ಬೆಂಗಳೂರು, ಆ. 16: ಬೆಂಗಳೂರು – ಮೈಸೂರು ನಡುವಿನ ಹೊಸ ರಸ್ತೆ ಕಾಮಗಾರಿಗೆ ಚಾಲನೆ ದೊರೆತ್ತಿದ್ದು ಈ ರಸ್ತೆ ಲೋಕಾರ್ಪಣೆಗೊಂಡ ಬಳಿಕ ರಾಜಧಾನಿ ಮತ್ತು ಸಾಂಸ್ಕೃತಿಕ ರಾಜಧಾನಿಯ ಪ್ರಯಾಣದ ಅವಧಿ ಇನ್ನಷ್ಟು ಕಡಿಮೆಯಾಗಲಿದೆ.

ಈ ಬಗ್ಗೆ ಟ್ಷೀಟ್ ಮಾಡಿರುವ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಪ್ರಸ್ತುತ  ಮೈಸೂರು ಮತ್ತು ಬೆಂಗಳೂರು ಪ್ರಯಾಣಿಸಲು ಸುಮಾರು 3 ಗಂಟೆ ತಗುಲುತ್ತಿದೆ. ಆದರೆ ಇನ್ನು ಮುಂದೆ ಈ ನಗರಗಳ ನಡುವೆ ಕೇವಲ 90 ನಿಮಿಷದಲ್ಲಿ ಪ್ರಯಾಣಿಸಬಹುದಾಗಿದೆ ಎಂದು ನಿತಿನ್ ಗಡ್ಕರ್ ತಿಳಿಸಿದ್ದಾರೆ.

ಪ್ರಸ್ತುತ 2 ನಗರಗಳ ನಡುವೆ ಚತುಷ್ಪಥ ರಸ್ತೆ ಇದ್ದು ಇದು ಸುಮಾರು 25 -30 ಅಡಿಗಳಷ್ಟು ಅಗಲವಿದೆ. ಪ್ರಸ್ತುತ ಬೆಂಗಳೂರು–ಮೈಸೂರು ನಡುವೆ 135 ಕಿಲೋಮೀಟರ್‌ ಅಂತರವಿದೆ. ಬೆಂಗಳೂರು ಹೊರವಲಯದ ನೈಸ್ ಜಂಕ್ಷನ್‌ ನ ಪಂಚಮುಖಿ ದೇವಸ್ಥಾನದಿಂದ ರಸ್ತೆ ವಿಸ್ತರಣೆ ಕಾರ್ಯ ಆರಂಭಗೊಂಡು ಮೈಸೂರಿನ ಕೊಲಂಬಿಯಾ ಏಷ್ಯಾ ಆಸ್ಪತ್ರೆಯ ಜಂಕ್ಷನ್‌ ಬಳಿ ಕಾಮಗಾರಿ ಮುಕ್ತಾಯಗೊಳ್ಳಲಿದೆ.

ಪ್ರಸ್ತುತ 25 – 30 ಮೀಟರ್ ಇರುವ ರಸ್ತೆಯನ್ನು 60 ಮೀಟರ್ ಆಗಲ ಮತ್ತು ಎಲಿವೇಟರ್ ಕಾರಿಡಾರ್ ಬಳಿ 45 ಮೀಟರ್ ಅಗಲ ವಿಸ್ತರಿಸಲಾಗುತ್ತದೆ. ಪ್ರಸ್ತುತ 10 ಲೇನ್ ಕಾಮಗಾರಿಯು ವೇಗವಾಗಿ ನಡೆಯುತ್ತಿದ್ದು, ಅಕ್ಟೋಬರ್ 2022 ರ ವೇಳೆಗೆ ಕಾಮಗಾರಿ ಪೂರ್ಣಗೊಳ್ಳಲಿದೆ.