ಕೇಂದ್ರದ GST ಸರಳೀಕರಣದಿಂದ ಕರ್ನಾಟಕಕ್ಕೆ ಆರ್ಥಿಕ ನಷ್ಟ: ಸಿಎಂ ಸಿದ್ದರಾಮಯ್ಯ

• ಕೇಂದ್ರದ GST ಸರಳೀಕರಣದಿಂದ ಕರ್ನಾಟಕಕ್ಕೆ ಲಾಸ್
• ಕರ್ನಾಟಕಕ್ಕೆ 15,000 ಕೋಟಿ ರೂ. ನಷ್ಟ: ಸಿಎಂ ಸಿದ್ದರಾಮಯ್ಯ ಆರೋಪ (Karnataka suffers economical loss)
• ಬಿಹಾರ ಚುನಾವಣೆಗೆ ಅನುಗುಣವಾಗಿ ರಾಜ್ಯಕ್ಕೆ ನೀಡಲಾದ ಹಂಚಿಕೆಯ ಪ್ರಮಾಣ ಕಡಿಮೆ ಎಂದ ಸಿಎಂ

Mysore: ಬಿಹಾರ ಚುನಾವಣೆಯನ್ನು ಗಮನದಲ್ಲಿಟ್ಟು ಕೇಂದ್ರ ಸರ್ಕಾರ ಜಿಎಸ್‌ಟಿಯನ್ನು ಸರಳೀಕರಣ ಮಾಡಿರುವುದರಿಂದ ಕರ್ನಾಟಕಕ್ಕೆ ಲಕ್ಷಾಂತರ ಕೋಟಿ ರೂ.

ನಷ್ಟವಾಗಲಿದೆ ಎಂದು ಮುಖ್ಯಮಂತ್ರಿ ಸಿದ್ದರಾಮಯ್ಯ ಬೇಸರ ವ್ಯಕ್ತಪಡಿಸಿದ್ದಾರೆ. ಅವರು ಈ ಕುರಿತು ಪ್ರಸ್ತುತ ಸುದ್ದಿಗಾರರೊಂದಿಗೆ ಮಾತನಾಡಿ, ಕೇಂದ್ರ ಸರ್ಕಾರದ ನಿರ್ಧಾರವು ರಾಜ್ಯದ ಹಿತಕ್ಕಾಗಿ ಇರಲಿಲ್ಲ ಎಂದು

ಖಂಡಿಸಿದರು. ಜಿಎಸ್‌ಟಿ ಆರಂಭವು 2017ರಲ್ಲಿ ಕೇಂದ್ರ ಸರ್ಕಾರದ ಪ್ರಾಯೋಜನೆಯಾಗಿ ಆಗಿದ್ದು, ಅದು ದಿನದಿಂದ ದಿನಕ್ಕೆ ಹೆಚ್ಚುವರಿ ದರಗಳನ್ನು ತಂದುಕೊಟ್ಟಿದೆ.

ಆದರೆ ಈ ಹಣವನ್ನು ರಾಜ್ಯಗಳಿಗೆ ಸರಿಯಾಗಿ ಹಂಚಿಕೆಯಾಗಿಲ್ಲ. ಬಿಹಾರದ ಚುನಾವಣೆಯ ಸಮಯದಲ್ಲಿ ಜಿಎಸ್‌ಟಿ ಸರಳೀಕರಣವು ಪಕ್ಷಪಾತಿತನದಿಂದ ಮಾಡಲಾಗಿದೆ ಎಂದು ಸಿಎಂ ಆರೋಪಿಸಿದರು.

ಕೇಂದ್ರದಿಂದ ವಿತರಿಸಲಾದ ತೆರಿಗೆ ಮೊತ್ತದಲ್ಲಿ ರಾಜ್ಯಕ್ಕೆ ಕೇವಲ 3,200 ಕೋಟಿ ರೂ. ನೀಡಲಾಗಿದೆ. ಇದನ್ನು ಉತ್ತರ ಪ್ರದೇಶಕ್ಕೆ ಶೇ.18ರಷ್ಟು ನೀಡಿದರೆ,

ಕರ್ನಾಟಕಕ್ಕೆ ಕೇವಲ ಶೇ.3.5ರಷ್ಟು ಹಂಚಿಕೆ ಮಾಡಲಾಗಿದೆ, ಇದು ಕನ್ನಡಿಗರಿಗೆ ಘೋರ ಅನ್ಯಾಯವಾಗಿದೆ ಎಂದು ಅವರು ಹೇಳಿದರು.

ರಾಜ್ಯವು 4.5 ಲಕ್ಷ ಕೋಟಿ ರೂಪಾಯಿಯ ತೆರಿಗೆ ಕೇಂದ್ರಕ್ಕೆ ನೀಡಿದರೆ, ನಮ್ಮ ಹಂಚಿಕೆ ರೂ. 14 ಪೈಸೆ ಮಾತ್ರ ಆಗುತ್ತದೆ. ಹೀಗಾಗಿ ರಾಜ್ಯ ಆರ್ಥಿಕ ಸ್ಥಿತಿ ಎದುರಿಸುತ್ತಿರುವ ಈ ಸಂಕಷ್ಟವು ಗಂಭೀರವಾಗಿದೆ.

15ನೇ ಹಣಕಾಸು ಆಯೋಗದಲ್ಲಿ ರಾಜ್ಯಕ್ಕೆ ನೀಡಲಾಗಿದ್ದ ವಿಶೇಷ ಅನುದಾನವನ್ನು ಕೇಂದ್ರ ವಿತ್ತಸಚಿವರು ರದ್ದುಗೊಳಿಸಿದ್ದಾರೆ. ಆಯೋಗ ಶಿಫಾರಸ್ಸಿನಂತೆ ರಾಜ್ಯಕ್ಕೆ ರೂ. 5,490 ಕೋಟಿ ವಿಶೇಷ ಅನುದಾನ,

ಕೆರೆ ಅಭಿವೃದ್ಧಿಗೆ 3,000 ಕೋಟಿ, ರಸ್ತೆ ನಿರ್ಮಾಣಕ್ಕೆ 3,000 ಕೋಟಿ, ಭದ್ರಾ ಮೇಲ್ದಂಡೆ ಯೋಜನೆಗೆ 5,000 ಕೋಟಿ ರೂ. ನೀಡಲಾಗಿರಬೇಕು ಆದರೆ ವಿತರಣೆ ಆಗಿಲ್ಲ.

ಒಟ್ಟಾರೆ 17,000 ಕೋಟಿ ರೂ. ಹಂಚಿಕೆ ರಾಜ್ಯಕ್ಕೆ ಲಭ್ಯವಾಗಲಿಲ್ಲ.ಕೇಂದ್ರದ ಕಡಿಮೆ ಅನುದಾನದ ನಡುವೆಯೂ ಗ್ಯಾರಂಟಿ ವೆಚ್ಚವನ್ನು ಭರಿಸುವುದು ಸವಾಲಾಗಿದೆಯಾದರೂ,

ಕರ್ನಾಟಕ ಸರ್ಕಾರ ಧೈರ್ಯದಿಂದ ಈ ಸವಾಲನ್ನು ಎದುರಿಸುತ್ತಿದೆ ಎಂದಿದ್ದಾರೆ.

ಇನ್ನು ಮುಂದುವರೆದು ರಾಜ್ಯದಲ್ಲಿ ನಡೆಯುತ್ತಿರುವ ಸಮೀಕ್ಷೆ ಆರ್ಥಿಕ, ಸಾಮಾಜಿಕ ಮತ್ತು ಶೈಕ್ಷಣಿಕ ಮಾಹಿತಿ ಸಂಗ್ರಹಿಸುವ ಉದ್ದೇಶಕ್ಕೆ ಮಾತ್ರ.

ಜನರನ್ನು ರಾಜಕೀಯ ಉದ್ದೇಶದಿಂದ ತಪ್ಪು ದಾರಿಗೆ ತಳ್ಳಲು ಪ್ರಯತ್ನ ಮಾಡುವ ಬಿಜೆಪಿ ಕೇಂದ್ರ ಸರ್ಕಾರದ ಕೆಲಸವಾಗಿದೆ.ಸದ್ಯಕ್ಕೆ ರಾಜ್ಯದಲ್ಲಿ 80 ಲಕ್ಷ ಮನೆಗಳಿಂದ 3 ಕೋಟಿ ಜನರ ಸಮೀಕ್ಷೆ ಪೂರ್ಣಗೊಂಡಿದ್ದು,

ಇದನ್ನು ಓದಿ : ಕೇಂದ್ರದಿಂದ ರಾಜ್ಯಗಳಿಗೆ ತೆರಿಗೆ ಹಂಚಿಕೆ: ಕರ್ನಾಟಕ ರಾಜ್ಯ ಜಿಎಸ್‌ಟಿ ಸಂಗ್ರಹದಲ್ಲಿ 2ನೇ ಸ್ಥಾನ ಆದರೆ ನೀಡಿದ್ದು ಕೇವಲ ₹ 3705 ಕೋಟಿ ತೆರಿಗೆ ಪಾಲು!

ಅಕ್ಟೋಬರ್ 7ರೊಳಗೆ ಎಲ್ಲಾ 1.8 ಕೋಟಿ ಕುಟುಂಬಗಳ ಸಮೀಕ್ಷೆ ಮುಗಿಯಲಿದೆ. ಸಮೀಕ್ಷೆ ಪ್ರಗತಿಯನ್ನು ಗಮನಿಸಿ ಮುಂದಿನ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ. (Karnataka suffers economical loss)