿಕೆಟ್ ಮುಖೇನ ದ್ವಿತೀಯ ಸ್ಥಾನದಲ್ಲಿದ್ದಾರೆ.