• ಟಿ20 ವಿಶ್ವಕಪ್​ಗೆ ಬಲಿಷ್ಠ ಭಾರತದ (Indian team under Suryakumar leadership) ಆಟಗಾರರ ಹೆಸರು ಪ್ರಕಟ
• ಭಾರತ ಮತ್ತು ಶ್ರೀಲಂಕಾ ಜಂಟಿಯಾಗಿ ಆಯೋಜಿಸಲಿರುವ ಟಿ20 ವಿಶ್ವಕಪ್ 2026
• ಒಟ್ಟು 20 ತಂಡಗಳು ಅದರಲ್ಲಿ 4 ಗ್ರೂಪ್ ಕಣಕ್ಕಿಳಿಯಲಿವೆ

ಬಹುನಿರೀಕ್ಷಿತ ಟಿ20 ವಿಶ್ವಕಪ್ 2026ಕ್ಕೆ ಭಾರತ ಕ್ರಿಕೆಟ್ (Cricket) ತಂಡವನ್ನು ಅಧಿಕೃತವಾಗಿ ಪ್ರಕಟಿಸಲಾಗಿದ್ದು (Indian team under Suryakumar leadership) , ಕ್ರಿಕೆಟ್ ಅಭಿಮಾನಿಗಳಲ್ಲಿ ಭಾರಿ ಕುತೂಹಲ ಮೂಡಿಸಿದೆ.

ಭಾರತ ಹಾಗೂ ಶ್ರೀಲಂಕಾ ಜಂಟಿಯಾಗಿ ಆಯೋಜಿಸಲಿರುವ ಈ ಮಹತ್ವದ ಟೂರ್ನಿಯಲ್ಲಿ (Tourney) ಒಟ್ಟು 20 ರಾಷ್ಟ್ರಗಳ ತಂಡಗಳು ಭಾಗವಹಿಸಲಿವೆ.

ನಾಲ್ಕು ಗ್ರೂಪ್‌ಗಳಾಗಿ ವಿಂಗಡಿಸಲಾದ ಈ ವಿಶ್ವಕಪ್‌ನಲ್ಲಿ, ಗ್ರೂಪ್–1ರಲ್ಲಿ ಸ್ಥಾನ ಪಡೆದಿರುವ ಭಾರತ ತನ್ನ ಶಕ್ತಿಶಾಲಿ ತಂಡವನ್ನು ಘೋಷಿಸುವ ಮೂಲಕ ಟ್ರೋಫಿ (Trophy) ಗೆಲ್ಲುವ ಸ್ಪಷ್ಟ ಉದ್ದೇಶವನ್ನು ತೋರಿಸಿದೆ.

ಈ ಬಾರಿ ತಂಡದ ಆಯ್ಕೆ ಹೊಸ ಸಂಯೋಜನೆ, ಯುವಶಕ್ತಿ ಮತ್ತು (Indian team under Suryakumar leadership) ಅನುಭವದ ಸಮತೋಲನವನ್ನು ಪ್ರತಿಬಿಂಬಿಸುತ್ತದೆ.

ಈ ಟಿ20 ವಿಶ್ವಕಪ್‌ನಲ್ಲಿ ಭಾರತ ತಂಡವನ್ನು ಸೂರ್ಯಕುಮಾರ್ ಯಾದವ್ (Suryakumar Yadav) ಮುನ್ನಡೆಸಲಿದ್ದು, ಉಪನಾಯಕನಾಗಿ ಅಕ್ಷರ್ ಪಟೇಲ್ ಅವರಿಗೆ ಜವಾಬ್ದಾರಿ ನೀಡಲಾಗಿದೆ.

15 ಸದಸ್ಯರ ತಂಡದಲ್ಲಿ ಆಕ್ರಮಣಕಾರಿ ಬ್ಯಾಟ್ಸ್‌ಮನ್‌ಗಳು, ನಿಖರ ಆಲ್‌ರೌಂಡರ್‌ಗಳು (All Rounder) ಹಾಗೂ ಪ್ರಬಲ ಬೌಲಿಂಗ್ ದಳಕ್ಕೆ ಆದ್ಯತೆ ನೀಡಲಾಗಿದೆ.

ಗಮನಾರ್ಹ ಸಂಗತಿ ಎಂದರೆ, ಈ ಟೂರ್ನಿಯಿಂದ ಶುಭ್‌ಮನ್ ಗಿಲ್ ಅವರನ್ನು ಹೊರಗಿಟ್ಟಿರುವುದು. ಇದರಿಂದ ಆಯ್ಕೆ ಸಮಿತಿಯು ಇತ್ತೀಚಿನ ಫಾರ್ಮ್ ಮತ್ತು ಟಿ20 ವಿಶೇಷತೆಯನ್ನು ಗಮನದಲ್ಲಿಟ್ಟುಕೊಂಡಿರುವುದು ಸ್ಪಷ್ಟವಾಗುತ್ತದೆ.

ಭಾರತ ತನ್ನ ವಿಶ್ವಕಪ್ ಅಭಿಯಾನವನ್ನು ಫೆಬ್ರವರಿ 7ರಂದು ಆರಂಭಿಸಲಿದ್ದು, ಮೊದಲ ಪಂದ್ಯದಲ್ಲಿ ಯುಎಸ್‌ಎ ತಂಡವನ್ನು ಎದುರಿಸಲಿದೆ.

ನಂತರ ಫೆಬ್ರವರಿ 12ರಂದು ನಮೀಬಿಯಾ ವಿರುದ್ಧ ಕಣಕ್ಕಿಳಿಯುವ ಟೀಮ್ ಇಂಡಿಯಾ, ಫೆಬ್ರವರಿ 15ರಂದು ಸಾಂಪ್ರದಾಯಿಕ ವೈರಿ ಪಾಕಿಸ್ತಾನ್ ವಿರುದ್ಧ ಹೈವೋಲ್ಟೇಜ್ (High voltage) ಪಂದ್ಯ ಆಡಲಿದೆ. ಈ ಬಹುನಿರೀಕ್ಷಿತ ಪಂದ್ಯ ಕೊಲಂಬೊದ ಆರ್. ಪ್ರೇಮದಾಸ ಸ್ಟೇಡಿಯಂನಲ್ಲಿ ನಡೆಯಲಿದೆ.

ಫೆಬ್ರವರಿ 18ರಂದು ನೆದರ್‌ಲೆಂಡ್ಸ್ (Netherland) ವಿರುದ್ಧದ ಪಂದ್ಯದಿಂದ ಗ್ರೂಪ್ ಹಂತದ ತನ್ನ ಪ್ರಯಾಣವನ್ನು ಭಾರತ ಮುಗಿಸಲಿದೆ.

ಭಾರತ ತಂಡದ ಸಂಯೋಜನೆ ನೋಡಿದರೆ, ಬ್ಯಾಟಿಂಗ್ (Batting) ಮತ್ತು ಬೌಲಿಂಗ್ (Bowling) ಎರಡೂ ವಿಭಾಗಗಳಲ್ಲಿ ಆಳವಿರುವುದು ಗೋಚರಿಸುತ್ತದೆ.

ಅಭಿಷೇಕ್ ಶರ್ಮಾ, ತಿಲಕ್ ವರ್ಮಾ, ಹಾರ್ದಿಕ್ ಪಾಂಡ್ಯ, ಶಿವಂ ದುಬೆ ಮತ್ತು ರಿಂಕು ಸಿಂಗ್ ಮುಂತಾದ ಆಟಗಾರರು ಮಧ್ಯಮ ಕ್ರಮಾಂಕಕ್ಕೆ ಬಲ ತುಂಬಿದ್ದಾರೆ. ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನು ಸಂಜು ಸ್ಯಾಮ್ಸನ್ ಮತ್ತು ಇಶಾನ್ ಕಿಶನ್ ಹಂಚಿಕೊಂಡಿದ್ದಾರೆ.

ಬೌಲಿಂಗ್ ವಿಭಾಗದಲ್ಲಿ ಜಸ್‌ಪ್ರೀತ್ ಬುಮ್ರಾ, ಅರ್ಷದೀಪ್ ಸಿಂಗ್ (Arshdeep Singh) , ಕುಲ್ದೀಪ್ ಯಾದವ್, ವರುಣ್ ಚಕ್ರವರ್ತಿ (Varun Chakravarthy) ಹಾಗೂ ಹರ್ಷಿತ್ ರಾಣಾ ಎದುರಾಳಿ ತಂಡಗಳಿಗೆ ತೀವ್ರ ಸವಾಲಾಗುವ ಸಾಮರ್ಥ್ಯ ಹೊಂದಿದ್ದಾರೆ.

ಗ್ರೂಪ್ ಹಂತದ ನಂತರ ಸೂಪರ್–8 ಸುತ್ತು ಆರಂಭವಾಗಲಿದ್ದು, ಪ್ರತಿ ಗ್ರೂಪ್‌ನಿಂದ ಅಗ್ರ ಎರಡು ತಂಡಗಳು ಮುಂದಿನ ಹಂತಕ್ಕೆ ಅರ್ಹತೆ ಪಡೆಯಲಿವೆ. ಸೂಪರ್–8 ಅಂಕಪಟ್ಟಿಯಲ್ಲಿ ಟಾಪ್–4 ಸ್ಥಾನ ಪಡೆಯುವ ತಂಡಗಳು ಸೆಮಿಫೈನಲ್ ಪ್ರವೇಶಿಸಲಿವೆ.

ಭಾರತ ಇರುವ ಗ್ರೂಪ್–1ರಲ್ಲಿ ಪಾಕಿಸ್ತಾನ್, ಯುಎಸ್‌ಎ, ನಮೀಬಿಯಾ ಮತ್ತು ನೆದರ್‌ಲೆಂಡ್ಸ್ ಇದ್ದು, ಪ್ರತಿಯೊಂದು ಪಂದ್ಯವೂ ಮಹತ್ವ ಪಡೆದುಕೊಳ್ಳಲಿದೆ.

ಬಲಿಷ್ಠ ತಂಡ, ಸ್ಪಷ್ಟ ನಾಯಕತ್ವ ಮತ್ತು ಸಮತೋಲನದ ಸಂಯೋಜನೆಯೊಂದಿಗೆ ಈ ಬಾರಿ ಟೀಮ್ ಇಂಡಿಯಾ ಟಿ20 ವಿಶ್ವಕಪ್ ಗೆಲ್ಲುವ ಸಾಧ್ಯತೆಯಿದೆ.