Washington: ಯುಎಸ್ ನೌಕಾಪಡೆಯ ಮಿಲಿಟರಿ ವಿಮಾನವು ಜೋರು ಮಳೆ ಬರುತ್ತಿದ್ದ ಸಮಯದಲ್ಲಿ ಸಮುದ್ರಕ್ಕೆ ಪತನಗೊಂಡಿದ್ದು, ಸೋಮವಾರದಂದು ವಿಮಾನವು ರನ್‌ವೇಯಿಂದ ಸ್ಕಿಡ್ ಆಗಿ ಕನೋಹೆ ಕೊಲ್ಲಿಯಲ್ಲಿ ಬಿದ್ದಿದೆ. ಹೊನೊಲುಲುವಿನಿಂದ 10 ಮೈಲಿ ದೂರದಲ್ಲಿರುವ ಯುಎಸ್ ಮೆರೈನ್ ಬೇಸ್‌ನಲ್ಲಿ (Marine Base) ಈ ಘಟನೆ ಸಂಭವಿಸಿದೆ. ವಿಮಾನದಲ್ಲಿ ಒಂಬತ್ತು ಸಿಬ್ಬಂದಿಗಳಿದ್ದು, ಯಾರಿಗೂ ಅಪಾಯವಾಗಿಲ್ಲ. ಅವರನ್ನು ದೋಣಿಯ ಮೂಲಕ ದಡಕ್ಕೆ ರಕ್ಷಿಸಲಾಗಿದೆ.

ಈ ವಿಮಾನವು ಲ್ಯಾಂಡಿಂಗ್ (Landing) ತಪ್ಪಿ ಸಮುದ್ರಕ್ಕೆ ಬಿದ್ದಿದ್ದು, ಇದು ಯುಎಸ್​​ ನೌಕಾಪಡೆಯ P-8A ವಿಮಾನವಾಗಿದೆ. ಅಪಘಾತದ ವೇಳೆ ಧಾರಾಕಾರ ಮಳೆ ಸುರಿಯುತ್ತಿದ್ದು, ವಿಮಾನವು ಕನೋಹೆ ಕೊಲ್ಲಿಯಲ್ಲಿ ತೇಲುತ್ತಿರುವುದನ್ನು ರಿವೀಲ್ ಆಗಿರುವ ವಿಡಿಯೋಗಳಲ್ಲಿ ತೋರಿಸಲಾಗಿದೆ.

ರಕ್ಷಕರು ಸಹಾಯಕ್ಕೆ ಧಾವಿಸುತ್ತಿದ್ದು, “ಹಡಗಿನಲ್ಲಿದ್ದ ಪ್ರತಿಯೊಬ್ಬರನ್ನು ರಕ್ಷಿಸಲಾಗಿದೆ” ಎಂದು ಕೋಸ್ಟ್ ಗಾರ್ಡ್ (Coast Guard) ವಕ್ತಾರ ರಯಾನ್ ಫಿಶರ್ ಹೇಳಿದ್ದಾರೆ.

ನೌಕಾಪಡೆಯ ವಿಮಾನ P-8A
ಯುಎಸ್ ನೌಕಾಪಡೆಯ P-8A ವಿಮಾನವನ್ನು ಗುಪ್ತಚರ ಮಾಹಿತಿಯನ್ನು ಸಂಗ್ರಹಿಸಲು ಬಳಸಲಾಗುತ್ತದೆ. P-8A ಅನ್ನು ಬೋಯಿಂಗ್‌ನಿಂದ (Boeing) ತಯಾರಿಸಲಾಗುತ್ತದೆ. ಗುಪ್ತಚರ ಮಾಹಿತಿಗಾಗಿ ಕನೋಹೆ ನೇವಲ್​​​ ಬೇಸ್​​​ನಲ್ಲಿ P-8A ವಿಮಾನವನ್ನು ನಿಯೋಜಿಸಲಾಗಿದ್ದು, ಈ ಅವಘಡಲ್ಲಿ ವಿಮಾನದ ಮುಂಭಾಗಕ್ಕೂ ಹಾನಿಯಾಗಿದೆ ಎನ್ನಲಾಗಿದೆ.

ಭವ್ಯಶ್ರೀ ಆರ್ ಜೆ