ಯುಪಿಐ, ಪ್ಯಾನ್, ಎಲ್‌ಪಿಜಿ; ಇಂದಿನಿಂದ (New financial rules from June ) ಎಲ್ಲವೂ ಹೊಸ ನಿಯಮ

ಮುಂಗಡ ತೆರಿಗೆ ಪಾವತಿಯಿಂದ ಯುಪಿಐ ಭದ್ರತೆಯವರೆಗೆ ಹಲವು ಹೊಸ ನಿಯಮಗಳು ಜಾರಿಗೆ

ಉದ್ಯೋಗಿಗಳು, ಗೃಹ ಬಳಕೆದಾರರು ಮತ್ತು ಹೂಡಿಕೆದಾರರಿಗೆ ಉತ್ತಮವೆನಿಸಿದ ಹೊಸ ನಿಯಮಗಳು

ಜೂನ್ ತಿಂಗಳ ಆರಂಭದೊಂದಿಗೆ ದೇಶದ ಹಣಕಾಸು ವ್ಯವಸ್ಥೆಯಲ್ಲಿ (New financial rules from June) ಹಲವು ಮಹತ್ವದ ಬದಲಾವಣೆಗಳು ಜಾರಿಗೆ ಬಂದಿವೆ.

ಈ ಹೊಸ ನಿಯಮಗಳು ಸಾಮಾನ್ಯ ನಾಗರಿಕರು, ಉದ್ಯೋಗಿಗಳು, ತೆರಿಗೆದಾರರು ಹಾಗೂ ಹೂಡಿಕೆದಾರರ ಮೇಲೆ ನೇರ ಪರಿಣಾಮ ಬೀರುವ ಸಾಧ್ಯತೆಯಿದೆ.

ಆದಾಯ ತೆರಿಗೆ ಪಾವತಿ ವಿಧಾನದಿಂದ ಹಿಡಿದು ಯುಪಿಐ ವಹಿವಾಟಿನ ಭದ್ರತೆ, ಎಲ್‌ಪಿಜಿ ಸಂಪರ್ಕ ನಿಯಮಗಳು ಹಾಗೂ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿದರಗಳವರೆಗೆ ಹಲವು ಕ್ಷೇತ್ರಗಳಲ್ಲಿ ಬದಲಾವಣೆಗಳನ್ನು ಸರ್ಕಾರ ಜಾರಿಗೊಳಿಸಿದೆ.

ಆರ್ಥಿಕ ವ್ಯವಹಾರಗಳನ್ನು ಸುಗಮವಾಗಿ ನಿರ್ವಹಿಸಲು (New financial rules from June) ಈ ನಿಯಮಗಳ ಬಗ್ಗೆ ಅರಿವು ಹೊಂದಿರುವುದು ಅಗತ್ಯವಾಗಿದೆ.

ಹೊಸ ಹಣಕಾಸು ವರ್ಷದ ಮೊದಲ ಮುಂಗಡ ತೆರಿಗೆ (Advance Tax) ಕಂತು ಪಾವತಿಸಲು ಜೂನ್ 15 ಕೊನೆಯ ದಿನಾಂಕವಾಗಿದೆ.

ವಾರ್ಷಿಕ ತೆರಿಗೆ ಬಾಧ್ಯತೆ ₹10,000 ಕ್ಕಿಂತ ಹೆಚ್ಚಿರುವವರು ತಮ್ಮ ಅಂದಾಜು ತೆರಿಗೆಯ ಶೇ.15 ರಷ್ಟು ಮೊತ್ತವನ್ನು ಈ ಗಡುವಿನೊಳಗೆ ಪಾವತಿಸಬೇಕು. ನಿಗದಿತ ದಿನಾಂಕದೊಳಗೆ

ತೆರಿಗೆ ಪಾವತಿಸದಿದ್ದರೆ ಬಡ್ಡಿ ಹಾಗೂ ದಂಡ ವಿಧಿಸುವ ಸಾಧ್ಯತೆ ಇದೆ. ಆದ್ದರಿಂದ ತೆರಿಗೆದಾರರು ಮುಂಚಿತವಾಗಿ ತಮ್ಮ ಹಣಕಾಸು ಯೋಜನೆ ರೂಪಿಸಿಕೊಳ್ಳುವುದು ಸೂಕ್ತ.

ಇದೇ ವೇಳೆ ಹೊಸ ಆದಾಯ ತೆರಿಗೆ ನಿಯಮಗಳ ಅಡಿಯಲ್ಲಿ ಹಲವು ವಿನಾಯಿತಿಗಳು ಹಾಗೂ ಅನುಕೂಲತೆಗಳೂ ಜಾರಿಯಾಗಿವೆ.

ಉದ್ಯೋಗಿಗಳಿಗೆ ಈ ಬಾರಿ ಕೆಲವು ಮಹತ್ವದ ತೆರಿಗೆ ಸೌಲಭ್ಯಗಳು ದೊರಕಿವೆ. ವಿಶೇಷವಾಗಿ ಹಳೆಯ ತೆರಿಗೆ ವ್ಯವಸ್ಥೆಯನ್ನು ಆಯ್ಕೆ ಮಾಡಿಕೊಂಡಿರುವ ನೌಕರರಿಗೆ ಮಕ್ಕಳ ಶಿಕ್ಷಣ ಭತ್ಯೆ ಮತ್ತು ಹಾಸ್ಟೆಲ್ ಭತ್ಯೆಯ ವಿನಾಯಿತಿ ಮಿತಿಯನ್ನು ಗಮನಾರ್ಹವಾಗಿ ಹೆಚ್ಚಿಸಲಾಗಿದೆ.

ಇದಲ್ಲದೆ ಬೆಂಗಳೂರು ಸೇರಿದಂತೆ ಕೆಲವು ಪ್ರಮುಖ ನಗರಗಳನ್ನು ಹೆಚ್ಚಿನ ಮನೆ ಬಾಡಿಗೆ ಭತ್ಯೆ (HRA) ವಿನಾಯಿತಿಯ ವರ್ಗಕ್ಕೆ ಸೇರಿಸಿರುವುದರಿಂದ ಸಾವಿರಾರು ಉದ್ಯೋಗಿಗಳಿಗೆ ತೆರಿಗೆ

ಉಳಿತಾಯದ ಅವಕಾಶ ಸಿಗಲಿದೆ. ನಗರ ಪ್ರದೇಶಗಳಲ್ಲಿ ವಾಸಿಸುವ ಉದ್ಯೋಗಿಗಳ ಆರ್ಥಿಕ ಭಾರವನ್ನು ಕಡಿಮೆ ಮಾಡುವ ಉದ್ದೇಶದಿಂದ ಈ ಕ್ರಮಗಳನ್ನು ಜಾರಿಗೊಳಿಸಲಾಗಿದೆ.

ಡಿಜಿಟಲ್ ಪಾವತಿಗಳ ಭದ್ರತೆಯನ್ನು ಹೆಚ್ಚಿಸಲು ಯುಪಿಐ (UPI) ವಹಿವಾಟುಗಳಲ್ಲೂ ಹೊಸ ನಿಯಮ ಜಾರಿಯಾಗಿದೆ. ಇನ್ನು ಮುಂದೆ ಕ್ಯೂಆರ್ ಕೋಡ್ ಸ್ಕ್ಯಾನ್ (QR Code Scan)

ಮಾಡುವಾಗ ಅಥವಾ ಮೊಬೈಲ್ ಸಂಖ್ಯೆಯ ಮೂಲಕ ಹಣ ವರ್ಗಾವಣೆ ಮಾಡುವಾಗ, ಬ್ಯಾಂಕ್ ಖಾತೆಯಲ್ಲಿ ನೋಂದಾಯಿತ ನಿಜವಾದ ಹೆಸರೇ ಬಳಕೆದಾರರಿಗೆ ಗೋಚರಿಸುತ್ತದೆ.

ಇದರಿಂದ ನಕಲಿ ಹೆಸರುಗಳನ್ನು ಬಳಸಿ ನಡೆಯುತ್ತಿದ್ದ ಸೈಬರ್ ವಂಚನೆಗಳಿಗೆ ತಡೆ ಬೀಳುವ ನಿರೀಕ್ಷೆ ಇದೆ. ಮತ್ತೊಂದೆಡೆ, ಪೈಪ್ಡ್ ನ್ಯಾಚುರಲ್ ಗ್ಯಾಸ್ (PNG) ಸಂಪರ್ಕ

ಹೊಂದಿರುವ ಮನೆಗಳಿಗೆ ಎಲ್‌ಪಿಜಿ ಸಂಪರ್ಕದ ಕುರಿತೂ ಹೊಸ ಮಾರ್ಗಸೂಚಿ ಜಾರಿಯಾಗಿದ್ದು, ಇಂಧನ ಬಳಕೆಯಲ್ಲಿ ಸಮರ್ಪಕ ನಿರ್ವಹಣೆಗೆ ಸರ್ಕಾರ ಒತ್ತು ನೀಡಿದೆ.

ಇದರ ಜೊತೆಗೆ ಆಸ್ತಿ ವಹಿವಾಟುಗಳಿಗೆ ಸಂಬಂಧಿಸಿದ ಪ್ಯಾನ್ ಕಾರ್ಡ್ (Pan Card) ನಿಯಮಗಳನ್ನು ಕಟ್ಟುನಿಟ್ಟಾಗಿಸಲಾಗಿದೆ. ಹೆಚ್ಚಿನ ಮೊತ್ತದ ಆಸ್ತಿ ಖರೀದಿ ಹಾಗೂ

ಕೆಲವು ವಿಶೇಷ ವಹಿವಾಟುಗಳಿಗೆ ಪ್ಯಾನ್ ಕಡ್ಡಾಯವಾಗಿದ್ದು, ದೊಡ್ಡ ಪ್ರಮಾಣದ ನಗದು ವಹಿವಾಟುಗಳ ಮೇಲೂ ಆದಾಯ ತೆರಿಗೆ ಇಲಾಖೆ ನಿಗಾ ವಹಿಸಲಿದೆ.

ಸಣ್ಣ ಉಳಿತಾಯ ಯೋಜನೆಗಳಾದ ಪಿಪಿಎಫ್ ಮತ್ತು ಸುಕನ್ಯಾ ಸಮೃದ್ಧಿ ಯೋಜನೆಗಳ ಬಡ್ಡಿದರಗಳನ್ನು ಯಥಾಸ್ಥಿತಿಯಲ್ಲಿ ಮುಂದುವರಿಸಲಾಗಿದ್ದು, ಹೂಡಿಕೆದಾರರಿಗೆ ಸ್ಥಿರ ಆದಾಯದ ಭರವಸೆ ನೀಡಲಾಗಿದೆ.

ಅಲ್ಲದೆ, ಸರ್ಕಾರಿ ಬೆಂಬಲಿತ ಸೋಲಾರ್ ರೂಫ್‌ಟಾಪ್ ಯೋಜನೆಗಳಲ್ಲಿ ಸರ್ಕಾರ ಅನುಮೋದಿತ ಸಾಧನಗಳ ಬಳಕೆಯನ್ನು ಕಡ್ಡಾಯಗೊಳಿಸುವ ಮೂಲಕ ದೇಶೀಯ ಉತ್ಪಾದನೆಗೆ ಉತ್ತೇಜನ ನೀಡುವ ಪ್ರಯತ್ನವೂ ನಡೆಯುತ್ತಿದೆ.

ಒಟ್ಟಾರೆ, ಜೂನ್ 1ರಿಂದ ಜಾರಿಗೆ ಬಂದ ಈ ಹೊಸ ಹಣಕಾಸು ನಿಯಮಗಳು ದೇಶದ ಆರ್ಥಿಕ ವ್ಯವಸ್ಥೆಯಲ್ಲಿ ಪಾರದರ್ಶಕತೆ, ಭದ್ರತೆ ಹಾಗೂ ಶಿಸ್ತು ಹೆಚ್ಚಿಸುವತ್ತ ಮಹತ್ವದ ಹೆಜ್ಜೆಯಾಗಿ ಪರಿಗಣಿಸಲಾಗುತ್ತಿದೆ.

ಇದನ್ನು ಓದಿ : https://vijayatimes.com/bilateral-agreement-after-trump-announcement/