Cyprus: “ಭಾರತವು ಎಲ್ಲರೊಂದಿಗೆ ಉತ್ತಮ ನೆರೆಹೊರೆಯ ಸಂಬಂಧವನ್ನು ಬಯಸುತ್ತದೆ. ಆದರೆ ಅದು ಭಯೋತ್ಪಾದನೆಯನ್ನು “ಕ್ಷಮಿಸಿ” ಎಂದಲ್ಲ” ಎಂದು ಹೇಳುವ ಮೂಲಕ ಪಾಕಿಸ್ತಾನವನ್ನು(Pakistan) ಹೆಸರಿಸದೆ ಪರೋಕ್ಷವಾಗಿ ಪಾಕಿಸ್ತಾನಕ್ಕೆ ಭಾರತದ ‘ವಿದೇಶಾಂಗ ವ್ಯವಹಾರಗಳ ಸಚಿವ ಎಸ್ ಜೈಶಂಕರ್(Jai shankar) ‘ಕಠಿಣ ಸಂದೇಶ ರವಾನಿಸಿದ್ದಾರೆ.

ಸೈಪ್ರಸ್‌ನಲ್ಲಿರುವ(Cyprus) ಭಾರತೀಯ ಸಮುದಾಯವನ್ನು ಉದ್ದೇಶಿಸಿ ಮಾತನಾಡಿದ ಅವರು, ಭಾರತವು ಎಂದಿಗೂ ಭಯೋತ್ಪಾದನೆಯನ್ನು ಸಹಿಸುವುದಿಲ್ಲ. ಅದೇ ರೀತಿ ನೈಜ ನಿಯಂತ್ರಣ ರೇಖೆಯನ್ನು ಏಕಪಕ್ಷೀಯವಾಗಿ ಬದಲಾಯಿಸುವ ಯಾವುದೇ ಪ್ರಯತ್ನವನ್ನು ಭಾರತ ಎಂದಿಗೂ ಒಪ್ಪುವುದಿಲ್ಲ ಎಂದು ಚೀನಾಕ್ಕೂ ಕಠಿಣ ಸಂದೇಶ ನೀಡಿದ್ದಾರೆ. ಇನ್ನು ಡಿಸೆಂಬರ್ 9 ರಂದು ಅರುಣಾಚಲ ಪ್ರದೇಶದ ತವಾಂಗ್(Tawang in Arunachal pradesgh) ಸೆಕ್ಟ್‌ರ್‌ನಲ್ಲಿ ಭಾರತೀಯ ಮತ್ತು ಚೀನೀ ಸೈನಿಕರು ಘರ್ಷಣೆಯಾದ ಕೆಲ ದಿನಗಳ ನಂತರ ಈ ಹೇಳಿಕೆಗಳು ಬಂದಿವೆ.

ನಾವು ಭಯೋತ್ಪಾದನೆಯಿಂದ ಅನುಭವಿಸಿದಷ್ಟು ನೋವನ್ನು ಯಾವುದೇ ದೇಶವು ಅನುಭವಿಸಿಲ್ಲ. ನಾವು ಭಯೋತ್ಪಾದನೆಯನ್ನು ಎಂದಿಗೂ ಒಪ್ಪಿಕೊಳ್ಳುವುದಿಲ್ಲ ಮತ್ತು ಅದನ್ನು ಸಾಮಾನ್ಯಗೊಳಿಸುವುದಿಲ್ಲ ಎಂದು ನಾವು ಸ್ಪಷ್ಟವಾಗಿ ಹೇಳಿದ್ದೇವೆ. ಭಯೋತ್ಪಾದನೆಯು ನಮ್ಮನ್ನು ಸಂಧಾನದ ಮೇಜಿಗೆ ಒತ್ತಾಯಿಸಲು ನಾವು ಎಂದಿಗೂ ಅನುಮತಿಸುವುದಿಲ್ಲ. ನಾವು ಎಲ್ಲರೊಂದಿಗೆ ಉತ್ತಮ ನೆರೆಹೊರೆ ಸಂಬಂಧವನ್ನು ಬಯಸುತ್ತೇವೆ. ಆದರೆ ಅದು ಭಯೋತ್ಪಾದನೆಯನ್ನು ಕ್ಷಮಿಸುವುದು ಅಥವಾ ದೂರ ನೋಡುವುದು ಅಥವಾ ತರ್ಕಬದ್ಧಗೊಳಿಸುವುದು ಎಂದರ್ಥವಲ್ಲ. ನಾವು ತುಂಬಾ ಸ್ಪಷ್ಟವಾಗಿದ್ದೇವೆ ಎಂದು ಜೈಶಂಕರ್ ಸೈಪ್ರಸ್‌ನಲ್ಲಿ ಹೇಳಿದ್ದಾರೆ.

ಎರಡನೆಯದು, ಚೀನಾದೊಂದಿಗಿನ(China) ನಮ್ಮ ಸಂಬಂಧಗಳ ಸ್ಥಿತಿಯು ಸಾಮಾನ್ಯವಲ್ಲ ಎಂದು ನಿಮಗೆಲ್ಲರಿಗೂ ತಿಳಿದಿದೆ. ಏಕೆಂದರೆ ವಾಸ್ತವಿಕ ನಿಯಂತ್ರಣ ರೇಖೆಯನ್ನು ಏಕಪಕ್ಷೀಯವಾಗಿ ಬದಲಾಯಿಸುವ ಯಾವುದೇ ಪ್ರಯತ್ನವನ್ನು ನಾವು ಒಪ್ಪುವುದಿಲ್ಲ. ರಾಷ್ಟ್ರೀಯ ಭದ್ರತೆಯ ವಿಷಯದಲ್ಲಿ, ಭಾರತದ ಸಂದೇಶವು ದೃಢವಾಗಿದೆ. ಇನ್ನು ಭಾರತವನ್ನು ಇಂದು ಪ್ರಬಲ ಆರ್ಥಿಕತೆ ಮತ್ತು ಸಮಸ್ಯೆಗಳಿಗೆ ಪರಿಹಾರ ನೀಡುವ ದೇಶವಾಗಿ ನೋಡಲಾಗುತ್ತಿದೆ. ನಮ್ಮನ್ನು ಸ್ವತಂತ್ರ ಮತ್ತು ಬದ್ದತೆ ಹೊಂದಿರುವ ದೇಶವಾಗಿಯೂ ಕಾಣಲಾಗುತ್ತಿದೆ ಎಂದು ಜೈಶಂಕರ್‌ಅಭಿಪ್ರಾಯಪಟ್ಟರು.

• ಮಹೇಶ್.ಪಿ.ಎಚ್