Bengaluru: ರಾಜ್ಯದಿಂದ ತಮಿಳುನಾಡಿಗೆ (Kar Bandh confirm Sep 29th) ಕಾವೇರಿ ನೀರು ಹರಿಸುತ್ತಿರುವ ಹಿನ್ನೆಲೆ ವಿವಿಧ ಸಂಘಟನೆಗಳು ಕರ್ನಾಟಕ ಬಂದ್‌ಗೆ ಕರೆಕೊಟ್ಟಿದ್ದು, ಈ ಬಂದ್
ಸಂದರ್ಭದಲ್ಲಿ ಯಾವೆಲ್ಲಾ ಸೇವೆ ಸ್ಥಗಿತವಾಗಿರುತ್ತವೆ ಮತ್ತು ಯಾವೆಲ್ಲಾ ಸೇವೆ ಇರಲ್ಲ ಎಂಬ ಸಂಪೂರ್ಣ ಮಾಹಿತಿ ಇಲ್ಲಿದೆ.
ಕರ್ನಾಟಕ ಬಂದ್‌ನಿಂದ (Karnataka Bandh) ರಾಜ್ಯ ಸರ್ಕಾರಕ್ಕೆ ನಷ್ಟವಾಗಲಿದ್ದು, ಬೆಂಗಳೂರು, ಮಂಡ್ಯ ಮತ್ತು ಮೈಸೂರಿಗೆ ಕುಡಿಯುವ ನೀರು ಪೂರೈಕೆಗೆ ಸಾಕಷ್ಟು ನೀರು ಸಂಗ್ರಹವಾಗುವುದನ್ನು
ಖಚಿತಪಡಿಸಿಕೊಳ್ಳುತ್ತೇವೆ. ರಾಜ್ಯದ ರೈತರ ಹಿತ ಕಾಯಲು ಬದ್ಧರಾಗಿದ್ದು, ಬಂದ್ ನಿರ್ಧಾರ ಕೈಬಿಡಿ ಎಂದು ಉಪ ಮುಖ್ಯಮಂತ್ರಿ ಹಾಗೂ ಜಲ ಸಂಪನ್ಮೂಲ ಸಚಿವ ಡಿ.ಕೆ.ಶಿವಕುಮಾರ್‌
(D K Shivakumar) ಮನವಿ ಮಾಡಿದ್ದಾರೆ. ಈ ಮನವಿಗೆ ಸೊಪ್ಪು ಹಾಕದ ಸಂಘಟನೆಗಳು, ಬಂದ್ ನಿರ್ಧಾರ ಅಚಲ ಎಂಬ ಸಂದೇಶ ರವಾನಿಸಿವೆ.
ಅಗತ್ಯ ಸೇವೆಗಳಿಗೆ ಸಮಸ್ಯೆ ಇಲ್ಲ
ಹಲವು ರಾಜಕೀಯ ಪಕ್ಷಗಳು ಸೇರಿದಂತೆ ಜೆಡಿಎಸ್‌ (JDS), ಬಿಜೆಪಿ ಹಾಗೂ ನೂರಾರು ಸಂಘಟನೆಗಳು ಬಂದ್‌ಗೆ ಬೆಂಬಲ ಸೂಚಿಸಿದ್ದು, ಶುಕ್ರವಾರ ಇಡೀ ರಾಜ್ಯ ಸ್ತಬ್ಧವಾಗುವುದು ಬಹುತೇಕ
ನಿಶ್ಚಿತವಾಗಿದೆ. ಬಂದ್ ಹಿನ್ನೆಲೆಯಲ್ಲಿಆಸ್ಪತ್ರೆ, ಔಷಧ ಮಾರಾಟ ಮಳಿಗೆಗಳು, ಹಾಲು, ದಿನಸಿ, ತರಕಾರಿ, ದಿನಪತ್ರಿಕೆ, ಆಂಬ್ಯುಲೆನ್ಸ್‌ (Ambulance) ಸೇರಿದಂತೆ ಅಗತ್ಯ ಸೇವೆ ಹೊರತುಪಡಿಸಿ
ಉಳಿದೆಲ್ಲಾ ಸೇವೆಗಳು ಸ್ಥಗಿತಗೊಳ್ಳುವ (Kar Bandh confirm Sep 29th) ಸಾಧ್ಯತೆಯಿದೆ.
ಸರ್ಕಾರಿ ಕಚೇರಿ ಶಾಲೆ ಅನಿಶ್ಚಿತತೆ
ಬ್ಯಾಂಕ್‌ಗಳು (Bank), ಕೇಂದ್ರ ಮತ್ತು ರಾಜ್ಯ ಸರ್ಕಾರಿ ಕಚೇರಿಗಳ ವಿಚಾರದಲ್ಲಿ ಸಂಪೂರ್ಣ ನಿರ್ಧಾರವಿಲ್ಲದಿದ್ದು, ಸಂದರ್ಭ ಅನುಸಾರ ನಿರ್ಧಾರಕ್ಕೆ ಬರುವ ಸಾಧ್ಯತೆಯಿದೆ. ಕನ್ನಡ ಸಂಘಟನೆಗಳ
ಒಕ್ಕೂಟವು ಬಂದ್‌ಗೆ ಬೆಂಬಲ ನೀಡುವಂತೆ ರಾಜ್ಯ ಸರ್ಕಾರಿ ನೌಕರರ ಸಂಘದೊಂದಿಗೆ ಮಾತುಕತೆ ನಡೆಸಿದೆ.
ಬೆಂಗಳೂರು (Bengaluru) ಬಂದ್ ಸಂದರ್ಭದಲ್ಲಿ ಸರ್ಕಾರಿ ಖಾಸಗಿ ಹಾಗೂ ಅನುದಾನಿತ ಶಾಲಾ ಕಾಲೇಜುಗಳಿಗೆ ರಜೆ ಘೋಷಿಸಲಾಗಿತ್ತು. ಈಗ ಕರ್ನಾಟಕ ಬಂದ್ ವೇಳೆ ಶಾಲಾ ಕಾಲೇಜುಗಳಿಗೆ
ಮತ್ತೆ ರಜೆ ನೀಡಲಾಗುತ್ತದೆಯೇ ಎಂಬ ಬಗ್ಗೆ ಚರ್ಚೆ ಮುಂದುವರಿದಿದ್ದು, ಆದರೆ ಸರ್ಕಾರಿ ಸಾರಿಗೆ ನಿಗಮಗಳ ಕಾರ್ಮಿಕ ಒಕ್ಕೂಟಗಳು ಬಂದ್‌ನ ವಿಚಾರವಾಗಿ ಇನ್ನೂ ನಿರ್ಧಾರ ಪ್ರಕಟಿಸಿಲ್ಲ.
ಯಾವ ಯಾವ ಹೆದ್ದಾರಿಗಳು ಬಂದ್
ರಾಜ್ಯದೆಲ್ಲೆಡೆ ಶುಕ್ರವಾರ ಹೆದ್ದಾರಿಗಳನ್ನು ಬಂದ್ ಮಾಡುವ ಮೂಲಕ ಬಂದ್‌ನ ಬಿಸಿ ಹೆಚ್ಚಿಸಲು ಸಂಘಟನೆಗಳು ನಿರ್ಧರಿಸಿವೆ.
ಬೆಂಗಳೂರು-ಹೊಸೂರು (Hosur) ಮುಖ್ಯರಸ್ತೆ,
ಬೆಂಗಳೂರು-ಹೈದರಾಬಾದ್‌ (Hyderabad) ಹೆದ್ದಾರಿ,
ಕೆಂಪೇಗೌಡ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ ರಸ್ತೆ,
ಬೆಂಗಳೂರು -ಮೈಸೂರು (Mysore) ಹೆದ್ದಾರಿ,
ಬೆಂಗಳೂರು -ತುಮಕೂರು (Tumkur) ಹೆದ್ದಾರಿ, ಬೆಂಗಳೂರು–ಕನಕಪುರ ರಸ್ತೆ ಮತ್ತು ಮಂಡ್ಯ,
ರಾಮನಗರ (Ramanagar), ಮೈಸೂರಿನ ಪ್ರಮುಖ ರಸ್ತೆಗಳ ತಡೆಗೆ ಸಂಘಟನೆಗಳು ಯೋಜನೆ ರೂಪಿಸಿವೆ.
ಏನೆಲ್ಲಾ ಸೇವೆ ಇರಲ್ಲ?
ಆಟೊ ಮತ್ತು ಓಲಾ-ಉಬರ್‌ ಸೇವೆ
ಕಾರ್ಮಿಕ ಆಧಾರಿತ ಕೆಲಸಗಳು
ಸರಕು ಸಾರಿಗೆ ಸೇವೆ
ಮಾರುಕಟ್ಟೆಗಳು
ಬೀದಿ ಬದಿ ವ್ಯಾಪಾರ
ಹೋಟೆಲ್‌ಗಳು
ಚಿತ್ರಮಂದಿರಗಳು
ಮಾಲ್‌ಗಳು
ಖಾಸಗಿ ಬಸ್‌
ಏನೆಲ್ಲಾಇರುತ್ತೆ?
ಆಸ್ಪತ್ರೆ
ಔಷಧಾಲಯ
ಆಂಬ್ಯುಲೆನ್ಸ್‌ ಸೇವೆ ಮತ್ತು ಮೆಟ್ರೋ ರೈಲು
ಹಾಲಿನ ಮಳಿಗೆಗಳು
ತೆರೆದ ವಾಹನದಲ್ಲಿ ಜಾಥಾ
ಬೆಂಗಳೂರಿನ (Bengaluru) ವಿವಿಧೆಡೆ ಬುಧವಾರ ಪ್ರತಿಭಟನೆ ನಡೆದಿದ್ದು, ಬಂದ್‌ಗೆ ಪೂರ್ವಭಾವಿಯಾಗಿ ತೆರೆದ ವಾಹನದಲ್ಲಿ ರಾಲಿ ನಡೆಸಿದ ವಾಟಾಳ್‌ ನಾಗರಾಜ್‌ (Vatal Nagaraj) ಅವರು
ಕರ್ನಾಟಕ ಬಂದ್‌ಗೆ ಎಲ್ಲರೂ ಸಹಕಾರ ನೀಡಬೇಕು. ಹೋಟೆಲ್‌, ಶಾಪಿಂಗ್‌ ಮಾಲ್‌ಗಳು (Shopping Mall), ಅಂಗಡಿಗಳನ್ನು ಬಂದ್ ಮಾಡಬೇಕು, ಎಂದು ಮನವಿ ಮಾಡಿದರು.
ಇದನ್ನು ಓದಿ: ಪ್ರತಿನಿತ್ಯ 5000 ಕ್ಯುಸೆಕ್ ನೀರು ಬಿಡುವಂತೆ ಪ್ರಾಧಿಕಾರಕ್ಕೆ ಒತ್ತಾಯ : ತಮಿಳುನಾಡು ಸರ್ಕಾರ ತೀರ್ಮಾನ
ಭವ್ಯಶ್ರೀ ಆರ್.ಜೆ
