• ರಿವಾರ್ಡ್ ಪಾಯಿಂಟ್ಸ್‌ಗಳ ಮೇಲೆ ಬ್ರೇಕ್: ಕ್ರೆಡಿಟ್ ಕಾರ್ಡ್ (new rules for credit card users) ಬಳಕೆದಾರರಿಗೆ ಹೊಸ ಸವಾಲು
• ಎಸ್‌ಬಿಐ, ಎಚ್‌ಡಿಎಫ್‌ಸಿ, ಐಸಿಐಸಿಐ ಸೇರಿ ಹಲವಾರು ಬ್ಯಾಂಕ್‌ಗಳಲ್ಲಿ ರಿವಾರ್ಡ್ ಹಾಗೂ ಉಚಿತ ಸೌಲಭ್ಯಗಳ ಕಡಿತ
• ಬಾಡಿಗೆ, ವಿಮಾ, ಯುಟಿಲಿಟಿ ಬಿಲ್ ಪಾವತಿಗಳ ಮೇಲೆ ಪಾಯಿಂಟ್ಸ್ ಕಡಿತ,ಹೊಸ ನಿಯಮಗಳಿಂದ ಗ್ರಾಹಕರಿಗೆ ಗೊಂದಲ

ಭಾರತದ ಪ್ರಮುಖ ಬ್ಯಾಂಕುಗಳು ತಮ್ಮ ಕ್ರೆಡಿಟ್ ಕಾರ್ಡ್‌ಗಳ ಮೇಲೆ ನೀಡುತ್ತಿದ್ದ ಆಕರ್ಷಕ ಸೌಲಭ್ಯಗಳನ್ನು (new rules for credit card users) ಹಂತಹಂತವಾಗಿ ಕಡಿತಗೊಳಿಸುತ್ತಿರುವುದು ಗ್ರಾಹಕರಿಗೆ ದೊಡ್ಡ ಆಘಾತವಾಗಿ ಪರಿಣಮಿಸಿದೆ.

ಕಳೆದ ಕೆಲವು ವರ್ಷಗಳಿಂದ ಏರ್‌ಪೋರ್ಟ್ ಲಾಂಜ್ (Airport Lounge) ಪ್ರವೇಶ, ಹೆಚ್ಚಿನ ರಿವಾರ್ಡ್ ಪಾಯಿಂಟ್ಸ್ (Rewards Points) , ಉಚಿತ ಮೂವಿ ಟಿಕೆಟ್‌ಗಳು, ಇಂಧನ ಸರ್ಚಾರ್ಜ್ ಮನ್ನಾ ಸೇರಿದಂತೆ ಹಲವು ಲಾಭಗಳು ಕ್ರೆಡಿಟ್ ಕಾರ್ಡ್‌ಗಳನ್ನು ಹೆಚ್ಚು ಜನಪ್ರಿಯವಾಗಿಸಿವೆ.

ಆದರೆ ಈಗ ವೆಚ್ಚ ನಿಯಂತ್ರಣ ಮತ್ತು ಲಾಭದಾಯಕತೆ ಹೆಚ್ಚಿಸುವ ಉದ್ದೇಶದಿಂದ ಬ್ಯಾಂಕುಗಳು ತಮ್ಮ (new rules for credit card users) ನೀತಿಗಳನ್ನು ಮರುಪರಿಶೀಲಿಸುತ್ತಿವೆ.

ಪರಿಣಾಮವಾಗಿ, ಪ್ರೀಮಿಯಂ ಕಾರ್ಡ್‌ಗಳನ್ನು (Premium Card) ಬಳಸುತ್ತಿದ್ದ ಹಲವಾರು ಗ್ರಾಹಕರಿಗೆ ನಿರಾಸೆ ಉಂಟಾಗಿದೆ. ಇತ್ತೀಚಿನ ಬದಲಾವಣೆಗಳನ್ನು ತಿಳಿದುಕೊಳ್ಳುವುದು ಪ್ರತಿಯೊಬ್ಬ ಕಾರ್ಡ್‌ಹೊಂದಿದವರಿಗೂ ಅಗತ್ಯವಾಗಿದೆ.

ಕಳೆದ ಕೆಲವು ವರ್ಷಗಳಲ್ಲಿ ಕ್ರೆಡಿಟ್ ಕಾರ್ಡ್ ಬಳಕೆ ಗಣನೀಯವಾಗಿ ಏರಿಕೆಯಾಗಿದೆ. ಆನ್‌ಲೈನ್ ಶಾಪಿಂಗ್, ಯುಟಿಲಿಟಿ ಬಿಲ್ (Utility Bill) ಪಾವತಿ, ಬಾಡಿಗೆ,

ವಿಮಾ ಪ್ರೀಮಿಯಂ ಪಾವತಿ ಸೇರಿದಂತೆ ಅನೇಕ ವಹಿವಾಟುಗಳಿಗೆ ಜನರು ಕಾರ್ಡ್‌ಗಳನ್ನೇ ಅವಲಂಬಿಸಿದ್ದಾರೆ.

ಇದರಿಂದ ಬ್ಯಾಂಕುಗಳು ಹೆಚ್ಚಿನ ರಿವಾರ್ಡ್ ಪಾಯಿಂಟ್ಸ್ ಮತ್ತು ಕ್ಯಾಶ್‌ಬ್ಯಾಕ್ (Cashback) ಯೋಜನೆಗಳನ್ನು ಘೋಷಿಸಿದ್ದವು. ಆದರೆ ಈ ಸೌಲಭ್ಯಗಳನ್ನು ನೀಡುವ ವೆಚ್ಚ ಬ್ಯಾಂಕುಗಳ ಮೇಲೆ ಹೆಚ್ಚುತ್ತಿರುವ ಒತ್ತಡವಾಗಿ ಪರಿಣಮಿಸಿದೆ.

ಜೊತೆಗೆ, ಭಾರತೀಯ ರಿಸರ್ವ್ ಬ್ಯಾಂಕ್ ಅಸುರಕ್ಷಿತ ಸಾಲಗಳ ಮೇಲಿನ ನಿಯಮಗಳನ್ನು ಕಠಿಣಗೊಳಿಸಿರುವುದರಿಂದ, ಕ್ರೆಡಿಟ್ ಕಾರ್ಡ್ ವ್ಯವಹಾರದಲ್ಲಿ ಬ್ಯಾಂಕುಗಳು ಹೆಚ್ಚು ಎಚ್ಚರಿಕೆಯಿಂದ ನಡೆದುಕೊಳ್ಳಲು ಆರಂಭಿಸಿವೆ.

ಇದರಿಂದಲೇ ಲಾಂಜ್ ಪ್ರವೇಶ ಸೇರಿದಂತೆ ಹಲವು ಪ್ರಯೋಜನಗಳಿಗೆ ಹೊಸ ಷರತ್ತುಗಳನ್ನು ಜಾರಿಗೆ ತರುತ್ತಿದ್ದಾರೆ.

ಪ್ರಮುಖ ಬದಲಾವಣೆಗಳಲ್ಲಿ ಏರ್‌ಪೋರ್ಟ್ ಲಾಂಜ್ ಪ್ರವೇಶ ಪ್ರಮುಖವಾಗಿದೆ. ಇದುವರೆಗೆ ಅನೇಕ ಕಾರ್ಡ್‌ಗಳು ಯಾವುದೇ ಷರತ್ತುಗಳಿಲ್ಲದೆ ಉಚಿತ ಲಾಂಜ್ ಪ್ರವೇಶ ನೀಡುತ್ತಿದವು.

ಆದರೆ ಈಗ ಕೆಲವು ಬ್ಯಾಂಕುಗಳು ಹಿಂದಿನ ತ್ರೈಮಾಸಿಕದಲ್ಲಿ ನಿರ್ದಿಷ್ಟ ಪ್ರಮಾಣದ ಖರ್ಚು ಮಾಡಿದರೆ ಮಾತ್ರ ಲಾಂಜ್ ಸೌಲಭ್ಯ ನೀಡುವ ನಿಯಮವನ್ನು ಜಾರಿಗೊಳಿಸಿವೆ.

ಉದಾಹರಣೆಗೆ, ₹50,000 ಅಥವಾ ಅದಕ್ಕಿಂತ ಹೆಚ್ಚಿನ ವ್ಯವಹಾರ ಮಾಡಿದಾಗ ಮಾತ್ರ ಉಚಿತ ಪ್ರವೇಶ ಸಿಗುವಂತೆ ಮಿತಿ ವಿಧಿಸಲಾಗಿದೆ.

ಇದೇ ರೀತಿ, ರಿವಾರ್ಡ್ ಪಾಯಿಂಟ್ಸ್ ವ್ಯವಸ್ಥೆಯಲ್ಲಿಯೂ ಕಡಿತ ಮಾಡಲಾಗಿದೆ. ಬಾಡಿಗೆ ಪಾವತಿ, ಸರ್ಕಾರಿ ಸೇವೆಗಳು, ವಿಮಾ ಪ್ರೀಮಿಯಂ ಪಾವತಿಗಳ ಮೇಲೆ ಸಿಗುತ್ತಿದ್ದ

ಪಾಯಿಂಟ್ಸ್ ಈಗ ಮಿತಿಗೊಳಿಸಲ್ಪಟ್ಟಿವೆ ಅಥವಾ ಸಂಪೂರ್ಣವಾಗಿ ಸ್ಥಗಿತಗೊಂಡಿವೆ. ಯುಟಿಲಿಟಿ ಬಿಲ್‌ಗಳ ಮೇಲೂ ರಿವಾರ್ಡ್ ಗಳಿಸಲು ಗರಿಷ್ಠ ಮಿತಿ ವಿಧಿಸಲಾಗಿದೆ.

ಇಂಧನ ಸರ್ಚಾರ್ಜ್ ಮನ್ನಾ ಹಾಗೂ ಮೈಲ್‌ಸ್ಟೋನ್ ಬೆನಿಫಿಟ್ಸ್‌ಗಳಲ್ಲಿಯೂ (Milestone Benefits) ಬದಲಾವಣೆ ಕಂಡುಬಂದಿದೆ.

ಪೆಟ್ರೋಲ್ ಅಥವಾ ಡೀಸೆಲ್ ಖರೀದಿಸಿದಾಗ ಸಿಗುತ್ತಿದ್ದ ಪೂರ್ಣ ಮನ್ನಾದ ಮೇಲೆ ಈಗ ಮಾಸಿಕ ಮಿತಿ ಹೇರಲಾಗಿದೆ.

ವರ್ಷದಲ್ಲಿ ನಿರ್ದಿಷ್ಟ ಮೊತ್ತ ಖರ್ಚು ಮಾಡಿದರೆ ಸಿಗುತ್ತಿದ್ದ ಉಚಿತ ವೋಚರ್‌ಗಳು, ಗಿಫ್ಟ್ ಕಾರ್ಡ್‌ಗಳ ಮೌಲ್ಯವೂ ಕಡಿಮೆಯಾಗಿದೆ.

ಕೆಲವು ಬ್ಯಾಂಕುಗಳು ತಮ್ಮ ಜನಪ್ರಿಯ ಕಾರ್ಡ್‌ಗಳ ರಿವಾರ್ಡ್ ಮಲ್ಟಿಪ್ಲೈಯರ್‌ಗಳನ್ನು ಇಳಿಸಿ, ರಿವಾರ್ಡ್ ಪಾಯಿಂಟ್ಸ್‌ಗಳಿಗೆ ಗರಿಷ್ಠ ಮಿತಿ ವಿಧಿಸಿವೆ. ಹೈ-ಎಂಡ್ ಕಾರ್ಡ್‌ಗಳಲ್ಲಿ(High-End Card) ನೀಡುತ್ತಿದ್ದ ವಿಶೇಷ ಸೌಲಭ್ಯಗಳನ್ನೂ ಪರಿಷ್ಕರಿಸಲಾಗಿದೆ.

ಇದರಿಂದ ಹೆಚ್ಚಿನ ವಾರ್ಷಿಕ ಶುಲ್ಕ ಪಾವತಿಸುವ ಗ್ರಾಹಕರು ಈಗ ಲಾಭ-ನಷ್ಟವನ್ನು ಮರುಪರಿಶೀಲಿಸುವ ಸ್ಥಿತಿಗೆ ಬಂದಿದ್ದಾರೆ.

ಈ ಹಿನ್ನೆಲೆಯಲ್ಲಿ ಗ್ರಾಹಕರು ಎಚ್ಚರಿಕೆಯಿಂದ ನಡೆದುಕೊಳ್ಳಬೇಕು. ಮೊದಲನೆಯದಾಗಿ, ಬ್ಯಾಂಕ್ ಕಳುಹಿಸುವ ಇಮೇಲ್ ಅಥವಾ ಎಸ್‌ಎಂಎಸ್ ಸಂದೇಶಗಳನ್ನು

ಗಮನದಿಂದ ಓದುವುದು ಅತ್ಯವಶ್ಯ. ಸೌಲಭ್ಯಗಳಲ್ಲಿ ಬದಲಾವಣೆಗಳ ಬಗ್ಗೆ ಬ್ಯಾಂಕುಗಳು ಮುಂಚಿತವಾಗಿ ಮಾಹಿತಿ ನೀಡುತ್ತವೆ.

ಎರಡನೆಯದಾಗಿ, ನಿಮ್ಮ ಖರ್ಚಿನ ಸ್ವಭಾವಕ್ಕೆ ತಕ್ಕಂತೆ ಕಾರ್ಡ್ ಆಯ್ಕೆ ಮಾಡಿಕೊಳ್ಳಬೇಕು. ಲಾಂಜ್ ಪ್ರವೇಶ ಅಗತ್ಯವಿಲ್ಲದಿದ್ದರೆ ಕಡಿಮೆ ವಾರ್ಷಿಕ ಶುಲ್ಕದ ಕಾರ್ಡ್‌ಗೆ ಬದಲಾಯಿಸುವುದು ಒಳಿತು.

ಮೂರನೆಯದಾಗಿ, ರಿವಾರ್ಡ್ ಪಾಯಿಂಟ್ಸ್ ಗಳಿಸಲು ಅತಿಯಾಗಿ ಖರ್ಚು ಮಾಡುವ ಬದಲು, ನಿಜವಾದ ಅಗತ್ಯಗಳ ಮೇಲೆ ಮಾತ್ರ ಕಾರ್ಡ್ ಬಳಸುವುದು ಉತ್ತಮ.

ಕ್ರೆಡಿಟ್ ಕಾರ್ಡ್‌ಗಳು ಸರಿಯಾದ ರೀತಿಯಲ್ಲಿ ಬಳಸಿದರೆ ಅನುಕೂಲಕರವಾದ ಹಣಕಾಸು ಸಾಧನವಾಗಬಹುದು; ಆದರೆ ಬದಲಾವಣೆಗಳನ್ನು ಅರಿತುಕೊಳ್ಳದೆ ಬಳಸಿದರೆ ಅನಾವಶ್ಯಕ

ವೆಚ್ಚಕ್ಕೆ ಕಾರಣವಾಗಬಹುದು. ಆದ್ದರಿಂದ ಪ್ರತಿಯೊಬ್ಬ ಗ್ರಾಹಕರೂ ತಮ್ಮ ಕಾರ್ಡ್‌ಗಳ ನಿಯಮಗಳು ಮತ್ತು ಸೌಲಭ್ಯಗಳನ್ನು ಮರುಪರಿಶೀಲಿಸಿ, ಸೂಕ್ತ ನಿರ್ಧಾರ ಕೈಗೊಳ್ಳಬೇಕಿದೆ.

ಇದನ್ನು ಓದಿ : https://vijayatimes.com/new-generation-in-cabinet/