ಬೆಂಗಳೂರು ಡಿ 27 :  ಕೋವಿಡ್  ಪ್ರಕರಣ ಹಾಗೂ ಹೊಸ ರೂಪಾಂತರ ತಳಿ ಒಮಿಕ್ರೋನ್ ಸೋಂಕು ಹೆಚ್ಚಾಗುತ್ತಿರುವ  ಹಿನ್ನಲೆಯಲ್ಲಿ  ರಾಜ್ಯಾದ್ಯಂತ  ಡಿಸೆಂಬರ್ 28 ರಿಂದ ಜನವರಿ 7ರವರೆಗೂ ರಾತ್ರಿ 10ರಿಂದ ಬೆಳಗ್ಗೆ 5 ರವರೆಗೆ ನಿರ್ಬಂಧ ಹೇರಲಾಗಿದೆ.ಯಾವುದೇ ತರಹದ ಮೋಜು-ಮಸ್ತಿಗೆ ಅವಕಾಶವಿಲ್ಲ ಒಟ್ಟು ಹತ್ತು ದಿನಗಳ ಕಾಲ ಹೋಟೆಲ್ ಪಬ್ ರೆಸ್ಟೋರೆಂಟ್‌ಗಳಲ್ಲಿ ಶೇ 50ರಷ್ಟು  ಮಂದಿಗೆ ಮಾತ್ರ  ಅವಕಾಶ ನೀಡಲಾಗಿದೆ  ಎಂದು ಆರೋಗ್ಯ ಮತ್ತು ಕುಟುಂಬ ಇಲಾಖೆ ಸಚಿವ  ಡಾ. ಕೆ ಸುಧಾಕರ್ ಹೇಳಿದ್ದಾರೆ.

 ತುರ್ತು ಕಾರ್ಯಗಳಿಗೆ ಮಾತ್ರ ಅನುಮತಿ ನೀಡಲಾಗಿದ್ದು,  ಅನಗತ್ಯ ಕಾರ್ಯಕ್ರಮಗಳಿಗೆ ಬ್ರೇಕ್ ಹಾಕುವುದರ ಮೂಲಕ ಕಠಿಣ ಕ್ರಮಗಳನ್ನು ಈ ಬಾರಿ ಸರ್ಕಾರ  ಕೈಗೊಂಡಿದ್ದ. ಇಗಾಗಲೇ ಆರೋಗ್ಯ ಇಲಾಖೆಯ ತಜ್ಞರೊಂದಿಗೆ ಒಂದು ಸುತ್ತಿನ ಮಾತುಕತೆ ನಡೆಸಿರುವ ಸರ್ಕಾರ  ಜನರ ಆರೋಗ್ಯದ ದೃಷ್ಟಿಯಿಂದ ಸೂಕ್ತ ಕ್ರಮಗಳನ್ನು ಕೈಗೊಂಡಿದೆ.