ನವದೆಹಲಿ ನ 27: ಜಗತ್ತಿನ ಅತಿದೊಡ್ಡ ಜನಸಂಖ್ಯೆ ಹೊಂದಿರುವ ಎರಡನೇ ರಾಷ್ಟ್ರ ಭಾರತದಲ್ಲಿ ಪುರುಷರಿಗಿಂತ ಮಹಿಳೆಯರೇ ಹೆಚ್ಚಿನ ಪ್ರಮಾಣದಲ್ಲಿ ಇದ್ದಾರೆ ಎಂದು ಆರೋಗ್ಯ ಸಚಿವಾಲಯ ತಿಳಿಸಿದೆ. ಭಾರತವು ಈಗ ಪ್ರತಿ 1000 ಪುರುಷರಿಗೆ 1,020 ಮಹಿಳೆಯರನ್ನು ಹೊಂದಿದೆ ಎಂದು ಇತ್ತೀಚಿಗೆ ನಡೆಸಿದ ರಾಷ್ಟ್ರೀಯ ಕುಟುಂಬ ಮತ್ತು ಆರೋಗ್ಯ ಸಮೀಕ್ಷೆಯಲ್ಲಿ ಈ ಅಂಶ ಬಹಿರಂಗವಾಗಿದೆ.
ಭಾರತದಲ್ಲಿ ಇದೇ ಮೊದಲ ಬಾರಿಗೆ ಲಿಂಗಾನುಪಾತದಲ್ಲಿ ಹೆಚ್ಚಳ ಕಂಡಿದೆ. ಆದರೆ, ಪುರುಷರಿಗಿಂತ ಮಹಿಳೆಯರ ಸಂಖ್ಯೆಯಲ್ಲಿ ಹೆಚ್ಚಳವಾಗಿದೆ. ರಾಷ್ಟ್ರೀಯ ಕುಟುಂಬ ಮತ್ತು ಆರೋಗ್ಯ ಸಮೀಕ್ಷೆ-5 ರ ಸಂಶೋಧನಾ ವರದಿ ಪ್ರಕಾರ ಲಿಂಗಾನುಪಾತವು 1,000: 1,020 ( 1000 ಪುರುಷರಿಗೆ 1020 ಮಹಿಳೆಯರು) ಆಗಿದ್ದು, ಇದು ಜನಸಂಖ್ಯಾ ಬದಲಾವಣೆಯ ಸೂಚಕವಾಗಿದೆ. ನಗರಪ್ರದೇಶದಲ್ಲಿ ಲಿಂಗಾನುಪಾತ 1000:985 ಇದೆ. ಗ್ರಾಮೀಣ ಪ್ರದೇಶದಲ್ಲಿ 1000: 1037ಕ್ಕೇರಿದೆ. ಸರಾಸರಿ ಲಿಂಗಾನುಪಾತ 1000:1020ರಷ್ಟಿದೆ.
“ಲಿಂಗಾನುಪಾತವು 1000 ದಾಟುತ್ತಿದ್ದಂತೆ, ಇದರೊಂದಿಗೆ, ಭಾರತವು ಅಭಿವೃದ್ಧಿ ಹೊಂದಿದ ರಾಷ್ಟ್ರಗಳ ಲೀಗ್‌ಗೆ ಹೆಜ್ಜೆ ಇಟ್ಟಿದೆ ಎಂದು ನಾವು ಹೇಳಬಹುದು. ಮಹಿಳಾ ಸಬಲೀಕರಣ (Women Empowerment) ಮತ್ತು ಲಿಂಗಭೇದ ಹಾಗೂ ಅಸಮಾನತೆಗಳನ್ನು ನಿವಾರಿಸಲು ಸರಕಾರ ಹಲವು ಕ್ರಮ ಕೈಗೊಂಡ ಕಾರಣ ಲಿಂಗಾನುಪಾತದಲ್ಲಿ ಸುಧಾರಣೆ ಕಂಡಿದೆ ಎಂದು ಆರೋಗ್ಯ ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.
ಶಿಶು ಮರಣ ದರವೂ ಇಳಿಕೆ
ಉತ್ತಮ ಆರೋಗ್ಯ ಸೇವೆಯು ದೇಶದಲ್ಲಿ ತಾಯಿ ಮತ್ತು ಶಿಶು ಮರಣ ಪ್ರಮಾಣ ಕಡಿಮೆ ಮಾಡಲು ಕಾರಣವಾಗುತ್ತದೆ. ಹೆರಿಗೆಯ ನಂತರದ ದಿನಗಳು ಮತ್ತು ವಾರಗಳು – ಪ್ರಸವಪೂರ್ವ ಅವಧಿಯು ತಾಯಂದಿರು ಮತ್ತು ನವಜಾತ ಶಿಶುಗಳ ಜೀವನದಲ್ಲಿ ನಿರ್ಣಾಯಕ ಹಂತವಾಗಿದೆ. ಜನನದ ನಂತರದ ಮೊದಲ ತಿಂಗಳಲ್ಲಿ ಹೆಚ್ಚಿನ ತಾಯಿ ಮತ್ತು ಶಿಶು ಮರಣಗಳು ಸಂಭವಿಸುತ್ತವೆ. ಹೀಗಾಗಿ, ಹೆರಿಗೆಯಾದ ಮೊದಲ 48 ಗಂಟೆಗಳೊಳಗೆ (2 ದಿನಗಳು) ಆರೋಗ್ಯ ಸಿಬ್ಬಂದಿಯಿಂದ ಪ್ರಸವಾ ನಂತರದ ಆರೈಕೆ ಪಡೆಯಲು ಶಿಫಾರಸು ಮಾಡಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ. ಭಾರತದಲ್ಲಿ ಇದೇ ಮೊದಲ ಬಾರಿಗೆ ಲಿಂಗಾನುಪಾತದಲ್ಲಿ ಮಹಿಳೆಯರ ಸಂಖ್ಯೆ ಪುರಷರ ಸಂಖ್ಯೆಗಿಂತ ಹೆಚ್ಚಳವಾಗಿದೆ.
