ನಾಕೌಟ್ ಬ್ರಾಕೆಟ್‌ನಲ್ಲಿ ಬಲಿಷ್ಠ (Messi team to World Cup) ತಂಡಗಳಿಂದ ದೂರ ಉಳಿದ ಅರ್ಜೆಂಟೀನಾ

ಅರ್ಜೆಂಟೀನಾಗೆ ಅದೃಷ್ಟದ ಡ್ರಾ; ವಿಶ್ವಕಪ್ ಕನಸು ಮತ್ತಷ್ಟು ಹತ್ತಿರ

ಸೆಮಿಫೈನಲ್‌ವರೆಗೆ ಟಾಪ್-10 ತಂಡಗಳ ಸವಾಲು ತಪ್ಪುವ ಸಾಧ್ಯತೆ; ವಿಶ್ವಕಪ್ ಪಯಣದ ಮೇಲೆ ಎಲ್ಲರ ಕಣ್ಣು

2026ರ ಫಿಫಾ ವಿಶ್ವಕಪ್ ನಾಕೌಟ್ ಹಂತ ಆರಂಭವಾಗಿದ್ದು, ಪ್ರಶಸ್ತಿಯತ್ತ (Messi team to World Cup) ಎಲ್ಲಾ ತಂಡಗಳ ಚಿತ್ತ ನೆಟ್ಟಿದೆ.

ಲೀಗ್ ಹಂತದ ಬಳಿಕ ಉಳಿದಿರುವ 32 ತಂಡಗಳು ಇದೀಗ ನೇರ ಹಣಾಹಣಿಯಲ್ಲಿ ಸೆಣಸಲಿದ್ದು, ಪ್ರತಿಯೊಂದು ಪಂದ್ಯವೂ ನಿರ್ಣಾಯಕವಾಗಿದೆ.

ಈ ಬಾರಿ ನಾಕೌಟ್ ಬ್ರಾಕೆಟ್ (Knockout Bracket) ಗಮನಿಸಿದರೆ ಹಾಲಿ ಚಾಂಪಿಯನ್ ಅರ್ಜೆಂಟೀನಾ (Argentina) ತಂಡಕ್ಕೆ ಸೆಮಿಫೈನಲ್ ತನಕ ತುಸು ಅನುಕೂಲಕರ ಹಾದಿ ಸಿಕ್ಕಿರುವುದು ಫುಟ್ಬಾಲ್ ಅಭಿಮಾನಿಗಳ ಚರ್ಚೆಯ ವಿಷಯವಾಗಿದೆ.

ಲಿಯೋನೆಲ್ ಮೆಸ್ಸಿ ನೇತೃತ್ವದ ತಂಡವು ಆರಂಭಿಕ ಸುತ್ತುಗಳಲ್ಲಿ ವಿಶ್ವದ ಬಲಿಷ್ಠ ತಂಡಗಳನ್ನು ಎದುರಿಸಬೇಕಾದ ಪರಿಸ್ಥಿತಿ ಇಲ್ಲದಿರುವುದು ವಿಶೇಷವಾಗಿ ಗಮನ ಸೆಳೆಯುತ್ತಿದೆ.

ರೌಂಡ್ ಆಫ್ 32 ಹಂತದಲ್ಲಿ ಅರ್ಜೆಂಟೀನಾ ತನ್ನ ಅಭಿಯಾನವನ್ನು ಕೇಪ್ ವರ್ಡೆ ವಿರುದ್ಧ ಆರಂಭಿಸಲಿದೆ. ಈ ಪಂದ್ಯದಲ್ಲಿ ಗೆಲುವು ಸಾಧಿಸಿದರೆ ಮುಂದಿನ ಸುತ್ತಿನಲ್ಲಿ ಆಸ್ಟ್ರೇಲಿಯಾ ಅಥವಾ ಈಜಿಪ್ಟ್ ತಂಡಗಳಲ್ಲಿ ಒಂದನ್ನು ಎದುರಿಸುವ ಸಾಧ್ಯತೆ ಇದೆ.

ನಂತರ ಕ್ವಾರ್ಟರ್ ಫೈನಲ್‌ನಲ್ಲಿ ಕೊಲಂಬಿಯಾ (Colombia) ಅಥವಾ ಸ್ವಿಟ್ಜರ್ಲೆಂಡ್ ತಂಡ ಎದುರಾಗಬಹುದು.

ಈ ಎಲ್ಲಾ ತಂಡಗಳು ಸಾಮರ್ಥ್ಯ ಹೊಂದಿದ್ದರೂ, ಪ್ರಸ್ತುತ ಫಿಫಾ ಶ್ರೇಯಾಂಕ ಹಾಗೂ ಇತ್ತೀಚಿನ ಪ್ರದರ್ಶನಗಳನ್ನು ಗಮನಿಸಿದರೆ ಅರ್ಜೆಂಟೀನಾಗೆ ಹೋಲಿಸಿದರೆ ಸ್ವಲ್ಪ

ದುರ್ಬಲ ಎದುರಾಳಿಗಳೆಂದು ಪರಿಗಣಿಸಲಾಗುತ್ತಿದೆ. ಹೀಗಾಗಿ ಸೆಮಿಫೈನಲ್‌ವರೆಗೆ ಮೆಸ್ಸಿ ಪಡೆಗೆ ನಿರಾಳ ಹಾದಿ ಸಿಗಬಹುದು ಎಂಬ ಅಭಿಪ್ರಾಯಗಳು ಕೇಳಿಬರುತ್ತಿವೆ.

ಅರ್ಜೆಂಟೀನಾ ಇರುವ ಬ್ರಾಕೆಟ್‌ಗೆ ವಿರುದ್ಧವಾಗಿ ಮತ್ತೊಂದು ಭಾಗದಲ್ಲಿ (Messi team to World Cup) ಯೂರೋಪಿನ ಬಲಿಷ್ಠ ರಾಷ್ಟ್ರಗಳು ಒಂದೇ ಕಡೆ ಸೇರಿರುವುದು ಈ ಟೂರ್ನಿಯ ವಿಶೇಷತೆ.

ಫ್ರಾನ್ಸ್, ಸ್ಪೇನ್, ಪೋರ್ಚುಗಲ್, ನೆದರ್ಲ್ಯಾಂಡ್ಸ್, ಬೆಲ್ಜಿಯಂ, ಜರ್ಮನಿ ಮತ್ತು ಕ್ರೊಯೇಷಿಯಾ (Croatia) ತಂಡಗಳು ಆರಂಭಿಕ ನಾಕೌಟ್ ಸುತ್ತುಗಳಲ್ಲೇ ಪರಸ್ಪರ ಮುಖಾಮುಖಿಯಾಗಲಿವೆ.

ಇದರ ಪರಿಣಾಮವಾಗಿ ಈ ದೈತ್ಯ ತಂಡಗಳಲ್ಲಿ ಹಲವು ಕ್ವಾರ್ಟರ್ ಫೈನಲ್ (Quarter Final) ಅಥವಾ ಸೆಮಿಫೈನಲ್‌ಗೂ ಮುನ್ನವೇ ಟೂರ್ನಿಯಿಂದ ಹೊರಬೀಳುವ

ಸಾಧ್ಯತೆ ಹೆಚ್ಚಾಗಿದೆ. ಇದೇ ಕಾರಣಕ್ಕೆ ಫುಟ್ಬಾಲ್ (Football) ವಿಶ್ಲೇಷಕರು ಈ ಬ್ರಾಕೆಟ್ ಅನ್ನು “ಮರಣ ಮೃದಂಗ” ಎಂದು ಕರೆಯುತ್ತಿದ್ದಾರೆ.

ಆದಾಗ್ಯೂ, ವಿಶ್ವಕಪ್‌ನಂತಹ ಪ್ರತಿಷ್ಠಿತ ಟೂರ್ನಿಯಲ್ಲಿ ಯಾವುದೇ ತಂಡವನ್ನು ಕಡಿಮೆ ಅಂದಾಜು ಮಾಡುವಂತಿಲ್ಲ. ಕಾಗದದ ಮೇಲೆ ದುರ್ಬಲವಾಗಿ ಕಾಣುವ

ತಂಡಗಳೂ ಮೈದಾನದಲ್ಲಿ ಅಚ್ಚರಿಯ ಪ್ರದರ್ಶನ ನೀಡಿ ಬಲಿಷ್ಠ ತಂಡಗಳನ್ನು ಮಣಿಸಿರುವ ಸಾಕಷ್ಟು ಉದಾಹರಣೆಗಳು ವಿಶ್ವಕಪ್ ಇತಿಹಾಸದಲ್ಲಿವೆ.

ಆದ್ದರಿಂದ ಕೇಪ್ ವರ್ಡೆ, ಆಸ್ಟ್ರೇಲಿಯಾ, ಈಜಿಪ್ಟ್ (Egypt) , ಕೊಲಂಬಿಯಾ ಅಥವಾ ಸ್ವಿಟ್ಜರ್ಲೆಂಡ್ ವಿರುದ್ಧದ ಪಂದ್ಯಗಳಲ್ಲೂ ಅರ್ಜೆಂಟೀನಾ ಸಂಪೂರ್ಣ ಎಚ್ಚರಿಕೆಯಿಂದ ಆಡಬೇಕಾಗಿದೆ. ಒಂದೇ ತಪ್ಪು ಸಂಪೂರ್ಣ ಅಭಿಯಾನವನ್ನೇ ಕೊನೆಗೊಳಿಸಬಹುದು ಎಂಬುದು ವಿಶ್ವಕಪ್‌ನ ವೈಶಿಷ್ಟ್ಯ.

ಒಟ್ಟಾರೆ ನೋಡಿದರೆ, 2026ರ ವಿಶ್ವಕಪ್‌ನಲ್ಲಿ ಅರ್ಜೆಂಟೀನಾಗೆ ಫೈನಲ್ ತಲುಪುವ ಅತ್ಯುತ್ತಮ ಅವಕಾಶ ಸಿಕ್ಕಿದೆ ಎಂದು ಹೇಳಬಹುದು. ಸೆಮಿಫೈನಲ್‌ವರೆಗೆ ತುಸು ಸುಲಭ ಹಾದಿ ದೊರೆತಿರುವುದು ತಂಡಕ್ಕೆ ಆತ್ಮವಿಶ್ವಾಸ ಹೆಚ್ಚಿಸಬಹುದು.

ಆದರೆ ಅಂತಿಮ ಯಶಸ್ಸು ಎದುರಾಳಿಗಳ ಬಲಕ್ಕಿಂತಲೂ ತಂಡದ ಪ್ರದರ್ಶನ, ಒತ್ತಡ ನಿಭಾಯಿಸುವ ಸಾಮರ್ಥ್ಯ ಹಾಗೂ ನಿರಂತರ ಸ್ಥಿರ ಆಟದ ಮೇಲೆ ಅವಲಂಬಿತವಾಗಿರುತ್ತದೆ.

ಹೀಗಾಗಿ ಮೆಸ್ಸಿ ಪಡೆ ಈ ಸುವರ್ಣಾವಕಾಶವನ್ನು ಬಳಸಿಕೊಂಡು ಮತ್ತೊಮ್ಮೆ ವಿಶ್ವಕಪ್ ಟ್ರೋಫಿಯನ್ನು ಎತ್ತಿಹಿಡಿಯುತ್ತದೆಯೇ ಎಂಬ ಕುತೂಹಲ ಈಗ ವಿಶ್ವದ ಫುಟ್ಬಾಲ್ ಅಭಿಮಾನಿಗಳಲ್ಲಿ ಮನೆ ಮಾಡಿದೆ.

ಇದನ್ನು ಓದಿ : https://vijayatimes.com/intense-heatwave-in-europe/