ಅಕ್ಟೋಬರ್ 1ರಿಂದ LPG ಸಬ್ಸಿಡಿಗೆ ಹೊಸ ರೂಲ್ಸ್

ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಕಡ್ಡಾಯ; ಪ್ರಕ್ರಿಯೆ ಪೂರ್ಣಗೊಳಿಸದವರಿಗೆ ಸಬ್ಸಿಡಿ ದರದಲ್ಲಿ ಸಿಲಿಂಡರ್ ಸಿಗುವುದಿಲ್ಲ

ಸಬ್ಸಿಡಿ ಮುಂದುವರಿಸಲು BAA ಕಡ್ಡಾಯ; ಮೊಬೈಲ್ ಆಪ್, ಏಜೆನ್ಸಿ ಅಥವಾ ಡೆಲಿವರಿ ವೇಳೆ ಮಾಡಬಹುದು(New rule for LPG subsidy)

ಅಡುಗೆ ಅನಿಲ (LPG) ಸಬ್ಸಿಡಿ ಪಡೆಯುತ್ತಿರುವ ಕೋಟ್ಯಂತರ ಗ್ರಾಹಕರಿಗೆ ಕೇಂದ್ರ ಸರ್ಕಾರದಿಂದ ಮಹತ್ವದ ಮಾಹಿತಿ ಹೊರಬಿದ್ದಿದೆ.

2026ರ ಅಕ್ಟೋಬರ್ 1ರಿಂದ ಸಬ್ಸಿಡಿ ದರದಲ್ಲಿ ಎಲ್‌ಪಿಜಿ ಸಿಲಿಂಡರ್ ಪಡೆಯಲು ಬಯೋಮೆಟ್ರಿಕ್ ಆಧಾರ್ ದೃಢೀಕರಣ (BAA) ಕಡ್ಡಾಯವಾಗಲಿದೆ. ಸಬ್ಸಿಡಿ ಹಣವು ಅರ್ಹ ಫಲಾನುಭವಿಗಳಿಗೆ ಮಾತ್ರ ತಲುಪಬೇಕು, (New rule for LPG subsidy)

ನಕಲಿ ಸಂಪರ್ಕಗಳನ್ನು ಪತ್ತೆಹಚ್ಚಬೇಕು ಹಾಗೂ ಸಬ್ಸಿಡಿ ಸಿಲಿಂಡರ್‌ಗಳ ದುರ್ಬಳಕೆಯನ್ನು ತಡೆಯಬೇಕು ಎಂಬ ಉದ್ದೇಶದಿಂದ ಈ ಕ್ರಮ ಜಾರಿಗೆ ತರಲಾಗುತ್ತಿದೆ.

ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಎಂದರೆ ಗ್ರಾಹಕರ ಆಧಾರ್ ಆಧಾರಿತ ಪರಿಶೀಲನಾ ಪ್ರಕ್ರಿಯೆ.

ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಲು ಗ್ರಾಹಕರಿಗೆ ಹಲವು ಮಾರ್ಗಗಳನ್ನು ನೀಡಲಾಗಿದೆ. ಸಿಲಿಂಡರ್ ಮನೆಗೆ ವಿತರಿಸುವ ಸಂದರ್ಭದಲ್ಲಿ ಡೆಲಿವರಿ ಸಿಬ್ಬಂದಿಯ ಬಳಿ ಇರುವ ಸಾಧನದ ಮೂಲಕ ಬೆರಳಚ್ಚು ಅಥವಾ ಬಯೋಮೆಟ್ರಿಕ್ ನೀಡಿ ದೃಢೀಕರಣ ಮಾಡಬಹುದು.

ಇದಲ್ಲದೆ, ಗ್ರಾಹಕರು ತಮ್ಮ ಗ್ಯಾಸ್ ವಿತರಕರ ಶೋರೂಮ್‌ಗೆ ತೆರಳಿ ಬಿಎಎ ಪ್ರಕ್ರಿಯೆ ಪೂರ್ಣಗೊಳಿಸುವ ಅವಕಾಶವೂ ಇದೆ.

ಹೀಗಾಗಿ ಗ್ರಾಹಕರು ಅಕ್ಟೋಬರ್ 1ರ ಮೊದಲು ತಮ್ಮ ಸಂಪರ್ಕದ ದೃಢೀಕರಣ ಸ್ಥಿತಿಯನ್ನು ಪರಿಶೀಲಿಸಿಕೊಳ್ಳುವುದು ಅಗತ್ಯವಾಗಿದೆ.

ಮನೆಯಲ್ಲಿಯೇ ಮೊಬೈಲ್ ಮೂಲಕ ಈ ಪ್ರಕ್ರಿಯೆ ಪೂರ್ಣಗೊಳಿಸಲು ಕೂಡ ಅವಕಾಶ ಕಲ್ಪಿಸಲಾಗಿದೆ. (New rule for LPG subsidy)

ಇಂಡೇನ್ ಗ್ರಾಹಕರು IndianOil ONE ಆಪ್, ಭಾರತ್ ಗ್ಯಾಸ್ ಗ್ರಾಹಕರು HelloBPCL ಆಪ್ ಹಾಗೂ HP Gas ಗ್ರಾಹಕರು HP PAY ಆಪ್ ಬಳಸಿಕೊಂಡು ಇ-ಕೆವೈಸಿ ಪ್ರಕ್ರಿಯೆ ಪೂರ್ಣಗೊಳಿಸಬಹುದು.

ಇಲಾಖೆಯ ಮಾಹಿತಿಯ ಪ್ರಕಾರ, ದೇಶದಲ್ಲಿರುವ ಒಟ್ಟು 30.4 ಕೋಟಿ ಎಲ್‌ಪಿಜಿ ಗ್ರಾಹಕರ ಪೈಕಿ ಈಗಾಗಲೇ 27.4 ಕೋಟಿ ಗ್ರಾಹಕರು,

ಅಂದರೆ ಸುಮಾರು ಶೇ.89.9ರಷ್ಟು ಮಂದಿ ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಪೂರ್ಣಗೊಳಿಸಿದ್ದಾರೆ. ಉಳಿದ ಗ್ರಾಹಕರು ಪ್ರಕ್ರಿಯೆಯನ್ನು ಪೂರ್ಣಗೊಳಿಸಬೇಕಿದೆ.

ಸಬ್ಸಿಡಿ ವ್ಯವಸ್ಥೆಯಲ್ಲಿ ಪಾರದರ್ಶಕತೆ ತರಲು ಹಾಗೂ ದುರ್ಬಳಕೆ ತಡೆಯಲು ಬಿಎಎ ಕಡ್ಡಾಯಗೊಳಿಸಲಾಗುತ್ತಿದೆ. (New rule for LPG subsidy)

ನಿಜವಾದ ಮತ್ತು ಅರ್ಹ ಕುಟುಂಬಗಳಿಗೆ ಮಾತ್ರ ಸಬ್ಸಿಡಿ ಪ್ರಯೋಜನ ದೊರೆಯುವಂತೆ ಮಾಡುವುದು, ಗೃಹಬಳಕೆಯ ಸಬ್ಸಿಡಿ ಸಿಲಿಂಡರ್‌ಗಳನ್ನು

ವಾಣಿಜ್ಯ ಅಥವಾ ಕೈಗಾರಿಕಾ ಉದ್ದೇಶಗಳಿಗೆ ಬಳಸುವುದನ್ನು ತಡೆಯುವುದು ಮತ್ತು ಒಂದೇ ಹೆಸರಿನಲ್ಲಿ ಇರುವ ನಕಲಿ ಅಥವಾ ಬೋಗಸ್ ಗ್ಯಾಸ್ ಸಂಪರ್ಕಗಳನ್ನು ಪತ್ತೆಹಚ್ಚಿ ರದ್ದುಪಡಿಸುವುದು ಈ ಕ್ರಮದ ಪ್ರಮುಖ ಉದ್ದೇಶಗಳಾಗಿವೆ.

ಅಕ್ಟೋಬರ್ 1ರೊಳಗೆ ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಪೂರ್ಣಗೊಳಿಸದಿದ್ದರೆ ಎಲ್‌ಪಿಜಿ ಸಿಲಿಂಡರ್ ಪೂರೈಕೆ ಸಂಪೂರ್ಣವಾಗಿ ನಿಲ್ಲುವುದಿಲ್ಲ ಎಂದು ವರದಿ ತಿಳಿಸಿದೆ.

ಆದರೆ ಅಂತಹ ಗ್ರಾಹಕರಿಗೆ ಸಬ್ಸಿಡಿ ರಹಿತ ಮಾರುಕಟ್ಟೆ ದರದಲ್ಲಿ ಸಿಲಿಂಡರ್ ದೊರೆಯಲಿದೆ.

ಸಾಮಾನ್ಯವಾಗಿ ಗ್ರಾಹಕರು ಸಿಲಿಂಡರ್ ಬುಕ್ ಮಾಡುವಾಗ ಮಾರುಕಟ್ಟೆ ದರ ಪಾವತಿಸಿದ ಬಳಿಕ, ಅರ್ಹರಾಗಿದ್ದರೆ ಸಬ್ಸಿಡಿ ಮೊತ್ತವನ್ನು ಡಿಬಿಟಿ ಮೂಲಕ ಬ್ಯಾಂಕ್ ಖಾತೆಗೆ ಪಡೆಯುತ್ತಾರೆ. (New rule for LPG subsidy)

ಪ್ರಸ್ತುತ 14.2 ಕೆಜಿ ಗೃಹಬಳಕೆಯ ಸಿಲಿಂಡರ್‌ಗೆ ಸರಾಸರಿ ನೇರ ಸಬ್ಸಿಡಿ ಸುಮಾರು ₹210 ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ.

ಆದ್ದರಿಂದ ಸಬ್ಸಿಡಿ ಮುಂದುವರಿಸಿಕೊಳ್ಳಲು ಬಯಸುವ ಗ್ರಾಹಕರು ಅಕ್ಟೋಬರ್ 1ರೊಳಗೆ ಗ್ಯಾಸ್ ಏಜೆನ್ಸಿ ಅಥವಾ ಸಂಬಂಧಿತ ಅಧಿಕೃತ ಮೊಬೈಲ್ ಆಪ್ ಮೂಲಕ ಬಯೋಮೆಟ್ರಿಕ್ ಆಧಾರ್ ದೃಢೀಕರಣ ಪೂರ್ಣಗೊಳಿಸಿಕೊಳ್ಳುವುದು ಮುಖ್ಯವಾಗಿದೆ.

ಇದನ್ನು ಓದಿ:https://vijayatimes.com/farmers-protest-against-bidadi-township/