• ಐಆರ್‌ಜಿಸಿ ಪ್ರಧಾನ ಕಚೇರಿ (Iran’s IRGC headquarters destroyed) ನಾಶ: ಇರಾನ್‌ಗೆ ಭಾರೀ ಹೊಡೆತ
• ಖಮೇನಿ ಸಾವಿನ ಬೆನ್ನಲ್ಲೇ ಜಾಗತಿಕ ರಾಜಕೀಯ ಕಂಗಾಲು; ಮಧ್ಯಪ್ರಾಚ್ಯದಲ್ಲಿ ಭಾರೀ ಸಂಘರ್ಷದ ಭೀತಿ
• ಪ್ರತೀಕಾರದ ಎಚ್ಚರಿಕೆ ನೀಡಿದ ಇರಾನ್

Tehran: ಕಳೆದೆರಡು ದಿನಗಳಿಂದ ಇಸ್ರೇಲ್ – ಅಮೇರಿಕಾ (Israel-America) ಜಂಟಿಯಾಗಿ ಇರಾನ್ ಮೇಲೆ (Iran’s IRGC headquarters destroyed) ದಾಳಿ ನಡೆಸುತ್ತಿದ್ದು ಮಧ್ಯಪ್ರಾಚ್ಯದಲ್ಲಿ ಉದ್ವಿಗ್ನತೆ ತಾರಕಕ್ಕೇರಿರುವ ಸಂದರ್ಭದಲ್ಲಿ, ಇರಾನ್‌ನ Islamic Revolutionary Guard Corps (IRGC) ಪ್ರಧಾನ ಕಚೇರಿಯನ್ನು ಅಮೆರಿಕ ನೇತೃತ್ವದ ದಾಳಿಯಲ್ಲಿ ಸಂಪೂರ್ಣವಾಗಿ ನಾಶಪಡಿಸಲಾಗಿದೆ ಎಂದು United States Central Command (ಸೆಂಟ್ಕಾಂ) ಅಧಿಕೃತವಾಗಿ ಘೋಷಿಸಿದೆ.

ಕಳೆದ ಹಲವು ದಶಕಗಳಲ್ಲಿ ನೂರಾರು ಅಮೆರಿಕನ್ನರ ಸಾವಿಗೆ ಐಆರ್‌ಜಿಸಿ ಕಾರಣವಾಗಿದೆ ಎಂದು ಆರೋಪಿಸಿರುವ ಅಮೆರಿಕ, ಈ ದಾಳಿಯನ್ನು “ಹಾವಿನ ತಲೆಯನ್ನು ಕತ್ತರಿಸುವ ಕ್ರಮ” ಎಂದು ಬಣ್ಣಿಸಿದೆ.

ವಿಶ್ವದ ಅತ್ಯಂತ ಶಕ್ತಿಶಾಲಿ ಸೈನ್ಯ ನಮ್ಮದೇ ಎಂದು ಹೇಳಿಕೊಂಡಿರುವ ಅಮೆರಿಕ, ಐಆರ್‌ಜಿಸಿ ಭವಿಷ್ಯದಲ್ಲಿ ತನ್ನ ಕಮಾಂಡ್ ವ್ಯವಸ್ಥೆಯನ್ನು ಕಳೆದುಕೊಂಡಿದೆ ಎಂದು ಘೋಷಿಸಿದೆ.

ಈ ಬೆಳವಣಿಗೆ ವಿಶ್ವ ರಾಜಕೀಯದಲ್ಲಿ ಭಾರೀ ಚರ್ಚೆಗೆ ಕಾರಣವಾಗಿದ್ದು, ಮುಂದಿನ (Iran’s IRGC headquarters destroyed) ದಿನಗಳಲ್ಲಿ ಪರಿಸ್ಥಿತಿ ಹೇಗೆ ತಿರುಗಿಕೊಳ್ಳಲಿದೆ ಎಂಬ ಕುತೂಹಲ ಹೆಚ್ಚಿಸಿದೆ.

ಇದರ ಬೆನ್ನಲ್ಲೇ, ಇರಾನ್‌ನ ಸರ್ವೋಚ್ಚ ನಾಯಕ Ali Khamenei ಹತ್ಯೆಯಾದರು ಎಂಬ ಸುದ್ದಿ ಜಾಗತಿಕ ರಾಜಕೀಯವನ್ನು ನಡುಗಿಸಿದೆ.

ಅಮೆರಿಕ–ಇಸ್ರೇಲ್ ಜಂಟಿ ಕಾರ್ಯಾಚರಣೆಯ ಭಾಗವಾಗಿ ಈ ದಾಳಿ ನಡೆದಿದೆ ಎಂದು ವರದಿಗಳು ತಿಳಿಸಿವೆ.

ಇಸ್ರೇಲಿ ಪಡೆಗಳು ಐಆರ್‌ಜಿಸಿ ಗುಪ್ತಚರ ಕೇಂದ್ರ, ವಾಯುಪಡೆ ಕಮಾಂಡ್ ಕೇಂದ್ರ ಮತ್ತು ಆಂತರಿಕ ಭದ್ರತಾ ಕೇಂದ್ರಗಳ ಮೇಲೂ ದಾಳಿ ನಡೆಸಿರುವುದಾಗಿ ತಿಳಿದುಬಂದಿದೆ.

66 ವರ್ಷದ ಧರ್ಮಗುರು ಅಲಿರೆಜಾ ಅರಾಫಿ (Alireza Arafi) ಅವರನ್ನು ತಾತ್ಕಾಲಿಕ ನಾಯಕತ್ವ ಮಂಡಳಿಗೆ ನೇಮಿಸಲಾಗಿದೆ ಎಂದು ಇರಾನ್ ಸರ್ಕಾರ ಘೋಷಿಸಿದ್ದು, ಹೊಸ

ಸರ್ವೋಚ್ಚ ನಾಯಕನ ಆಯ್ಕೆ ಆಗುವವರೆಗೆ ದೇಶದ ಆಡಳಿತ ಜವಾಬ್ದಾರಿಯನ್ನು ಈ ಮಂಡಳಿ ವಹಿಸಲಿದೆ. ಈ ಕ್ರಮ ಇರಾನ್‌ನ ಒಳರಾಜಕೀಯದಲ್ಲಿಯೂ ಅಲೆಗಳನ್ನು ಎಬ್ಬಿಸಿದೆ.

ಖಮೇನಿ ಸಾವಿನ ಸುದ್ದಿ ದೃಢಪಟ್ಟ ತಕ್ಷಣ ಇರಾನ್‌ನ ವಿವಿಧ ನಗರಗಳಲ್ಲಿ ಆಕ್ರೋಶದ ಜ್ವಾಲೆಗಳು ಕಾಣಿಸಿಕೊಂಡಿವೆ. ವಿಶೇಷವಾಗಿ ಪವಿತ್ರ ನಗರ ಕೊಮ್‌ನ ಜಮ್ಕಾರನ್ ಮಸೀದಿಯ ಮೇಲೆ ಕೆಂಪು ಸೇಡಿನ ಬಾವುಟ ಹಾರಿಸಲಾಗಿದೆ.

ಇರಾನ್ ಸಂಪ್ರದಾಯದ ಪ್ರಕಾರ, ಈ ಕೆಂಪು ಧ್ವಜವು ಕೇವಲ ಶೋಕದ ಸಂಕೇತವಲ್ಲ; ಅದು ರಕ್ತಕ್ಕೆ ರಕ್ತದ ಪ್ರತೀಕಾರದ ಪ್ರತಿಜ್ಞೆಯ ಸಂಕೇತವಾಗಿದೆ.

“ಅಮೆರಿಕ ಮತ್ತು ಇಸ್ರೇಲ್ ಈ ದಾಳಿಗೆ ಬೆಲೆ ತೆರಲೇಬೇಕು” ಎಂಬ ಕಠಿಣ ಸಂದೇಶವನ್ನು ಇರಾನ್ ನಾಯಕತ್ವ ರವಾನಿಸಿದೆ. ದೇಶದಾದ್ಯಂತ ಭದ್ರತಾ ವ್ಯವಸ್ಥೆ ಕಠಿಣಗೊಳಿಸಲಾಗಿದ್ದು, ಸೇನಾ ಪಡೆಗಳನ್ನು ಹೈ ಅಲರ್ಟ್‌ಗೆ ಇರಿಸಲಾಗಿದೆ.

ಈ ಬೆಳವಣಿಗೆಯ ಬಗ್ಗೆ ಪ್ರತಿಕ್ರಿಯಿಸಿದ ಅಮೆರಿಕದ ಅಧ್ಯಕ್ಷ , ಡೊನಾಲ್ಡ್ ಟ್ರಂಪ್ (Donald Trump) ಖಮೇನಿಯನ್ನು ಇತಿಹಾಸದ ಅತ್ಯಂತ ಕ್ರೂರ ವ್ಯಕ್ತಿಗಳಲ್ಲಿ ಒಬ್ಬನೆಂದು ವರ್ಣಿಸಿ, ಇರಾನ್ ಜನತೆಗೆ ಇದು ತಮ್ಮ ದೇಶವನ್ನು ಮರಳಿ ಪಡೆಯುವ ಅವಕಾಶ ಎಂದು ಹೇಳಿದ್ದಾರೆ.

ಈ ಹೇಳಿಕೆ ಮತ್ತಷ್ಟು ಚರ್ಚೆಗೆ ಗ್ರಾಸವಾಗಿದ್ದು, ಜಾಗತಿಕ ರಾಜತಾಂತ್ರಿಕ ವಲಯದಲ್ಲಿ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಕೆಲವು ರಾಷ್ಟ್ರಗಳು ಶಾಂತಿ ಮತ್ತು ಸಂಯಮಕ್ಕೆ ಕರೆ ನೀಡಿದರೆ, ಇನ್ನೂ ಕೆಲವು ರಾಷ್ಟ್ರಗಳು ಪರಿಸ್ಥಿತಿ ಹದಗೆಡುವ ಭೀತಿಯನ್ನು ವ್ಯಕ್ತಪಡಿಸಿವೆ.

ಪರ್ಷಿಯನ್ ಗಲ್ಫ್ ಪ್ರದೇಶದಲ್ಲಿ ಸೇನಾ ಚಟುವಟಿಕೆಗಳು ಹೆಚ್ಚಾಗಿದ್ದು, ಜಾಗತಿಕ ತೈಲ ಮಾರುಕಟ್ಟೆಯ ಮೇಲೂ ಇದರ ಪ್ರಭಾವ ಬೀಳುವ ಸಾಧ್ಯತೆ ಇದೆ.

ಒಟ್ಟಾರೆ, ಈ ದಾಳಿ ಮಧ್ಯಪ್ರಾಚ್ಯವನ್ನು ಕುದಿಯುವ ಕೆಂಡದಂತಾಗಿಸಿದೆ. ಇರಾನ್ ಪ್ರತೀಕಾರದ ಪ್ರತಿಜ್ಞೆ ಮಾಡಿರುವ ಹಿನ್ನೆಲೆಯಲ್ಲಿ ದೊಡ್ಡ ಮಟ್ಟದ ಸಂಘರ್ಷ ಸಂಭವಿಸುವ ಸಾಧ್ಯತೆ ತಳ್ಳಿಹಾಕಲು ಆಗುವುದಿಲ್ಲ.

ಜಾಗತಿಕ ಸಮುದಾಯ ಕಾದು ನೋಡುವ ಸ್ಥಿತಿಯಲ್ಲಿ ಇದ್ದರೂ, ಮುಂದಿನ ಕೆಲವು ದಿನಗಳು ಅತ್ಯಂತ ನಿರ್ಣಾಯಕವಾಗಲಿವೆ.

ರಾಜತಾಂತ್ರಿಕ ಮಾತುಕತೆಗಳು ಪುನರಾರಂಭವಾಗುತ್ತವೆಯೇ ಅಥವಾ ಯುದ್ಧದ ಭೀತಿ ನಿಜವಾಗುತ್ತದೆಯೇ ಎಂಬುದು ವಿಶ್ವದ ಗಮನ ಸೆಳೆಯುತ್ತಿದೆ.

ಇಂತಹ ಗಂಭೀರ ಸಂದರ್ಭದಲ್ಲೂ ಶಾಂತಿ ಮತ್ತು ಸಂವಾದವೇ ದೀರ್ಘಕಾಲಿಕ ಪರಿಹಾರ ಎನ್ನುವ ಅಭಿಪ್ರಾಯವು ಹಲವು ವಲಯಗಳಿಂದ ಕೇಳಿಬರುತ್ತಿದೆ.

ಇದನ್ನು ಓದಿ : https://vijayatimes.com/donald-trump-statement-on-iran/