Jharkhand : ಜಾರ್ಖಂಡ್‌ ರಾಜ್ಯದ ಸಾಹೇಬ್ಗಂಜ್ನಲ್ಲಿ(Jharkhand Woman’s Murder) ಪತ್ನಿಯನ್ನು ಹತ್ಯೆಗೈದು, ಆಕೆಯ ದೇಹವನ್ನು 50 ತುಂಡುಗಳಾಗಿ ಕತ್ತರಿಸಿದ ವಿಲಕ್ಷಣ ಘಟನೆಯೊಂದು ತಡವಾಗಿ ಬೆಳಕಿಗೆ ಬಂದಿದೆ.
ಕಳೆದ ಒಂದು ತಿಂಗಳ ಹಿಂದೆಯಷ್ಟೇ ಅಫ್ತಾಬ್‌ ಎಂಬಾತ ತನ್ನ ಗೆಳತಿಯ ಕತ್ತು ಹಿಸುಕಿ ಹತ್ಯೆಗೈದು,
ಆಕೆಯ ದೇಹವನ್ನು 35 ತುಂಡುಗಳಾಗಿ ಕತ್ತರಿಸಿದ ಘಟನೆ ಮಾಸುವುದರೊಳಗೆ ಮತ್ತೊಂದು ಅದೇ ರೀತಿಯ ಘಟನೆ ಬೆಳಕಿಗೆ ಬಂದಿರುವುದು ಜನರನ್ನು ಮತ್ತಷ್ಟು ಬೆಚ್ಚಿ ಬೀಳಿಸಿದೆ.
ಜಾರ್ಖಂಡ್‌ನ, ಸಾಹೇಬ್ಗಂಜ್ನಲ್ಲಿ ಈ ಘಟನೆ ಸಂಭವಿಸಿದ್ದು, ಆರೋಪಿ ಪತಿ ದಿಲ್ವಾರ್ ಅನ್ಸಾರಿ ಎಂದು ಗುರುತಿಸಲಾಗಿದೆ.
ತನ್ನ ಹೆಂಡತಿ ರೂಬಿಕಾ ಪಹಾಡಿನ್‌(Jharkhand Woman’s Murder) ಎಂಬುವರನ್ನು ಹತ್ಯೆಗೈದು 50 ತುಂಡುಗಳಾಗಿ ಕತ್ತರಿಸಿ ಬೀಸಾಡಿದ್ದಾನೆ ಎನ್ನಲಾಗಿದೆ. ಈ ಬಗ್ಗೆ ಪೊಲೀಸರು ನೀಡಿರುವ ವರದಿ ಹೀಗಿದೆ,
ಹತ್ಯೆಯಾದ ರೂಬಿಕಾ ಪಹಾಡಿನ್‌ ಎಂಬ ಮಹಿಳೆಗೆ 2 ವರ್ಷಗಳಿಂದ ದಿಲ್ವಾರ್ ಅನ್ಸಾರಿ ಎಂಬ ವ್ಯಕ್ತಿ ಚಿರಪರಿಚತನಾಗಿದ್ದ,
ಇದನ್ನೂ ನೋಡಿ : https://fb.watch/hvVU4xEQqE/ ಅಯ್ಯೋ ಮಕ್ಕಳನ್ನ ಕಾಪಾಡಿ! ಕುಸಿಯುವ ಸ್ಥಿತಿಯಲ್ಲಿದೆ ಸರ್ಕಾರಿ ಶಾಲೆ.
ಆ ಬಳಿಕ ಪರಸ್ಪರ ಒಪ್ಪಿಗೆಯ ಮುಖೇನ ಇಬ್ಬರು ಮದುವೆಯಾಗಿದ್ದಾರೆ. ಆರೋಪಿ ದಿಲ್ವಾರ್‌ಗೆ ರೂಬಿಕಾ ಎರಡನೇ ಪತ್ನಿ ಎಂದು ಹೇಳಲಾಗಿದೆ.
ಆದಿಮಾನವ ಬುಡಕಟ್ಟು ಸಮುದಾಯಕ್ಕೆ ಸೇರಿದ 22 ವರ್ಷದ ಮಹಿಳೆ ರೂಬಿಕಾ ಪಹಾಡಿನ್‌ ಕುಟುಂಬದವರು ಪೊಲೀಸರಿಗೆ ಕಾಣೆಯಾಗಿರುವ ಬಗ್ಗೆ ದೂರು ದಾಖಲಿಸಿದ ಒಂದು ವಾರದೊಳಗೆ ರೂಬಿಕಾ ಮೃತದೇಹದ ಬಗ್ಗೆ ಪೊಲೀಸರು ಕುಟುಂಬದವರಿಗೆ ಮಾಹಿತಿ ನೀಡಿದ್ದಾರೆ.
ಪೊಲೀಸರಿಗೆ ಶವ ಪಾಳುಬಿದ್ದ ಮನೆಯೊಂದರಲ್ಲಿ ಕೊಳೆತ ಸ್ಥಿತಿಯಲ್ಲಿ ಸಿಕ್ಕಿದ್ದು, ಕತ್ತರಿಸಿದ ಒಟ್ಟು ಭಾಗಗಳಲ್ಲಿ 18 ಭಾಗಗಳು ಮಾತ್ರ ಪೊಲೀಸರಿಗೆ ದೊರೆತಿವೆ!
ಈ ಬಗ್ಗೆ ಹೆಚ್ಚಿನ ವಿಚಾರಣೆ ನಡೆಸಿದಾಗ ಪೊಲೀಸರ ತಂಡಕ್ಕೆ ಆರೋಪಿ ದಿಲ್ವಾರ್ ತಾನು ಮಾಡಿದ ತಪ್ಪನ್ನು ಒಪ್ಪಿಕೊಂಡಿದ್ದಾನೆ. ಆತ ತನ್ನ ಹತ್ಯೆಗೈಯಲು ಅಸಲಿ ಕಾರಣವೇನು ಎಂಬುದು ಪೊಲೀಸರ ತನಿಖೆಯಲ್ಲೂ ಸ್ಪಷ್ಟವಾಗಿ ತಿಳಿದುಬಂದಿಲ್ಲ.
ಇದನ್ನೂ ಓದಿ : https://vijayatimes.com/pathan-movie-controversy/
ಈ ಘಟನೆ ಬಗ್ಗೆ ಆರೋಪ ವ್ಯಕ್ತಪಡಿಸಿದ ರಾಜ್ಯ ಬಿಜೆಪಿ(State bjp) ವಕ್ತಾರ ಪ್ರತುಲ್‌ ಶಾಹದೇವ್‌(Pratul Shahdev), ಹೇಮಂತ್‌ ಸರ್ಕಾರದ ಅಧಿಕಾರಾವಧಿಯಲ್ಲಿ ಹೆಣ್ಣು ಮಕ್ಕಳ ಮೇಲೆ ದೌರ್ಜನ್ಯಗಳು ಹೆಚ್ಚುತ್ತಿವೆ,
ಸರ್ಕಾರ ಈ ಬಗ್ಗೆ ಯಾವುದೇ ಕ್ರಮವನ್ನು ತೆಗೆದುಕೊಂಡಿಲ್ಲ. ಮುಂದಿನ ದಿನಗಳಲ್ಲಿ ಇವರ ಸರ್ಕಾರದ ವಿರುದ್ಧ ನಾವು ಬೀದಿಗಿಳಿದು ಪ್ರತಿಭಟನೆ ನಡೆಸುತ್ತೇವೆ ಎಂದು ಆರೋಪ ವ್ಯಕ್ತಪಡಿಸಿದ್ದಾರೆ.
