• GOAT ಟೂರ್ ಅಂತಿಮ ಹಂತ: ದೆಹಲಿಯಲ್ಲಿ (Lionel Messi India Tour ) ಮೆಸ್ಸಿಯ ಫುಲ್ ಡೇ ಶೆಡ್ಯೂಲ್
• ರೋಹಿತ್ ಶರ್ಮಾ, ನಿಖತ್ ಜರೀನ್, ಸುಮಿತ್ ಅಂಟಿಲ್ ಸೇರಿದಂತೆ ಹಲವರೊಂದಿಗೆ ಲಿಯೋನಲ್ ಮೆಸ್ಸಿ ಭೇಟಿ
• ಕೋಲ್ಕತ್ತಾ–ಹೈದರಾಬಾದ್–ಮುಂಬೈ ಬಳಿಕ ದೆಹಲಿಗೆ ಬಂದ ಲಿಯೋನಲ್ ಮೆಸ್ಸಿ, ಕ್ರೀಡಾ ತಾರೆಯರು ಮತ್ತು ಅಧಿಕಾರಿಗಳೊಂದಿಗೆ ವಿಶೇಷ ಭೇಟಿ

Delhi: ಫುಟ್ಬಾಲ್ ಜಗತ್ತಿನ ಅತಿದೊಡ್ಡ ದಂತಕಥೆ ಎಂದೇ ಕರೆಸಿಕೊಳ್ಳುವ (Lionel Messi India Tour) ಅರ್ಜೆಂಟೀನಾ ಸೂಪರ್‌ಸ್ಟಾರ್ ಲಿಯೋನಲ್ ಮೆಸ್ಸಿ (Lionel Messi) ಅವರ GOAT ಇಂಡಿಯಾ ಟೂರ್ 2025 ಇದೀಗ ದೆಹಲಿಯಲ್ಲಿ ತನ್ನ ಅಂತಿಮ ಹಂತಕ್ಕೆ ತಲುಪಿದೆ.

ಕೋಲ್ಕತ್ತಾ, ಹೈದರಾಬಾದ್ (Hyderbad) ಮತ್ತು ಮುಂಬೈನಲ್ಲಿ ನಡೆದ ಕಾರ್ಯಕ್ರಮಗಳ ನಂತರ ದೆಹಲಿ ಪ್ರವಾಸವು ರಾಷ್ಟ್ರದ ಗಮನ ಸೆಳೆಯುವ ಪ್ರಮುಖ ಹಂತವಾಗಿದೆ.

ಸೋಮವಾರ ಬೆಳಿಗ್ಗೆ 10:45ಕ್ಕೆ ಮೆಸ್ಸಿ ದೆಹಲಿಗೆ ಆಗಮಿಸಿದ್ದು, ಅವರ ಆಗಮನದೊಂದಿಗೆ ರಾಜಧಾನಿಯಲ್ಲಿ ‘ಮೆಸ್ಸಿ ಮೇನಿಯಾ’ (Messi Mania) ಆರಂಭವಾಗಿದೆ.

ವಿಮಾನ ನಿಲ್ದಾಣದಿಂದ ಚಾಣಕ್ಯಪುರಿಯಲ್ಲಿರುವ ದಿ ಲೀಲಾ ಪ್ಯಾಲೇಸ್ (The Leela Palace) ಹೋಟೆಲ್‌ವರೆಗೆ ಭಾರೀ ಭದ್ರತಾ ವ್ಯವಸ್ಥೆ ಜಾರಿಗೊಳಿಸಲಾಗಿದೆ.

ಕೋಲ್ಕತ್ತಾದಲ್ಲಿ ನಡೆದ ಅಭಿಮಾನಿಗಳ ಗೊಂದಲದ (Lionel Messi India Tour) ಹಿನ್ನೆಲೆಯಲ್ಲಿ ಈ ಬಾರಿ ದೆಹಲಿಯಲ್ಲಿ ಯಾವುದೇ ಅಸೌಕರ್ಯವಾಗದಂತೆ ಪೊಲೀಸ್ ಹಾಗೂ ಭದ್ರತಾ ಸಿಬ್ಬಂದಿಯನ್ನು ಹೆಚ್ಚಾಗಿ ನಿಯೋಜಿಸಲಾಗಿದೆ.

ಮೆಸ್ಸಿ ಹಾಗೂ ಅವರ ಕುಟುಂಬದವರು ದಿ ಲೀಲಾ ಪ್ಯಾಲೇಸ್ ಹೋಟೆಲ್‌ನಲ್ಲಿ ತಂಗಿದ್ದು, ಅವರಿಗಾಗಿಯೇ ಸಂಪೂರ್ಣ ಒಂದು ಮಹಡಿಯನ್ನು ಕಾಯ್ದಿರಿಸಲಾಗಿದೆ.

ಅರ್ಜೆಂಟೀನಾ ತಂಡದ ಸದಸ್ಯರಿಗೆ ಪ್ರೆಸಿಡೆನ್ಷಿಯಲ್ ಸೂಟ್‌ಗಳನ್ನು (Presidential Suite) ಒದಗಿಸಲಾಗಿದ್ದು, ಒಂದು ರಾತ್ರಿ ವಾಸ್ತವ್ಯದ ವೆಚ್ಚವೇ 3.5 ಲಕ್ಷದಿಂದ 7 ಲಕ್ಷ ರೂ.ವರೆಗೆ ಎಂದು ವರದಿಯಾಗಿದೆ.

ಮೆಸ್ಸಿಯವರ ಗೌಪ್ಯತೆಗೆ ಅತ್ಯಂತ ಮಹತ್ವ ನೀಡಲಾಗಿದ್ದು, ಹೋಟೆಲ್ ಸಿಬ್ಬಂದಿಗೆ ಅವರ ವಾಸ್ತವ್ಯಕ್ಕೆ ಸಂಬಂಧಿಸಿದ ಯಾವುದೇ ಮಾಹಿತಿಯನ್ನು ಹೊರಬಿಡಬಾರದು ಎಂದು ಕಟ್ಟುನಿಟ್ಟಿನ ಸೂಚನೆ ನೀಡಲಾಗಿದೆ.

ವಿಶೇಷವಾಗಿ ಆಯ್ದ ಕಾರ್ಪೊರೇಟ್ (Corporate) ಹಾಗೂ ವಿಐಪಿ ಅತಿಥಿಗಳಿಗಾಗಿ ಪ್ರತ್ಯೇಕ ‘ಮೀಟ್ ಅಂಡ್ ಗ್ರೀಟ್’ ವ್ಯವಸ್ಥೆ ಮಾಡಲಾಗಿದ್ದು, ಕೇವಲ ಹಸ್ತಲಾಘವ ಮತ್ತು ಕ್ಷಣಿಕ ಸಂವಾದಕ್ಕಾಗಿ ಕೆಲವರು ಕೋಟಿ ರೂಪಾಯಿ ತನಕ ವೆಚ್ಚ ಮಾಡುತ್ತಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.

NDTV ಮೂಲಗಳ ಪ್ರಕಾರ, ಈ ವಿಶೇಷ ಅವಕಾಶಕ್ಕಾಗಿ ಕಾರ್ಪೊರೇಟ್ ಸಂಸ್ಥೆಗಳು ಭಾರೀ ಮೊತ್ತವನ್ನು ಪಾವತಿಸುತ್ತಿವೆ.

ಮೆಸ್ಸಿಯ ದೆಹಲಿ ಭೇಟಿಯ ದಿನದ ವೇಳಾಪಟ್ಟಿಯಲ್ಲಿ ಬೆಳಿಗ್ಗೆಯಿಂದ ಸಂಜೆಯವರೆಗೆ ವಿವಿಧ ಕಾರ್ಯಕ್ರಮಗಳು ನಿಗದಿಯಾಗಿವೆ.

ಮುಂಬೈನಿಂದ ಬೆಳಿಗ್ಗೆ 9:15ಕ್ಕೆ ವಿಮಾನ ಹೊರಟು, 10:45ಕ್ಕೆ ದೆಹಲಿಗೆ ಆಗಮಿಸಿದ ಮೆಸ್ಸಿ 11:15ಕ್ಕೆ ಲೀಲಾ ಪ್ಯಾಲೇಸ್ ತಲುಪಿದರು.

11:45ರಿಂದ 12:35ರವರೆಗೆ ಹೋಟೆಲ್‌ನಲ್ಲಿ ‘ಮೀಟ್ ಅಂಡ್ ಗ್ರೀಟ್’ (Meet And Greet) ಕಾರ್ಯಕ್ರಮ ನಡೆಯಿತು. ಬಳಿಕ ಮೆಸ್ಸಿ ತಮ್ಮ ತಂಡದ ಸಹ ಆಟಗಾರ ರೋಡ್ರಿಗೊ ಡಿ ಪಾಲ್ ಜೊತೆಗೆ ಆಯ್ದ ಅತಿಥಿಗಳನ್ನು ಭೇಟಿಯಾದರು.

ಮಧ್ಯಾಹ್ನ 2:45ರಿಂದ 2:55ರವರೆಗೆ ಭಾರತದ ಮುಖ್ಯ ನ್ಯಾಯಮೂರ್ತಿ, ಸೇನಾ ಮುಖ್ಯಸ್ಥ, ಅರ್ಜೆಂಟಿನಾ (Argentina) ರಾಯಭಾರಿ ಸೇರಿದಂತೆ ಹಲವು ಉನ್ನತ ಅಧಿಕಾರಿಗಳೊಂದಿಗೆ ಸಂಕ್ಷಿಪ್ತ ಆದರೆ ಮಹತ್ವದ ಸಭೆ ನಡೆಸಲಿದ್ದಾರೆ .

ಈ ಸಭೆಗಳು ಕ್ರೀಡೆ ಮತ್ತು ರಾಜತಾಂತ್ರಿಕ ಸಂಬಂಧಗಳ ದೃಷ್ಟಿಯಿಂದಲೂ ಮಹತ್ವ ಪಡೆದಿವೆ.

ದೆಹಲಿಯ ಫಿರೋಜ್ ಶಾ ಕೋಟ್ಲಾ ಕ್ರೀಡಾಂಗಣದಲ್ಲಿ ನಡೆದ ಕಾರ್ಯಕ್ರಮವು ಅಭಿಮಾನಿಗಳಿಗೆ ಮರೆಯಲಾಗದ ಕ್ಷಣಗಳನ್ನು ನೀಡಿತು.

ಮಧ್ಯಾಹ್ನ 2:55ರಿಂದ 3:55ರವರೆಗೆ ಭವ್ಯ ಸ್ವಾಗತದೊಂದಿಗೆ ಮೆಸ್ಸಿ ಕ್ರೀಡಾಂಗಣ ಪ್ರವೇಶಿಸಲಿದ್ದಾರೆ.

ಸೆಲೆಬ್ರಿಟಿ ಫುಟ್ಬಾಲ್ ಪಂದ್ಯ, ಮೆಸ್ಸಿಯವರೊಂದಿಗೆ ಸಂವಾದ, ಹಾಗೂ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ಇಲ್ಲಿ ನಡೆಯಲಿದೆ .22 ಮಕ್ಕಳೊಂದಿಗೆ ಫುಟ್ಬಾಲ್ ಕ್ಲಿನಿಕ್ ಆಯೋಜಿಸಲ್ಪಟ್ಟಿದ್ದು, ಮಕ್ಕಳು ‘ಟಿಕಿ-ಟಾಕಾ’ (ರೊಂಡೋ) ಅಭ್ಯಾಸ ಮಾಡುವುದನ್ನು ಮೆಸ್ಸಿ ನೇರವಾಗಿ ವೀಕ್ಷಿಸಲಿದ್ದಾರೆ.

ಈಗಾಗಲೇ ಮೆಸ್ಸಿಗೆ ಇಬ್ಬರು ಭಾರತೀಯ ಕ್ರಿಕೆಟಿಗರು ವಿಶೇಷ ಉಡುಗೊರೆ ನೀಡಿದರೆ, ಮೆಸ್ಸಿ ಸಹಿ ಮಾಡಿದ ಜರ್ಸಿಗಳನ್ನು ಸ್ಮರಣಿಕೆಯಾಗಿ ನೀಡಿದರು.

ಪೆನಾಲ್ಟಿ ಶೂಟ್‌ಔಟ್ ವಿಜೇತ ತಂಡಕ್ಕೆ ಮೆಸ್ಸಿಯವರೇ ಟ್ರೋಫಿ (Trophy) ಪ್ರದಾನ ಮಾಡಲಿದ್ದು ಅಭಿಮಾನಿಗಳ ಚಪ್ಪಾಳೆ ಗದ್ದಲ ಕ್ರೀಡಾಂಗಣವನ್ನು ತುಂಬಲಿದೆ.

ಸಂಜೆಯ ವೇಳೆಗೆ ಪುರಾಣ ಕಿಲಾದಲ್ಲಿ ಅಡಿಡಾಸ್ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮೆಸ್ಸಿ, ನಂತರ ಭಾರತೀಯ ಕ್ರೀಡಾ ಚಾಂಪಿಯನ್‌ಗಳೊಂದಿಗೆ ಭೇಟಿಯಾಗುವ ಸಾಧ್ಯತೆ ಇದೆ ಎಂದು ತಿಳಿದುಬಂದಿದೆ.

ಈ ಪಟ್ಟಿಯಲ್ಲಿ ರೋಹಿತ್ ಶರ್ಮಾ, ಸುಮಿತ್ ಅಂಟಿಲ್, ನಿಖತ್ ಜರೀನ್ (Nikhat Zareen), ನಿಶಾದ್ ಕುಮಾರ್ ಸೇರಿದಂತೆ ಹಲವು ಒಲಿಂಪಿಕ್ ಹಾಗೂ ಪ್ಯಾರಾಲಿಂಪಿಕ್ (Paralympic) ಪದಕ ವಿಜೇತರು ಸೇರಿದ್ದಾರೆ.

ಸಂಜೆ 6:10ಕ್ಕೆ ಮೆಸ್ಸಿ ವಿಮಾನ ನಿಲ್ದಾಣಕ್ಕೆ ತೆರಳಿ, ರಾತ್ರಿ 8 ಗಂಟೆಗೆ ದೆಹಲಿಯಿಂದ ವಿದೇಶಕ್ಕೆ ಪ್ರಯಾಣ ಬೆಳೆಸಲಿದ್ದಾರೆ.

GOAT ಇಂಡಿಯಾ ಟೂರ್ 2025 ಮೂಲಕ ಲಿಯೋನಲ್ ಮೆಸ್ಸಿ ಭಾರತೀಯ ಅಭಿಮಾನಿಗಳಿಗೆ ಜೀವಮಾನಪೂರ್ತಿ ನೆನಪಾಗುವ ಅನುಭವ ನೀಡಿದ್ದಾರೆ.

ದೆಹಲಿ ಹಂತ ಈ ಪ್ರವಾಸದ ಭವ್ಯ ಹಾಗೂ ಐತಿಹಾಸಿಕ ಅಂತ್ಯವಾಗಿದ್ದು, ಭಾರತೀಯ ಕ್ರೀಡಾಭಿಮಾನಿಗಳ ಹೃದಯದಲ್ಲಿ ಮೆಸ್ಸಿಯ ಸ್ಥಾನವನ್ನು ಇನ್ನಷ್ಟು ಗಟ್ಟಿಗೊಳಿಸಲಿದೆ.

ಇದನ್ನು ಓದಿ : ಎಗ್ಗೋಸ್ ಮೊಟ್ಟೆ ವಿವಾದ: FSSAI ತಂಡದಿಂದ ಸ್ಯಾಂಪಲ್ ಸಂಗ್ರಹ, 14 ದಿನಗಳಲ್ಲಿ ಸತ್ಯಾಸತ್ಯತೆ ಬಹಿರಂಗ