• ಕಿಶ್ತ್ವಾರ್ ಜಿಲ್ಲೆಯ ಚತ್ರೂ ಪ್ರದೇಶದಲ್ಲಿ ಮತ್ತೆ ಗುಂಡಿನ ಚಕಮಕಿ
• ಭಯೋತ್ಪಾದಕರು ಮತ್ತು ಭದ್ರತಾ ಪಡೆಗಳ ನಡುವೆ ಶೂಟೌಟ್​
• ಭಾರತದ ಮೇಲೆ ಮತ್ತೊಮ್ಮೆ ದಾಳಿ ನಡೆದರೆ, ಗುಂಡಿಗೆ ಗುಂಡಿನ ಮೂಲಕವೇ ಉತ್ತರ ಸಿಗುತ್ತದೆ ಅಮಿತ್ ಶಾ ಹೇಳಿಕೆ

Jammu and Kashmir: ಜಮ್ಮು-ಕಾಶ್ಮೀರದ (Jammu-Kashmir) ಕಿಶ್ತ್ವಾರ್ ಜಿಲ್ಲೆಯ ಚತ್ರೂ ಪ್ರದೇಶದಲ್ಲಿ ಇನ್ನೊಮ್ಮೆ ಗುಂಡಿನ ಸದ್ದು ಮೊಳಗಿದೆ.

ಬುಧವಾರ ಬೆಳಗಿನ ವೇಳೆಯಲ್ಲಿ ಭಯೋತ್ಪಾದಕರು ಮತ್ತು ಭದ್ರತಾ ಪಡೆಗಳ ನಡುವೆ ಗುಂಡಿನ ದಾಳಿ ನಡೆದು ಆತಂಕದ ವಾತಾವರಣ ನಿರ್ಮಾಣವಾಯಿತು. (Operation Chatru begins in Jammu and Kashmir)

ಭಾರತೀಯ ಸೇನೆಯ ವೈಟ್ ನೈಟ್ ಕಾರ್ಪ್ಸ್ ಮತ್ತು ಜಮ್ಮು-ಕಾಶ್ಮೀರ ಪೊಲೀಸ್ ಇಲಾಖೆಯ ಸಂಯುಕ್ತ ಕ್ರಮದಡಿ ‘ಆಪರೇಷನ್ ಚತ್ರೂ’ (Operation Chatru) ಮತ್ತೊಮ್ಮೆ ಪ್ರಾರಂಭಗೊಂಡಿದ್ದು, ಶೂಟೌಟ್ ಇನ್ನೂ ಮುಂದುವರಿದಿರುವುದಾಗಿ ಸೇನೆ ದೃಢಪಡಿಸಿದೆ.

ಭದ್ರತಾ ಸಂಸ್ಥೆಗಳಿಗೆ ಕೆಲ ದಿನಗಳಿಂದ ಚತ್ರೂ ಪ್ರದೇಶದಲ್ಲಿ ಅನ್ಯಾಚರ ಚಟುವಟಿಕೆಗಳ ಬಗ್ಗೆ ವಿಶ್ವಾಸಾರ್ಹ ಮಾಹಿತಿ ಸಿಕ್ಕಿತ್ತು.

ಆ ಮಾಹಿತಿಯನ್ನು ಆಧರಿಸಿ ವಿಶೇಷ ದಾಳಿ ದಳ ಹಾಗೂ ಪೊಲೀಸ್ ಪಡೆಗಳನ್ನು ನಿಯೋಜಿಸಲಾಯಿತು.

ಟ್ವಿಟರ್ ಈಗಿನ (X) ಮೂಲಕ ವೈಟ್ ನೈಟ್ ಕಾರ್ಪ್ಸ್ (White Knight Corps) ಪ್ರಕಟಣೆ ಹೊರಡಿಸಿದ್ದು, ಪೊಲೀಸ್ ಸಹಕಾರದೊಂದಿಗೆ, ನಿಖರ ಗುಪ್ತಚರ ಮಾಹಿತಿಯ ಆಧಾರದಲ್ಲಿ ಭಯೋತ್ಪಾದಕರನ್ನು ಸ್ಥಳೀಕರಿಸಲಾಗಿದೆ.

ಗುಂಡಿನ ಚಕಮಕಿ ಮುಂದುವರಿಯುತ್ತಿದೆ. ಆಪರೇಷನ್ ಚತ್ರೂ ಪ್ರಗತಿಯಲ್ಲೇ ಇದೆ ಎಂದು ತಿಳಿಸಿದೆ. (Operation Chatru begins in Jammu and Kashmir)

ಇನ್ನು ಕಿಶ್ತ್ವಾರ್ (Kishtwar) ಮತ್ತು ಅದರ ಸುತ್ತಲಿನ ಪರ್ವತ ಪ್ರದೇಶಗಳು ಕಳೆದ ಕೆಲವು ವರ್ಷಗಳಿಂದ ಭಯೋತ್ಪಾದಕರ ಚಲನವಲನಕ್ಕೆ ಪೋಷಕ ತಾಣವಾಗುತ್ತಿವೆ.

ಚತ್ರೂ ಕಣಿವೆಯನ್ನು ಸದ್ಯ ಸೇನೆ ಸಂಪೂರ್ಣವಾಗಿ ವಲಯಗೊಳಿಸಿದ್ದು, ಪರ್ವತಮಯ ನೆಲ, ಕಠಿಣ ಹವಾಮಾನ ಮತ್ತು ದಟ್ಟ ಕಾಡಿನ ನಡುವೆ ಭಯೋತ್ಪಾದಕರನ್ನು ಪತ್ತೆಹಿಡಿಯುವುದು ಭದ್ರತಾ ಪಡೆಗಳಿಗೆ ಕಷ್ಟಕರ ಕಾರ್ಯವಾಗಿದೆ.

ಆದರೂ, ಸೇನೆ ಮತ್ತು ಜಮ್ಮು-ಕಾಶ್ಮೀರ ಪೊಲೀಸ್ ಪಡೆಗಳು ಹಂತ ಹಂತವಾಗಿ ಪ್ರದೇಶವನ್ನು ಶೋಧಿಸುತ್ತಿದ್ದು, ಯಾವುದೇ ಅನುಮಾನಾಸ್ಪದ ಚಟುವಟಿಕೆ ನಡೆಯದಂತೆ ನಿಗಾವ್ಯವಸ್ಥೆಯನ್ನು ಬಿಗಿಗೊಳಿಸಿದ್ದಾರೆ.

ಈಗಾಗಲೇ ಕೆಲವು ಸ್ಥಳಗಳಲ್ಲಿ ಗುಂಡಿನ ಸದ್ದುಗಳು ಕೇಳಿಬಂದಿದ್ದರೂ, ಶತ್ರುಗಳನ್ನು ಸಂಪೂರ್ಣವಾಗಿ ನಿಷ್ಕ್ರಿಯಗೊಳಿಸಲಾಯಿತೇ ಅಥವಾ ಅವರು ಇನ್ನೂ ಸಜೀವವಾಗಿದ್ದಾರೇ ಎಂಬ ಮಾಹಿತಿ ಇನ್ನೂ ಅಧಿಕೃತವಾಗಿ ದೃಢಪಡಿಲ್ಲ.

ಕಳೆದ ಕೆಲವು ತಿಂಗಳುಗಳಲ್ಲಿ ಜಮ್ಮು-ಕಾಶ್ಮೀರ ಪ್ರದೇಶದಲ್ಲಿ ಭಯೋತ್ಪಾದನಾ ಚಟುವಟಿಕೆಗಳು ಮತ್ತೆ ಹೆಚ್ಚುತ್ತಿರುವ ಹಿನ್ನೆಲೆಯಲ್ಲಿ, ಸೇನೆಯು ಗಡಿ ಭಾಗಗಳಲ್ಲಿ ಕಾವಲು ಮತ್ತು ನಿಗಾವ್ಯವಸ್ಥೆಯನ್ನು ತೀವ್ರಗೊಳಿಸಿದೆ.

ಹೆಲಿಕಾಪ್ಟರ್ ನಿಗಾವೀಕ್ಷಣೆ, ರಾತ್ರಿ ಪೇಟ್ರೋಲಿಂಗ್ (Patrolling) , ಮತ್ತು ಸಶಸ್ತ್ರ ಶೋಧ ಕಾರ್ಯಾಚರಣೆಗಳನ್ನು ಬಿಗಿಯಾಗಿಸಿದ್ದರಿಂದ, ಯಾವುದೇ ಸಂಶಯಾಸ್ಪದ ಚಲನವಲನ ತಕ್ಷಣ ಪತ್ತೆಹಚ್ಚಲು ವ್ಯವಸ್ಥೆ ಮಾಡಲಾಗಿದೆ.

ಚತ್ರೂ ಪ್ರದೇಶದಲ್ಲಿ ಸ್ಥಳೀಯ ಜನರೂ ಸೇನೆಗೆ ಸಹಕಾರ ನೀಡುತ್ತಿದ್ದು, ಅನುಮಾನಾಸ್ಪದ ವ್ಯಕ್ತಿಗಳು ಅಥವಾ ಘಟನೆಯನ್ನು ಗಮನಿಸಿದರೆ ತಕ್ಷಣ ಭದ್ರತಾ ಪಡೆಗಳಿಗೆ ಮಾಹಿತಿ ಹಂಚುತ್ತಿದ್ದಾರೆ.

ಇದರಿಂದ ಭಯೋತ್ಪಾದಕರ ನುಸುಳುಕೋರ ಚಟುವಟಿಕೆಗಳಿಗೆ ತಡೆ ಉಂಟಾಗಿದೆ.

ಜಮ್ಮು-ಕಾಶ್ಮೀರದ ನಿಯಂತ್ರಣ ರೇಖೆ (LOC) ಸುಮಾರು 740 ಕಿಲೋಮೀಟರ್ (Kilometer) ವಿಸ್ತಾರವನ್ನು ಹೊಂದಿದ್ದು, ಈ ಉದ್ದವಾದ ಗಡಿಭಾಗದಲ್ಲಿ ಸೇನೆ 24×7 ಕಾವಲು ಕಾಯುತ್ತಿದೆ.

ಬಾರಾಮುಲ್ಲಾ (Baramulla) , ಕುಪ್ವಾರಾ, ಬಂಡಿಪೋರಾ (Bandipora) , ಪೂಂಚ್, ರಾಜೌರಿ ಮತ್ತು ಜಮ್ಮು ಸೇರಿದಂತೆ ಹಲವಾರು ಪ್ರಮುಖ ಜಿಲ್ಲೆಗಳಲ್ಲಿ ಭದ್ರತಾ ಪಡೆಗಳು ಸದಾ ಎಚ್ಚರಿಕೆಯಿಂದ ಕಾರ್ಯನಿರ್ವಹಿಸುತ್ತಿವೆ.

ಇತ್ತೀಚಿನ ದಿನಗಳಲ್ಲಿ ಭಯೋತ್ಪಾದಕ ಚಟುವಟಿಕೆಗಳು ಹೆಚ್ಚಾಗುತ್ತಿರುವ ಹಿನ್ನೆಲೆಯಲ್ಲಿ, ಗಡಿ ನಿಗಾವ್ಯವಸ್ಥೆಯನ್ನು ಇನ್ನಷ್ಟು ತೀಕ್ಷ್ಣಗೊಳಿಸಿ, ನಿಗಾ ಸಾಧನಗಳು, ಹೈ-ಅಲರ್ಟ್ (High-Alert) ಪೇಟ್ರೋಲ್ ಹಾಗೂ ಶೋಧ ಕಾರ್ಯಗಳನ್ನು ಬಲಪಡಿಸಲಾಗಿದೆ.

ಈ ನಡುವೆ, ಕೇಂದ್ರ ಗೃಹ ಸಚಿವ ಅಮಿತ್ ಶಾ (Amith Shah) ಬಿಹಾರದಲ್ಲಿ ನಡೆದ ಸಾರ್ವಜನಿಕ ಸಭೆಯಲ್ಲಿ ಪಾಕ್ ಪ್ರಾಯೋಜಿತ ಭಯೋತ್ಪಾದಕರಿಗೆ ತೀಕ್ಷ್ಣ ಎಚ್ಚರಿಕೆ ನೀಡಿದರು.

“ಭಾರತದ ಮೇಲೆ ಮತ್ತೊಮ್ಮೆ ದಾಳಿ ನಡೆದರೆ, ಗುಂಡಿಗೆ ಗುಂಡಿನ ಮೂಲಕವೇ ಉತ್ತರ ಸಿಗುತ್ತದೆ, ನಮ್ಮ ದೇಶದ ಮೇಲೆ ಕಣ್ಣಿಟ್ಟವರಿಗೆ ಬಿಡುವುದಿಲ್ಲ” ಎಂದು ಅವರು ಸ್ಪಷ್ಟ ಸಂದೇಶ ನೀಡಿದರು.

ಜೊತೆಗೆ, ಬಿಹಾರದಲ್ಲಿ ನಿರ್ಮಾಣಗೊಳ್ಳುತ್ತಿರುವ ರಕ್ಷಣಾ ಕಾರಿಡಾರ್ ಭಾರತೀಯ ಸೇನೆಯ ಶಕ್ತಿಯನ್ನು ಹೆಚ್ಚಿಸುವುದಾಗಿ ತಿಳಿಸಿ, ಅಲ್ಲಿ ತಯಾರಾಗುವ ಸ್ಫೋಟಕ ಹಾಗೂ ರಕ್ಷಣಾ ಸಾಧನಗಳು ಸೀಮೆಪಾರ ಭಯೋತ್ಪಾದನೆ ವಿರುದ್ಧ ಕಾರ್ಯಾಚರಣೆಗೆ ಸಹಕಾರಿಯಾಗಲಿವೆ ಎಂದು ಹೇಳಿದ್ದರು.

ಆದರೆ ಇದೀಗ ಗಡಿಯಲ್ಲಿ ಮತ್ತೆ ಆಪರೇಷನ್ ಚತ್ರೂ ಮತ್ತೊಮ್ಮೆ ಪ್ರಾರಂಭಗೊಂಡಿದ್ದು, ಶೂಟೌಟ್ ಇನ್ನೂ ಮುಂದುವರಿದಿರುವುದಾಗಿ ಸೇನೆ ದೃಢಪಡಿಸಿದೆ.