ಒರೇಕಲ್‌ನಲ್ಲಿ ಭಾರೀ (Massive layoff at Oracle) ಉದ್ಯೋಗ ಕಡಿತ
ಮುನ್ಸೂಚನೆ ಇಲ್ಲದೆ ಲೇಆಫ್ ಮಾಡಿದ ಒರೇಕಲ್ ವಿರುದ್ಧ ಉದ್ಯೋಗಿಗಳ ಅಸಮಾಧಾನ
ಹಲವು ವರ್ಷ ಸೇವೆ ಮಾಡಿದರೂ ಕೆಲಸ ಕಳೆದುಕೊಂಡ ಉದ್ಯೋಗಿಗಳು
ವಿಶ್ವದ ಪ್ರಮುಖ ಸಾಫ್ಟ್‌ವೇರ್ ಕಂಪನಿಗಳಲ್ಲಿ ಒಂದಾದ ಒರೇಕಲ್ ಸಂಸ್ಥೆ ತನ್ನ (Massive layoff at Oracle) ಉದ್ಯೋಗಿಗಳ ಸಂಖ್ಯೆಯನ್ನು ಭಾರೀ ಪ್ರಮಾಣದಲ್ಲಿ ಕಡಿತಗೊಳಿಸಿದೆ.
ಜಾಗತಿಕ ಮಟ್ಟದಲ್ಲಿ ಸುಮಾರು 30,000 ಉದ್ಯೋಗಿಗಳನ್ನು ಕೆಲಸದಿಂದ ತೆಗೆದುಹಾಕಲಾಗಿದೆ ಎಂದು ಹೇಳಲಾಗುತ್ತಿದ್ದು, ಭಾರತದಲ್ಲೇ ಸುಮಾರು 12,000 ಮಂದಿ ಉದ್ಯೋಗ ಕಳೆದುಕೊಂಡಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ.
ಈ ಘಟನೆ ಐಟಿ ಕ್ಷೇತ್ರದಲ್ಲಿ ದೊಡ್ಡ ಚರ್ಚೆಗೆ ಕಾರಣವಾಗಿದೆ. ಆದರೆ, ಈ ಕುರಿತು ಒರೇಕಲ್ (Oracle) ಸಂಸ್ಥೆಯಿಂದ (Massive layoff at Oracle) ಅಧಿಕೃತ ಪ್ರಕಟಣೆ ಇನ್ನೂ ಹೊರಬಂದಿಲ್ಲ ಎಂಬುದು ಗಮನಾರ್ಹ ವಿಷಯವಾಗಿದೆ.
ಸಾಮಾಜಿಕ ಜಾಲತಾಣಗಳು ಮತ್ತು ಉದ್ಯೋಗಿಗಳ ಆನ್‌ಲೈನ್ ವೇದಿಕೆಗಳ ಮೂಲಕ ಈ ಲೇಆಫ್ (Layoff) ವಿಷಯ ಬಹಿರಂಗವಾಗಿದೆ ಎಂದು ತಿಳಿದುಬಂದಿದೆ.
ಹಲವರು ತಮ್ಮ ಅನುಭವಗಳನ್ನು ಹಂಚಿಕೊಂಡಿದ್ದು, ಯಾವುದೇ ಮುನ್ಸೂಚನೆ ಇಲ್ಲದೇ ರಾತ್ರೋರಾತ್ರಿ ಕೆಲಸ ಕಳೆದುಕೊಂಡಿದ್ದೇವೆ ಎಂದು ಹೇಳಿಕೊಂಡಿದ್ದಾರೆ.
ಸಾಮಾನ್ಯವಾಗಿ ಕಂಪನಿಗಳು ಉದ್ಯೋಗ ಕಡಿತ ಮಾಡುವಾಗ ಮುಂಚಿತವಾಗಿ ಸೂಚನೆ ನೀಡುವುದು ರೂಢಿಯಾಗಿದೆ. ಆದರೆ, ಈ ಸಂದರ್ಭದಲ್ಲಿ ಉದ್ಯೋಗಿಗಳಿಗೆ ಫೋನ್ ಕರೆ,
ಸಭೆ ಅಥವಾ ವೈಯಕ್ತಿಕ ಮಾಹಿತಿ ನೀಡದೇ, ಕೇವಲ ಇಮೇಲ್ ಮೂಲಕ ಲೇಆಫ್ ನೋಟಿಸ್ (Notice) ಕಳುಹಿಸಲಾಗಿದೆ ಎಂಬ ಆರೋಪ ಕೇಳಿಬಂದಿದೆ.
ಕೆಲವು ಉದ್ಯೋಗಿಗಳ ಅನುಭವಗಳು ತುಂಬಾ ಭಾವನಾತ್ಮಕವಾಗಿವೆ. ಕೆಲವರು 20 ವರ್ಷಕ್ಕಿಂತ ಹೆಚ್ಚು ಕಾಲ ಕಂಪನಿಯಲ್ಲಿ ಕೆಲಸ ಮಾಡಿದರೂ ಕೂಡ ಅವರಿಗೆ
ಯಾವುದೇ ಗೌರವ ಅಥವಾ ಮುನ್ಸೂಚನೆ ನೀಡದೆ ಕೆಲಸದಿಂದ ತೆಗೆದುಹಾಕಲಾಗಿದೆ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಇನ್ನೂ ಕೆಲವರು ನಿವೃತ್ತಿಗೆ ಕೆಲವೇ ವರ್ಷ ಬಾಕಿ ಇದ್ದರೂ ಕೆಲಸ ಕಳೆದುಕೊಂಡಿದ್ದಾರೆ ಎಂದು ಹೇಳಿದ್ದಾರೆ. ಈ ರೀತಿಯ ಘಟನೆಗಳು ಉದ್ಯೋಗ ಭದ್ರತೆ ಬಗ್ಗೆ ಐಟಿ
ಉದ್ಯೋಗಿಗಳಲ್ಲಿ ಆತಂಕವನ್ನು ಉಂಟುಮಾಡಿದೆ.
ಭಾರತದಲ್ಲಿರುವ ಒರೇಕಲ್ ಇಂಡಿಯಾ ಡೆವಲಪ್ಮೆಂಟ್ ಸೆಂಟರ್‌ಗಳಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಉದ್ಯೋಗ ಕಡಿತ ನಡೆದಿದೆ ಎಂದು ಹೇಳಲಾಗುತ್ತಿದೆ.
ವಿಶೇಷವಾಗಿ ಇಂಟರ್ನಲ್ ತಂಡಗಳಲ್ಲಿ ಹೆಚ್ಚಿನ ಕತ್ತರಿ ಬಿದ್ದಿದೆ. ಲೇಆಫ್ ಮಾಡಿದ ತಕ್ಷಣವೇ ಉದ್ಯೋಗಿಗಳ ಸ್ಲ್ಯಾಕ್, ವಿಪಿಎನ್, ಇಮೇಲ್ ಮುಂತಾದ ಎಲ್ಲಾ
ಆಫೀಸ್ ಪ್ರವೇಶಗಳನ್ನು ನಿಲ್ಲಿಸಲಾಗಿದೆ ಎಂದು ತಿಳಿದುಬಂದಿದೆ.
ಇದರಿಂದ ಉದ್ಯೋಗಿಗಳು ತಕ್ಷಣವೇ ಕೆಲಸದಿಂದ ಬಿಡುಗಡೆಗೊಂಡಂತೆ ಆಗಿದೆ. ಈ ಕ್ರಮ ಐಟಿ ಕ್ಷೇತ್ರದಲ್ಲಿ ಹೊಸ ರೀತಿಯ ಲೇಆಫ್ ವಿಧಾನ ಎಂದು ಹೇಳಲಾಗುತ್ತಿದೆ.
ಲೇಆಫ್ ಆದ ಉದ್ಯೋಗಿಗಳಿಗೆ ಕಂಪನಿ ಪರಿಹಾರವಾಗಿ ಕೆಲವು ತಿಂಗಳ ವೇತನ ನೀಡಲಾಗುತ್ತದೆ ಎಂದು ಹೇಳಲಾಗಿದೆ. “ಎನ್ + 2” ಸೂತ್ರದ ಪ್ರಕಾರ ಪರಿಹಾರ ನೀಡಲಾಗುತ್ತದೆ.
ಇಲ್ಲಿ “ಎನ್” ಎಂದರೆ ಉದ್ಯೋಗಿ ಕೆಲಸ ಮಾಡಿದ ವರ್ಷಗಳ ಸಂಖ್ಯೆ. ಅದರ ಜೊತೆಗೆ ನೋಟಿಸ್ ಪೇ ಮತ್ತು ಇತರ ಸೌಲಭ್ಯಗಳನ್ನು ಕೂಡ ನೀಡಲಾಗುತ್ತದೆ ಎಂದು ಮಾಹಿತಿ
ಲಭ್ಯವಾಗಿದೆ. ಆದರೂ, ರಾತ್ರೋರಾತ್ರಿ ಕೆಲಸ ಕಳೆದುಕೊಳ್ಳುವುದು ಉದ್ಯೋಗಿಗಳಿಗೆ ದೊಡ್ಡ ಆಘಾತವಾಗಿದ್ದು, ಐಟಿ ಕ್ಷೇತ್ರದಲ್ಲಿ ಉದ್ಯೋಗ ಭದ್ರತೆ ಕುರಿತು ಮತ್ತೆ ಚರ್ಚೆ ಶುರುವಾಗಿದೆ.
ಇದನ್ನು ಓದಿ : https://vijayatimes.com/high-court-orders-to-whatsapp-notices/
