ಪ್ರಸ್ತುತ, ಕಂಪ್ಲೀಟ್ಲಿ ಬಿಲ್ಟ್ ಯುನಿಟ್‌ಗಳಾಗಿ (CBUs) ಆಮದು(Import) ಮಾಡಿಕೊಳ್ಳುವ ಕಾರುಗಳು 60-100% ವರೆಗಿನ ಕಸ್ಟಮ್ಸ್ ಸುಂಕವನ್ನು ಆಕರ್ಷಿಸುತ್ತವೆ.
ಅಮೆರಿಕ ಮೂಲದ ಇವಿ(EV) ತಯಾರಕ ಟೆಸ್ಲಾ(Tesla) ಭಾರತದಲ್ಲಿ ತನ್ನ ಎಲೆಕ್ಟ್ರಿಕ್ ವಾಹನಗಳನ್ನು ತಯಾರಿಸಿದರೆ ಕಂಪನಿಗೂ ಲಾಭ ಸಿಗಲಿದೆ ಎಂದು ಕೇಂದ್ರ ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ(Nithin Gadkeri) ಸೋಮವಾರ ಮಾಧ್ಯಮಗಳಿಗೆ ಹೇಳಿದ್ದಾರೆ.
ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ನಿತಿನ್ ಗಡ್ಕರಿ, ಎಲ್ಲಾ ಎಲೆಕ್ಟ್ರಿಕ್ ವಾಹನಗಳ ಬೆಲೆಗಳು ದೇಶದಲ್ಲಿ ಪೆಟ್ರೋಲ್ ವಾಹನಗಳ ಬೆಲೆಗಿಂತ ಕಡಿಮೆ ಇರುವ ದಿನಗಳು ಬಹಳ ದೂರವಿಲ್ಲ. ಹಿಂದಿಯಲ್ಲಿ “ಅಗರ್ ಟೆಸ್ಲಾ ಇಂಡಿಯಾ ಮೆ ಎಲೆಕ್ಟ್ರಿಕ್ ಕಾರ್ ತಯಾರಿಕೆ ಕರೇಗಾ ತೋ ಉಂಕಾ ಭಿ ಫಾಯ್ದಾ ಹೋಗಾ” ಎಂದು ಹೇಳಿದರು.
ಇದನ್ನೇ ಕನ್ನಡದಲ್ಲಿ ಅನುವಾದ ಮಾಡಿ ಹೇಳಿದಾಗ, ಟೆಸ್ಲಾ ತನ್ನ ಎಲೆಕ್ಟ್ರಿಕ್ ವಾಹನಗಳನ್ನು ಭಾರತದಲ್ಲಿ ತಯಾರಿಸಿದರೆ ಅವು ಪ್ರಯೋಜನಗಳನ್ನು ಪಡೆಯುತ್ತವೆ ಹೇಳಿದರು. ಈ ಹಿಂದೆ ಏಪ್ರಿಲ್ 26 ರಂದು ನಿತಿನ್ ಗಡ್ಕರಿ ಅವರು, ಟೆಸ್ಲಾ ತನ್ನ ಇವಿಗಳನ್ನು ಭಾರತದಲ್ಲಿ ತಯಾರಿಸಲು ಸಿದ್ಧವಾಗಿದ್ದರೆ ‘ಯಾವುದೇ ಸಮಸ್ಯೆ ಇಲ್ಲ’ ಆದ್ರೆ ಕಂಪನಿಯು ಚೀನಾದಿಂದ ಕಾರುಗಳನ್ನು ಆಮದು ಮಾಡಿಕೊಳ್ಳಬಾರದು ಎಂದು ಹೇಳಿದ್ದರು.
ಎಲಾನ್ ಮಸ್ಕ್ (ಟೆಸ್ಲಾ ಸಿಇಒ) ಭಾರತದಲ್ಲಿ ತಯಾರಿಸಲು ಸಿದ್ಧರಾಗಿದ್ದರೆ ಯಾವುದೇ ಸಮಸ್ಯೆ ಇಲ್ಲ. ಭಾರತಕ್ಕೆ ಬನ್ನಿ, ಉತ್ಪಾದನೆಯನ್ನು ಪ್ರಾರಂಭಿಸಿ, ಭಾರತವು ದೊಡ್ಡ ಮಾರುಕಟ್ಟೆಯಾಗಿದೆ. ಕಳೆದ ವರ್ಷ, ಭಾರೀ ಕೈಗಾರಿಕೆಗಳ ಸಚಿವಾಲಯವು ಯಾವುದೇ ತೆರಿಗೆ ರಿಯಾಯಿತಿಗಳನ್ನು ಪರಿಗಣಿಸುವ ಮೊದಲು ಭಾರತದಲ್ಲಿ ತನ್ನ ಐಕಾನಿಕ್ ಎಲೆಕ್ಟ್ರಿಕ್ ವಾಹನಗಳ ಉತ್ಪಾದನೆಯನ್ನು ಪ್ರಾರಂಭಿಸಲು ಟೆಸ್ಲಾಗೆ ಕೇಳಿಕೊಂಡಿತ್ತು.
ಪ್ರಸ್ತುತ, ಕಂಪ್ಲೀಟ್ಲಿ ಬಿಲ್ಟ್ ಯುನಿಟ್‌ಗಳಾಗಿ (CBUs) ಆಮದು ಮಾಡಿಕೊಳ್ಳುವ ಕಾರುಗಳು ಇಂಜಿನ್ ಗಾತ್ರ ಮತ್ತು ವೆಚ್ಚ, ವಿಮೆ ಮತ್ತು ಸರಕು ಸಾಗಣೆ (CIF) ಮೌಲ್ಯವನ್ನು ಅವಲಂಬಿಸಿ USD 40,000 ಕ್ಕಿಂತ ಕಡಿಮೆ ಅಥವಾ ಹೆಚ್ಚಿನದನ್ನು ಅವಲಂಬಿಸಿ 60-100 ಪ್ರತಿಶತದಷ್ಟು ಕಸ್ಟಮ್ಸ್ ಸುಂಕವನ್ನು ಆಕರ್ಷಿಸುತ್ತವೆ. ಈ ಬದಲಾವಣೆಗಳು ಭಾರತೀಯ EV ಪರಿಸರ ವ್ಯವಸ್ಥೆಯ ಅಭಿವೃದ್ಧಿಯನ್ನು ಉತ್ತೇಜಿಸುತ್ತದೆ ಮತ್ತು ಕಂಪನಿಯು ಮಾರಾಟ,
ಸೇವೆ ಮತ್ತು ಚಾರ್ಜಿಂಗ್ ಮೂಲಸೌಕರ್ಯದಲ್ಲಿ ಗಮನಾರ್ಹ ನೇರ ಹೂಡಿಕೆಗಳನ್ನು ಮಾಡುತ್ತದೆ ಮತ್ತು ಅದರ ಜಾಗತಿಕ ಕಾರ್ಯಾಚರಣೆಗಳಿಗಾಗಿ ಭಾರತದಿಂದ ಸಂಗ್ರಹಣೆಯನ್ನು ಗಣನೀಯವಾಗಿ ಹೆಚ್ಚಿಸಬಹುದು ಎಂದು ಹೇಳಿದರು.
