New delhi: ಹಣದ ಆಸೆಗೆ ಆನ್‌ಲೈನ್‌ನಲ್ಲಿ ಪ್ರತಿನಿತ್ಯ (Online daily) ನಾನಾ ಬಗೆಯ ವಂಚನೆಗಳು ನಡೆಯುತ್ತಿವೆ. ಇದೀಗ ಪಿಗ್‌ ಬುಚರಿಂಗ್‌ ಸ್ಕ್ಯಾಮ್‌ (Pig butchering scam)ಅಥವಾ ಹೂಡಿಕೆ ವಂಚನೆ ಎಂಬ ಆನ್‌ಲೈನ್‌ ವಂಚನೆ ಕುರಿತು ಗೃಹ ಸಚಿವಾಲಯವು ಮಾಹಿತಿ ನೀಡಿದೆ. ನಿರುದ್ಯೋಗ ಯುವಕ-ಯುವತಿಯರು, ಗೃಹಿಣಿಯರು, ವಿದ್ಯಾರ್ಥಿಗಳು, ಹಣ ಸಂಪಾದನೆಯ ಅವಕಾಶಗಳನ್ನು ಹುಡುಕುತ್ತಿರುವವರೇ ಈ ವಂಚಕರ ಪ್ರಮುಖ ಟಾರ್ಗೆಟ್‌ ಆಗುತ್ತಿದ್ದಾರೆ ಎಂದು ಕೇಂದ್ರ ಗೃಹ ಸಚಿವಾಲಯದ ವಾರ್ಷಿಕ ವರದಿಯಲ್ಲಿ ಹೇಳಿದೆ.

ಈ ಸೈಬರ್‌ ವಂಚಕರು ತಮ್ಮ ಅಪರಾಧ ಕೃತ್ಯಗಳನ್ನು (Criminal acts) ನಡೆಸಲು ಗೂಗಲ್‌ ಸರ್ವೀಸ್‌ ಪ್ಲಾಟ್‌ಫಾರ್ಮ್‌ಗಳನ್ನೇ ಬಳಸುತ್ತಿದ್ದಾರೆ ಎಂದು ಈ ವರದಿಯಲ್ಲಿ ತಿಳಿಸಲಾಗಿದೆ. ಬಿಗ್ ಟೆಕ್ ಪ್ಲಾಟ್‌ಫಾರ್ಮ್‌ಗಳನ್ನು ದುರುಪಯೋಗಪಡಿಸಿಕೊಂಡ ಸೈಬರ್‌ಕ್ರೈಮ್ ದೂರುಗಳು (cybercrime complaints where Big Tech platforms have been misused) ಎಂಬ ತನ್ನ ವಾರ್ಷಿಕ ವರದಿಯಲ್ಲಿ ಗೃಹ ಸಚಿವಾಲಯವು ಸಾಕಷ್ಟು ಮಾಹಿತಿಗಳನ್ನು ಬಹಿರಂಗಪಡಿಸಿದೆ.

ಅಷ್ಟಕ್ಕು ಈ ವಂಚನೆ 2016ರಲ್ಲಿ ಚೀನಾದಲ್ಲಿ ಆರಂಭವಾಯಿತು (China) ಎನ್ನಲಾಗುತ್ತಿದೆ. ಈ ಆನ್‌ಲೈನ್‌ ವಂಚಕರು ಮೊದಲು ಬಲಿಪಶುಗಳನ್ನು ಹುಡುಕುತ್ತಾರೆ. ತಾವು ಆಯ್ಕೆ ಮಾಡಿಕೊಂಡ ವ್ಯಕ್ತಿಗಳಲ್ಲಿ ನಂಬಿಕೆ ಮೂಡಿಸಲು ಪ್ರಯತ್ನಿಸುತ್ತಾರೆ. ಒಂದಿಷ್ಟು ಸಮಯದಲ್ಲಿ ನಂಬಿಕೆ ಗಳಿಸಿಕೊಂಡ ಬಳಿಕ ಕ್ರಿಪ್ಟೋಕರೆನ್ಸಿ (Cryptocurrency) ಅಥವಾ ಇತರೆ ಕೆಲವು ಲಾಭದಾಯಕ ಯೋಜನೆಗಳಲ್ಲಿ ಹಣ ಹೂಡಿಕೆ ಮಾಡುವಂತೆ ಮನವೋಲಿಸುತ್ತಾರೆ. ಬಳಿಕ ಇವರ ಹಣವನ್ನು ಲಪಟಾಯಿಸುತ್ತಾರೆ.ಫಿಗ್‌ ಬುಚರಿಂಗ್‌ ಸ್ಕ್ಯಾಮ್‌ ಅನ್ನು ಕನ್ನಡದಲ್ಲಿ (Kannada) ಹಂದಿ ಕಟುಕ ವಂಚನೆ ಎಂದು ಕರೆಯಬಹುದು . ಏಕೆಂದರೆ ಹಂದಿಯನ್ನು ಕಟುಕರು ಕೊಲ್ಲುವ ಮುನ್ನ ಚೆನ್ನಾಗಿ ಕೊಬ್ಬಿಸುತ್ತಾರೆ (Fattened first) . ಇದೇ ಕಾರಣಕ್ಕೆ ಈ ವಂಚನೆಗೆ ಫಿಗ್‌ ಬುಚರಿಂಗ್‌ ಸ್ಕ್ಯಾಮ್‌ ಹೆಸರು ಬಂದಿದೆ.

ಭಾರತದಲ್ಲಿ ಸಾಲ ನೀಡುವ ಅಕ್ರಮ ಅಪ್ಲಿಕೇಷನ್‌ಗಳನ್ನು (Illegal applications) ಪ್ರಚಾರ ಮಾಡಲು ಸೈಬರ್‌ ಅಪರಾಧಿಗಳು ಫೇಸ್‌ಬುಕ್‌ನ ಸ್ಪಾನ್ಸರ್ಡ್‌ ಪೋಸ್ಟ್‌ಗಳನ್ನು, ಜಾಹೀರಾತುಗಳನ್ನು ಬಳಸುತ್ತಿದ್ದಾರೆ ಎಂದು ವರದಿ ತಿಳಿಸಿದೆ. ಈ ರೀತಿಯ ವಂಚಕ ಲಿಂಕ್‌ಗಳನ್ನು (Fraudulent links) ಗುರುತಿಸಿ ಕ್ರಮಕೈಗೊಳ್ಳಲಾಗುತ್ತಿದೆ.ಇದೇ ಸಮಯದಲ್ಲಿ ಭಾರತದಲ್ಲಿ ಸೈಬರ್ ಕ್ರಿಮಿನಲ್‌ಗಳು ದುರುಪಯೋಗಪಡಿಸಿಕೊಳ್ಳುವ ದೊಡ್ಡ ಸಾಮಾಜಿಕ ಮಾಧ್ಯಮ ವೇದಿಕೆಯಾಗಿ (Social media platform) ವಾಟ್ಸಪ್‌ ಪರಿಣಮಿಸಿದೆ ಎಂಬ ಗೃಹ ಸಚಿವಾಲಯದ ವಾರ್ಷಿಕ ವರದಿಯಲ್ಲಿ ತಿಳಿಸಿದೆ.