- ಇ ಖಾತಾ ಮಾಹಿತಿ ನೀಡಲು ಬರಲಿದೆ ಮೊಬೈಲ್ ಆ್ಯಪ್
- ಇ-ಖಾತಾ ನೋಂದಣಿಯಲ್ಲಿನ ಸಮಸ್ಯೆಗಳನ್ನು ಬಗೆಹರಿಸಲು ಹೊಸ ಪ್ರಯೋಗ
- ಹೊಸ ಆ್ಯಪ್ನಿಂದ ಅರ್ಜಿ ಪ್ರಕ್ರಿಯೆ ಜೊತೆಗೆ ಇ ಖಾತಾ ಕುರಿತ ಮಾಹಿತಿಗಳನ್ನು ಪಡೆಯಲು ಸುಲಭ
Bangalore: ಇ ಖಾತಾ ಕರ್ನಾಟಕ ಸರ್ಕಾರವು ಪರಿಚಯಿಸಿದ ಡಿಜಿಟಲ್ ಆಸ್ತಿ ದಾಖಲೆಯ(Digital asset record) ವ್ಯವಸ್ಥೆ. ಇದು ಆಸ್ತಿ ಮಾಲೀಕತ್ವ, ತೆರಿಗೆ ಪಾವತಿ, ಮತ್ತು ಇತರ ದಾಖಲೆಗಳನ್ನು
ಆನ್ಲೈನ್ನಲ್ಲಿ ಸುಲಭವಾಗಿ ನಿರ್ವಹಿಸಲು ಸಹಾಯ ಮಾಡುತ್ತದೆ, ಇದರಿಂದ ಆಸ್ತಿ ನಿರ್ವಹಣೆ ಹೆಚ್ಚು ಪಾರದರ್ಶಕ ಮತ್ತು ಸುರಕ್ಷಿತವಾಗುತ್ತದೆ ಎದಿದ್ದರು ಆದರೆ ಇ-ಖಾತಾ ನೋಂದಣಿಯಲ್ಲಿನ
ಸಮಸ್ಯೆಗಳ ಸುರಿಮಳಯನ್ನೇ ಎದುರಿಸುವಂತಾಗಿತ್ತು. ಇದೀಗ ಇ-ಖಾತಾ(E – Khata) ನೋಂದಣಿಯಲ್ಲಿನ ಸಮಸ್ಯೆಗಳನ್ನು ಬಗೆಹರಿಸಲು ಹೊಸ ಪ್ರಯೋಗ ನಡೆಸಲು ಸರ್ಕಾರ ಮುಂದಾಗಿದ್ದು
ಆಸ್ತಿ ಮಾಲೀಕರಿಗೆ ಇ ಖಾತಾ ಬಗ್ಗೆ ಮಾಹಿತಿ ನೀಡಲು ಮೊಬೈಲ್ ಆ್ಯಪ್(Mobile App) ಪರಿಚಯಿಸಲು ಜಿಬಿಎ ಸಜ್ಜಾಗಿದೆ.
ಇ ಖಾತಾ ಸಮಸ್ಯೆಗೆ ಪರಿಹಾರ ಹುಡುಕಲು ಹೊರಟಿರುವ ಗ್ರೇಟರ್ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ (GBA) ಇ-ಖಾತಾ (E Khata) ನೋಂದಣಿ ಹಾಗೂ ಮಾಹಿತಿ ಪಡೆಯಲು
ಮೊಬೈಲ್ ಆ್ಯಪ್ ಪರಿಚಯಿಸಲು ಮುಂದಾಗಿದ್ದು, ಹೊಸ ಆ್ಯಪ್ನಿಂದ ಆಸ್ತಿ ಮಾಲೀಕರಿಗೆ ಅರ್ಜಿ ಪ್ರಕ್ರಿಯೆ ಜೊತೆಗೆ ಇ ಖಾತಾ ಕುರಿತ ಮಾಹಿತಿಗಳನ್ನು ಪಡೆಯಲು ಸುಲಭವಾಗಲಿದೆ ಎಂಬುದು ಜಿಬಿಎ ಲೆಕ್ಕಾಚಾರ.
ಇ ಖಾತಾ ನೋಂದಣಿಯಲ್ಲಿರುವ ಸರ್ವರ್ ಸಮಸ್ಯೆ, ಅರ್ಜಿ ನೋಂದಣಿಯ ವಿಳಂಬದ ಸಮಸ್ಯೆ ಬಗೆಹರಿಸದ ಜಿಬಿಎ ಇದೀಗ ಆ್ಯಪ್ ಪರಿಚಯಿಸಲು ಹೊರಟಿರುವುದು ಹಾಸ್ಯಾಸ್ಪದ ಎನ್ನುತ್ತಿದ್ದಾರೆ ಬೆಂಗಳೂರಿನ ಆಸ್ತಿ ಮಾಲೀಕರು.
ಬೆಂಗಳೂರಿನಲ್ಲಿ ಇ-ಖಾತಾ ಅರ್ಜಿಗಳನ್ನು ಅಧಿಕೃತ ವೆಬ್ಸೈಟ್, ಬೆಂಗಳೂರು ಒನ್ ಕೇಂದ್ರಗಳು ಮತ್ತು ಸೈಬರ್ ಕೇಂದ್ರಗಳ ಮೂಲಕ ನಿರ್ವಹಿಸಲಾಗುತ್ತಿತ್ತು, ಈ ಹೊಸ ಅಪ್ಲಿಕೇಶನ್ನೊಂದಿಗೆ,
ಆಸ್ತಿ ಮಾಲೀಕರು ಇನ್ಮುಂದೆ ತಮ್ಮ ಸ್ಮಾರ್ಟ್ಫೋನ್ಗಳಿಂದ ನೇರವಾಗಿ ಅರ್ಜಿಗಳನ್ನು ಸಲ್ಲಿಸಲು ಸಾಧ್ಯವಾಗಲಿದೆ ಎಂದು ಗ್ರೇಟರ್ ಬೆಂಗಳೂರು ಅಭಿವೃದ್ಧಿ ಪ್ರಾಧಿಕಾರ ತಿಳಿಸಿದೆ.
ಇದನ್ನು ಓದಿ: ರಾಜ್ಯದಲ್ಲಿ ತಾಯಿ- ನವಜಾತ ಶಿಶುಗಳ ಸಾವಿನ ಪ್ರಮಾಣ ತಗ್ಗಿಸಲು ಸರ್ಕಾರದ ಹೊಸ ಹೆಜ್ಜೆ
ಈ ಹೊಸ ಅಪ್ಲಿಕೇಶನ್ ಎಷ್ಟರಮಟ್ಟಿಗೆ ಯಶಸ್ವಿಯಾಗಲಿದೆ ಎಂಬುದನ್ನು ಕಾದುನೋಡಬೇಕಿದೆ.
