Health : ರಕ್ತ ಶುದ್ಧಿ, ಆರೋಗ್ಯ ವೃದ್ಧಿಗೆ ಸಂಜೀವಿನಿ ಆರೋಗ್ಯದ ವಿಚಾರದಲ್ಲಿ ನುಗ್ಗೆಕಾಯಿಯ ಮಹತ್ವ ಎಲ್ಲರಿಗೂ ತಿಳಿದಿದೆ. ಆದರೆ ನುಗ್ಗೆಕಾಯಿ ಅಷ್ಟೇ ಅಲ್ಲ ನುಗ್ಗೆ ಸೊಪ್ಪು (moringa leaves health benefits) ಕೂಡ ಆರೋಗ್ಯ ವಿಚಾರದಲ್ಲಿ ಸಂಜೀವಿನಿ.
ಅಂತಹ ನುಗ್ಗೆ ಸೊಪ್ಪಿನ ಮಹತ್ವವನ್ನು ತಿಳಿಯೋಣ ಬನ್ನಿ. ನುಗ್ಗೆ ಸೊಪ್ಪಿನ ಸಾರು ಪಲ್ಯ ಯಾವ ರೀತಿ ಬೇಕಾದರೂ ಇದನ್ನು ಸೇವಿಸಬಹುದು
ಈ ನುಗ್ಗೆ ಸೊಪ್ಪಿನ ಸತತ ಬಳಕೆಯಿಂದ ಮೂಳೆಗೆ ಸಂಬಂಧಪಟ್ಟ ಸಮಸ್ಯೆಗಳು ಸರಿ ಹೋಗುತ್ತವೆ.
ಅಲ್ಲದೆ ತಾಜಾ ನುಗ್ಗೆ ಸೊಪ್ಪನ್ನು ರುಬ್ಬಿ ರಸವನ್ನು ತೆಗೆದು ಸೇವಿಸುವುದು ಕೂಡ ಬಹಳ ಉತ್ತಮ, ಪೋಷಕಾಂಶಗಳು (nutrient) ಹೇರಳವಾಗಿದ್ದು ದಿನನಿತ್ಯದ ಬಳಕೆಯಿಂದ ನಮ್ಮ ಆರೋಗ್ಯ ಉತ್ತಮ ಸ್ಥಿತಿಗೆ ತಲುಪುತ್ತದೆ.
ಸೊಪ್ಪು ಬೇಯಿಸಿ ತೆಗೆದ ನುಗ್ಗೆ ಸೊಪ್ಪಿನ ರಸಕ್ಕೆ ಹಾಲು ಸಕ್ಕರೆ ಬೆರೆಸಿ ಮಕ್ಕಳಿಗೆ ಕುಡಿಸುವುದರಿಂದ ರಕ್ತ ಶುದ್ದಿಯಾಗಿ ಆರೋಗ್ಯ ವೃದ್ಧಿಸುತ್ತದೆ ಉತ್ತಮ ಪೋಷಕಾಂಶಗಳಿಂದ ಕೂಡಿರುವ ದಿವ್ಯಔಷಧ.
ನುಗ್ಗೆ ಸೊಪ್ಪಿನಲ್ಲಿ ಪ್ರೊಟೀನ್, ಕ್ಯಾಲ್ಸಿಯಂ, ಅಮೈನೋ ಆಮ್ಲಗಳು, ಕಬ್ಬಿಣದ ಅಂಶ, ವಿಟಮಿನ್ ಸಿ ಎ (Vitamin C,A) ಮತ್ತು ಮಿನರಲ್ ಗಳಿಗೆ ಆಂಟಿಫಂಗಲ್,
ಆಂಟಿ ವೈರಸ್, ಆಂಟಿಡಿಪ್ರೆಸೆಂಟ್ ಅಂಡ್ ಇನ್ಫೋಮೇಟರಿ ಅಂಶಗಳನ್ನು ಹೊಂದಿರುವ ನುಗ್ಗೆ ಸೊಪ್ಪು ಔಷಧೀಯ ಗುಣಗಳ ಆಗರ,
ನುಗ್ಗೆಮರದ ಪ್ರತಿಯೊಂದು ಭಾಗವು ಆರೋಗ್ಯಕ್ಕೆ ಉಪಯೋಗವಾಗುವ ಅಂಶಗಳನ್ನು ಹೊಂದಿದೆ.
ಇದನ್ನೂ ಓದಿ : https://vijayatimes.com/udupi-assembly-election/
ಇಂತಹ ನುಗ್ಗೆ ಸೊಪ್ಪಿನ ಮೂಲ ಏಷ್ಯಾ ಖಂಡ,ಆದ್ರೂ ಅದರ ನಿಜವಾದ ಮೂಲಸ್ಥಾನ ಭಾರತದ ಆಗ್ರಾ ಮತ್ತು ತಮಿಳುನಾಡು ಎಂದು ಗುರುತಿಸಲಾಗಿದೆ.
ಬಹಳ ಪ್ರಾಚೀನ ಕಾಲದಿಂದಲೂ ಇದರ ವಿಶೇಷ ಔಷಧೀಯ ಗುಣಗಳಿಂದ ಪ್ರತಿಯೊಬ್ಬರ ಮೆಚ್ಚುಗೆ ಗಳಿಸಿದೆ.
ಆಯುರ್ವೇದ ವೈದ್ಯಕೀಯ ಕ್ಷೇತ್ರದಲ್ಲಿ ತನ್ನದೇ ಆದ ಅಗ್ರಸ್ಥಾನ ಪಡೆದಿದೆ. ವೈಜ್ಞಾನಿಕ ಭಾಷೆಯಲ್ಲಿ ಇದನ್ನು ಮೋರಿಂಗ ಬಲಿಫೇರ (Moringa balifera) ಗಿಡ ಎಂದು ಗುರುತಿಸಲಾಗಿದೆ.
2008ರಲ್ಲಿ ಅಮೇರಿಕದ ಆರೋಗ್ಯ ಸಂಸ್ಥೆಯಾದ ನ್ಯಾಷನಲ್ ಇನ್ಸ್ಟಿಟ್ಯೂಟ್ ಆಫ್ ಹೆಲ್ತ್ ಅಥವಾ NIH ಎಂಬ ಸಂಸ್ಥೆಯು ನುಗ್ಗೆ ಸೊಪ್ಪನ್ನು ವಿಶೇಷ ಗುಣ ಹೊಂದಿರುವ ಸೊಪ್ಪೆಂದು ಪರಿಗಣಿಸಿದೆ.
ಇದನ್ನೂ ಓದಿ : https://vijayatimes.com/udupi-assembly-constituency/
ಪ್ರಾಚೀನ ಈಜಿಫ್ಟಿನಲ್ಲಿ ನಾಲ್ಕು ಸಾವಿರ ವರ್ಷಗಳ ಹಿಂದೆಯೇ ನುಗ್ಗೇಸೊಪ್ಪನ್ನು ಅವರ ಔಷಧೀಯ ಪದ್ಧತಿಗಳಿಗೆ ಉಪಯೋಗಿಸಿ ಅದರಿಂದ ಆಗಿದ್ದ ಒಳ್ಳೆಯ ಪರಿಣಾಮಗಳನ್ನು ಗಮನಿಸಿ ಅವರ ಭಾಷೆಯಲ್ಲಿ ನುಗ್ಗೆಮರಕ್ಕೆ ಶಾಗಾರ ಅಲ್ ಕೌವಾಕ್ ಅಂದರೆ ಶುದ್ಧ ಸಸ್ಯ ಅಥವಾ ದೈವಿಕ ಸಸ್ಯ ಎಂಬ ಹೆಸರನ್ನಿಟ್ಟು ಕರೆಯುತ್ತಿದ್ದರು.
ಈಗಲೂ ಕೂಡ ಆಫ್ರಿಕಾ ದೇಶದಲ್ಲಿನ ಹಲವಾರು ಬುಡಕಟ್ಟು ಪ್ರದೇಶಗಳಲ್ಲಿನ ಜನರು ಬರಗಾಲದ ದಿನಗಳಲ್ಲಿ ಕೇವಲ ನುಗ್ಗೇಸೊಪ್ಪನ್ನೇ ತಿಂದು ಜೀವಿಸುತ್ತಾರೆ.
ಈ ನುಗ್ಗೆ ಸೊಪ್ಪನ್ನು ಸೇವಿಸುವುದರಿಂದ ಆಗುವ ಪ್ರಯೋಜನ :
- ನುಗ್ಗೆ ಸೊಪ್ಪಿನಲ್ಲಿ ಪೌಷ್ಟಿಕಾಂಶ (nutrition) ಬಹಳ ಸಮೃದ್ಧವಾಗಿದ್ದು ಅವುಗಳನ್ನು ಯಾವ ರೂಪದಲ್ಲಿ ಸೇವಿಸಿದರೂ ಅಡ್ಡ ಪರಿಣಾಮಗಳನ್ನು ಬೀರುವುದಿಲ್ಲ.
- ಮಧುಮೇಹದಂತ (diabetes) ಕಾಯಿಲೆಗೆ ರಾಮಬಾಣ. ಇದು ರಕ್ತದೊತ್ತಡವನ್ನು ಕಡಿಮೆ ಮಾಡಿ ನಿಮ್ಮನ್ನು ಆರೋಗ್ಯ ವೃದ್ಧಿಸುತ್ತೆ.
- ನುಗ್ಗೆ ಸೊಪ್ಪಿನ ರಸವನ್ನು ದಿನನಿತ್ಯ ಸೇವಿಸುವುದರಿಂದ ದೇಹದ ತೂಕವನ್ನು ನಿಯಂತ್ರಣ ಮಾಡುತ್ತದೆ.
- ಇಂದು ಬಹಳಷ್ಟು ಮಂದಿ ಹೃದಯ ಸಂಬಂಧಿತ ಕಾಯಿಲೆಗಳಿಗೆ ತುತ್ತಾಗುತ್ತಿದ್ದಾರೆ.ಅಂತಹ ಪರಿಸ್ಥಿತಿಯಲ್ಲಿ ನುಗ್ಗೆ ಸೊಪ್ಪನ್ನು ಸೇವಿಸುವುದು ಪ್ರಯೋಜನಕಾರಿ. ಹೃದಯಘಾತದಂತಹ ಅಪಾಯಗಳಿಂದ ರಕ್ಷಣೆಪಡಬಹುದು.
- ಅಜೀರ್ಣ ಸಮಸ್ಯೆಯಿಂದ (Indigestion problem) ಬಳಲುತ್ತಿರುವವರು ಕೂಡ ನುಗ್ಗೆ ಸೊಪ್ಪನ್ನು ಸೇವಿಸಬಹುದು.
- ಮಾನವನ ದೇಹದಲ್ಲಿನ ಮೂತ್ರಕೋಶಗಳನ್ನು ಆರೋಗ್ಯಕರವಾಗಿಡುವಲ್ಲಿ ನುಗ್ಗೆ ಸೊಪ್ಪಿನ ಪಾತ್ರ ಮಹತ್ತರವಾಗಿದೆ.
- ನುಗ್ಗೆ ಸೊಪ್ಪಿನಲ್ಲಿ ಕ್ಯಾಲ್ಸಿಯಂ (Calcium) ಮತ್ತು ರಂಜಕ ಸಮೃದ್ಧವಾಗಿರುವುದರಿಂದ ಸಂಧಿವಾತವನ್ನು ಎದುರಿಸಲು ಸಹಾಯಮಾಡುತ್ತದೆ.ಮತ್ತು ಹಾನಿಗೊಳಗಾದ ಮೂಳೆಗಳನ್ನು ಸಹ ಸರಿಪಡಿಸುತ್ತದೆ.
- ಕಣ್ಣಿನ ದೃಷ್ಟಿ ಸರಿ ಹೋಗಲು ಹಾಗು ಕಣ್ಣಿನ ದೃಷ್ಟಿಗೆ ಯಾವುದೇ ರೀತಿಯಾದಂತಹ ತೊಂದರೆಗಳು ಬರದೇ ಸದಾ ಕಾಲ ಚೆನ್ನಾಗಿರಲು ನುಗ್ಗೆ ಸೊಪ್ಪನ್ನು ಸೇವಿಸಬೇಕು.
ಇಂತಹ ದೈವದತ್ತವಾದ ನುಗ್ಗೆ ಸೊಪ್ಪನ್ನು ಪ್ರತಿಯೊಬ್ಬರು ಬಳೆಸಿ ತಮ್ಮ ತಮ್ಮ ಆರೋಗ್ಯಗಳನ್ನು ಕಾಪಾಡಿಕೊಳ್ಳಬಹುದು.
- ಯಶಸ್ವಿನಿಗೌಡ ಆರ್
