ಕೋಟದಲ್ಲಿ ಕನ್ನಡ ರಾಜ್ಯೋತ್ಸವದ ಸಂಭ್ರಮ: ಪತ್ರಕರ್ತೆ ವಿಜಯಲಕ್ಷ್ಮಿ ಶಿಬರೂರು ಅವರಿಗೆ ‘ಪಂಚವರ್ಣ ರಾಜ್ಯೋತ್ಸವ ಪ್ರಶಸ್ತಿ’ ಪ್ರದಾನ

• ಕೋಟದ ಗಾಂಧಿ ಮೈದಾನದಲ್ಲಿ ನವೆಂಬರ್ 16 ರಂದು ಕನ್ನಡ ರಾಜ್ಯೋತ್ಸವ ಸಂಭ್ರಮ
• ಪತ್ರಕರ್ತೆ ವಿಜಯಲಕ್ಷ್ಮಿ ಶಿಬರೂರು ಅವರಿಗೆ ಪಂಚವರ್ಣ ರಾಜ್ಯೋತ್ಸವ ಪ್ರಶಸ್ತಿ ಘೋಷಣೆ
• ಪರಿಸರ ಕಾಳಜಿ, ನೈತಿಕ ಪತ್ರಿಕೋದ್ಯಮ ಮತ್ತು ಸಮಾಜಮುಖಿ ವರದಿಗಳಿಂದ ಜನ ಮನ್ನಣೆ ಗಳಿಸಿದ ವಿಜಯಲಕ್ಷಿ ಶಿಬರೂರು

Udupi: ಉಡುಪಿ ಜಿಲ್ಲೆಯಲ್ಲಿ ಪ್ರತಿವರ್ಷ ಅತ್ಯಂತ ಭವ್ಯವಾಗಿ ನಡೆಯುವ ‘ಸದ್ಭಾವನಾ – ಪಂಚವರ್ಣ ರಾಜ್ಯೋತ್ಸವ 2025’ ಈ ಬಾರಿ ನವೆಂಬರ್ 16ರಂದು ಕೋಟದ ಗಾಂಧಿ ಮೈದಾನದಲ್ಲಿ ಜರುಗಲಿದೆ. (Panchavarna Rajyotsava Award to vijayalakshmi shibaruru)

ಪಂಚವರ್ಣ ಯುವಕ ಮಂಡಲ ಹಾಗೂ ಪಂಚವರ್ಣ ಮಹಿಳಾ ಮಂಡಲದ ಸಂಯುಕ್ತ ಆಶ್ರಯದಲ್ಲಿ ನಡೆಯುವ ಈ ಕಾರ್ಯಕ್ರಮ, ಕಳೆದ ಅನೇಕ ವರ್ಷಗಳಿಂದ ಸಮಾಜಮುಖಿ ಚಟುವಟಿಕೆಗಳ ಮೂಲಕ ರಾಜ್ಯೋತ್ಸವದ ನಿಜವಾದ ಅರ್ಥವನ್ನು ಜನಮನಗಳಲ್ಲಿ ಸಾರುತ್ತಿದೆ.

ಈ ಬಾರಿ ಕಾರ್ಯಕ್ರಮದ ಪ್ರಮುಖ ಆಕರ್ಷಣೆ ಎಂದರೆ ಕನ್ನಡ ನಾಡಿನ ಶ್ರೇಷ್ಠ ಪತ್ರಕರ್ತೆ ಮತ್ತು ಪರಿಸರ ಪತ್ರಿಕೋದ್ಯಮ ಪ್ರಶಸ್ತಿ ಪುರಸ್ಕೃತೆಯಾದ ವಿಜಯಲಕ್ಷ್ಮಿ ಶಿಬರೂರು (Vijayalakshmi Shibarur) ಅವರಿಗೆ ‘ಪಂಚವರ್ಣ ರಾಜ್ಯೋತ್ಸವ ಪ್ರಶಸ್ತಿ’ ಪ್ರದಾನ ಮಾಡಲಿದೆ.

ಪತ್ರಿಕೋದ್ಯಮದ ಲೋಕದಲ್ಲಿ ನಿಸ್ವಾರ್ಥ ಸೇವೆ, ನೈತಿಕತೆ ಮತ್ತು ಪರಿಸರ ಸಂರಕ್ಷಣೆಯ ಪ್ರತಿ ಬದ್ಧತೆಗಾಗಿ ಹೆಸರಾದ ವಿಜಯಲಕ್ಷ್ಮಿ ಶಿಬರೂರು ಅವರು ಈ ಗೌರವಕ್ಕೆ ಆಯ್ಕೆಯಾಗಿದ್ದಾರೆ.

ಪ್ರಶಸ್ತಿಯು ₹25,000 ನಗದು ಹಾಗೂ ಬೆಳ್ಳಿ ಫಲಕ ಒಳಗೊಂಡಿದೆ.(Panchavarna Rajyotsava Award to vijayalakshmi shibaruru)

ಇನ್ನು ಪತ್ರಕರ್ತೆಯಾಗಿ ಜನಮನ್ನಣೆಗಳಿಸಿರುವ ವಿಜಯಲಕ್ಷ್ಮಿ ಶಿಬರೂರು ಅವರು ಮೂಲತಃ ದಕ್ಷಿಣ ಕನ್ನಡ ಜಿಲ್ಲೆಯ ಶಿಬರೂರು ಗ್ರಾಮದವರು.

ಅವರು ಕಳೆದ 25 ವರ್ಷಗಳಿಂದ ಪತ್ರಿಕೋದ್ಯಮ ಕ್ಷೇತ್ರದಲ್ಲಿ ಸೇವೆ ಸಲ್ಲಿಸುತ್ತಿದ್ದಾರೆ.

ಅವರು ಹಲವು ಪ್ರಮುಖ ಕನ್ನಡ ಮತ್ತು ರಾಷ್ಟ್ರ ಮಟ್ಟದ ಮಾಧ್ಯಮಗಳಲ್ಲಿ ಕೆಲಸಮಾಡಿ ಜನಜಾಗೃತಿ ಮೂಡಿಸುವ ವರದಿಗಳನ್ನು ನೀಡಿದ್ದಾರೆ.

ಅವರ ಪತ್ರಿಕೋದ್ಯಮದ ಹಾದಿಯಲ್ಲಿ ಅರಣ್ಯ ಸಂರಕ್ಷಣೆ, ಆರೋಗ್ಯ ,ಪ್ಲಾಸ್ಟಿಕ್ ತ್ಯಾಜ್ಯಗಳ,ಅಪಾಯಕಾರಿ ಆಹಾರ ಪದಾರ್ಥಗಳ, ಹಾಗೂ ಪರಿಸರ ಕಾಳಜಿಯ ಕುರಿತು ಮಾಡಿರುವ ವರದಿಗಳು ವಿಶೇಷ ಮೆಚ್ಚುಗೆಗೆ ಪಾತ್ರವಾಗಿವೆ.

ಎಲೆಕ್ಟ್ರಾನಿಕ್ (Electronic) ಮತ್ತು ಸಾಮಾಜಿಕ ಮಾಧ್ಯಮಗಳ ಮೂಲಕ ಅವರು ಪರಿಸರ ಸ್ನೇಹಿ ಜೀವನಶೈಲಿಯ ಅಗತ್ಯವನ್ನು ಸಾರಿದರು.

ಸಮಾಜಮುಖಿ ಪತ್ರಿಕೋದ್ಯಮದ ದಾರಿಯಲ್ಲಿ ಅವರು ವಿಜಯ ಟೈಮ್ಸ್ (Vijayatimes) ಎನ್ನುವ ಸಂಸ್ಥೆಯನ್ನು ಹುಟ್ಟು ಹಾಕಿ ಹಲವಾರು ವಿದ್ಯಾರ್ಥಿಗಳಿಗೆ ಪತ್ರಿಕೋದ್ಯಮದ ಪಾಠವನ್ನು ಮಾಡಿ ಮಾದರಿಯಾಗಿದ್ದಾರೆ.

ಇನ್ನು ಪತ್ರಿಕೋದ್ಯಮವು ಜನರ ಧ್ವನಿ ಆಗಬೇಕು; ಪ್ರಕೃತಿ, ಪ್ರಾಣಿ ಮತ್ತು ಮನುಷ್ಯall are interconnected.

ನಾವು ಪ್ರಕೃತಿಯನ್ನು ಕಾಪಾಡಿದರೆ, ಪ್ರಕೃತಿ ನಮ್ಮನ್ನು ಕಾಪಾಡುತ್ತದೆ. ಉತ್ತಮ ಸಮಾಜದ ನಿರ್ಮಾಣದಲ್ಲಿ ಪತ್ರಕರ್ತರ ಪಾತ್ರ ಹಿರಿದು ಎನ್ನುವ ಅವರ ಪತ್ರಿಕೋದ್ಯಮ ಸೇವೆಗೆ ರಾಜ್ಯ ಹಾಗೂ ರಾಷ್ಟ್ರ ಮಟ್ಟದಲ್ಲಿ ಅನೇಕ ಪ್ರಶಸ್ತಿಗಳು ಲಭಿಸಿವೆ.

ರಾಜ್ಯ ಪರಿಸರ ಪತ್ರಿಕೋದ್ಯಮ ಪ್ರಶಸ್ತಿ ಪಡೆದಿರುವ ಅವರು ಈಗ 2025ರ ಪಂಚವರ್ಣ ರಾಜ್ಯೋತ್ಸವ ಪ್ರಶಸ್ತಿ ಪುರಸ್ಕೃತೆಯಾಗಿ ಆಯ್ಕೆಯಾಗಿದ್ದಾರೆ.

ವಿಜಯಲಕ್ಷ್ಮಿ ಶಿಬರೂರು ಅವರ ಸೇವೆ ಕೇವಲ ಒಂದು ವೃತ್ತಿಯ ಯಶಸ್ಸಲ್ಲ; ಅದು ಕನ್ನಡ ಮಾಧ್ಯಮ ಲೋಕಕ್ಕೆ, ಪರಿಸರ ಚಳವಳಿಗೆ ಹಾಗೂ ಸಾಮಾಜಿಕ ಚಿಂತನೆಗೆ , ನೈತಿಕತೆಗೆ ನೀಡಿದ ಅಮೂಲ್ಯ ಕೊಡುಗೆ.

ಅವರಿಗೆ ದೊರೆಯುತ್ತಿರುವ ಈ ಗೌರವವು ನಾಡಿನ ಪತ್ರಿಕೋದ್ಯಮದ ಗೌರವವನ್ನು ಮತ್ತಷ್ಟು ಎತ್ತರಕ್ಕೆ ಏರಿಸುತ್ತದೆ.ಅವರು ಮಾಧ್ಯಮ ಲೋಕದಲ್ಲಿ ಹೊಸ ಪೀಳಿಗೆಯ ಪತ್ರಕರ್ತರಿಗೆ ಪ್ರೇರಣೆಯ ಪ್ರತೀಕ ಆಗಿದ್ದಾರೆ

ಪರಿಸರ ಪ್ರೇಮಿ, ಸಮಾಜಸೇವಕ, ಹಾಗೂ ನಾಡಿನ ಧ್ವನಿಯಾಗಿರುವ ವಿಜಯಲಕ್ಷ್ಮಿ ಶಿಬರೂರು ನಿಜಕ್ಕೂ ಕನ್ನಡ ನಾಡಿನ ಹೆಮ್ಮೆ ಅನ್ನೋದ್ರಲ್ಲಿ ಎರಡು ಮಾತಿಲ್ಲ.