ಮೂರು 48MP ಕ್ಯಾಮೆರಾಗಳೊಂದಿಗೆ ಮತ್ತಷ್ಟು (iPhone 18 Pro new series launched ) ಪವರ್‌ಫುಲ್ ಆಗಿ ಮಾರುಕಟ್ಟೆಗೆ ಲಗ್ಗೆ ಇಟ್ಟ ಐಫೋನ್
A20 Pro ಚಿಪ್, 48MP ಕ್ಯಾಮೆರಾ, ಹೊಸ C2 ಮೋಡೆಮ್ ಜೊತೆ ಬಂದ ಆ್ಯಪಲ್‌ನ ಹೊಸ ಪ್ರೀಮಿಯಂ ಫೋನ್‌ಗಳು
6.9 ಇಂಚಿನ ಡಿಸ್‌ಪ್ಲೇ, A20 Pro ಚಿಪ್, 30 ಗಂಟೆಗಳವರೆಗೆ ಬ್ಯಾಟರಿ ಬ್ಯಾಕಪ್ ಸೇರಿದಂತೆ ಹಲವು ವಿಶೇಷತೆಗಳು ಇದರಲ್ಲಿವೆ
ಆ್ಯಪಲ್ ಅಭಿಮಾನಿಗಳು ಬಹುನಿರೀಕ್ಷೆಯಿಂದ ಕಾಯುತ್ತಿದ್ದ (iPhone 18 Pro new series launched) ಐಫೋನ್ 18 ಪ್ರೊ ಮತ್ತು ಐಫೋನ್ 18 ಪ್ರೊ ಮ್ಯಾಕ್ಸ್ ಅಧಿಕೃತವಾಗಿ ಬಿಡುಗಡೆಯಾಗಿವೆ.
‘Surprise and Shine’ ಕಾರ್ಯಕ್ರಮದಲ್ಲಿ ಪರಿಚಯಿಸಲಾದ ಈ ಎರಡೂ ಮಾದರಿಗಳು ಹಿಂದಿನ ಐಫೋನ್ 17 ಪ್ರೊ (I phone 17 Pro) ಸರಣಿಗೆ ಹೋಲಿಸಿದರೆ ಹಲವು ಹೊಸ ಅಪ್‌ಗ್ರೇಡ್‌ಗಳನ್ನು ಪಡೆದುಕೊಂಡಿವೆ.
ಪ್ರೊಸೆಸರ್, ಕ್ಯಾಮೆರಾ, ಬ್ಯಾಟರಿ, ಮೋಡೆಮ್ ಸೇರಿದಂತೆ ಪ್ರಮುಖ ವಿಭಾಗಗಳಲ್ಲಿ ಬದಲಾವಣೆ ಮಾಡಲಾಗಿದ್ದು, ಆ್ಯಪಲ್‌ನ ಹೊಸ A20 Pro ಚಿಪ್ ಮತ್ತು C2 ಮೋಡೆಮ್ ಈ ಫೋನ್‌ಗಳ ಪ್ರಮುಖ ಆಕರ್ಷಣೆಯಾಗಿವೆ.
ಭಾರತದಲ್ಲಿ ಐಫೋನ್ 18 ಪ್ರೊ ಬೆಲೆ 256GB ಮಾದರಿಗೆ ₹1,64,900ರಿಂದ ಆರಂಭವಾಗಲಿದ್ದು, ಐಫೋನ್ 18 ಪ್ರೊ ಮ್ಯಾಕ್ಸ್ (iPhone 18 Pro new series launched) ಬೆಲೆ ₹1,79,900ರಿಂದ ಆರಂಭವಾಗಲಿದೆ. ಎರಡೂ ಫೋನ್‌ಗಳು 512GB, 1TB ಹಾಗೂ 2TB ಸ್ಟೋರೇಜ್ ಆಯ್ಕೆಗಳಲ್ಲೂ ಲಭ್ಯವಿರಲಿವೆ.
ಹೊಸ ಐಫೋನ್‌ಗಳ ವಿನ್ಯಾಸದಲ್ಲೂ ಆ್ಯಪಲ್ ಹಲವು ವಿಶೇಷತೆಗಳನ್ನು ಉಳಿಸಿಕೊಂಡಿದೆ. ಐಫೋನ್ 18 ಪ್ರೊ 6.3 ಇಂಚಿನ ಡಿಸ್‌ಪ್ಲೇ ಹೊಂದಿದ್ದರೆ, ದೊಡ್ಡ ಮಾದರಿಯಾದ 18 ಪ್ರೊ
ಮ್ಯಾಕ್ಸ್ 6.9 ಇಂಚಿನ ಡಿಸ್‌ಪ್ಲೇ ಹೊಂದಿದೆ. ಎರಡೂ ಫೋನ್‌ಗಳಲ್ಲಿ Super Retina XDR OLED ಸ್ಕ್ರೀನ್, ProMotion ತಂತ್ರಜ್ಞಾನ ಮತ್ತು Always-On Display ಸೌಲಭ್ಯ ನೀಡಲಾಗಿದೆ.
ಅಲ್ಯೂಮಿನಿಯಂ ಯುನಿಬಾಡಿ ವಿನ್ಯಾಸದೊಂದಿಗೆ ಬರುವ ಈ ಮಾದರಿಗಳಲ್ಲಿ ಹಿಂದಿನ ತಲೆಮಾರಿನ ಆಕ್ಷನ್ ಬಟನ್ ಮತ್ತು ಕ್ಯಾಮೆರಾ ಕಂಟ್ರೋಲ್‌ಗಳನ್ನು ಮುಂದುವರಿಸಲಾಗಿದೆ.
ಬಣ್ಣಗಳ ವಿಚಾರದಲ್ಲೂ ಹೊಸ ಆಯ್ಕೆಗಳನ್ನು ನೀಡಲಾಗಿದ್ದು, ಬ್ಲ್ಯಾಕ್, ಸಿಲ್ವರ್, ಗ್ಲೇಶಿಯರ್ ಜೊತೆಗೆ ಹೊಸ ಬರ್ಗಂಡಿ ಬಣ್ಣ ಕೂಡ ಲಭ್ಯವಿದೆ. ಸೆಪ್ಟೆಂಬರ್ 12ರಿಂದ ಪ್ರೀ-ಆರ್ಡರ್ ಆರಂಭವಾಗಲಿದ್ದು, ಸೆಪ್ಟೆಂಬರ್ 18ರಿಂದ ಮಾರಾಟ ಶುರುವಾಗಲಿದೆ.
ಕಾರ್ಯಕ್ಷಮತೆಯ ವಿಚಾರದಲ್ಲಿ ಹೊಸ A20 Pro ಚಿಪ್‌ಸೆಟ್ ಗಮನ ಸೆಳೆಯುತ್ತಿದೆ. 2nm ತಂತ್ರಜ್ಞಾನ ಆಧಾರಿತ ಈ ಚಿಪ್ 6-ಕೋರ್ CPU, 7-ಕೋರ್ GPU ಹಾಗೂ
16-ಕೋರ್ Neural Engine ಹೊಂದಿದೆ. ಹಿಂದಿನ A19 Pro ಚಿಪ್‌ಗೆ ಹೋಲಿಸಿದರೆ ಮೆಮೊರಿ ಬ್ಯಾಂಡ್‌ವಿಡ್ತ್ ಶೇ.50ರಷ್ಟು ಹೆಚ್ಚಾಗಿದೆ ಎಂದು ಆ್ಯಪಲ್ ತಿಳಿಸಿದೆ.
GPU ಕಾರ್ಯಕ್ಷಮತೆ ಶೇ.40ರವರೆಗೆ ಹೆಚ್ಚಿದ್ದು, AI ಪ್ರೊಸೆಸಿಂಗ್ ಸಾಮರ್ಥ್ಯವೂ ಎರಡು ಪಟ್ಟು ಹೆಚ್ಚಾಗಿದೆ ಎಂದು ಕಂಪನಿ ಹೇಳಿದೆ.
ಎರಡೂ ಮಾದರಿಗಳು iOS 27ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಹೊಸ Apple Intelligence ಫೀಚರ್‌ಗಳು ಹಾಗೂ Siri AI ಸೌಲಭ್ಯಗಳನ್ನೂ ಒಳಗೊಂಡಿವೆ.
ಹೀಗಾಗಿ ವೇಗದ ಕಾರ್ಯಕ್ಷಮತೆ ಮಾತ್ರವಲ್ಲದೆ, AI ಆಧಾರಿತ ಸ್ಮಾರ್ಟ್ ಫೀಚರ್‌ಗಳ ಬಳಕೆಯಲ್ಲೂ ಹೊಸ ಐಫೋನ್‌ಗಳು ಗಮನ ಸೆಳೆಯುವ ನಿರೀಕ್ಷೆಯಿದೆ.
ಕ್ಯಾಮೆರಾ ವಿಭಾಗದಲ್ಲೂ ಐಫೋನ್ 18 ಪ್ರೊ ಸರಣಿಯಲ್ಲಿ ಪ್ರಮುಖ ಬದಲಾವಣೆ ಮಾಡಲಾಗಿದೆ. ಹಿಂಭಾಗದಲ್ಲಿ ಮೂರು 48MP ಕ್ಯಾಮೆರಾಗಳ ಸೆಟಪ್ ನೀಡಲಾಗಿದೆ.
ಮುಖ್ಯ 48MP Fusion ಕ್ಯಾಮೆರಾದಲ್ಲಿ ಮೊದಲ ಬಾರಿಗೆ ಐಫೋನ್‌ನಲ್ಲಿ ವೇರಿಯೆಬಲ್ ಅಪಾರ್ಚರ್ ಸೌಲಭ್ಯ ಪರಿಚಯಿಸಲಾಗಿದೆ.
ಬೆಳಕಿನ ಪ್ರಮಾಣವನ್ನು ನಿಯಂತ್ರಿಸುವ ಮೂಲಕ ವಿಭಿನ್ನ ಪರಿಸ್ಥಿತಿಗಳಲ್ಲಿ ಫೋಟೊ ಗುಣಮಟ್ಟವನ್ನು ಸುಧಾರಿಸಲು ಇದು ಸಹಾಯ ಮಾಡಲಿದೆ. ಇದರ ಜೊತೆಗೆ 48MP ಅಲ್ಟ್ರಾ
ವೈಡ್ ಮತ್ತು 48MP ಟೆಲಿಫೋಟೊ ಕ್ಯಾಮೆರಾಗಳಿವೆ. ಮುಂಭಾಗದಲ್ಲಿ 18MP ಕ್ಯಾಮೆರಾ, ಆಟೋಫೋಕಸ್ (Autofocus) ಹಾಗೂ Centre Stage ಸೌಲಭ್ಯ ನೀಡಲಾಗಿದೆ.
Pro Controls ಮೂಲಕ ಅಪಾರ್ಚರ್, ಶಟ್ಟರ್ ಸ್ಪೀಡ್ (Shutter speed) , ವೈಟ್ ಬ್ಯಾಲೆನ್ಸ್ ಮುಂತಾದ ಸೆಟ್ಟಿಂಗ್‌ಗಳನ್ನು ಬಳಕೆದಾರರು ತಮ್ಮ ಅಗತ್ಯಕ್ಕೆ ತಕ್ಕಂತೆ ನಿಯಂತ್ರಿಸಬಹುದು.
ಬ್ಯಾಟರಿ ಮತ್ತು ಸಂಪರ್ಕ ವ್ಯವಸ್ಥೆಯಲ್ಲೂ ಹೊಸ ಐಫೋನ್‌ಗಳಿಗೆ ಸುಧಾರಣೆ ನೀಡಲಾಗಿದೆ. ಐಫೋನ್ 18 ಪ್ರೊ ಒಂದು ಚಾರ್ಜ್‌ನಲ್ಲಿ 24 ಗಂಟೆಗಳವರೆಗೆ, 18 ಪ್ರೊ ಮ್ಯಾಕ್ಸ್ 30
ಗಂಟೆಗಳವರೆಗೆ ಬಳಕೆಯನ್ನು ನೀಡುತ್ತದೆ ಎಂದು ಆ್ಯಪಲ್ ಹೇಳಿದೆ. ವಿಡಿಯೋ ಪ್ಲೇಬ್ಯಾಕ್‌ನಲ್ಲಿ ಕ್ರಮವಾಗಿ 36 ಮತ್ತು 45 ಗಂಟೆಗಳವರೆಗೆ ಬ್ಯಾಕಪ್ ಸಿಗಲಿದೆ ಎಂದು ಕಂಪನಿ ತಿಳಿಸಿದೆ.
ವೈರ್ಡ್ ಚಾರ್ಜಿಂಗ್ ಮೂಲಕ 18 ಪ್ರೊ ಅನ್ನು ಸುಮಾರು 15 ನಿಮಿಷಗಳಲ್ಲಿ ಶೇ.50ರಷ್ಟು ಚಾರ್ಜ್ ಮಾಡಬಹುದು. ಮತ್ತೊಂದೆಡೆ, ಹೊಸ C2 ಮೋಡೆಮ್
ಹಿಂದಿನ C1X ಮೋಡೆಮ್‌ಗಿಂತ ವೇಗದ ಅಪ್‌ಲೋಡ್ ನೀಡುವುದರ ಜೊತೆಗೆ ಶೇ.15ರಷ್ಟು ಕಡಿಮೆ ವಿದ್ಯುತ್ ಬಳಸುತ್ತದೆ ಎಂದು ಹೇಳಲಾಗಿದೆ.
ಫೋನ್‌ನ ತಾಪಮಾನ ನಿಯಂತ್ರಣಕ್ಕಾಗಿ ಹಿಂದಿನ ತಲೆಮಾರಿಗೆ ಹೋಲಿಸಿದರೆ ಮೂರು ಪಟ್ಟು ಹೆಚ್ಚಿನ ಮೇಲ್ಮೈ ಪ್ರದೇಶ ಹೊಂದಿರುವ ಹೊಸ Vapor Chamber ವ್ಯವಸ್ಥೆಯನ್ನೂ ಅಳವಡಿಸಲಾಗಿದೆ.
ಒಟ್ಟಿನಲ್ಲಿ, ಕಾರ್ಯಕ್ಷಮತೆ, ಕ್ಯಾಮೆರಾ, ಬ್ಯಾಟರಿ ಮತ್ತು ಸಂಪರ್ಕ ತಂತ್ರಜ್ಞಾನದಲ್ಲಿ ಹಲವು ಬದಲಾವಣೆಗಳೊಂದಿಗೆ ಬಂದಿರುವ ಐಫೋನ್ 18 ಪ್ರೊ ಸರಣಿ ಪ್ರೀಮಿಯಂ ಸ್ಮಾರ್ಟ್‌ಫೋನ್ ಮಾರುಕಟ್ಟೆಯಲ್ಲಿ ಹೊಸ ನಿರೀಕ್ಷೆ ಮೂಡಿಸಿದೆ.
ಇದನ್ನು ಓದಿ : https://vijayatimes.com/iran-aggression-in-hormuz/
