- ಸಸ್ಯಕಾಶಿಯಲ್ಲಿ ರೀಲ್ಸ್ಗೆ (no photoshoot in lalbagh ) ರೆಡ್ ಸಿಗ್ನಲ್
- ಮರಗಳ ಮೇಲೆ ಹತ್ತುವುದು, ಗಿಡಗಳಿಗೆ ಹಾನಿ ಮಾಡುವ ಚಿತ್ರೀಕರಣಕ್ಕೆ ಕಟ್ಟುನಿಟ್ಟಿನ ನಿಷೇಧ
- ಚಿತ್ರೀಕರಣ ನಿಷೇಧಕ್ಕೆ ಸಾರ್ವಜನಿಕರಿಂದ ಮೆಚ್ಚುಗೆ
Bengaluru: ಬೆಂಗಳೂರು ನಗರದ ಸಸ್ಯಕಾಶಿ ಎಂದೇ ಹೆಸರಾಗಿರುವ (no photoshoot in lalbagh) ಲಾಲ್ಬಾಗ್ ಬೋಟಾನಿಕಲ್ ಗಾರ್ಡನ್ಗೆ ಇನ್ನು ಮುಂದೆ ಭೇಟಿ ನೀಡುವವರಿಗೆ ಕೆಲವು ಹೊಸ ನಿಯಮಗಳು ಜಾರಿಯಾಗಲಿವೆ.
ಕಳೆದ ಕೆಲವು ತಿಂಗಳಿನಿಂದ ಲಾಲ್ಬಾಗ್ನಲ್ಲಿ ರೀಲ್ಸ್, ಪ್ರೀ-ವೆಡ್ಡಿಂಗ್ ಹಾಗೂ ಪೋಸ್ಟ್-ವೆಡ್ಡಿಂಗ್ ಶೂಟ್ಗಳ ಸಂಖ್ಯೆ ಅತಿಯಾಗಿ ಹೆಚ್ಚಾಗಿತ್ತು.
ಬೆಳಿಗ್ಗೆ ಯೋಗ ಮಾಡಲು ಬರುವ ಹಿರಿಯರು, ವಾಕಿಂಗ್ಗೆ ಬರುವ ನಾಗರಿಕರು, ಪ್ರವಾಸಿಗರು – ಇವರೆಲ್ಲರೂ ಈ ಛಾಯಾಗ್ರಹಣದ ಹಾವಳಿಯಿಂದಾಗಿ ತೊಂದರೆಗಳನ್ನು ಎದುರಿಸುತ್ತಿದ್ದಾರೆ.
ಸಾರ್ವಜನಿಕ ಸ್ಥಳದಲ್ಲಿ ನಿಯಮ-ಶಿಸ್ತಿನ ಕೊರತೆ, ಫ್ಲ್ಯಾಶ್ ಲೈಟ್ಗಳಿಂದ ಪಕ್ಷಿಗಳಿಗೆ (no photoshoot in lalbagh) ಆಗುವ ತೊಂದರೆ, ಗಿಡ-ಮರಗಳ ಮೇಲೆ ಹತ್ತಿ ರೀಲ್ಸ್ ಮಾಡುವವರ ವರ್ತನೆ ಈ ಎಲ್ಲವು ಆಡಳಿತ ಕ್ರಮ ಕೈಗೊಳ್ಳುವಂತೆ ಮಾಡಿದೆ.
ಈಗಾಗಲೇ ಕಬ್ಬನ್ ಪಾರ್ಕ್ನಲ್ಲಿ ಚಿತ್ರೀಕರಣವನ್ನು ನಿಷೇಧಿಸಿದ ನಂತರ, ಈಗ ಲಾಲ್ಬಾಗ್ನಲ್ಲಿಯೂ ಇದೇ ಮಾದರಿಯ ಕ್ರಮ ಕೈಗೊಳ್ಳಲು ಆಡಳಿತ ಮಂಡಳಿ ಸಿದ್ಧತೆ ಆರಂಭಿಸಿದೆ.
ಒಂದು ವಾರದೊಳಗೆ ತಜ್ಞ ಸಮಿತಿ ಸಭೆ ಕೂಡಿ, ಪೂರ್ಣ ಪ್ರಸ್ತಾವನೆಯನ್ನು ಸರ್ಕಾರಕ್ಕೆ ಸಲ್ಲಿಸುವ ಸಾಧ್ಯತೆ ಇದೆ.
ಲಾಲ್ಬಾಗ್ನಲ್ಲಿ ಹಲವು ಪ್ರದೇಶಗಳು ಪರಿಸರ ವೈವಿಧ್ಯತೆಯ ಕೇಂದ್ರಗಳಾಗಿವೆ. ವಿಶೇಷವಾಗಿ ಕಳೆದ ಕೆಲವು ತಿಂಗಳಿನಿಂದ ಹೆಜ್ಜೇನುಗಳು ಗೂಡು ಕಟ್ಟಿರುವುದು ಗಮನಕ್ಕೆ ಬಂದಿದೆ.
ಫ್ಲ್ಯಾಶ್ ಲೈಟ್ಗಳು ಹಾಕಿದಾಗ ಅವು ದಾಳಿ ಮಾಡುವ ಅಪಾಯ ಹೆಚ್ಚಾಗುತ್ತದೆ ಎಂದು ಅರಣ್ಯ ಇಲಾಖೆಯ ಅಧಿಕಾರಿಗಳು ಹೇಳಿದ್ದಾರೆ.
ಇವುಗಳ ಜೊತೆಗೆ, ಪ್ರೀ ವೆಡ್ಡಿಂಗ್ ಶೂಟ್ ವೇಳೆ ಕೆಲವು ದಂಪತಿಗಳು ಸಾರ್ವಜನಿಕ ಸ್ಥಳದಲ್ಲಿ ಶಿಸ್ತು ಪಾಲಿಸದೇ ವರ್ತಿಸುವುದು, ಪ್ರವಾಸಿಗರು ಮತ್ತು ಹಿರಿಯ ನಾಗರಿಕರಿಗೆ ಮುಜುಗರ ಉಂಟುಮಾಡುವುದು, ಗಿಡಗಳ ಮೇಲೆ ಕುಳಿತು ಫೋಟೋ ತೆಗೆಯುವ ಮೂಲಕ ಹಾನಿ ಮಾಡುವುದು ಈ ಅಸಮಂಜಸ ಘಟನೆಗಳು ದಿನನಿತ್ಯ ಹೆಚ್ಚುತ್ತಿವೆ.
ಇದೇ ಕಾರಣಕ್ಕೆ ಲಾಲ್ಬಾಗ್ನಲ್ಲಿ ಚಿತ್ರೀಕರಣಕ್ಕೆ ಸಂಪೂರ್ಣ ನಿಷೇಧ ಹೇರಲಾಗಬೇಕು ಎಂಬ ಅಭಿಪ್ರಾಯ ಆಡಳಿತದಲ್ಲಿ ಬಲವಾಗಿ ಕೇಳಿಬಂದಿದೆ.
ಇಲ್ಲಿನ ಪ್ರಕೃತಿಯನ್ನು ರಕ್ಷಿಸುವುದು ಪ್ರಥಮ ಕರ್ತವ್ಯ,ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಇನ್ನು ಸಾಮಾನ್ಯ ಜನರಿಂದಲೂ ಈ ಕ್ರಮಕ್ಕೆ ಉತ್ತಮ ಪ್ರತಿಕ್ರಿಯೆ ಬರುತ್ತಿದ್ದು ನಾವು ನೆಮ್ಮದಿಗಾಗಿ ಪಾರ್ಕ್ಗೆ ಬರುತ್ತೇವೆ.
ಆದರೆ ರೀಲ್ಸ್ ಶೂಟ್ ಮಾಡುವವರಿಂದ ಪಾರ್ಕ್ ಕೂಡ ಸ್ಟುಡಿಯೋ ಆಗಿಬಿಟ್ಟಿತ್ತು ಎಂದು ವಾಕಿಂಗ್ಗೆ ಬರುವವರು ಹೇಳುತ್ತಾರೆ.
ಪ್ರವಾಸಿಗರು ಸಹ ಇದೇ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಮಕ್ಕಳೊಡನೆ ಬರುವ ಕುಟುಂಬಗಳು, ಯೋಗ ಮಾಡಲು ಬರುವ ಗುಂಪುಗಳು ಎಲ್ಲರೂ ಈ ಕ್ರಮಕ್ಕೆ ಸ್ವಾಗತ ಸೂಚಿಸಿದ್ದಾರೆ.
ಕೆಲವು ವರ್ಷಗಳಿಂದ ನಗರ ಪಾರ್ಕ್ಗಳಲ್ಲಿ ಸಾಮಾಜಿಕ ಮಾಧ್ಯಮಕ್ಕಾಗಿ ಮಾಡುವ ಅತಿಯಾದ ಚಿತ್ರೀಕರಣ ಸಮಸ್ಯೆಯಾಗಿದ್ದು, ಇದು ಪರಿಸರ ಸಂರಕ್ಷಣೆಗೂ ಹಾನಿ ಆಗುತ್ತಿದೆ ಎಂದು ಪರಿಸರ ತಜ್ಞರು ಹೇಳಿದ್ದಾರೆ.
ಹಾಗಾಗಿ ಲಾಲ್ಬಾಗ್ ತೆಗೆದುಕೊಂಡಿರುವ ಈ ನಿಷೇಧ ಕ್ರಮವನ್ನು ಅವರು ಸಮರ್ಥಿಸಿದ್ದಾರೆ. ಪಾರ್ಕ್ಗಳು ಕೇವಲ ರೀಲ್ಸ್ ಮಾಡುವ ಸ್ಥಳಗಳಲ್ಲ; ಅವು ಜೀವ ವೈವಿಧ್ಯತೆಯ ತಾಣಗಳು, ಹಾಗಾಗಿ ನಗರದ ಇತರ ಪಾರ್ಕ್ಗಳಲ್ಲಿಯೂ ಇದೇ ರೀತಿಯ ನಿಯಮಗಳನ್ನು ಜಾರಿಗೆ ತರಲು BBMP ಮತ್ತು ಅರಣ್ಯ ಇಲಾಖೆ ಚರ್ಚೆ ನಡೆಸುತ್ತಿದೆ.
ಮರಗಳ ಮೇಲೆ ಹತ್ತುವ, ಗಿಡಗಳೊಂದಿಗೆ ಕಾನ್ಸೆಪ್ಟ್ ವೀಡಿಯೋ ಮಾಡುವ, ಸಾರ್ವಜನಿಕರಿಗೆ ಅಡ್ಡಿಯಾಗುವ ರೀತಿಯಲ್ಲಿ ವರ್ತಿಸುವವರಿಗೆ ಕಟ್ಟುನಿಟ್ಟಾಗಿ ಕ್ರಮ ಕೈಗೊಳ್ಳುವ ಸಾಧ್ಯತೆ ಇದೆ.
ಲಾಲ್ಬಾಗ್ನ ಶಾಂತತೆ ಮತ್ತು ಪರಿಸರ ಸಂರಕ್ಷಣೆ ನಗರಕ್ಕೇ ಆಭರಣವಾದ್ದರಿಂದ, ಈ ಹೊಸ ನಿಯಮಗಳನ್ನು ಜನರು ಪಾಲಿಸಬೇಕು ಎಂದು ಆಡಳಿತ ಮನವಿ ಮಾಡಿದೆ.
ಇದನ್ನು ಓದಿ : ಪ್ರಾಥಮಿಕ ಶಿಕ್ಷಣ ಬಲಪಡಿಸುವತ್ತ ಸರ್ಕಾರದ ಮಹತ್ವದ ಹೆಜ್ಜೆ: ರಾಜ್ಯದ 5000 ಅಂಗನವಾಡಿಗಳಲ್ಲಿ LKG, UKG ತರಗತಿಗಳು ಆರಂಭ
