• ಜೀವ ಉಳಿಸುವ ಚಿಕಿತ್ಸೆ ಲಾಭದ ಸಾಧನವಲ್ಲ: ವೆಂಟಿಲೇಟರ್ (new guidelines for private hospitals) ಶುಲ್ಕಕ್ಕೆ ಕೇಂದ್ರದ ಕಠಿಣ ನಿಯಮಗಳು
• ನ್ಯಾಯಯುತ ಬಿಲ್ಲಿಂಗ್ ಮತ್ತು ದೂರು ಪರಿಹಾರ ವ್ಯವಸ್ಥೆ ಕಡ್ಡಾಯಗೊಳಿಸಿದ ಕೇಂದ್ರ ಸರ್ಕಾರ
• ಅನಗತ್ಯ ವೆಂಟಿಲೇಷನ್ ಮತ್ತು ಅತಿರೇಕದ ಶುಲ್ಕ ನಿಯಂತ್ರಣಕ್ಕೆ 10 ಪ್ರಮುಖ ನಿಯಮಗಳು ಜಾರಿ

New delhi: ಕೇಂದ್ರ ಸರ್ಕಾರವು ಖಾಸಗಿ ಆಸ್ಪತ್ರೆಗಳಲ್ಲಿ ವೆಂಟಿಲೇಟರ್ (Ventilator) ಬಳಕೆಯ ಹೆಸರಿನಲ್ಲಿ ರೋಗಿಗಳು (new guidelines for private hospitals) ಮತ್ತು ಅವರ ಕುಟುಂಬಗಳ ಮೇಲೆ ಆಗುತ್ತಿದ್ದ ಅತಿರೇಕದ ಆರ್ಥಿಕ ಒತ್ತಡವನ್ನು ಕಡಿಮೆ ಮಾಡಲು ಹೊಸ ಮಾರ್ಗಸೂಚಿಗಳನ್ನು ಪ್ರಕಟಿಸಿದೆ.

ಗಂಭೀರ ಸ್ಥಿತಿಯಲ್ಲಿರುವ ರೋಗಿಗಳ ಜೀವ ಉಳಿಸಲು ಅವಶ್ಯಕವಾದ ವೆಂಟಿಲೇಟರ್ ಚಿಕಿತ್ಸೆ, ಕೆಲವೆಡೆ ಲಾಭದ ಮೂಲವಾಗುತ್ತಿರುವ ಕುರಿತು ವ್ಯಾಪಕ ಆಕ್ಷೇಪಗಳು ಕೇಳಿಬಂದ ಹಿನ್ನೆಲೆ ಈ ಕ್ರಮ ಕೈಗೊಳ್ಳಲಾಗಿದೆ.

ಆರೋಗ್ಯ ಸೇವೆಗಳ ನಿರ್ದೇಶನಾಲಯವು ಈ ಸಂಬಂಧ ವಿವರವಾದ (new guidelines for private hospitals) ಮಾರ್ಗಸೂಚಿಗಳನ್ನು ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ (Website) ಪ್ರಕಟಿಸಿದ್ದು, ಪಾರದರ್ಶಕತೆ, ಜವಾಬ್ದಾರಿ ಮತ್ತು ನೈತಿಕ ವೈದ್ಯಕೀಯ ಆರೈಕೆಯನ್ನು ಖಚಿತಪಡಿಸುವುದೇ ಇದರ ಪ್ರಮುಖ ಉದ್ದೇಶವಾಗಿದೆ.

ರೋಗಿಯ ಆರೋಗ್ಯಕ್ಕಿಂತ ಹಣವೇ ಮೊದಲಿಗಾಗುವ ಪರಿಸ್ಥಿತಿ ನಿರ್ಮಾಣವಾಗಬಾರದು ಎಂಬ ದೃಷ್ಟಿಕೋನದೊಂದಿಗೆ ಸರ್ಕಾರ ಈ ನಿಯಮಗಳನ್ನು ಜಾರಿಗೆ ತಂದಿದೆ.

ಹೊಸ ನಿಯಮಗಳ ಪ್ರಕಾರ, ವೆಂಟಿಲೇಟರ್ ಚಿಕಿತ್ಸೆಗೆ ಮೊದಲು ಕಡ್ಡಾಯವಾಗಿ “ಮಾಹಿತಿಯುಕ್ತ ಒಪ್ಪಿಗೆ” ಪಡೆಯಬೇಕು.

ವೈದ್ಯರು ರೋಗಿಯ ಆರೈಕೆದಾರರು ಅಥವಾ ಕಾನೂನು ಪ್ರತಿನಿಧಿಗಳಿಗೆ ಚಿಕಿತ್ಸೆ ಅವಶ್ಯಕತೆ, ನಿರೀಕ್ಷಿತ ಫಲಿತಾಂಶ, ಸಂಭಾವ್ಯ ಅಪಾಯಗಳು ಹಾಗೂ ಮಿತಿಗಳ ಬಗ್ಗೆ ಸ್ಪಷ್ಟ ಮಾಹಿತಿ ನೀಡಬೇಕು.

ಇದಲ್ಲದೆ, ವೆಂಟಿಲೇಟರ್ ಸಂಬಂಧಿತ ಐಸಿಯು ಆರೈಕೆಯ ದೈನಂದಿನ ವೆಚ್ಚವನ್ನು ಮೊದಲೇ ಬಹಿರಂಗಪಡಿಸುವುದು ಕಡ್ಡಾಯವಾಗಿದೆ.

ಇದರಿಂದ ಕುಟುಂಬಗಳು ಚಿಕಿತ್ಸೆ ವೆಚ್ಚದ ಬಗ್ಗೆ ಸ್ಪಷ್ಟ ಅರಿವು ಹೊಂದಿ ಆರ್ಥಿಕವಾಗಿ ತಯಾರಾಗಲು ಸಹಾಯವಾಗುತ್ತದೆ. ಇದುವರೆಗೆ ಅನೇಕ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಮುಗಿದ ಬಳಿಕ ಬೃಹತ್ ಬಿಲ್ ನೀಡುವ ಪದ್ಧತಿ ಇದ್ದು, ಈ ಹೊಸ ನಿಯಮಗಳು ಆ ರೀತಿಯ ಪದ್ಧತಿಯನ್ನು ಮುರಿಯಲಿವೆ.

ಮಾರ್ಗಸೂಚಿಗಳಲ್ಲಿ ಮತ್ತೊಂದು ಪ್ರಮುಖ ಅಂಶವೆಂದರೆ ಬಳಕೆ ಆಧಾರಿತ ಬಿಲ್ಲಿಂಗ್ ವ್ಯವಸ್ಥೆ. ರೋಗಿ ನಿಜವಾಗಿಯೂ ವೆಂಟಿಲೇಟರ್ ಬೆಂಬಲದಲ್ಲಿರುವ ಅವಧಿಗೆ ಮಾತ್ರ ಶುಲ್ಕ ವಿಧಿಸಬೇಕು ಎಂದು ಸ್ಪಷ್ಟವಾಗಿ ಸೂಚಿಸಲಾಗಿದೆ.

ವೆಂಟಿಲೇಟರ್ ಉಪಕರಣಗಳು ನಿಷ್ಕ್ರಿಯವಾಗಿರುವ ಸಮಯಕ್ಕೆ ಅಥವಾ ರೋಗಿ ವೆಂಟಿಲೇಟರ್ ಮೇಲೆ ಇಲ್ಲದಿದ್ದಾಗ ಬಿಲ್ ಮಾಡುವಂತಿಲ್ಲ.

ಜೊತೆಗೆ, ಸರ್ಕ್ಯೂಟ್‌, ಫಿಲ್ಟರ್‌ಗಳಂತಹ ವೆಂಟಿಲೇಟರ್ ಸಂಬಂಧಿತ ಉಪಕರಣಗಳ ಬೆಲೆಗೂ ಮಿತಿ ವಿಧಿಸಲಾಗಿದೆ. ಆಸ್ಪತ್ರೆಗಳು ತಮ್ಮ ಬಿಲ್ಲಿಂಗ್ ಡೆಸ್ಕ್‌ (Billing desk) , ಐಸಿಯು ಕಾಯುವ ಸ್ಥಳಗಳು ಮತ್ತು ವೆಬ್‌ಸೈಟ್‌ನಲ್ಲಿ ವೆಂಟಿಲೇಟರ್ ಸೇವೆಗಳ ಸಂಪೂರ್ಣ ಶುಲ್ಕ ವಿವರಗಳನ್ನು ಸಾರ್ವಜನಿಕವಾಗಿ ಪ್ರದರ್ಶಿಸಬೇಕು.

ಇದರಿಂದ ರೋಗಿಗಳು ಮತ್ತು ಅವರ ಕುಟುಂಬಗಳು ಯಾವುದೇ ಗುಪ್ತ ವೆಚ್ಚಗಳಿಲ್ಲದೆ ಸ್ಪಷ್ಟ ಮಾಹಿತಿಯನ್ನು ಪಡೆಯಲು ಸಾಧ್ಯವಾಗುತ್ತದೆ.

ದೀರ್ಘಾವಧಿ ವೆಂಟಿಲೇಟರ್ ಬಳಕೆಯ ಮೇಲೂ ಸರ್ಕಾರ ಕಟ್ಟುನಿಟ್ಟಿನ ನಿಗಾ ವಹಿಸಿದೆ. 14 ದಿನಗಳನ್ನು ಮೀರಿದ ವೆಂಟಿಲೇಷನ್ ಪ್ರಕರಣಗಳನ್ನು ಆಸ್ಪತ್ರೆಗಳು ತಜ್ಞರ ಸಮಿತಿಯಿಂದ ಪರಿಶೀಲಿಸಬೇಕು.

ಇಂತಹ ಪ್ರಕರಣಗಳಿಗೆ ಮಾಸಿಕ ಆಂತರಿಕ ಲೆಕ್ಕಪರಿಶೋಧನೆ ಕಡ್ಡಾಯವಾಗಿದ್ದು, ದಾಖಲಾತಿಗಳ ಪೂರ್ಣತೆ ಮತ್ತು ಚಿಕಿತ್ಸೆ ಅವಶ್ಯಕತೆಯನ್ನು ಸಮರ್ಥಿಸಿಕೊಳ್ಳಬೇಕಾಗುತ್ತದೆ.

ಪ್ರತಿದಿನ ರೋಗಿಯ ಸ್ಥಿತಿಯ ಮೌಲ್ಯಮಾಪನಕ್ಕಾಗಿ ಪ್ರಮಾಣೀಕೃತ ಸ್ಕೋರಿಂಗ್ (Scoring) ವ್ಯವಸ್ಥೆ ಬಳಸಬೇಕು ಮತ್ತು ಕುಟುಂಬ ಸದಸ್ಯರೊಂದಿಗೆ ದೈನಂದಿನ ಸಮಾಲೋಚನೆ ನಡೆಸಲು ಶಿಫಾರಸು ಮಾಡಲಾಗಿದೆ.

ರೋಗಿಯ ಫಲಿತಾಂಶಗಳು, ಮರಣ ಪ್ರಮಾಣ ಮತ್ತು ವೆಂಟಿಲೇಟರ್ ಬೆಂಬಲದ ಅವಧಿಯ ಸಂಪೂರ್ಣ ದಾಖಲೆಗಳನ್ನು ಸುರಕ್ಷಿತವಾಗಿ ಸಂಗ್ರಹಿಸಿ, ಅಗತ್ಯವಿದ್ದರೆ ಮೇಲ್ವಿಚಾರಣಾಧಿಕಾರಿಗಳಿಗೆ ನೀಡಬೇಕು ಎಂದು ಸೂಚಿಸಲಾಗಿದೆ.

ಭಾರತದಲ್ಲಿ ಖಾಸಗಿ ಆರೋಗ್ಯ ಕ್ಷೇತ್ರವು ವೇಗವಾಗಿ ವಿಸ್ತರಿಸುತ್ತಿರುವ ಸಂದರ್ಭದಲ್ಲಿ ಈ ಮಾರ್ಗಸೂಚಿಗಳು ಬಹಳ ಮಹತ್ವ ಪಡೆದಿವೆ.

ಅಂದಾಜು 43,000ಕ್ಕೂ ಹೆಚ್ಚು ಖಾಸಗಿ ಆಸ್ಪತ್ರೆಗಳು ಕಾರ್ಯನಿರ್ವಹಿಸುತ್ತಿದ್ದು, ಸುಮಾರು 20,000 ಆಸ್ಪತ್ರೆಗಳನ್ನು ಪ್ರತಿನಿಧಿಸುವ ಆರೋಗ್ಯ ಸೇವಾ ಪೂರೈಕೆದಾರರ ಸಂಘವೂ ಈ ನಿಯಮಗಳ ಅಗತ್ಯತೆಯನ್ನು ಒಪ್ಪಿಕೊಂಡಿದೆ.

ತಜ್ಞರ ಅಭಿಪ್ರಾಯದಂತೆ, ವೆಂಟಿಲೇಟರ್ ಬೆಂಬಲವು ಜೀವ ಉಳಿಸಬಲ್ಲ ಪ್ರಮುಖ ಸಾಧನವಾದರೂ, ಅದರ ಅನಗತ್ಯ ಮತ್ತು ದೀರ್ಘ ಬಳಕೆ ಕುಟುಂಬಗಳನ್ನು ಭಾರೀ ಸಾಲದ ಹೊರೆಗೂ ದೂಡಬಹುದು.

ಪಾರದರ್ಶಕತೆ ಮತ್ತು ನೈತಿಕ ವೈದ್ಯಕೀಯ ಸೇವೆಗಳ ಮೂಲಕ ಸಾರ್ವಜನಿಕ ಆರೋಗ್ಯ ವ್ಯವಸ್ಥೆಯ ಮೇಲಿನ ವಿಶ್ವಾಸವನ್ನು ಮರುಸ್ಥಾಪಿಸುವುದು ಸರ್ಕಾರದ ಈ ಕ್ರಮದ ಮೂಲ ಉದ್ದೇಶವಾಗಿದೆ.

ಈ ಮಾರ್ಗಸೂಚಿಗಳು ಸಮರ್ಥವಾಗಿ ಜಾರಿಗೆ ಬಂದರೆ, ರೋಗಿ ಕೇಂದ್ರಿತ ಆರೋಗ್ಯ ಸೇವೆಗೆ ಮಹತ್ವದ ತಿರುವಾಗಲಿವೆ ಎಂದು ನಿರೀಕ್ಷಿಸಲಾಗಿದೆ.

ಇದನ್ನು ಓದಿ : https://vijayatimes.com/ksrtc-menstrual-leave-policy/