Visit Channel

ಎಲ್ಇಡಿ ಬೆಳಕಿನಿಂದ ಕೊರೊನಾ ವೈರಸ್ ನಾಶ!

led1608019797

ನ್ಯೂಯಾರ್ಕ್‌, ಡಿ. 15: ಇದೀಗ ಕೊರೋನಾದ ವೈರಸ್‌ಗಳನ್ನು ನಾಶ ಮಾಡುವಲ್ಲಿ  ಮಹತ್ವದ ಒಂದು ವಿಷಯ ಬೆಳಕಿಗೆ ಬಂದಿದೆ. ನೇರಳಾತೀತ ಕಿರಣಗಳನ್ನು (ಅಲ್ಟ್ರಾ ವಯೋಲೆಟ್‌-ಯುವಿ) ಹೊರಸೂಸುವ ಡಯೋಡ್‌ಗಳು (ಯುವಿ-ಎಲ್‌ಇಡಿ ಬಲ್ಬ್‌) ಕೊರೊನಾ ವೈರಸ್‌ಗಳನ್ನು ನಾಶ ಮಾಡುವ ಶಕ್ತಿ ಹೊಂದಿವೆ ಎಂದು ‘ಅಮೆರಿಕನ್‌ ಫ್ರೆಂಡ್ಸ್‌ ಆಫ್‌ ಟೆಲ್‌ ಅವೀವ್‌ ಯುನಿರ್ವಸಿಟಿ’ ಸಂಘಟನೆಯ ಸಂಶೋಧಕರು ಹೇಳಿದ್ದಾರೆ.

ಈ ಯುವಿ-ಎಲ್‌ಇಡಿಗಳಿಂದ ಕೊರೊನಾ ವೈರಸ್‌ಗಳನ್ನು ಬಹಳ ವೇಗವಾಗಿ ನಾಶ ಪಡಿಸಲು ಸಾಧ್ಯ. ಈ ಎಲ್‌ಇಡಿಗಳ ತಯಾರಿಕಾ ವೆಚ್ಚವೂ ಅತ್ಯಂತ ಕಡಿಮೆ. ಅಲ್ಲದೇ, ಎಲ್‌ಇಡಿಗಳನ್ನು ಒಳಗೊಂಡ ಸಾಧನಗಳನ್ನು ಏರ್‌ ಕಂಡೀಶನ್‌ ಮತ್ತು ನೀರು ಸಂಸ್ಕರಣಾ ಘಟಕಗಳಲ್ಲಿ ಅಳವಡಿಸಲೂ ಸಾಧ್ಯ ಎಂದು ಸಂಶೋಧಕರು ಪ್ರತಿಪಾದಿಸಿದ್ದಾರೆ.

‘ಅಮೆರಿಕನ್‌ ಫ್ರೆಂಡ್ಸ್‌ ಆಫ್‌ ಟೆಲ್‌ ಅವೀವ್‌ ಯುನಿರ್ವಸಿಟಿ’ ಎಂಬುದು ವೈಜ್ಞಾನಿಕ ಕ್ಷೇತ್ರದಲ್ಲಿ ಸಂಶೋಧನೆ ಕೈಗೊಳ್ಳಲು ಟೆಲ್‌ ಅವೀವ್‌ ವಿಶ್ವವಿದ್ಯಾಲಯಕ್ಕೆ ನೆರವು ನೀಡುವ ಸಂಘಟನೆಯಾಗಿದೆ. ಈ ಸಂಬಂಧ ಕೈಗೊಂಡ ಅಧ್ಯಯನ ವರದಿ ‘ಜರ್ನಲ್‌ ಆಫ್‌ ಫೋಟೊಕೆಮಿಸ್ಟ್ರಿ ಆಯಂಡ್‌ ಫೋಟೊಬಯೋಲಜಿ’ಯಲ್ಲಿ ಪ್ರಕಟವಾಗಿದೆ.

‘ಯುವಿ-ಎಲ್‌ಇಡಿಯಿಂದ ಹೊರಹೊಮ್ಮುವ, ಬೇರೆಬೇರೆ ತರಂಗಾಂತರ ಹೊಂದಿರುವ ಕಿರಣಗಳು ಸಾರ್ಸ್‌-ಕೋವ್‌-2 ಸೇರಿದಂತೆ ವಿವಿಧ ಬಗೆಯ ಕೊರೊನಾ ವೈರಸ್‌ಗಳನ್ನು ನಾಶ ಮಾಡಬಲ್ಲವು’ ಎಂದು ವರದಿಯಲ್ಲಿ ವಿವರಿಸಲಾಗಿದೆ.

‘ರಾಸಾಯನಿಕಗಳಿರುವ ಸೋಂಕು ನಿವಾರಕಗಳನ್ನು ಬಳಸಿ ಬಸ್‌, ರೈಲು, ವಿಮಾನಗಳನ್ನು ಸ್ವಚ್ಚಗೊಳಿಸಲು ಮಾನವ ಶಕ್ತಿ ಬೇಕು. ಈ ರಾಸಾಯನಿಕಗಳು ಸಕ್ರಿಯವಾಗಲು ಸಮಯವೂ ಬೇಕು. ಆದರೆ, ಎಲ್‌ಇಡಿ ಬಲ್ಬ್‌ಗಳಿರುವ ಸಾಧನಗಳು ಈ ಎಲ್ಲ ಸಮಸ್ಯೆಗಳಿಗೆ ಪರಿಹಾರ ಒದಗಿಸಬಲ್ಲವು’ ಎಂದು ಸಂಘಟನೆಯ ಹದಸ್‌ ಮಮೇನ್‌  ಅವರು ಹೇಳಿದ್ದಾರೆ.

Latest News

E-Shram Card
ಪ್ರಮುಖ ಸುದ್ದಿ

ಇ-ಶ್ರಮ ಕಾರ್ಡ್ ಉಪಯೋಗದ ಬಗ್ಗೆ ನಿಮಗೆ ತಿಳಿದಿಲ್ಲವೆ ?  

ಅಸಂಘಟಿತ ವಲಯದ ಕಾರ್ಮಿಕರಿಗೆ  ಸಂಪೂರ್ಣವಾಗಿ  ವೃತ್ತಿ ಮಾಹಿತಿ  ಮತ್ತು   ಸರ್ಕಾರದ  ಯೋಜನೆಗಳು  ಕಾರ್ಮಿಕರಿಗೆ ನೇರವಾಗಿ ತಲುಪಿಸುವ ,ಹಾಗೂ ದತ್ತಾಂಶ ಸಂಗ್ರಹಿಸುವ ಉದ್ದೇಶದಿಂದ 26  ಆಗಸ್ಟ್‌  2021 ರಂದು  ಕೇಂದ್ರ ಸರ್ಕಾರವು ಈ ಯೋಜನೆಯನ್ನು  ಜಾರಿಗೊಳಿಸಿದೆ. 

inflation
ದೇಶ-ವಿದೇಶ

ಅಗತ್ಯ ವಸ್ತುಗಳ ಬೆಲೆ ತಗ್ಗಿದ ಪರಿಣಾಮ: ಜುಲೈನಲ್ಲಿ ಚಿಲ್ಲರೆ ಹಣದುಬ್ಬರ ಶೇ.6.7 ಇಳಿಕೆ ನಿರೀಕ್ಷೆ

ಅಂದು 100 ರೂಪಾಯಿಗೆ ಖರೀದಿಸುವ ಸಾಮಾನು ಈಗ 500 ಕೊಟ್ಟರು ಬರುವುದಿಲ್ಲ. ಕಾರಣ ಹಣದ ಮೌಲ್ಯ ಕಡಿಮೆಯಾಗಿದೆ, ಈ ಹಣದ ಮೌಲ್ಯ ಕಡಿಮೆಯಾಗಿರುವುದನ್ನೇ ನಾವು ಹಣದುಬ್ಬರ ಎನ್ನುತ್ತೇವೆ.