- ಇಸ್ರೋ ಸಂಸ್ಥೆಯಿಂದ ಮತ್ತೊಂದು (ISRO new launch for navy) ಹೊಸ ಮೈಲಿಗಲ್ಲು
- ಭಾರತದ ಅತ್ಯಂತ ಶಕ್ತಿಶಾಲಿ ಎಲ್ವಿಎಂ-3 ರಾಕೆಟ್ ಮೂಲಕ CMS-03 ಉಪಗ್ರಹ ನಭಕ್ಕೆ
- ರಕ್ಷಣಾ, ನಾವಿಗೇಶನ್ ಮತ್ತು ಸಂವಹನ ಕ್ಷೇತ್ರಗಳಲ್ಲಿ ಕ್ರಾಂತಿ ತರಲಿರುವ CMS-03
Sriharikota: ಭಾರತದ ಬಾಹ್ಯಾಕಾಶ ಸಾಧನೆಯು ಮತ್ತೆ ವಿಶ್ವದ ಗಮನ ಸೆಳೆದಿದೆ. (ISRO new launch for navy)
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಭಾನುವಾರ ಸಂಜೆ 5:26ಕ್ಕೆ, ತನ್ನ ಶಕ್ತಿಶಾಲಿ ರಾಕೆಟ್ (Rocket) LVM3-M5 (‘ಬಾಹುಬಲಿ’) ಮೂಲಕ CMS-03 ಎಂಬ ಅತಿ ಭಾರವಾದ ಸಂವಹನ ಉಪಗ್ರಹವನ್ನು ಯಶಸ್ವಿಯಾಗಿ ಉಡಾಯಿಸಿತು.

ಈ ಉಡಾವಣೆ ಭಾರತದ ಬಾಹ್ಯಾಕಾಶ ಇತಿಹಾಸದಲ್ಲಿ ಹೊಸ ಮೈಲಿಗಲ್ಲು ಆಗಿದ್ದು, ಭೂಮಿಯಿಂದ ಜಿಟಿಒ (Geosynchronous Transfer Orbit) ಗೆ ಕಳುಹಿಸಲಾದ ಅತ್ಯಂತ ಭಾರವಾದ ಉಪಗ್ರಹ ಎಂಬ ಖ್ಯಾತಿ ಪಡೆದಿದೆ.
ಸಂಪೂರ್ಣವಾಗಿ ಸ್ವದೇಶಿ ತಂತ್ರಜ್ಞಾನದಿಂದ ನಿರ್ಮಿತ ರಾಕೆಟ್ ಮೂಲಕ ಇಸ್ರೋ ಈ ಸಾಧನೆ ಮಾಡಿರುವುದು ಭಾರತೀಯರಿಗೆ ಹೆಮ್ಮೆ ತರಿಸಿದೆ.
ಇನ್ನು LVM3-M5 ಎಂಬ ಉಡಾವಣಾ ವಾಹನವು 43.5 ಮೀಟರ್ (Meter) ಎತ್ತರ ಹೊಂದಿದ್ದು, 4,410 ಕಿಲೊಗ್ರಾಂ (Kilogram) ತೂಕದ CMS-03 ಉಪಗ್ರಹವನ್ನು ತನ್ನ ಕಣ್ಗಾವಲು ಹಾದಿಯಲ್ಲಿ ಯಶಸ್ವಿಯಾಗಿ ನಭಕ್ಕೆ ಕೊಂಡೊಯ್ದಿತು.
ಈ ಶಕ್ತಿಶಾಲಿ ರಾಕೆಟ್ನ ತೂಕ ಎತ್ತುವ ಸಾಮರ್ಥ್ಯವೇ ಅದಕ್ಕೆ ಬಾಹುಬಲಿ ಎಂಬ ಹೆಸರಿನಿಂದ ಕೂಗಲು ಮೂಲ ಕಾರಣವಾಗಿದೆ.(ISRO new launch for navy)
ಇದು ಇಸ್ರೋದ ಅತ್ಯಂತ ವಿಶ್ವಾಸಾರ್ಹ ಹೆವಿ ಲಿಫ್ಟ್ ರಾಕೆಟ್ ಆಗಿದ್ದು, ಚಂದ್ರಯಾನ, ಗಗನಯಾನ ಪರೀಕ್ಷೆ, ಹಾಗು ಈಗ CMS-03 ಉಡಾವಣೆಯ ಮೂಲಕ ತನ್ನ ಶ್ರೇಷ್ಠತೆಯನ್ನು ಮತ್ತೊಮ್ಮೆ ಸಾಬೀತುಪಡಿಸಿದೆ.
CMS-03 ಉಪಗ್ರಹದ ಪ್ರಮುಖ ಉದ್ದೇಶ ಭಾರತೀಯ ನೌಕಾಪಡೆಗೆ (Indian Navy) ಅತ್ಯಾಧುನಿಕ ಸಂವಹನ ಸಹಾಯ ಒದಗಿಸುವುದು.
ಈ ಉಪಗ್ರಹವು GSAT-7R ಯೋಜನೆಯ ಭಾಗವಾಗಿದ್ದು, ನೌಕಾಪಡೆಗಾಗಿ ನಿರ್ಮಿಸಲಾದ ಅತ್ಯಾಧುನಿಕ ಮತ್ತು ಹೈ-ಟೆಕ್ ಸಂವಹನ ಉಪಗ್ರಹವಾಗಿದೆ.
ಇನ್ನು ಸಂಪೂರ್ಣವಾಗಿ ಸ್ವದೇಶಿ ತಂತ್ರಜ್ಞಾನದಿಂದ ವಿನ್ಯಾಸಗೊಂಡ GSAT-7R, ಹಿಂದೂ ಮಹಾಸಾಗರ ಪ್ರದೇಶದಾದ್ಯಂತ (IOR) ವಿಶಾಲ ದೂರಸಂಪರ್ಕ ವ್ಯಾಪ್ತಿಯನ್ನು ಒದಗಿಸುತ್ತದೆ.
ಇದರಲ್ಲಿ ಬಹು-ಬ್ಯಾಂಡ್ ಟ್ರಾನ್ಸ್ಪಾಂಡರ್ಗಳು ಅಳವಡಿಸಲ್ಪಟ್ಟಿದ್ದು, ಹೆಚ್ಚಿನ ವೇಗದ ಧ್ವನಿ, ಡೇಟಾ ಮತ್ತು ವೀಡಿಯೋ ಸಂವಹನವನ್ನು ಬೆಂಬಲಿಸುತ್ತದೆ.
ಈ ಉಪಗ್ರಹದ ಮೂಲಕ ನೌಕಾಪಡೆಗೆ ಸಮುದ್ರದ ಆಳದ ಸಂಪರ್ಕ, ಭದ್ರ ಸಂವಹನ, ಹಾಗೂ ಆಪರೇಷನ್ಗಳ ರಿಯಲ್-ಟೈಮ್ ಮಾಹಿತಿಯ ವಿನಿಮಯ ಸಾಧ್ಯವಾಗಲಿದೆ.
ಇಸ್ರೋ ಪ್ರಕಾರ, CMS-03 ಉಪಗ್ರಹವು ಭಾರತದ ಭೂಪ್ರದೇಶ ಮತ್ತು ಸುತ್ತಮುತ್ತಲಿನ ಸಾಗರ ಪ್ರದೇಶಗಳ ಮೇಲೆ ಸಂವಹನ ಸೇವೆಗಳನ್ನು ಒದಗಿಸುವುದಕ್ಕೆ ವಿನ್ಯಾಸಗೊಂಡಿದೆ.
ಉಪಗ್ರಹವು ಬಹು-ಬ್ಯಾಂಡ್ ಸಂವಹನ ವ್ಯವಸ್ಥೆ, ಮಿಲಿಟರಿ ಕಣ್ಗಾವಲು, ಹಾಗೂ ಸುರಕ್ಷಿತ ಡೇಟಾ ಪ್ರಸರಣಕ್ಕೆ ಉಪಯೋಗವಾಗಲಿದೆ ಎಂದು ವರದಿಗಳು ಸೂಚಿಸುತ್ತವೆ.
ಇಸ್ರೋ ಅಧಿಕೃತವಾಗಿ ಸೈನಿಕ ಉದ್ದೇಶಗಳ ಬಗ್ಗೆ ಪ್ರತಿಕ್ರಿಯೆ ನೀಡದಿದ್ದರೂ, ತಾಂತ್ರಿಕ ತಜ್ಞರು ಈ ಉಪಗ್ರಹವನ್ನು ರಕ್ಷಣಾ ಸಂವಹನ ಬಲದ ಹೊಸ ಶಕ್ತಿ ಇದನ್ನು ಎಂದು ವರ್ಣಿಸಿದ್ದಾರೆ.
ಇದನ್ನು ಓದಿ : ಮೋದಿ ಕರ್ನಾಟಕ ದ್ವೇಷಿ ಹಾಗಾಗಿ ಕೇಂದ್ರ ಸರ್ಕಾರದಿಂದ ರಾಜ್ಯಕ್ಕೆ ಯಾವುದೇ ಸಹಾಯ ಸಿಗುತ್ತಿಲ್ಲ : ಸಿಎಂ ಸಿದ್ಧರಾಮಯ್ಯ