- ಜಾಗತಿಕ ಉದ್ವಿಗ್ನತೆಯ ನಡುವೆಯೂ (LPG transport under naval escort) ಭಾರತಕ್ಕೆ ಎಲ್ಪಿಜಿ ಸರಬರಾಜು
- 40 ಸಾವಿರ ಮೆಟ್ರಿಕ್ ಟನ್ ಅನಿಲ ಹೊತ್ತ ಶಿವಾಲಿಕ್ ಹಡಗು ಭಾರತದತ್ತ ಪ್ರಯಾಣ
- ಎರಡು ದಿನಗಳಲ್ಲಿ ಬಂದರು ತಲುಪುವ ಸಾಧ್ಯತೆ
New delhi: ಮಧ್ಯಪ್ರಾಚ್ಯದ ಉದ್ವಿಗ್ನ ಪರಿಸ್ಥಿತಿಗಳ ನಡುವೆಯೇ ಭಾರತೀಯ ನೌಕಾಪಡೆಯ (LPG transport under naval escort) ಬೆಂಗಾವಲಿನಲ್ಲಿ ಎಲ್ಪಿಜಿ ಸಾಗಿಸುತ್ತಿದ್ದ “ಶಿವಾಲಿಕ್” ಎಂಬ ಭಾರತೀಯ ಹಡಗು ಹಾರ್ಮುಜ್ ಜಲಸಂಧಿಯನ್ನು ಯಶಸ್ವಿಯಾಗಿ ದಾಟಿದೆ.
ಸುಮಾರು 40,000 ಮೆಟ್ರಿಕ್ ಟನ್ ದ್ರವೀಕೃತ ಪೆಟ್ರೋಲಿಯಂ ಅನಿಲವನ್ನು ಹೊತ್ತ ಈ ಹಡಗು ಇದೀಗ ಮುಕ್ತ ಸಮುದ್ರದ ಮೂಲಕ ಭಾರತದತ್ತ ಪ್ರಯಾಣ ಮುಂದುವರಿಸಿದೆ. ವರದಿಗಳ ಪ್ರಕಾರ, ಮುಂದಿನ ಎರಡು ದಿನಗಳೊಳಗೆ ಇದು ಮುಂಬೈ ಅಥವಾ ಕಾಂಡ್ಲಾ ಬಂದರಿಗೆ ತಲುಪುವ ಸಾಧ್ಯತೆ ಇದೆ.
ಇತ್ತೀಚೆಗೆ ಇರಾನ್ ಹಾರ್ಮುಜ್ ಜಲಸಂಧಿಯಲ್ಲಿ ಕಠಿಣ ನಿಯಂತ್ರಣ ಹೇರಿದ ಹಿನ್ನೆಲೆ ಜಾಗತಿಕ ಸಾಗಣೆ ಮಾರ್ಗಗಳಲ್ಲಿ ಆತಂಕ ಉಂಟಾಗಿತ್ತು.
ಈ ಸಂದರ್ಭ ಭಾರತೀಯ ಹಡಗುಗಳಿಗೆ ಸುರಕ್ಷಿತ ಸಂಚಾರದ ಅಗತ್ಯತೆ ಹೆಚ್ಚಾಗಿದ್ದು, ಭಾರತೀಯ ನೌಕಾಪಡೆ ಬೆಂಗಾವಲಿನಲ್ಲಿ ಹಡಗುಗಳ ಚಲನವಲನವನ್ನು ನಿರ್ವಹಿಸುತ್ತಿದೆ.
ಶಿವಾಲಿಕ್ ಹಡಗು ಈ ಅಪಾಯದ ವಲಯವನ್ನು ಸುರಕ್ಷಿತವಾಗಿ ದಾಟಿರುವುದು ಭಾರತಕ್ಕೆ ಮಹತ್ವದ ಬೆಳವಣಿಗೆಯಾಗಿ ಕಾಣಲಾಗಿದೆ.
ಇದಷ್ಟೇ ಅಲ್ಲದೆ “ನಂದಾದೇವಿ” ಎಂಬ ಮತ್ತೊಂದು ಎಲ್ಪಿಜಿ ಹಡಗು ಕೂಡ ನೌಕಾಪಡೆಯ ಭದ್ರತೆಯೊಂದಿಗೆ ಇಂದು ಬೆಳಗ್ಗೆ ಹಾರ್ಮುಜ್ ಜಲಸಂಧಿಯನ್ನು ದಾಟಿದೆ.
ಈ ಹಡಗು ಕೂಡ ಎರಡು ದಿನಗಳೊಳಗೆ ಭಾರತೀಯ (LPG transport under naval escort) ಬಂದರು ತಲುಪುವ ನಿರೀಕ್ಷೆ ಇದೆ. ಅಧಿಕಾರಿಗಳ ಪ್ರಕಾರ, ಹಡಗುಗಳು ಸಂಪೂರ್ಣ ಸುರಕ್ಷಿತವಾಗಿ ಅಪಾಯದ ವಲಯದಿಂದ ಹೊರಬರುವವರೆಗೆ ನೌಕಾಪಡೆಯ ಮೇಲ್ವಿಚಾರಣೆ ಮುಂದುವರಿಯಲಿದೆ.
ಹಾರ್ಮುಜ್ ಜಲಸಂಧಿ ಜಾಗತಿಕವಾಗಿ ಅತ್ಯಂತ ಪ್ರಮುಖ ಸಮುದ್ರ ಮಾರ್ಗಗಳಲ್ಲಿ ಒಂದಾಗಿದೆ. ವಿಶ್ವದ ಒಟ್ಟು ತೈಲ ಮತ್ತು ಅನಿಲ ಸಾಗಣೆಯ ಸುಮಾರು 20 ಶೇಕಡಾ ಭಾಗ ಈ ಜಲಸಂಧಿಯ ಮೂಲಕ ಸಾಗುತ್ತದೆ. ಆದ್ದರಿಂದ ಇಲ್ಲಿ ಉಂಟಾಗುವ ಯಾವುದೇ ಅಡಚಣೆ ಜಾಗತಿಕ ಇಂಧನ ಸರಬರಾಜು ಮತ್ತು ವ್ಯಾಪಾರಕ್ಕೆ ದೊಡ್ಡ ಪರಿಣಾಮ ಬೀರುತ್ತದೆ.
ಈ ಹಿನ್ನೆಲೆ ಭಾರತವು ತನ್ನ ಧ್ವಜ ಹೊಂದಿರುವ ಹಡಗುಗಳಿಗೆ ಸುರಕ್ಷಿತ ಸಂಚಾರಕ್ಕೆ ಅವಕಾಶ ನೀಡುವಂತೆ ಇರಾನ್ಗೆ ಮನವಿ ಮಾಡಿತ್ತು. ಈ ಮನವಿಗೆ ಸ್ಪಂದಿಸಿದ ಇರಾನ್, ಭಾರತ ಸೇರಿದಂತೆ ರಷ್ಯಾ, ಚೀನಾ, ಟರ್ಕಿ ಮತ್ತು ಪಾಕಿಸ್ತಾನದ ಹಡಗುಗಳಿಗೆ ಮಾತ್ರ ಸಂಚಾರಕ್ಕೆ ಅನುಮತಿ ನೀಡಿದೆ.
ಇದರ ಫಲವಾಗಿ ಭಾರತೀಯ ಹಡಗುಗಳು ಭದ್ರತೆಯೊಂದಿಗೆ ಜಲಸಂಧಿಯನ್ನು ದಾಟಿ ದೇಶದತ್ತ ಸಾಗುತ್ತಿರುವುದು ಇಂಧನ ಸರಬರಾಜಿನ ದೃಷ್ಟಿಯಿಂದ ಮಹತ್ವದ ಬೆಳವಣಿಗೆಯಾಗಿದೆ.
