Bengaluru : 2023ರ ಕರ್ನಾಟಕ ರಾಜ್ಯ ವಿಧಾನಸಭೆ ಚುನಾವಣೆ (Karnataka State Assembly Elections) ರಂಗೇರುತ್ತಿದ್ದು, ಮೂರು ರಾಜಕೀಯ ಪಕ್ಷಗಳು ಎಡೆಬಿಡದೆ ಸ್ಪರ್ಧಿಸುತ್ತಿವೆ. ಭಾರತೀಯ ಜನತಾ ಪಕ್ಷವೂ (Bharatiya Janata Party) ಇದೀಗ ಅಖಾಡದಲ್ಲಿ ಭಾರೀ ಪ್ರಚಾರದ ಆಟವಾಡುತ್ತಿದೆ.

ಏಪ್ರಿಲ್ 29 ರಿಂದ ರಾಜ್ಯದಲ್ಲಿ ಸರಣಿ ಸಭೆಗಳು ಮತ್ತು ರೋಡ್‌ಶೋಗಳ ಮೂಲಕ ಪ್ರಧಾನಿ ನರೇಂದ್ರ ಮೋದಿ (Prime Minister Narendra Modi) ಕೊನೆಯ ಕ್ಷಣದಲ್ಲಿ ಆಟವನ್ನು ಬದಲಾಯಿಸಲು ಸಿದ್ಧರಾಗಿದ್ದಾರೆ. ನಿನ್ನೆ (ಮೇ 4) ರಾಜ್ಯದಲ್ಲಿ ಚುನಾವಣಾ ಪ್ರಚಾರಕ್ಕೆ ವಿರಾಮ ನೀಡಿದ್ದ ಪ್ರಧಾನಿ ನರೇಂದ್ರ ಮೋದಿ ಇಂದು (ಮೇ 5) ಮತಗಟ್ಟೆಗಳಿಗೆ ಮರಳಲಿದ್ದಾರೆ. ತಮಕೂರು,ಬಳ್ಳಾರಿ ಭೇಟಿ ಬಳಿಕ ಪ್ರಧಾನಿ ನರೇಂದ್ರ ಮೋದಿ ಇಂದು ಸಂಜೆ ಬೆಂಗಳೂರಿಗೆ ಆಗಮಿಸಲಿದ್ದಾರೆ.

ವಿದ್ಯಾರ್ಥಿಗಳಿಗೆ ನೀಟ್ ಪರೀಕ್ಷೆ (NEET Exam) ಇರುವ ಹಿನ್ನೆಲೆಯಲ್ಲಿ ಈ ರೋಡ್ ಶೋ (Road show) ನ ಸಮಯಗಳು ಬದಲಾಗಿವೆ. ಬೆಂಗಳೂರು ನಗರದಲ್ಲಿ ದಿನನಿತ್ಯವು ಅತಿಯಾದ ಟ್ರಾಫಿಕ್ ಕಿರಿಕಿರಿಯಿಂದ ಸಂಚಾರಿಸುವುದೇ ಕಷ್ಟವಾಗಿದೆ. ಹಾಗಾಗಿ ಬೆಂಗಳೂರು ನಗರ ಸಂಚಾರಿ ಪೊಲೀಸರು ಸೂಚಿಸಿರುವ ರಸ್ತೆಗಳ ಬದಲಿಗೆ ವಾಹನ ಸವಾರರು ಬದಲಿ ರಸ್ತೆಗಳನ್ನು ಉಪಯೋಗಿಸಬೇಕಾಗುತ್ತದೆ.

ಇದನ್ನೂ ಓದಿ : https://vijayatimes.com/state-assembly-election-2023/

ವಾಹನ ಸವಾರರ ಗಮನಕ್ಕೆ : ಮೋದಿ ಇಂದು ರಾತ್ರಿ ಬೆಂಗಳೂರಿಗೆ ತೆರಳುತ್ತಿದ್ದು, ಹಲವು ರಸ್ತೆಗಳನ್ನು ನಿರ್ಬಂಧಿಸಲಾಗಿದೆ . ಮೇ 7-ರಂದು ನಡೆಯುವ ರೋಡ್ ಶೋಗಾಗಿ ಮೋದಿ ಇಂದು ರಾತ್ರಿ ಬೆಂಗಳೂರಿಗೆ ಆಗಮಿಸಲಿದ್ದಾರೆ. ಆದ್ದರಿಂದ ಇಂದು ಸಂಜೆ 5.30 ರಿಂದ 7 ಗಂಟೆಯವರೆಗೆ ವಾಹನ ಸವಾರರು ಈ ಕೆಳಗಿನ ರಸ್ತೆಗಳ ಬದಲು ಬೇರೆ ಮಾರ್ಗಗಳನ್ನು ಬಳಸಬೇಕೆಂದು ಬೆಂಗಳೂರು ನಗರ ಸಂಚಾರಿ ಪೊಲೀಸರು ವಾಹನ ಸವಾರರಿಗೆ ಮನವಿ ಮಾಡಿದ್ದಾರೆ.

ಇಂದು ಯಾವೆಲ್ಲ ರಸ್ತೆಗಳು ನಿರ್ಬಂಧ?

ಹಳೆ ವಿಮಾನ ನಿಲ್ದಾಣ ರಸ್ತೆ (Old Airport Road)
ಕೇಂಬ್ರಡ್ಜ್ ಲೇಔಟ್ ರಸ್ತೆ
ಇಂದಿರಾ ನಗರ 100 ಅಡಿ ರಸ್ತೆ
ಅರಳಿ ಕಟ್ಟೆ
ಎ.ಎಸ್.ಸಿ ಸೆಂಟರ್
ಟ್ರಿನಿಟಿ ವೃತ್ತ
ರಾಜಭವನ ರಸ್ತೆ​
ಎಂಜಿ ರಸ್ತೆ (MG Road)

ಇದನ್ನೂ ಓದಿ : https://vijayatimes.com/kempegowda-international-airport-bengaluru/

ಡಿಕನ್​ಸನ್​ ರಸ್ತೆ
ಮಣಿಪಾಲ್ ಸೆಂಟರ್
ಕಬ್ಬನ್ ರಸ್ತೆ
ಬಿಆರ್​ವಿ ಜಂಕ್ಷನ್ (BRV Junction)
ಸಿಟಿಓ ಜಂಕ್ಷನ್
ಇನ್​ಫೆಂಟ್ರಿ ರಸ್ತೆ

ಮೇಲೆ ಸೂಚಿಸಿರುವ ಎಲ್ಲಾ ರಸ್ತೆಗಳಲ್ಲಿ ವಾಹನ ಸಂಚಾರಕ್ಕೆ ಇಂದು ನಿರ್ಬಂದಿಸಲಾಗಿದ್ದು, ಸಾರ್ವಜನಿಕರು ಸಹಕರಿಸಬೇಕೆಂದು ಟ್ರಾಫಿಕ್ ಪೊಲೀಸರು ಮನವಿ ಮಾಡಿದ್ದಾರೆ.

• ರಶ್ಮಿತಾ ಅನೀಶ್