ITR Form-1 ಹೊಸ (New rules for IT return filers) ನಿಯಮಗಳು ಜಾರಿ

Form-1 ಬದಲಾವಣೆಗಳಿಂದ ಸಣ್ಣ ಹೂಡಿಕೆದಾರರಿಗೆ ದೊಡ್ಡ ಲಾಭ: ಜುಲೈ 31 IT ರಿಟರ್ನ್ ಗಡುವು

ಬಂಡವಾಳ ಲಾಭ ಸೇರಿ ಹಲವು ಬದಲಾವಣೆ; ತೆರಿಗೆದಾರರು ಎಚ್ಚರಿಕೆಯಿಂದ ರಿಟರ್ನ್ ಸಲ್ಲಿಸಲು ಸೂಚನೆ

Bengaluru : 2026-27 ಅಸೆಸ್ಮೆಂಟ್ ವರ್ಷದ ಆದಾಯ ತೆರಿಗೆ ರಿಟರ್ನ್ ಸಲ್ಲಿಕೆಗೆ (New rules for IT return filers) ಸಂಬಂಧಿಸಿದಂತೆ ಕೇಂದ್ರ ಸರ್ಕಾರ ಮಹತ್ವದ ಬದಲಾವಣೆಗಳನ್ನು ಮಾಡಿದೆ.

ವಿಶೇಷವಾಗಿ ITR Form-1 ನಲ್ಲಿ ಕೆಲವು ಹೊಸ ನಿಯಮಗಳನ್ನು ಸೇರಿಸಲಾಗಿದ್ದು, ತೆರಿಗೆದಾರರು ಈ ನಿಯಮಗಳನ್ನು ತಿಳಿದುಕೊಳ್ಳುವುದು ಬಹಳ ಮುಖ್ಯವಾಗಿದೆ.

ಈ ಬದಲಾವಣೆಗಳ ಮುಖ್ಯ ಉದ್ದೇಶ ತೆರಿಗೆ ಸಲ್ಲಿಕೆ ಪ್ರಕ್ರಿಯೆಯನ್ನು ಸರಳಗೊಳಿಸುವುದು ಹಾಗೂ ಪಾರದರ್ಶಕತೆ ಹೆಚ್ಚಿಸುವುದು ಎಂದು ಹೇಳಲಾಗಿದೆ.

ಏಪ್ರಿಲ್ 1, 2026 ರಿಂದ ಈ ಹೊಸ ನಿಯಮಗಳು ಜಾರಿಗೆ ಬಂದಿದ್ದು, ಈ ವರ್ಷ ರಿಟರ್ನ್ (Return) ಸಲ್ಲಿಸುವವರು ಅವುಗಳನ್ನು ಗಮನದಲ್ಲಿಡಬೇಕು.

ಮೊದಲ ಮಹತ್ವದ ಬದಲಾವಣೆ ಎಂದರೆ ಬಂಡವಾಳ ಲಾಭದ ಮಾಹಿತಿಯನ್ನು ಈಗ Form-1 ನಲ್ಲಿ ಸೇರಿಸಲು ಅವಕಾಶ ನೀಡಲಾಗಿದೆ.

ಇದುವರೆಗೆ ಷೇರು ಮಾರುಕಟ್ಟೆ ಅಥವಾ ಮ್ಯೂಚುವಲ್ ಫಂಡ್‌ಗಳಿಂದ (New rules for IT return filers) ಬಂದ ಲಾಭವನ್ನು Form-1 ನಲ್ಲಿ ತೋರಿಸಲು ಸಾಧ್ಯವಾಗುತ್ತಿರಲಿಲ್ಲ.

ಆದರೆ ಈಗ ಲಿಸ್ಟೆಡ್ ಇಕ್ವಿಟಿ (Listed Equity) ಮತ್ತು ಮ್ಯೂಚುವಲ್ ಫಂಡ್‌ಗಳಿಂದ ಬಂದ ದೀರ್ಘಕಾಲೀನ ಬಂಡವಾಳ ಲಾಭ 1.25 ಲಕ್ಷ ರೂಪಾಯಿಗಳ ಒಳಗೆ ಇದ್ದರೆ, ಅದನ್ನು Form-1 ನಲ್ಲಿ ನಮೂದಿಸಲು ಅವಕಾಶ ನೀಡಲಾಗಿದೆ.

ಇದರಿಂದ ಸಣ್ಣ ಹೂಡಿಕೆದಾರರಿಗೆ Form-2 ಗೆ ಬದಲಾಯಿಸುವ ಅವಶ್ಯಕತೆ ಕಡಿಮೆಯಾಗುತ್ತದೆ.

ಇನ್ನೊಂದು ಪ್ರಮುಖ ಬದಲಾವಣೆ ಎಂದರೆ ಎರಡು ಮನೆಗಳ ಆದಾಯ ಹೊಂದಿರುವವರು ಕೂಡ ಈಗ Form-1 ಬಳಸಬಹುದು. ಇದುವರೆಗೆ ಕೇವಲ ಒಂದು ಮನೆ ಆದಾಯ ಹೊಂದಿರುವವರಿಗೆ ಮಾತ್ರ Form-1 ಸಲ್ಲಿಸುವ ಅವಕಾಶ ಇತ್ತು.

ಆದರೆ ಈಗ ಈ ಮಿತಿಯನ್ನು ಹೆಚ್ಚಿಸಲಾಗಿದೆ. ಬಾಡಿಗೆ ಆದಾಯ ಅಥವಾ ಮನೆಗಳಿಂದ ಬಂದ ಆದಾಯ ಇರುವವರಿಗೆ ಇದು ಸಹಾಯಕವಾಗಲಿದೆ. ಜೊತೆಗೆ ಹೊಸ ದೀರ್ಘಕಾಲೀನ

ಬಂಡವಾಳ ಲಾಭದ ತೆರಿಗೆ ದರಗಳನ್ನು ಕೂಡ ಈ ವರ್ಷದಿಂದ ಅನ್ವಯಿಸಲಾಗುತ್ತಿದೆ.ಆದರೆ ಕೆಲವು ಸಂದರ್ಭಗಳಲ್ಲಿ ತೆರಿಗೆದಾರರು Form-1 ಬದಲಿಗೆ Form-2 ಬಳಸಲೇಬೇಕು.

ವಾರ್ಷಿಕ ಆದಾಯ 50 ಲಕ್ಷ ರೂಪಾಯಿಗಿಂತ ಹೆಚ್ಚು ಇದ್ದರೆ, ಬಂಡವಾಳ ಲಾಭ 1.25 ಲಕ್ಷಕ್ಕಿಂತ ಹೆಚ್ಚು ಇದ್ದರೆ, ವಿದೇಶಿ ಆದಾಯ ಅಥವಾ ವಿದೇಶಿ ಆಸ್ತಿ ಇದ್ದರೆ, ಯಾವುದೇ ಕಂಪನಿಯಲ್ಲಿ ಡೈರೆಕ್ಟರ್ ಆಗಿದ್ದರೆ ಅಥವಾ ಕೃಷಿ ಆದಾಯ 5,000 ರೂಪಾಯಿಗಿಂತ ಹೆಚ್ಚು ಇದ್ದರೆ Form-2 ಸಲ್ಲಿಸಬೇಕಾಗುತ್ತದೆ ಎಂದು ತೆರಿಗೆ ಇಲಾಖೆ ತಿಳಿಸಿದೆ.

ಆದ್ದರಿಂದ ರಿಟರ್ನ್ ಸಲ್ಲಿಸುವ ಮುನ್ನ ಸರಿಯಾದ ಫಾರ್ಮ್ ಆಯ್ಕೆ ಮಾಡುವುದು ಬಹಳ ಮುಖ್ಯವಾಗಿದೆ.

2026-27 ಅಸೆಸ್ಮೆಂಟ್ ವರ್ಷದ ಆದಾಯ ತೆರಿಗೆ ರಿಟರ್ನ್ ಸಲ್ಲಿಸಲು ಜುಲೈ 31, 2026 ಕೊನೆಯ ದಿನಾಂಕವಾಗಿದ್ದು, ಕೊನೆಯ ಕ್ಷಣದ ಗಡಿಬಿಡಿ ತಪ್ಪಿಸಲು ಈಗಿನಿಂದಲೇ ಅಗತ್ಯ ದಾಖಲೆಗಳನ್ನು ಸಿದ್ಧಪಡಿಸಿಕೊಳ್ಳುವುದು ಉತ್ತಮ.

AIS/TIS ಮಾಹಿತಿ ಪರಿಶೀಲಿಸುವುದು, ಬಾಡಿಗೆ ವಿವರಗಳನ್ನು ಸರಿಯಾಗಿ ನಮೂದಿಸುವುದು, ಬ್ಯಾಂಕ್ ಖಾತೆ ದೃಢೀಕರಣ ಮಾಡುವುದು ಮತ್ತು ಎಲ್ಲಾ ಆದಾಯ ಮೂಲಗಳನ್ನು ಸರಿಯಾಗಿ ತೋರಿಸುವುದು ಅಗತ್ಯ.

ತಪ್ಪು ಮಾಹಿತಿ ನೀಡಿದರೆ ದಂಡ ಅಥವಾ ಐಟಿ ನೋಟಿಸ್ ಬರುವ ಸಾಧ್ಯತೆ ಇರುವುದರಿಂದ ತೆರಿಗೆದಾರರು ಎಚ್ಚರಿಕೆಯಿಂದ ರಿಟರ್ನ್ ಸಲ್ಲಿಸುವುದು ಮುಖ್ಯವಾಗಿದೆ.