- ವಿದೇಶಿ ಅವಲಂಬನೆಯಿಂದ ರಾಷ್ಟ್ರದ ವೈಫಲ್ಯದ ಅಪಾಯ ಹೆಚ್ಚಳ
- ಜಾಗತಿಕ ಶಾಂತಿಗಾಗಿ, “ನಾವು ಆತ್ಮನಿರ್ಭರರಾಗಬೇಕು”- ಪ್ರಧಾನಿ ನರೇಂದ್ರ ಮೋದಿ
- ರಾಷ್ಟ್ರೀಯ ಶಕ್ತಿ ಮತ್ತು ಜಾಗತಿಕ ಗೌರವವನ್ನು ಕಾಪಾಡಿಕೊಳ್ಳಲು ಸ್ವಾವಲಂಬನೆ ಅಗತ್ಯ (PM Modis big remark in bhavnagar rally)
Bhavnagar : ಒಂದು ರಾಷ್ಟ್ರವು ಇತರ ದೇಶಗಳ ಮೇಲೆ ಹೆಚ್ಚು ಅವಲಂಬಿತವಾದಷ್ಟೂ ಅದರ ವೈಫಲ್ಯದ ಅಪಾಯ ಹೆಚ್ಚಾಗುತ್ತದೆ. ಜಾಗತಿಕ ಶಾಂತಿಗಾಗಿ, “ನಾವು ಆತ್ಮನಿರ್ಭರರಾಗಬೇಕು”.
ಭಾರತದ ನಿಜವಾದ ಶತ್ರು ಇತರ ದೇಶಗಳ ಮೇಲಿನ ಅವಲಂಬನೆ, ರಾಷ್ಟ್ರೀಯ ಶಕ್ತಿ ಮತ್ತು ಜಾಗತಿಕ ಗೌರವವನ್ನು ಕಾಪಾಡಿಕೊಳ್ಳಲು ಸ್ವಾವಲಂಬನೆಯು ಅಗತ್ಯವೆಂದು
ಪ್ರದಾನಿ ನರೇಂದ್ರ ಮೋದಿ(PM Narendra Modi) ಭಾವನಗರದಲ್ಲಿ(Bhavnagar) ತಮ್ಮ ಸಾರ್ವಜನಿಕ ಭಾಷಣದಲ್ಲಿ ಹೇಳಿದ್ದಾರೆ.
ಗುಜರಾತ್‌ನಲ್ಲಿ(Gujarat) ಹಲವಾರು ಅಭಿವೃದ್ಧಿ ಯೋಜನೆಗಳಿಗೆ(development projects) ಶಂಕುಸ್ಥಾಪನೆ ನೆರವೇರಿಸಿದ ಪ್ರಧಾನಿ ನರೇಂದ್ರ ಮೋದಿ ದೇಶದ ಜನತೆಗೆ ಅತಿದೊಡ್ಡ ಕರೆ ನೀಡಿದ್ದಾರೆ.
ವಿದೇಶಿ ರಾಷ್ಟ್ರಗಳ(foreign countries) ಮೇಲಿನ ಹೆಚ್ಚಿನ ಅವಲಂಬನೆಯು ಭಾರತವನ್ನು ಹಿನ್ನಡೆಗಳಿಗೆ ಗುರಿಯಾಗಿಸುತ್ತದೆ ಆದ್ದರಿಂದ ಎಲ್ಲರೂ ಒಗ್ಗೂಡಬೇಕು, ನಮಗೆ ಜಗತ್ತಿನಲ್ಲಿ ಯಾವುದೇ ಪ್ರಮುಖ ಶತ್ರುವಿಲ್ಲ
ನಮ್ಮ ದೊಡ್ಡ ಶತ್ರು ಎಂದರೆ ಇತರ ದೇಶಗಳ ಮೇಲಿನ ನಮ್ಮ ಅವಲಂಬನೆ ಮಾತ್ರ. ನಾವೆಲ್ಲರು ಒಟ್ಟಾಗಿ ಭಾರತದ(India) ಈ ಶತ್ರುವಾದ ಅವಲಂಬನೆಯನ್ನು ಸೋಲಿಸಬೇಕು ಎಂದು ಕರೆನೀಡಿದರು.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್(Donald Trump) H-1B ವೀಸಾ ಅರ್ಜಿ ಶುಲ್ಕದಲ್ಲಿ ಬದಲಾವಣೆಯನ್ನು ಘೋಷಿಸಿದ ನಂತರ ಹಾಗೂ ಸುಂಕವನ್ನು ಹೆಚ್ಚಿಸಿದ ನಂತರ ಹೆಚ್ಚುತ್ತಿರುವ ಕಳವಳದ ನಡುವೆ,
1.4 ಶತಕೋಟಿ ದೇಶವಾಸಿಗಳ ಭವಿಷ್ಯವನ್ನು ನಾವು ವಿದೇಶಿಗರಿಗೆ ಬಿಡಲು ಸಾಧ್ಯವಿಲ್ಲ, ಭಾರತಕ್ಕೆ ಸ್ವಾವಲಂಬಿಯಾಗುವುದನ್ನು ಬಿಟ್ಟು ಬೇರೆ ದಾರಿಯಿಲ್ಲ.
ಅದು ಚಿಪ್ಸ್ ಆಗಿರಲಿ ಅಥವಾ ಹಡಗುಗಳಾಗಿರಲಿ ನಾವು ಅವುಗಳನ್ನು ಭಾರತದೊಳಗೆ ತಯಾರಿಸಬೇಕು. ಭಾರತದ ಭವಿಷ್ಯದ ಪೀಳಿಗೆಯನ್ನು ಪಣಕ್ಕಿಡಲು ಸಾಧ್ಯವಿಲ್ಲ ಹಾಗಾಗಿ
ನಮ್ಮ ದೇಶದ ನೂರು ದುಃಖಗಳಿಗೆ ಒಂದೇ ಒಂದು ಔಷಧಿಯೆಂದರೆ ಅದು ಸ್ವಾವಲಂಬಿ ಭಾರತ ಮಾತ್ರ ಎಂದು ಪ್ರದಾನಿ ಮೋದಿ ಹೇಳಿದರು.
ವಿರೋಧ ಪಕ್ಷಗಳನ್ನು ಗುರಿಯಾಗಿಸಿಕೊಂಡು ಮಾತನಾಡಿದ ಪ್ರಧಾನಿ ಮೋದಿ, ದೇಶದ ಹಡಗು ವಲಯವನ್ನು(Shipping sector) ಕಾಂಗ್ರೆಸ್ ದುರುಪಯೋಗಪಡಿಸಿಕೊಂಡಿದೆ ಭಾರತದಲ್ಲಿ ಹಡಗು ನಿರ್ಮಾಣದತ್ತ ಗಮನಹರಿಸುವ ಬದಲು,
ಅವರು ವಿದೇಶಿ ಹಡಗುಗಳಿಗೆ ಬಾಡಿಗೆ(Rent) ಪಾವತಿಸಲು ಆದ್ಯತೆ ನೀಡಿದರು. ಭಾರತದಲ್ಲಿ ಹಡಗು ನಿರ್ಮಾಣ ಪರಿಸರ ವ್ಯವಸ್ಥೆ ಕುಸಿದು ಬಿದ್ದಿತು.
ನಮ್ಮ ವ್ಯಾಪಾರದ 90% ರಷ್ಟು ವಿದೇಶಿ ಹಡಗುಗಳ(Foreign ships) ಮೇಲೆ ಅವಲಂಬಿತರಾಗಿದ್ದೇವೆ ಎಂದಿದ್ದಾರೆ.
ಭಾರತವು ಈಗ ವಿದೇಶಿ ಹಡಗು ಸೇವೆಗಳಿಗಾಗಿ ವಾರ್ಷಿಕವಾಗಿ ಸುಮಾರು 75 ಶತಕೋಟಿ ಡಾಲರ್ ಅಥವಾ ಸರಿಸುಮಾರು ₹ 6 ಲಕ್ಷ ಕೋಟಿ ಖರ್ಚು ಮಾಡುತ್ತದೆ,
ಪ್ರಪಂಚದಾದ್ಯಂತ ಸರಕುಗಳನ್ನು ಸಾಗಿಸಲು ಭಾರತವು ವಿದೇಶಿ ಸಂಸ್ಥೆಗಳಿಗೆ ವಾರ್ಷಿಕ ₹ 6 ಲಕ್ಷ ಕೋಟಿ ಪಾವತಿಸುತ್ತದೆ,
ಇದನ್ನು ಓದಿ : ಯುರೋಪಿಯನ್ ಯೂನಿಯನ್ ಎಚ್ಚರಿಕೆ: ರಷ್ಯಾ ಜೊತೆಗಿನ ಉತ್ತಮ ಬಾಂಧವ್ಯದಿಂದ ಭಾರತ–ಯುರೋಪ್ ವ್ಯಾಪಾರ ಒಪ್ಪಂದಕ್ಕೆ ಅಡ್ಡಿ
ಈ ಮೊತ್ತವು ನಮ್ಮ ರಕ್ಷಣಾ ಬಜೆಟ್‌ಗೆ(Defense budget) ಬಹುತೇಕ ಸಮಾನವಾಗಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. (PM Modis big remark in bhavnagar rally)
