Visit Channel

ಸ್ನೇಹದಲ್ಲಿ ನಂಬಿಕೆ-ವಿಶ್ವಾಸದ ಅಡಿಪಾಯ ಗಟ್ಟಿಯಾಗಿರಲಿ

Friendship1

ಸಂಬಂಧದಲ್ಲಿ ನಂಬಿಕೆ ತುಂಬಾ ಮುಖ್ಯ. ಈ ಜಗತ್ತಲ್ಲಿ ಸಂಬಂಧಗಳು ನಿಂತಿರುವುದೇ ನಂಬಿಕೆ ಮೇಲೆ. ಈ ಕಾಣದ ಶಕ್ತಿ ಎರಡು ಮನಸ್ಸುಗಳನ್ನು ಒಟ್ಟಿಗೆ ಬಾಳುವಂತೆ ಮಾಡುತ್ತೆ. ಶಾಶ್ವತವಾದ ಸಂಬಂಧಕ್ಕೆ ನಾಂದಿಯಾಗುತ್ತೆ. ಆದರೆ ಸಂಬಂಧಕ್ಕೆ ಕಾಲಿಡುವಾಗ ವಿಶ್ವಾಸವನ್ನು ಗಳಿಸುವುದು ಕಷ್ಟದ ಕೆಲಸ. ಸಮಯ ಕಳೆದಂತೆ ಇಬ್ಬರೂ ಒಟ್ಟಿಗೇ ಸೇರಿದಾಗ ಇದು ಸಾಧ್ಯವಾಗುವುದು. ಆದ್ದರಿಂದ ಈ ಲೇಖನದಲ್ಲಿ ನಾವು ನಿಮ್ಮ ಸಂಬಂಧದಲ್ಲಿ ನಂಬಿಕೆ-ವಿಶ್ವಾಸವನ್ನು ಬೆಳೆಸಲು ಸಹಾಯ ಮಾಡುವ ಕೆಲವು ಪರಿಣಾಮಕಾರಿ ಸಲಹೆಗಳನ್ನು ಈ ಲೇಖನದಲ್ಲಿ ನೀಡಲಾಗಿದೆ.

ಸಂಬಂಧದಲ್ಲಿ ನಂಬಿಕೆ ಬೆಳೆಸುವುದು ಹೇಗೆ ಎಂಬುದನ್ನು ಈ ಕೆಳಗೆ ವಿವರಿಸಲಾಗಿದೆ:

ಸಂಬಂಧಕ್ಕೊಂದು ಚೌಕಟ್ಟಿರಲಿ:
ನೀವಿಬ್ಬರು ಒಟ್ಟಿಗೆ ಇರುವ ಕಾರಣಗಳನ್ನು ಅರ್ಥಮಾಡಿಕೊಳ್ಳಿ ಮತ್ತು ಆ ಕಾರಣಗಳು ಸರಿಯಾಗಿವೆಯೆ ಎಂದು ಖಚಿತಪಡಿಸಿಕೊಳ್ಳಿ. ಮೊದಲು ನಿಮ್ಮ ಸಂಬಂಧದ ಸುತ್ತ ಒಂದು ಚೌಕಟ್ಟನ್ನು ನಿರ್ಮಿಸಿ. ಆ ಚೌಕಟ್ಟು ಬಿಟ್ಟು ಇಬ್ಬರೂ ಸಾಗಬೇಡಿ. ಅಂದರೆ ಅವರಿಗಿಷ್ಟವಿಲ್ಲದ ವಿಚಾರಗಳನ್ನ ನೀವೂ ಮಾಡಬೇಡಿ. ನಿಮಗಿಷ್ಟವಿಲ್ಲದ ವಿಚಾರಗಳನ್ನು ಅವರೂ ಮಾಡಬಾರದು.

ಗೌರವ ತುಂಬಾ ಮುಖ್ಯ:
ನೀವು ಯಾರನ್ನಾದರೂ ಪ್ರೀತಿಸಿದರೆ, ಅವರನ್ನು ಗೌರವಿಸಬೇಕು. ನಿಮ್ಮಿಬ್ಬರ ನಡುವೆ ಎಷ್ಟು ಗೌರವವನ್ನು ಸೃಷ್ಟಿಸುತ್ತೀರೋ ಅಷ್ಟು ಪ್ರೀತಿ ಹೆಚ್ಚಾಗುತ್ತದೆ. ನಿಮಗೆ ಅಗೌರವ ತೋರುವ ವಿಚಾರಗಳನ್ನು ಅವರಿಗೆ ವಿವರಿಸಿ . ಅದಕ್ಕೆ ತಕ್ಕಂತೆ ನೀವೂ ನಡೆದುಕೊಳ್ಳಿ. ಗೌರವ ಕೊಟ್ಟು ಗೌರವ ತೆಗೆದುಕೊಳ್ಳುವುದು ತುಂಬಾ ಮುಖ್ಯ.

ಭ್ರಮಾಲೋಕದಿಂದ ಹೊರಬನ್ನಿ:
ಚಲನಚಿತ್ರಗಳಲ್ಲಿ ತೋರಿಸುವ ರೀತಿಯ ಪ್ರಣಯವನ್ನು ನಿರೀಕ್ಷಿಸಬೇಡಿ. ನಿಮ್ಮ ಸಂಬಂಧ ಮತ್ತು ರೊಮ್ಯಾನ್ಸ್ ಬಗ್ಗೆ ವಾಸ್ತವಕ್ಕೆ ಹೊಂದುವಂತಹ ನಿರೀಕ್ಷೆಗಳನ್ನು ಇಟ್ಟುಕೊಳ್ಳಿ. ನಿಜವಾದ ಪ್ರಣಯವು ಗೌರವ, ವಿಶ್ವಾಸ ಮತ್ತು ಅಭಿವ್ಯಕ್ತಿ ಸ್ವಾತಂತ್ರ್ಯದ ಪರಿಣಾಮವಾಗಿದೆ ಎಂದು ನೀವು ತಿಳಿದಿರಬೇಕು.

ಕುಟುಂಬದ ಬಗ್ಗೆ ಹೀಯಾಳಿಕೆ ಬೇಡ:
ಎಂದಿಗೂ ಪರಸ್ಪರರ ಕುಟುಂಬವನ್ನು ಹೀಯಾಳಿಸಬೇಡಿ. ಇದು ಸಂಪೂರ್ಣ ಅಗೌರವದ ಪ್ರಮುಖ ಅಂಶವಾಗಿದೆ. ಪ್ರತಿಯೊಬ್ಬರಿಗೂ ತಮ್ಮ ಕುಟುಂಬದ ಮೇಲೆ ಗೌರವ ಇದ್ದೇ ಇರುತ್ತದೆ. ಅದನ್ನು ನೀವು ಅರ್ಥ ಮಾಡಿಕೊಳ್ಳಬೇಕು. ಅವರ ಬಗ್ಗೆ ಒಳ್ಳೆಯದು ಮಾತನಾಡಿ.

ಅಭಿಪ್ರಾಯ ವ್ಯಕ್ತಪಡಿಸಿ:
ನಿಮ್ಮ ಅನಿಸಿಕೆಗಳನ್ನು ಯಾವಾಗಲೂ ವ್ಯಕ್ತಪಡಿಸಿ. ಪ್ರಾರಂಭದಲ್ಲೇ ನೀವು ಮಾತನಾಡಲು ತುಂಬಾ ಹೆದರುತ್ತಿದ್ದರೆ, ಅದು ಭವಿಷ್ಯದಲ್ಲಿ ನಿಮಗೆ ಕಷ್ಟಕರವಾಗಿಸುತ್ತದೆ. ನಿಮ್ಮ ಸಂಬಂಧದ ಅನುಕೂಲಕ್ಕಾಗಿ ನೀವು ಹೆದರಿ ಮಾತನಾಡುವುದನ್ನು ನಿಮ್ಮ ಸಿಸ್ಟಮ್ನಿಂದ ಹೊರಹಾಕಿ. ಅನಿಸಿದ್ದು ಹೇಳಿದರೆ ಇಬ್ಬರಿಗೂ ಒಳ್ಳೆಯದು.

ಪ್ರೈವೆಸಿ ನೀಡಿ:
ಒಬ್ಬರಿಗೊಬ್ಬರು ಗುಣಮಟ್ಟದ ಸಮಯವನ್ನು ನೀಡುವುದರ ಜೊತೆಗೆ ಪರಸ್ಪರ ಪ್ರತ್ಯೇಕ ಜಾಗವನ್ನು ನೀಡುವುದು ಅಷ್ಟೇ ಮುಖ್ಯ. ಪ್ರೈವೇಟ್ ಆಗಿ ಕೆಲಸ ಮಾಡುವ ಜಾಗವನ್ನು ನೀವು ಆನಂದಿಸಬೇಕು ಅದು ನಿಮಗೆ ಸಂತೋಷವನ್ನು ನೀಡುತ್ತದೆ. ಅವರ ಪ್ರೈವೆಸಿಗೆ ಅಡ್ಡಿಬರುವಂತೆ ನಡೆದುಕೊಳ್ಳಬೇಡಿ.

ಬದಲಾವಣೆ ಒಪ್ಪಿಕೊಳ್ಳಿ:
ಬದಲಾವಣೆ ಅನಿವಾರ್ಯ. ನೀವು ವ್ಯಕ್ತಿಯ ಮನಸ್ಸನ್ನು ಪ್ರೀತಿಸುತ್ತಿರಿ. ನೀವು ಪ್ರೀತಿಸಿದ ವ್ಯಕ್ತಿಯು ಸಮಯದೊಂದಿಗೆ ಬದಲಾಗುತ್ತಾರೆ ಎಂಬುದನ್ನು ಒಪ್ಪಿಕೊಳ್ಳಿ. ಬದಲಾವಣೆಯನ್ನು ನೀವು ನಿರೀಕ್ಷಿಸಬೇಕು ಮತ್ತು ಸ್ವೀಕರಿಸಬೇಕು. ಬದಲಾಗುವುದು ಮಾನವ ಸ್ವಭಾವ, ಆದರೆ ಅದನ್ನು ಆದ್ದರಿಂದ ಅದನ್ನು ನಿಮ್ಮ ವಿಚಾರಕ್ಕೆ ತರಲು ಬಿಡಬೇಡಿ.

Latest News

Russia
ದೇಶ-ವಿದೇಶ

ಜನಸಂಖ್ಯೆ ಹೆಚ್ಚಳಕ್ಕೆ 10 ಮಕ್ಕಳಿಗೆ ಜನ್ಮ ನೀಡಿದ್ರೆ 13 ಲಕ್ಷ ಬಹುಮಾನ : ರಷ್ಯಾ ಅಧ್ಯಕ್ಷ ಪುಟಿನ್‌ ಘೋಷಣೆ

ರಷ್ಯಾದ ರಾಜಕೀಯ(Russia Politics) ಮತ್ತು ಭದ್ರತಾ ತಜ್ಞ ಡಾ ಜೆನ್ನಿ ಮ್ಯಾಥರ್ಸ್, ಟೈಮ್ಸ್ ರೇಡಿಯೊದಲ್ಲಿ ಈ ಕುರಿತು ಮಾತನಾಡಿ, “ಮದರ್ ಹೀರೋಯಿನ್” ಎಂದು ಕರೆಯಲ್ಪಡುವ ಬಹುಮಾನ ಯೋಜನೆ

Dakshina Kannada
ರಾಜ್ಯ

ವಿಜಯಟೈಮ್ಸ್ ಇಂಪ್ಯಾಕ್ಟ್ ; ಬಂಟ್ವಾಳ ಸೇತುವೆಯ ದುಸ್ಥಿತಿ ನೋಡಲು ದಿಢೀರನೇ ಬಂದ ಅಧಿಕಾರಿಗಳು!

ಕಳಪೆ ಕಾಮಗಾರಿ ದುರಂತದ ಬಗ್ಗೆ ವಿಜಯಟೈಮ್ಸ್ ತಂಡ ಮಾಡಿದ್ದ ವರದಿಗೆ ಅಧಿಕಾರಿಗಳು ಈಗ ದಿಢೀರ್ ಎಚ್ಚೆತ್ತುಕೊಂಡಿದ್ದಾರೆ.

IT Minister
ದೇಶ-ವಿದೇಶ

5G ಬಿಡುಗಡೆಗೆ ತಯಾರಿ ಮಾಡಿಕೊಳ್ಳಿ : ಟೆಲಿಕಾಂ ಕಂಪನಿಗಳಿಗೆ ಐಟಿ ಸಚಿವ ಅಶ್ವಿನಿ ವೈಷ್ಣವ್ ಸೂಚನೆ

ಇನ್ನು ಏರ್ಟೆಲ್(Airtel) ಮತ್ತು ಜಿಯೋ(Jio) ಈ ತಿಂಗಳ ಕೊನೆಯಲ್ಲಿ ತಮ್ಮ 5G ಸೇವೆಗಳ ಮೊದಲ ಹಂತವನ್ನು ಬಿಡುಗಡೆಗೊಳಿಸುವ ನಿರೀಕ್ಷೆಯಿದೆ.